Paano Isinasagawa ang mga Araw-Araw na Pagdarasal

Posted: May 25, 2005

“…subalit kung kayo ay ligtas sa panganib, isagawa ang Palagiang Pagdarasal: Dahil ang mga Dasal na ito ay ipinag-uutos sa mga naniniwala sa natatakdang mga oras.”

(Qur’an: Kabanata 4, Bersikulo 103)

Ubligado ang pagsagawa ng mga sumusunod na dasal limang beses araw-araw sa natatanging mga oras:

q  Salāt al-Fajr (Madaling araw na dasal), na binubuo ng dalawang yunit (bawat yunit ng dasal ay tinatawag na rak‘ah)

q  Salāt al-Zuhr (Tanghaling dasal) na may apat na yunit

q  Salāt al-‘Asr (Panghapong dasal) na may apat na yunit

q  Salāt al-Maghrib (Dapit-Hapong dasal) na may tatlong yunit

q  Salāt al-‘Ishā (Panggabing dasal) na may apat na yunit.

Ayon sa pangkat Shī‘ah Ja‘farī ng kaisipang Islamiko, napapaloob sa araw-araw na pagdarasal ang pagsasagawa ng itinatakdang hakbang nang nasa ayos (tartīb) at maayos ang pagkakasunod-sunod nang walang labis na pagkakaantala sa pagitan ng mga ito (muwālat). Dapat na isagawa muna ng tao ang panimulang paglilinis (ghusl, kung kinakailangan, o wudhū) at ganapin ang iba pang mga pangunang kailangan.

Paghahanda
Tumindig ng mabuti habang nakaharap sa Qiblah (direksiyon ng Mekka) at bigkasin ang adhān at iqāmah. Pakipuna na lahat ng mga binibigkas sa dasal ay nararapat na sa Arabe. Bagaman ang mga sumusunod ay halos katumbas na transliterasiyon para sa bawat binibigkas, pinakamainan na pagsikapang matutunan ang Arabeng letra at mga pagbigkas.

Niyyah: Buuin sa isipan ang sumusunod na kapita-pitagang hangad: “Isinasagawa ko ang ___ (pangalan ng tanging dasal) dasal na ito, na may ____ (dami ng yunit) rak`ah na may hangaring mapalapit sa Panginoon”.

Unang Rak`ah
Takbīratul-Ihrām: Itaas ang dalawang kamay hanggang tainga at sabihin:
Allāhu akbar
Ang Panginoon ay Dakila
Ang pangungusap na ito, ang Takbīr, ay maraming beses na mauulit sa loob ng dasal.

Qiyām: Manatiling nakatayo habang isinasagawa ang mga binibigkas sa susunod na hakbang, ang Qirā’ah.

Qirā’ah: Sa una, bigkasin ang unang Kabanata ng Banal na Qur’an, ang Sūrat al-Fātihah.

Bismillāhi’r-Rahmāni’r-Rahīm
Al-hamdu lillāhi rabbil-‘ālamīn
Ar-rahmānir-rahīm
Māliki yawmid-dīn
Iyyāka na‘budu wa iyyāka nasta‘īn
Ihdinas-sirāt al-mustaqīm
sirāt al-ladhīna an ‘amta ‘alayhim
ghayril-maghdūbi ‘alayhim
wa la’d-dāllīn

Sa Ngalan ng Allah, ang Mapagpala, ang Mahabagin
Ang lahat ng puri ay sa Allah, ang Panginoon ng sandaigdigan,ang Mapagpala, ang Mahabagin, Ang Hari ng Araw ng Paghuhukom;
Ikaw lamang ang aming sinasamba, at Ikaw lamang ang hinihingian namin ng tulong.
Patnubayan Mo kami sa wastong landas, ang landas ng mga Iyong pinagpala, at hindi ng nakatamo ng [Iyong] Poot, o ng mga naligaw sa wastong landas.

Pangalawa, basahin ang isa pang kompletong Kabanata ng Banal na Qur’an (pinili natin ang maikling kabanatang ika-112, ang Sūrat al-Ikhlās).

