Ilang taon na'ng nagdaan,
Hanggang ngayon ay inaasam
Ang sangkatauhan ay umaasa
Na makamit na ang minimithing pag-asa...

Marami na'ng buhay ang nakitil
Sa walang humpay na paniningil
Kaisipa'y hindi binubuksan
Kabataa'y nawawalan ng kinabukasan.

Ano ka ba?
Hanggang saan pa ang pagdurusa?
Ang panahon ay naghihintay na
Pagbabago'y bigyan ng halaga
May oras pa, May oras pa!

Kapayapaan ay dapat alagaan
Pag-unlad ay ating makakamtan
Bigay nito'y pantay na hustisya
Buong sambayanan ay umaasa.

Ang respeto ng ating dangal
Ang daan ng mabisang pakikipag-ugnayan
At ang pag-unawa sa kultura ng iba
Ay ang daan tungo sa tunay na kapayapaan.