Владимир Илиевски е роден 1970 година во Скопје. Дипломирал на Филолошкиот факултет во Скопје на групата Општа и компаративна книжевност. Моментно е магистрант на истиот факултет. Го истражува феноменот на интертекстуалните контакти и влијанија и објавува критички и теориски текстови во повеќе македонски литературни списанија.

Досега ги има објавено поетските книги: Гледач на линија (1997), Избор и случајности (2000) и Мојата лична амортизација (2002). Дел од неговата поезија е преведена и објавена на хрватски, бугарски, англиски и италијански јазик. Живее и работи во Скопје.