Amasain Zomi laizomte Jesu Kris min manpha toh chibai kongbuuk masa hi.Iiitna nasep tampi toh nong huhna te uh hangin apaisa kum 2002-2003 sunga Delhi AIIMS hospital a ka lawmnu heart operation bawllai a thumna tampi toh nong huhna hangun sepding teng zouin innlam hong chiah thei in, tuni chiang dong dama Toupa phatkhawm theia ka om manun Pasian tung leh Noute tungah ka lungdamthu uh kongthon ahi.

Pasian hehpihna toh Zomi lakah khanlohna te mi tuamtuam zangin Toupan I mi-isa lak hongveh a, TOUPA HOIH HI Chih la phuakpa Mr.David Kham Yangoon Myanmar a om toh January/February 2004 sung ki muhpatna kithuahna ka nei ua, tua sungah TOUPA HOIH HI chih casseth abawl mohpuakna hong guan a, tua toh kisai in hehpihna leh khat le khat kithapiak tuahna leh mapan khawmni. New Delhi/Old Delhi a om tengin nong leisak diingun ka hong khak hi.

Na ngaihtungin hoihna sa pah kholkei diing hi.Ahi zongin limtak ngaih kikkik leuchin na lungsim hong lawng khadia hoih nasa khonung ding uhi.Casseth khat ah Rs 60/- alabu copy 1 Rs 5/- ahi diing.

Ka hawmthoh uh leh ka iit luat uh ka ta uh/ka sanggam pa uh Mr.Joseph Thianlalmuan Guite theihkhollouh a, 22/5/04 ni a hon beisan phutna tunga U le Nau, nulepa, lawmle vual, gam la leh nai apan lamdang sakna leh thuakpihna toh sum lepai, tha lezung tampi senga na hun manpha taktak te uh taisan a, ka dahna uh hong dahpih a, ka gimthuakna uh hong thuakpih a, hong uaptu tengteng banah Innlam leh damdawi Inn a, aluang hong buaipih tute, Inn a hong zanhahpih nungak,tangval, Saptuamte, YPA leh SSPP te,Video honlak sak tute,Telephone tungtawn a sunpih na hon houpihte, a u te staff leh Joseph kaina Institute a staff te,kilawmtaka dated 24/05/04 a Delhi Cannt.Cemetery ahon vuikhiaksak Saptuam(Church of Christ) Delhi leh mimalmal Cemetery ahong paikhawmte, noute tengteng mimalmal tunga kipahthu hon gensenglou ka hihman un hiai I news SIAMSIN BULLETIN in na vekua tungah kipahthu/lungdamthu ka hon tun uhi.

Ka tungua na hoihna te uh ziakin Toupa�n a leh tampi in noute hon vualzawl leh chih ka hon thumsak na uh ahi.I Biak Pathian in A khamuanna in hon ompih tawntung ta hen aw.

Anu la: KA VON ZOUZAM HOM IN TAN ING.DUANGVUAK SAWL BANG HEI ING E�

Ka it mahmah uh, Tunsuanlian Naulak s/o Upa N.Thangzalian HQ Veng, in April ni 7, 2004 niin honna sihsan hi, SAHARA/Michael�s Care Home(MCH) ah.

N.Tunsuanlian adamlouh matham, adamlouh kipat apat, asihni, leh anung tanpha a, kou a inkuan te chitlouhnate lang sak hetlo a, tawl leh gim, sum & pai sen pawisalo hiala, honna huh leh buapih gige kuapeuh, adiak in SAHARA/MCH te, banah milip hon sunpih teng navek ua tung uah kipah thu I bulletin tungtawnin kahon gen uhi.

Noute hoihna/chitna, I Toupa�n aleh tamzaw semin hon vualjawl hen chih kathumna uh ahi hi.

April 22, 2004 in honna beisan guih ka Pa it DAVID MUNGPU sunna hunka nu neute tenna CR Park ah Pastor Tunson makaihin kinei hi. Tanchin ana zakha nulepa leh lawmle vual tamtak nongpai khawm kia uh hilou in thu le la nong gen leh sakte uh lusun leh hamhaih a om koute adin khamuanna leh tawldamna hon petu ahi uhi. Tua ni ahong hoh kha theilouten zong lainatna lianpi toh anung in nong delhlaiua; thamlou in, na omna tek uah nong thumsak lai uh chih ka phawk uhi.

Na thilhih hoihte hangun Toupa'n hon vualzawl chiat hen aw.

SSPP Delhi in a suahkhiak SIAMSIN BULLETIN ngainatute banah, kiphaltaka hon sponsored sakte tungah kipahthu ka hongen uhi.Hibang kalah, mi sponsore a va kingak ringot peen hideuhlou ahih na ah, news lakman leeng hituanlou in news suahna diingin panpihna hon kidon sawma, hehpihtakin ana pesiausiau diingin ikingen hi.

Student te Inn 1 ah : Rs 15 leh Sepna neite Innkhat ah : Rs 30/- jel in.

Note: News ana sponsored khate hon kidong lou diing hi.

Publication Board, SSPP Joint Headquaters Delhi.