Bismillāhi’r-Rahmāni’r-Rahīm
Qul huwallāhu ahad
Allāhus samad
Lam yalid walam yūlad
Wa lam yakullāhu kufuwan ahad.

Sa Ngalan ng Allah, ang Mapagpala, ang Mahabagin
Sabihin: ‘Siya ang Allah, ang Nag-iisa,
Ang Panginoong Walang-Hanggan,
Hindi Siya Nanganganak at hindi ipinanganak, at wala Siyang kahambing.’

Rukū`: Pagkatapos basahin ang pangalawang kabanata, nararapat na bigkasin ng nananampalataya ang Takbīr (tingnan sa itaas) at yumuko hanggang sa ang mga kamay ay aabot sa mga tuhod. Ang sumusunod na dhikr (pagluwalhati) ay nararapat na mabigkas isang beses sa posisyong ito:

Subhāna rabbiy al-‘azīmi wa bihamdih
Ang Kaluwalhatian ay sa aking Panginoon, ang Dakila, at ang puri ay sa Kanya

Muling tumindig at bigkasin:

Sami`allāhu liman hamidah
Naririnig ng Panginoon ang sinumang pumupuri sa Kanya
Bigkasin ang Takbīr, pagkatapos ay isagawa ang Pagpatirapa (sujūd).

Sujūd ay nangangahulugan na nararapat na ilagay ng tao ang kanyang noo sa lupa sa natatanging paraan, na may layuning pangungumbaba sa Panginoon.

Habang isinasagawa ang sujūd, nararapat na ang dalawang mga palad at tuhod, at ang dalawang mga malaking daliri ng paa ay nakalatag sa lupa. Ang sumusunod na dhikr ay nararapat na mabasa sa sujūd ng isang beses:

Subhāna rabbiy al-a‘lā wa bihamdih
Ang Kaluwalhatian ay sa aking Panginoong Marangal, at ang puri ay sa Kanya

Pagkatapos ng unang sujūd, iangat ang noo at umupo nang paluhod habang ang bukungbukong ng kanang paa ay nasa talampakan ng kaliwang paa at ang mga kamay ay nakalagay sa ibabaw ng mga hita at bigkasin ang Takbīr, at opsyional na susundan ng:

Astaghfirullāha rabbī wa atūbu ilayh
Humihingi ako ng kapatawaran sa Allah, ang aking Panginoon, at bumabaling ako tungo sa Kanya

At susundan uli ng Takbīr. Ulitin uli ang sujūd at umupo nang paluhod at bigkasin ang Takbīr.

Umupo ng isang saglit at muling tumindig habang (opsiyonal) na sabihin:

Bihawlillāhi wa quwwatihi aqūmu wa aq‘ud
Sa pamamagitan ng tulong at kapangyarihan ng Panginoon ako ay tumatayo at umuupo

Pangalawang Rak`ah
Pagkatapos makatindig nang matuwid, basahin ang Sūrat al-Fātihah at isa pang Sūrah ng Banal na Qur’an tulad ng sa unang rak`ah. Pagkatapos, bigkasin ang Takbīr, at isagawa ang Qunūt.

Qunūt: Panatilihin ang iyong mga kamay sa harap ng iyong mukha habang ang mga palad ay nasa ibabaw, at panatilihing magkakalapit ang mga kamay at daliri. Basahin ang mga sumusunod:

Rabbanā ātinā fi’d-dunyā hasanatan wa fi’l-ākhirati hasanatan wa qinā ‘adhāb an-nār
O aming Panginoon! Ipagkaloob Mo nawa sa amin ang mabuti dito sa mundo at sa kabilang buhay, at iligtas nawa kami sa kaparusahan sa impiyerno
[Qur’an, kabanata 2, bersikulo 201]

[Paalaala: Ang Qunūt ay isang opsiyonal na bahagi ng pagdarasal]

Bigkasin ang Takbīr, pagkatapos isagawa ang rukū`, at ang dalawang sujūd, tulad ng inilarawan sa unang rak`ah.
 

