Atolya Wêjeya Kurdî weşana xwe ya ceribandinê didomîne û kete qada
duyem. Di demeke kin de dê têkeve qada sêyem û dest bi weşana xwe ya bi
navê xwe bike.
Heta niha nivîsên nirxandinî yên Îbrahim Seydo Aydogan, Yaqob
Tilermenî, Lokman Polat, Rêzan Tovjîn, Husein Muhamed, A. Meretowar, Dilawer
Zeraq, Polat Can, Mem Mîrxan û M. Nezîr Silo hatine weşandin.
Di malpera me de nirxandinên li ser pirtûkên Çiya Mazî, Fewzî
Bîlge, Hesenê Metê, Sedat Yurtdaş, Ridwan Karaaslan, Suleyman Demîr, Enwer
Karahan, Roşan Lezgîn, Perwîz Cîhanî, Helîm Yûsiv û Eyup Kiran hatine
weşandin.
Her wiha di beşa Wêje-go de Rêzan tovjîn, Sîdar Nûxak û Şîlan
Baranî li ser Xelat a Sedat Yurtdaş guftûgo kirine û ev guftûgo hatiye
weşandin.
Li ser 8 pirtûkên kurteçîrok, 3 roman û nivîskarekî nirxandin
hatine weşandin.
Di beşa serbest de 9 nirxandinên mijarserbest hatine (li ser
wêjeyê) hatine weşandin.
3 waneyên perwerdehiya Atolya Wêjeya Kurdî jî di beşa waneyên
atolyê de hatine weşandin.
Heta niha ji bilî weşanên aram tu weşanxaneyan ji me re pirtûk
neşandine.
Malpera me ya ceribandinî hîn jî di navnîşana
http://nirxandin.sitemynet.com de didome. Dema me bi navê xwe yê nû
mînak weke www.pirtûk.com dest bi weşanê kir, em ê we agahdar bikin.
Em hêvî dikin ku her nivîskar nivîsên xwe yên weşandî û neweşandî
bi riya e-mailan ji me re bişînin da ku em wan di beşa arşîvê de, an bi
daxwaza nivîskar di beşa Quncikê de biweşînin û xwendevanên Atolyê ji
bo perwerdehiya nirxandinan jê sûdê wergirin. Pêşniyar, rexne û
nirxandinên xwe yên li ser malpera me ji me re bişînin van navnîşanên:
Em dixwazin di malpera xwe ya nû de Quncikekê bi navê Weşan, yekê
jî bi navê Televizyon amade bikin û nivîskarek, an jî du-sê nivîskar di
van quncikan de weşan û televizyonên kurdî roj bi roj binirxînin û rê
li ber pêşketina bernameyan vekin. Em bawer dikin ku ev ji bo wêjeya
kurdî dê gaveke mezin be.
Nivîskarên ku bixwazin di malpera me ya nû de bi navê Quncikeke
taybet nirxandin û danasîna pirtûk, weşan, hewildanên wêjeyî binivîsin û
malperê dewlemendtir bikin, dikarin ji zûtirîn dem me agahdar bikin ku
em cih bidin wan jî.
Atolya Wêjeya Kurdî li Qoser a girêdayî Mêrdînê ye. Berpirsiyar û
avakarê Atolyê Rêzan Tovjîn be jî, her nivîskar û wêjenasê kurd xwedî
maf e ku Atolyê dewlemend bike bi nirxandin, rexne û pêşniyarên xwe. Em ê
li gor raman û dîtinên we malperê rojane nû bikin.
Armanca malperê ew e ku di sala 2004 an de bikaribe her heftiyekê
pirtûkeke kurdî bike manşet û bi kadroyên xwe pirtûkê binirxîne. Ji bo
vê yekê dê lijneyek jî bê avakirin. Ne pêwist e ku ev lijne li bajar, an
jî welatekî rûne. Bi riya înternetê em ê bikaribin têkiliyên herî
zûtirîn ava bikin. Nexwe li pêşiya nivîskarên kurd astengiya herî mezin bi
tenê tiştek maye.
Atolya Wêjeya Kurdî
Sîdar Nûxak (Cîgir),
Şîlan Baranî (beşa Çîrok û Helbestan),
Dilovan Xofger (beşa weşan û reklamê),
Jêhat Berîvanî (beşa wane û teknîkê),
Merwan Serxetî (beşa pexşan û arşîvê).
