Ѕвони
Поштарот е побрз од
звукот на ѕвончето
Обвиен во ангелска наметка
секој ден носи
по една страница
од Новиот Завет
Над листот
го креирам театарот
(нема ништо освен воздух)
а јас го играм воздухот
Влегувам во утробите
на гледачите
им ги предвидувам соновите
два часа однапред
99 насто од луѓето
си прилепуваат крилја
а штом ги отворат очите
посегаат по чаша вода
и лажиче шеќер.

Не можам

Паѓа дожд
Лежам со смрзнат поглед
во таванот

Чајникот дава знак дека гори
Шаховски фигури паѓаат
под креветот
Добивам понуда на мојот E-mail
Рерната убива уште една птица
Сосетката доаѓа да водиме љубов
Нејзиниот маж на партија шах

Но не можам
навистина не можам

Паѓа дожд
а мајка ми вреска
како сум можел
креветот да го изнесам надвор.

Тој сe уште го бара семкарот

Татко ми ме носеше на фудбал
а јас одев заради семките
Татко ми го носеше весникот за седење
а јас за дорешување начнати крстозбори
Татко ми стануваше во мигот
кога сите ќе станат
а јас кога ќе го здогледав семкарот

Беше тишина на стадионот
Присутните зјапаа во мене
кога ги грицкав семките
(главниот судија гризна од свирката)

Му се лутам на татко ми
што ме остави сам.

7

Вршев прељуба
Само кому
И двете ги љубев.