// regular activities

SMS Reviewer Distribution

 

   Sa tuwing nalalapit na matapos ang termino, palagiang nagbibigay ang SMS ng reviewers para sa mga asignaturang Genpsyc, Elesta1, at sa ibang mga major subjects na maaaring kailanganin ng mag-aaral ng Sikolohiya. Dumaan lamang sa LaPiS (J308) o hindi kaya’y mag-text sa SMS Hotline (0906-2094439).

 

 

SMS Tutorials

 

   Kaakibat ng SMS Reviewers ay ang Tutorials, kung saan ang mga piling-piling estudyante ay pinapadala ng mga guro, upang magbigay ng kanilang oras at magbahagi ng kanilang nalalaman para sa mga asignaturang may kinalaman sa Sikolohiya. Kadalasan naman, mismong ang mga propesor ang naglalaan ng dagdag na oras upang turuan ang mga bahagyang nahihirapan, lalung-lalo na sa Elesta1.

 

Piling-Piling Araw

   Orihinal na tinatawag na Piling-Piling Huwebes mula sa Ama ng Sikolohiyang Pilipino na si Virgilio Enriquez, ang samahan ay umaanyaya ng mga tagapagsalita hinggil sa mga paksang may kinalaman sa Sikolohiyang Pilipino. Halimbawa ng mga paksang ito ay patungkol sa Kultura at Sining, Kabataan, at marami pang iba. Minsan, kasabay nito ay ang paghahanda ng pagkain na nagsisimula sa mga titik na sinisimulan din ng paksang tinatalakay!

 

Mental Disorder Awareness Week

 

   Dahil ilan sa mga layunin ng samahan ang palawakin ang kaalaman ng mga mag-aaral, at imulat sila sa mga tinatawag nating misconceptions, ang samahan ay nagkakaroon ng Mental Disorder Awareness Week. Dito, ipinapakita ang iba’t-ibang mga sakit na sikolohikal, kung saan ang mga ito ay iniaangkop rin sa panahong nilalabas ang mga ito. Ilan sa mga mental disorder na nailabas na ay hinggil sa Schizophrenia, Anorexia Nervosa, Autism, Personality Disorders, at kung anu-ano pa!

<<prev next>>