Tashahhud : Pagkatapos ng pangalawang pagpapatirapa ipagpatuloy ang pagluhod, at bigkasin:

Ashhadu al lā ilāha illallāhu wahdahu lā sharīka lah,
wa ashhadu anna Muhammadan ‘abduhu wa rasūluh
Allāhumma sallī ‘alā Muhammadin wa Āli Muhammad

Sumasaksi ako na walang ibang bathala maliban kay Allah, na bukud-tangi at walang mga katambal.
Sumasaksi rin ako na si Muhammad ay Kanyang alipin at Propeta.
O Panginoon, pagpalain Mo nawa si Muhammad at ang Pamilya ni Muhammad.
Kung iyong isinasagawa ang dasal na Fajr (Madaling-Araw), pakilaktawan ang iba at magtungo sa bahaging pinamagatang Pagtatapos.

Kung iyong isinasagawa ang dasal na Zuhr (Tanghali), ‘Asr (Hapon), Maghrib (Dapit-hapon), o ‘Ishā (Panggabi), ipagpatuloy sa pamamagitan ng pagtayo para sa ikatlong yunit habang binibigkas ang Bihawlillāhi… ayon sa inilarawan sa katapusan ng bahaging Unang Rak`ah.

Ikatlong Rak`ah
At-Tasbihat al-Arba`ah: Pagkapos na makatayo ng mabuti, bigkasin ang Sūrat al-Fātihah, o di kaya ay ang at-Tasbihat al-Arba`ah ng 3 beses, tulad ng sumusunod:

Subhānallāhi wa’l hamdu lillāhi wa lā ilāha illallāhu wallāhu akbar
 

Ang kaluwalhatian ay sa Panginoon, at ang puri ay sa Panginoon;
walang ibang bathala maliban sa Allah, at ang Allah ay Dakila

Isagawa ang rukū`, tumindig sa isang saglit at pagkatapos ay isagawa ang dalawang sujūd. Ito ay ganap na inilarawan sa bahaging Unang Rak`ah. Kung iyong isinasagawa ang dasal na Maghrib (Dapit-Hapon), bigkasin ang Tashahhud pagkatapos. Pagkatapos nito laktawan ang iba at magtungo sa Pagtatapos.

Kung iyong isinasagawa ang dasal na Zuhr (Tanghali), ‘Asr (Hapon), or ‘Ishā (Gabi), ipagpatuloy sa pamamagitan ng pagtayo para sa ika-apat na rak‘ah habang binibigkas ang Bihawlillāhi… ayon sa inilarawan sa katapusan ng bahaging Unang Rak‘ah.

Ika-Apat na Rak`ah
Ito ay magkatulad sa ikatlong rak‘ah. Pagkatapos ng pangalawang pagpatirapa ipagpatuloy ang pag-upo, at bigkasin ang Tashahhud.

Pagtatapos
Pagkatapos bigkasin ang Tashahhud ng huling rak`ah, bigkasin ang Taslīm (Pagbati) na magbubuo ng iyong dasal:

Assalāmu ‘alayka ayyuhan-nabiyyu wa rahmatullāhi wa barakātuh
Assalāmu ‘alaynā wa ‘alā ‘ibādillāhis-sālihīn
Assalāmu ‘alaykum wa rahmatullāhi wa barakātuh

Sumaiyo nawa, O Propeta, ang kapayapaan, habag at pagpala ng Panginoon.
Suma atin at mga tapat na alipin ng Panginoon nawa ang kapayapaan.
Sumainyo nawang [lahat] ang kapayapaan, habag at pagpala ng Panginoon.
Pagkatapos (opsiyonal na) bigkasin ang Takbīr tatlong beses.

Para sa karagdagang kalaman hinggil sa mga aspetong rituwal at esprituwal ng mga Araw-Araw na Pagdarasal, dumalaw sa:

http://al-islam.org/faq/