Xirabiyê li yê xirab neke - belkî keyfa wî pê bêt.
Neheqiya mirovên ji xwe mezintir qebûl neke.
Tek xweşiya jiyanê ew e ya em didinê.
Dilê min bi wan dişewite yên dilê wan bi min naşewite.
Objektîvî ne xweş e.
Objektîvî ne baş e.
Dixwiye ku dinya bêyî min nabe.
Berjewendperest be: qenciyê bike!
Gel mezintirîn dijminê demokrasiyê ye.
Talûketirîn tişt bo saxlemiyê: werziş.
Min şeva borî xewnek dît: Me du macûnên didanan hebûn. Yek vekirî û nîve bû; yê dî tijî û venekirî. Min ji yê vekirî hinek kir ser firçeya xwe.
Ger bixwazî di berjewendperestiya xwe de bi ser bikevî, ya herî baş ew e ku alîkariya xelkê bikî.
Newêre, dibêje naxwaze.
Li wan digerrim jî lê ew min nabînin.
Tek çare ew e ku jin bizane ka erkên wê çi ne.
Bendewarî wê me daku li min vegerre daku bibêjim: Na, ji te hez nakim.
Bila te gelek rêbaz û prensîp hebin lê bila hemî dûrî jiyanê bin.
Jiyan jan e. Bo hemiyan.
Dema te dibînim, bêriya te dikim.
Ma ez dê çawan xweştivî bim madem ne cahil, ne zalim û ne jî tilyakkêş im.
Divê em xwe qenc bikin lê rastgo bin.
Hemî dizanin ku dinya nikare bêt guherrandin. Paşî rojekê hin kes tên yên ku vê nizanin. Ew dinyayê diguherrînin.
