Di van rojên dawîn de pirtûkek Konê Reş bi navê Pirtûka Qamişlo: Bajarê evîn,hevkarî û biratiyê hatiye çap û belavkirin.
Di vê pirtûkê de Konê Reş çend xalên giring zelal dike ,yek ji wan navê Qamişlo şirove dike û dibêje navekî kurdî ye ,hem jî navê çemê Ceqceq û xelkên li dorê...
Û bi firehî li dor eşîr û hozên ku ji sed salan ve di Cizîrê dijîn radiweste ku piraniya wan kurd in.
Her wiha bi firehbûn li ser damezirandina bajarê Qamişlo disekine û dibêje roja avakirina Qamişlo di havîna 1926 an de ye ,li ser destê fransîzan hatiye avakirin..
Pirtûk ji sê beşan pêk tê:
1-Erdnîgarî, dîrok, hoz û eşîr û aramiya ku di Cizîrê hat raxistin piştî cenga cîhanî a yekem û avakirina bajarên wê
.
2-Dagirkirina Cizîrê ji rex Fransiyan ve û şerê Beyandûr, guhertinên ku di Cizîrê de çêbûn,cihê bajar û gundên li dor Qamişlo di nerîna hin kalemêran de,avakirina Qamişlo ya seretayî û taxên wê û nexişê Qamişlo...
3-Xaniyên Qamişlo,bîr , tenûr û aşên avê,ronahî û xanên wê,perwerde,çapxane,û rojnamegerî,mizgeft û dêr,bazar û seyrangehên wê...
Ev pirtûk ji rex Navenda Geşbûna Şaristanî ve li Helebê hatiye çap kirin,ji 144 rûpelên mezin pêk tê,bi hin nexiş û wêneyên kevnar hatiye xemilandin..
Yê ku bixwaze dîroka bajarê Qamişlo nas bike, gerek e vê pirtûkê bixwîne.
