|
Unsa ang mga Pahayag sa mga dili Muslim tungod
sa Islam ang Pinakamatulin nga Miuswag nga
Relihiyon sa Kalibutan
Posted: October 1,
2001
“Sila nga maminaw sa Pulong, sila ang adunay
giya sa Dios, og sila and mga tawong adunay
pagsabot.”
(Qur’an
39:18)
Kini mao ang tinigom nga mga mugbong pahayag nga
kinutlo gikan sa nagkadaiyang mga inilang tawo
nga dili Muslim, lakip na ang mga makinaadmanon,
tagsulat, batid sa pilosopiya, magbabalak,
politiko og aktibista nga gikan sa kanasuran sa
Sidlakan og Kasadpang dapit sa kalibutan. Sa
among pagkahibalo, walay bisan usa kanila ang
nahimong Muslim. Nan, kaning mga pulong ila
gayod nga kaugalingong panghunahuna bahin sa
relihiyong Islam.
Bertrand Russell
(1872-1970)
Taga-Britanya nga batid sa
Pilosopiya, Matematika, og nakadawat sa ganti
nga Nobel, kansang pagklaro mahitungod sa
pagsuta gamit ang lohika dako kaayog
impluwensiya sa lakat sa pilosopiya sa ika 20-
siglo.
q
“Ang
atong paggamit sa hugpong sa mga pulong ‘ang
Mangitngit nga Panahon’ nga nasulod sa
katuigang 699 taman sa 1,000 nagpakita sa atong
sobra nga paghatag og bili sa Kasadpang bahin
sa Europa…Gikan sa India ngadto sa Espanya, ang
masilakon nga sibilisasyon sa Islam milambo.
Kung unsa ang nawala sa hugpong Kristiyanismo
niining panahuna wala nawagtang sa sibilisasyon
kundili taliwas niini…Alang kanato mura ba og
ang sibilisasyon sa Kasadpang dapit sa Europa
mao lang ang matood nga sibilisasyon, pero usa
kini ka kitid nga panglantaw.”
[History
of Western Philosophy, London, 1948, p. 419]
¬
¬
¬
¬
¬
Hamilton Alexander Roskeen Gibb
(1895-1971)
Usa ka nag-unang makinaadmanong
oryentalista sa iyang panahon.
q
“Apan
ang Islam aduna pay dugang nga pag-alagad ngadto
sa katuyuan sa katawhan. Sa ato pa, ang
gibarogan niini mas duol sa tinood nga Sidlakan
kaysa Europa, og kini adunay dalaygon nga
tradisyon sa pagsinabtanay og pagtinabangay sa
nagkalain-laing kaliwatan. Walay lain nga
katilingban nga adunay talaan sa malampusong
paghiusa pinaagi sa patas nga kahimtang, sa
kahigayonan, og sa mga paningkamot sa
nagkadaiyang kaliwatan sa katawhan..Naa gihapon
sa Islam ang gahom sa pagpakig-uli sa daw dili
na magkasabot nga mga elemento sa kaliwatan og
tradisyon. Kung ugaling ang pag-inatbangay sa
dagkong katilingban sa Sidlakan og Kasadpan
sayloan sa pagtinabangay, nan ang pagpataliwala
sa Islam gikinahanglan gayod nga kondisyon. Sa
mga kamot niini nahimutang ang tubag gayod sa
problema nga gisagubang sa Europa kabahin sa
relasyon niini sa Sidlakan.”
[Whither
Islam, London, 1932, p. 379.]
q
“Nga
ang iyang (Muhammad) reporma nakatabang og dako
sa kinatibuk-ang kahimtang sa kababayen-an giangkon
sa tibuok kalibutan.”
[Mohammedanism,
London, 1953, p. 33]
¬
¬
¬
¬
¬
James A. Michener
(1907-1997)
Nag-unang Amerikanong tagsulat,
nakadawat og honoradong doctorado sa lima ka nakalaing-laing
larang gikan sa trenta ka nag-unang Unibersidad
og gihatagan siyag Pangpangulong Medalyon sa
Kagawasan, ang pinakalabawng ganti nga madawat
sa usa ka sibilyan sa America.
q
“Wala
nay laing relihiyon nga mikaylap pag-ayo sama
sa Islam. Ang mga nasod sa kasadpan nagtoo gayod
nga ang pag-uswag niining relihiyona nagggumikan
sa pagpamugos gamit ang espada. Apan walay
iskolar sa kasamtangang panahon ang makadawat
niini nga ideya, og tataw kaayo sa Qur’an ang
pagpaluyo mahitungod sa kagawasan sa konsensya.”
[Islam
- The Misunderstood Religion, Readers’
Digest (Edisyon sa Amerika) Mayo 1955]
¬
¬
¬
¬
¬
Edward Gibbon
(1737-1794)
Ginabantog nga pinakalabaw nga
tagsulatt sa kasaysayan nga taga-Britanya sa
iyang panahon.
q
“‘Mitoo
ako sa usa ka Dios og si Mohammed ang Apostol sa
Dios’, mao ang yano og dili mausab nga
pagpahayag sa pagtoo sa Islam. Ang pagpasabot
sa hulagway sa Dios wala gayod gipasipalaan
pinaagi sa unsa mang matang sa dios-dios; ang
pagpasidungog sa propeta wala gayod molapas sa
sumbanan sa tawhanong pagkamatarong, og ang iyang
kasugoan sa kinabuhi wala gayod dugangi agig
pasalamat sa iyang mga disipulo diha sa
limitasyon sa rason og relihiyon.”
