Delhi khopi ah I tam hiaihiai a, I tam beh seemseem lai ding hi.Bangziak hiam chi a ki dot chi leng hinawnlou bang sim hi.I tenna state in siamsinna leh neekletak kiching honpezoulou chih suallam a paikhia ki hivektang pi hi.

Delhi a maban sunzom dia hongkuan te I na vaitun a, maban hongloh chintouh zel uh ideih sak hi. Huchi kawmkawm in, bang hih dia hongpai ka hiam? Chih aki mangilh du pen ilauh pih mahmah hi.Hihtheih theih hi di, chih leh adangdang a tup guhna aneih pen uh ikipahpih a, ahih ziakin bang pentak ahia SEPDI/ZIL DI chih a chiang kilkelsa a hongpai te peen thil ahih na lamlam uah lohchin baih bang kholdiak hi.

Sihle man, nopni manni a zat theih di Innlam mah bangin heutu leh pawlpi inei ta, khotang ah hitaleh saptuam vai ah hitaleh! Huaiziakin, abiiktakin fresher te�n Guardian ineih ngeingei a, iki thuzakpih jelpen pilhuai mahmah ding hi. Biakna toh kisai a I omna diing saptuam a minkhumna(registration)bawlngeingei ding ahi. Kumteng a mi kibehlap kitam deuhdeuh ahih ziakin Biakinn a aki mu ngeiteng mah ki mu luakluak gige chih bangleng a omsa te adia nin huai thousam ahih banah I saptuam makaite adia lungkhamna suakthei gige ahi chih neuhneuh te khong Delhi a Maban sunzom dia pilvangtak ahongkuan te adia theihtuak phetle hilou zuih ngeingei ding te ahi.

Proverb in �Nga in a tam sihpih a mihing in atam hinpih� ana chi a, huai ziakin I hing ngei dia, ahihziakin LOHCHING HINKHUA in ihing hiam chih iki ngaihtuah diing ahi. Tamsemsem leng nuam hi.

�Ka study table mai ah AIM: Rank 1-10 chih ka taak� - T.Ginvanglian
Siamsin Bulletin Editorial Board in Manipur Pumpi a Class XII a Science Stream a TOP 8 apang T.Ginvanglian S/o Pastor T.Lalzagin HOULIMPIHNA Esther Communication Munirka ah va neihpih hi.Kihouna te lakah tamlou itaklangh ding.

SB:Nikhat in laisimna diin dakkal bang zah hunna pia a?Season kipat tung a simpah maw ahih kaleh Exam dek chia simpan.?
TGVL:A tangpi in dakkal 6 apan 8 tan khawng ka sim.Holiday chiangin dak 16 tankhawng.Season akipat a simpah charchar mai.

SB: News/Magazine ahih ka leh out text bangbang na sim a?
TGVL:Junior Science Refresher khatengin ka subscribe gige.M.L.Khanna a Maths text book ka enzel.Huan,CBSE Subjects le ka simjel jel hi.

SB:Tuition na laa hia?Lak phatuam hi�n na thei hia?
TGVL:Tuition ka la kha 3.Tuition a ilak te revise I bawl gige leh phatuam mahmah hin ka thei hi.

SB: Maban bang chih na sawma?
TGVL:BTech jil ka sawm hi.

SB: Na Aims in Life leh na hobby non genthei diam?
TGVL:Engineer ahi.Ka hobby maw, Football, poetry gelh, music chihte khawng ahi.

SB: High School/Higher.Sec. na kaitanin na favourite teacher na hongen theidiam?
TGVL:Ka �PA� ka fovourite teacher ahi gige.Banah, ka Maths teacher te chu ka favourite chihphet louh ka lawm hoihpen ahi gige uhi.

SB:Quatation hoih na sak mahmah khat na hon quote thei zual diam?
TGVL:IF YOU THINK YOU CAN;THEN YOU CAN

SB: Na siamsinpih tua Class X leh XII hong exam pah diingte bang advice na pe nuam a?
TGVL:Tupna kichiantak neih a huai muh na dia hard work in a zuih poimoh hin ka thei.Dream sangtak neih di ahi. Top ten chih khawng midang aa dia bawl hituan lou ahi.

