| Eugene van Rooyen 1981 - 2005 |
| Hierdie bladsy word opgedra aan my beste vriend van 18 jaar wat geskiet is op die 30ste April 2005 en in die hospitaal oorlede is op die 10de Mei 2005. Ek mis jou baie... |
 |
| Ek mis jou... Die nag kleur grys En die dag breek aan Die windjie waai En ek hoor jou naam Langsaam kom ek by Ek mis jou Mis jy my? Die daglig skreeu Elke woord verdoof 'n Werwelstorm Raas in my hoof Tog is jy stil Hier langsaan my Mis ek jou steeds Mis jy my? In 'n droom Staan jy langs my En in 'n ander Is ek aan jou sy Ek mis jou Mis jy my? 'n Nuwe dag Ek is maar stom Ek sit en wag Tot niemand kom Sit steeds en wag Maar niemand kom Ek mis jou... |
| Ek het jou nie vergeet nie Jy was nie net 'n vriend nie Soms meer ook as 'n broer Dit is dan seker daarom Jy so in my gedagtes boer Eensaamheid is moeilik Ek mis jou elke dag Jou stem is nog so duidelik Hoor jou elke dag nog lag Jy bly steeds leef hier in my En sal nooit regtig sterf Want als jy wat jy gedoen het Het ek vir ewigheid ge-erf Vir my het jy beteken Meer as jy ooit kon dink Maar jy moes ons dalk verlaat het Want die Vader het gewink Jy't nie verniet gesterf nie Ons almal het geleer En wat jy my geleer het Sal ek tot in ewigheid vereer. |
| Onthou...Wens... Jy was my beste maatjie En jy sal ook altyd bly Die eerste een met brille Van graad 1 af saam met my In die parkie het ons fiets gery En op die houtklimraam gespeel Later ook daar saam gevry Die herinneringe is te veel Saam het ons daar bier gedrink En skelm ook gerook Nicolene wat oorkant die pad gewoon het Onthou jy nog die kak wat ons kon stook? In London het jy weggeraak Jy het my weer kom vind Ons het mekaar weer gesien En omhels met die vreugde van 'n kind 18 Jaar se vriendskap Is te veel vir papier Kortliks wat ek probeer se is: "Ek wens jy was nog hier..." |
| Hemel Toe ek klein was, was die hemel Erens bo in die lug En jy kon slegs daar daar kom Met 'n allerlaaste sug Jy le tussen witte lakens En jy loop in goue strate Oor pleine met fonteine Gevul met lemonade Jy vlieg deur spierwit wolke En 'n engel hou jou vas Jy kon geloop het op die water Want die water was van glas Elkeen was daar gelukkig Sou nooit weer honger wees Op aarde net ellende Sou als hier anders lees Maar ek weet nie meer Waar die hemel is nie Ek weet nie meer waar ek gaan Probeer weer kyk Deur die oe van 'n kind Maar daardie prentjie is vergete Verlore in die wind Ek word ouer, steeds gelowig Bly leef in fantasie Kyk rondom my wat aangaan Na 'n wereld gevul met anargie En ek vlieg hoog deur die wolke Na 'n plek ver van hier vandaan Maar ek sien geen goue poorte En geen fonteine staan En ek weet nie meer Waar die hemel is nie Ek weet nie meer Waar ek gaan En kyk weer deur die oe van 'n kind En glo net - die hemel bestaan... |
| Kan jy my hoor? Ek roep jou naam Maar jy's nie meer hier nie Ek soek jou raad Maar jy kan my nie meer help nie Die verlange na jou is byna ondraaglik Die gedagte van die res van my lewe sonder jou Die laaste tyd is ek mislik Jy moes nog daar gewees het as ek trou... Daar is 'n gat in my siel En my toekoms verniel Waar sit die 'visual switch' in my kop? Want ek wil net he die drome moet stop Ek sal altyd met jou praat Ek hoop dat jy sal luister Want alleen daardie gedagte Sal die gat in my hart toe pleister... |
| Daar was nog soveel op ons agenda... Ons sou nog soveel saam beleef het en soveel dinge wat beplan was moes nog gedoen word.Nooit in my lewe het die gedagte dat jy van my ontneem gaan word my gedagtes gekruis nie.Ek sien jou steeds, hoor jou steeds en ek weet jy is nie ver nie.Ek mis jou elke dag, maar die realiteit is nog nie daar nie...Ek vrees die dag wanneer ek besef jy is regtig weg. |