Mail us at: [email protected]

Siamsinpawlpi Moto: Sinin, Semin, Junin.

Today:

Any comments for the Webmaster ?

INNLAM LATEST

(Vol X Issue No 42 Pathianni 18th July 2004)

Innlam Bouruak: Tulai innlam bouruak gikmahmah! Talpak helpawlte I khopi ah chegawp petmah in janteng phialin thaukap uh.Zanhal a kikaptuahna om ah, Pa K.Ngulkhanthang Chapel lane maruti car leng kapsiat khak in om. Huan,Th.Manorama sihna toh kisai in Meitei gamteng 144 CRPC puanin om a, talpak numei tamkhop in vuaktang siang sitset in AR Kangla ah kiphinna vanei uh.Hibangkal ah, Zan kiginni in talpak meltheihlouh ten Lamka khopi hiai thuziak mahin Bandh sawmin Dawr teng khaksak dia kisalai mipin delh zaak in DC/Ccpur in Curfew puangzui ngal.Lamka ah Bandh omlou ahihthu CDSU makaiten MIKE in lampi dungah puangzui bok uh. Zingchiang nitaklam dak 2:00 pm in ITLC makaite leh Govt.official te SP Office ah meeting neiding uhi.

Manipur Minister:Manipur a Ibobi Govt.Minister 35 vel omlai,downsizing abawltoh kiton in tun Minister 12 chauh omta.Tua ah Pu T.Phungzathang Minister(Power)chauh CCPur Dist. ai oh in tel kha hi. Student tamkhop tang: Manipur a curfew om, Nagaland Bandh, Mao ah landslides om, Gwahati ah tuilian chihte ziakin student summer suty zanga innlam pai tamtak innlam ah taang lel uh chihthu kiza.

(Vol X Issue No 40 Pathianni 20th June 2004)

NOS apan lohchingten Council of Higher Sec.Edn.(CHSEM) apan equivalent certificate la in aban sunzom thei diing uh chiin Manipur University Academic Council in thusuah hi.( Ama in NOS a passed te BSEM in class XI in admit nuamlou hi.)

Mr.Ngulkhanthang Paite, AO (Hort&Soil cons.)Ccpur,district Officer(DO)incharge lendiingin kaisang.

Dr.Thang Khan Piang Hatzaw @ Dr.T.Hatzaw in June 11,2004 akipan in CCPur Dist. Hospital ah Medical Suptd.hihna laa hi.Dr Thangminlian Shoute in leng Dy.Suptd lenta hi.

(Vol X Issue No 38 Pathianni 23rd May 2004)

NAM MAKAI POIMOH PU N. GOUZAGIN EX-MP MUALLIAM.
SSPP GENERAL HEADQUARTER IN PAWLPI PUANLAP HALF
MAST A KHAI IN A SUNNA NEI UH

Nam makai poimoh leh Manipur singtang mite lak a minthang pente lak-a khat banah MP (Lok Sabha) member tanpha ana hingei Pu N. Gouzagin (74) s/o Enpum Naulak of Bungmual, Lamlian veng zunkhum natna ziak a RIMS a ki enkol sak ding a kuan in, lamet louh dan takin apaisa May 11,2004 (Sepnawnni) nitaklam dak 5:00 vel in honna beisanta. Pu Gin ahihleh kum 1930 in Bungpilon khua ah piang a, huai nung 1947 kum in Hanship ah nekzonna nuamzaw zonna in peem uhi.Huai mun a bangtan hiam a khosak nung un 1966 kum in Bungmual ah peemlut nawn uhi.

Nekzonna toh kisai a Govt. a sepna 1954 March apan 1967 January sung Compounder, LDC leh UDC asep nung in kitawp in, politics ah hiai kum mah in lut a, Paite National Council sponsored in a political carrer masapen kipatna ding in MP (Lok Sabha) ah independent can-didate in tuh hi. Himahleh hiai kum in lohsam hi.

A carreer ah lohching tou zel in 1980 kum in Outer Manipur Constituency apan MP (Lok Sabha) Member in Congress (I) ticket in telching in om hi. MP a apan hun sungin AIR, Imphal Station ah Paite leh Hmar programme ana guanglut hi.

Pu Gin in Siamsinna a ngaih poimoh ban ah social service ah naktak a kizang mi ahi. Paite nam sung a sinlaite kimakaihna SSPP Gen. Hqtrs. ah President hun sawttak alet banah, Life Member leng ahi hi. Aman tuailaite kepbitna ah awl mohtakin pan ana latou gige a, abiktakin, kimawlna lama masawnna ding angimna in CCPur Dist. Sports Assn. (CDSA) ana puahpha in huai pawlpi President hun sawttak ana len hi.

OUTER MANIPUR MP: Outer Manipur MP diing kitelna om ah Mr.Chareima IFS former DFO Tamenglong Independent Candidate telchingin om. Eilawi support pa chingzou kei zel veh aw.

KAPLUP IN OM: Meltheihlouh pawlkhatin zanzek mahmah in Mr.Thanglianmang of Chiengkonpang Kaplum uh.

MISI THEICHIAN: Manipur leh Mzr.gamgi Tuivai Luiah apaisa April 23 in tui in a taih siluang Sinjawl mipin la ua,a vui uh misi pen a khonungin theihchian hita.Misi bel Mr.SIAMHNUN of Vaikhotlang Mzr ahi.Misi innkuanten May khabul in theichian pan uhi.

PAUBIAKTHANG:Mr Paubiakthang(23)s/o Upa L.Ginza kham, Bethelveng, N.Lamka migilou ten April 26 nitak a Tuibuang forest gate a a vuaklup na utoh kisai in CDSU,ZSF ten kiphinna nei in tualthat te mankhe diingin ngen ua, SP Panlakna hangin Tualthattu mi 3 te lakah 2 matkhiak in om ngal.

UNAU 2 TUIKIA: Mr Lalbialiana@ Naupa (13)s/o F.Suaklianzuala of fanai colony Tedim Road leh anau pa April 30 sunin Tuitha lui ah kia uh a, a upeen in anaupa peen a hutkhiak sawmna lamah tuikawm metre 30 vel apan sisa in pholhsuah in om.Anaupa peen hutkhiak manin om hi.Amau AG school ah Class VI simtuak ahi uhi.

Rs 1.43 LACS MUKHEZOU: DTO/Ccpur thusuak dungzui in April khasung chauh in Transport a TAX tuamtuam kigawm Rs 1.43 lacs kaikhawm uhi.Tulel in DTO ah motor 5744 minkhum lak ah pei 2 nei 3723,pei 3 nei 474,trucks 335,Bus 71,Jeep 369,Car 772 ahi.

MP DIN TELCHING: Pu HT.SANGLIAN IPS(Rtd)North Bangalore apan BJP ticket in telchingin om.Aman aki khinpih pa Vote 30458 in zou hi.