SB: Lai na sim chiangin nang le nang bangchiin na ki motivate jel a?
TGVL:Laisim dekchiangin Bible ka sim gige. Ka study table mai ah AIM: Rank 1-10 chih ka taak.

Mitampiten neihleh neihlouh genlou a, maban khosak nang ngaihtuahna hanga izot pipen uh Delhi ahi.Delhi a I society in munkhenkhat abiiktakin Lamka leh asehvel tanpha ah minsiatna te va tun kha zeuhzeuh mahleh kumtengin Freshers 70-100 kikal tung tou thei gige hi.Huchi ahihleh Delhi munsia hilou in mite adia muantham leh kingakna ching ana hi zaw diam??? A biiktakin India khopi sung a dinga eimi siamsinte om tamna pen Delhi ahi chih ithei. Tuni in alungkiak huaina chauh gengen ni chileng KUA KHAPI(Moon) AH IKAL NGEI MAHMAH DIA??Laloo Prasad Yadav in �Sengsung a hai (Mango)kikoih khawmte laka leng a sia om thei mah hi� ana chi hi. Huchi kawmkawm in i masawnna leh Pathian vulazawlna I mangilh khak diing lauhhuai hizaw hi.

Imi-isate laka sepna muthak tamna peen Delhi ahi a, tuni dongin kitatsatlou in Delhi a siamsin omlel leh Delhi product te sepna mu khateng phialin omden sim hi.Mikhenkhat laisim dingleh sepding himhim donlou a, a omlai in mi khenkhatte laibu toh kisutuah den leng ahun khop om veve hi.

Huan, kum 1/2 hongpai zek leh line tuamtuam a iki kapkhiakna gah lohpahtheih ding bangzah hiamten le honngak lai hi.India adia sinna sangpen leh minthang mahmah JNU,IIT,School of Planning and Architecture,MBBS/BDS sinlel banah professional course tuamtuam sinlel hunkhop hongpallun lai ding hi.Hibangkal ah Civil service tuptinten na ziaka DU nuai a Rank la zou mibangzah hiam ki om veve. Ikhanlohna mahmah nawnkhat Govt.sepna chauh chilou a MNC leh Pvt.Sector a sepna ngah leng ahunkhop ki omta in ki ombeh jellai ding bang hi.

A semsa officer hunkhop tak leh line tuamtuam ahon guide thei ding mi kiching inei ta!Huan,tulai kitaitehna tuamtuam Gari/Car, Flat, Mobile leh adangdang nei ipung tultul mai.Hibangkal ah nidang a innlam chauh apan sum hongluut gige pen tuun Innlam a khateng a thon thei mibangzah hiam ki om ta.

Huaiziakin, machiangsuan hang I chihkawmkawm in sinlaite�n thathak lani.I Nu-le-Pate�n Mission compound khua I minam suangkhetu achih hialkhop bangun, Delhi leng khangthakten MUNPOIMOH honchihtheih na ding un pan ila diing uh.

Chin National Front (CNF)General Headquaters: Camp Victora kichi mun ah apaisa April 7-10 sung Chin Consensus Building Conference om a, lohchingtakin zouta uhi.

Thutut kingahdan in, hiai khawmpi lian ah Chin National Leaque for Democracy (CNLD), Zomi National Congress(ZNC) Mara People Party (MPP) leh Chin National Front (CNF) apan leh nam tuamtuam philanthropic Orgn. apan palai kigawm mi 100 paikhawm uhi.

Hiai khawmpi ah USA apan Dr.Vumson,Canada apan Lian H.Sakhong,Thailand apan Dr.UiKhar leh United Nations nuai a ka hiang khat Asian Indigenous People�s Pact a Secretary General Miss Janie Lasimbang,UN Human Rights apalai Mr.Victor; Delhi apan Dr. Pa Chin banah Lamka pan ZRO phalna toh Mr.Zokhup makaih mi 5 vatel uhi.

Hiai Khawmpi thukimna bangin Myanmar tungthu a simlei vai leh kipumkhatna ding tupna in CNF, CNLD, MPP leh ZNC makaih in April 10 in Political Affairs Committee of Chinland kichi pawlpi khat dinkhia uhi.

PACC in Burma gamsung ah galvantawi leh MP neite Political Party te deidan omlou a member dingin lalut ding chih ahi.