[History
of the Saracen Empire, London, 1870, p. 54]
q
“Mas
lunsay pa sa sistema ni Zoroaster, mas tunhay pa
sa balaod ni Moises, ang relihiyon ni Mahomet
murag dili sukwahi sa rason kaysa mga
katingalahang toloohan og bakak nga tinoohan sa
ika pitong siglo, nga maoy nagdaot sa kasarangan
sa mga ebanghelyo.”
[The
History of the Decline and Fall of the Roman
Empire, tomo 5, p. 487]
¬
¬
¬
¬
¬
Jared Diamond
Propesor sa Pisyolohiya sa
Kolehiya og Medisina sa UCLA; nadawat og Ganti
nga Pulitzer para sa Kinatibuk-ang Kamatuoran
sa tuig 1998.
q
“Ang
Islam sa katuigang Medieval milambo sa larang
sa teknolohiya og abli sa kabag-ohan. Naabot
niini ang mas taas nga ang-ang sa kahibalo kaysa
kasamtangang panahon sa Europa; giipon niini ang
legasiya sa karaang Griyegong sibilisasyon diin
daghan sa mga karaang libro nga atong nahibaloan
karon naggikan lamang sa mga kopya sa Arabo. Nag
imbento sila og mulino, triginometriya,
trianggulong layag og nakab-ot ang dagko nga
pag-uswag sa metalurhiya, pangmakina og kimikong
pangmugna og matang sa patubig. Diha sa
tunga-tungang katuigan ang halapad nga dagan sa
teknolohiya naggumikan sa Islam ngadto sa Europa
kaysa gikan sa Europa ngadto sa Islam. Kaniadto
lamang 1500’s ang kinatibuk-ang direksiyon sa
dagan nisugod pagbalit-ad.”
[Guns,
Germs, and Steel - The Fates of Human Societies,
1997, p. 253]
¬
¬
¬
¬
¬
Annie Besant
(1847-1933)
Teosopista og nasyonalistang
lider nga taga-Britanya sa India. Pangulo sa
Kongresong Nasyonalista sa India sa tuig 1917.
q
“Ako
sa kanunay nagtoo nga ang babaye mas adunay
kagawasan sa Islam kaysa sa Kristiyanismo. Ang
babaye mas ginapanalipdan sa Islam kaysa sa
tinoohan nga nagsangyaw og usa lamang ka asawa.
Sa al-Qur’an, ang balaod alang sa kababayen-an
mas adunay hustisya og kagawasan. Diha lamang sa
kataposang biente ka tuig sa Kristianong
Englatera giila ang katungod sa babaye nga
makapanag-iya og kabtangan, apan ang Islam
nagtugot na niini nga katungod sa tanang panahon”
[The
Life and Teachings of Muhammad, Madras,
1932, pp. 25-26]
¬
¬
¬
¬
¬
Sarojini Naidu
(1879-1949)
Usa ka manunulat, magbabalak, og
usa sa mga bantog nga mamumuno sa India sa
wala pa naangkon ang kagawasan. Pangulo sa
Kongresong Nasyonal sa India og primerong
gobernadora sa gawasnong India.
q
“Ang
pagpasabot sa hustisya maoy usa ka halangdonong
panglantaw sa Islam tungod kay sa dihang
basahon nako ang Qur’an makita ko gayod ang
tunhay nga prinsipyo sa kinabuhi, dili
kahibulongan apan praktikal nga pamalaod para sa
adlaw-adlaw nga pangandak sa kinabuhi nga
angayan sa tibook kalibutan.”
q
“Mao
kini ang unang relihiyon nga nagsangyaw og
nagbuhat sa demokrasya, kay sa sulod sa moske sa
dihang magtawag na sa pag-ampo og magtapok na
ang mga nagsimba, ang demokrasya sa Islam makita
sa lima ka beses matag adlaw diin ang kabos og
ang hari mangluhod nga magtapad og mosulti “Ang
Dios ang Labaw”. Nagbalik-balik ang akong
katingala mahitungod niining dili mabuwag nga
pagkahiusa sa Islam nga makahimo sa kinaiyang
pagbati sa usa ka tawo nga igsoon.”
[Mga
pagpamulong bahin sa
“Ang mga Mithiin ng Islam”;
basahin ang Speeches and Writings of Sarojini
Naidu, Madras, 1918, pp. 167-9]
¬
¬
¬
¬
¬
Arnold J. Toynbee
(1889-1975)
Tagsulat sa kasaysayan nga
taga-Britanya, Tigpamulong sa Unibersidad sa
Oxford.
q
“Ang
pagkawagtang sa pag-kamenos sa laing kaliwatan
sa matag Muslim usa sa dakong nakab-ot sa Islam,
og ang mga panghitabo sa kasamtangang panahon
adunay panginalanghanon sa pagpadayag sa kamaayo
sa Islam.”
[Civilization
on Trial, New York, 1948, p. 205]
¬
¬
¬
¬
¬
William Montgomery Watt
(1909- )
Propesor (Emerito) sa Arabik og
Pagtulon-ang Islam sa Unibersidad sa Edinburgh.
q
“Dili
ako Muslim sa ordinaryong pagsabot apan naglaom
ako nga “Muslim” isip “usa ka tawo nga miyukbo
sa Dios” pero nagtoo ako nga anaa sa Qur’an og
sa laing pagpadayag sa panglantawng Islamiko ang
daghan tinigom mahitungod sa kamatuoran sa Dios
diin ako og uban pang tawo sa Kasadpang dapit sa
kalibutan daghan pang mahibaloan og ang Islam
gayod ang lig-ong pilianan nga maghatag og mga
sumbanan sa usa ka relihiyon sa umaabot nga
panahon.”
[Islam
and Christianity Today, London, 1983, p.
ix]
Alang sa dugang kasayoran mahitungod sa
relihiyong Islam, mahimong mobisita:
http://al-islam.org/faq/
| 
