Pagbabalik


A Writer At Heart
The Writings Of Aureo P. Castro
Home	Computer	Internet	Life	Poetry	Tagalog	The Author

pagbabalik

kumusta ka na
tunay na anak ng bayan
ikaw noon ay lumisan
at sa bayan mong sinilangan
ay napawalay nang lubusan.

estranghero ka na baga
sa lupang kinagisnan
palaboy at walang mauwian
pumanaw na baga ang iyong
mga mahal sa buhay?

ito ang lansangan
na dati ay iyong palaruan
ngunit bakit paligid ay umiikot
mga mukhang walang pangalan
ang sa iyo ay umiinog.

meron pa kaya na pusong dalisay
na sa iyo ay handang dumamay
nasaan na ang tamis ng kahapon
pighati baga ay lubos nang naghilom
sino kaya ang sa iyo ay mag-aahon?