Life-changing features, incisive analysis, no-holds-barred investigative reports...and more!
By John Andrew Agbay:
Ever wonder how
activists fall in love?
The Philippine
Foreign Debt Crisis
How to make
good use of trash!
Q&A on the Estrada Fallout
By Allyn V. Baldemor:
How to make friendships
last a lifetime
Busting Stress and
Beating the Blues
The Untold Feminist Cause
(Lesbian for Dummies)
By Reinier C. Dungca:
How to look for your
Perfect Crystal Partner
A Call for the
Ouster of Estrada
A love story of two worlds
(a script for comics)
UTANG! The Ins & Outs of Philippine Foreign Debt
![Speakeasy! DevastatingThree's Domain [banner and logo]](PROWRIT5.jpg)
|
Patalsikin si Estrada Reinier C. Dungca
Paano lumawig ang panawagang patalsikin si Estrada?
Sa paglabas ng maraming mga iskandalong kinasasangkutan ni Estrada gaya ng jueteng, tobacco excise tax scam, mga hindi maipaliwanag na yaman at mga malalaking mansyon, unti-unting lumabas ang mga panawagang papagbitiwin siya sa puwesto.
Kasabay nito ay ang pagkalas ng mga kapartido ni Estrada mula sa Lapian ng Masang Pilipino gaya nina Speaker Manuel Villar, Senate President Franklin Drilon at iba pang mga mambabatas. Pati na rin ang ilang miyembro ng gabinete ni Estrada gaya nina DTI Sec. Mar Roxas, Finance Sec. Edgardo Espiritu, DOST Sec. Filemon Uriarte ay nagsipagpanawagan na rin sa pagbibitiw ni Estrada sa pagkapangulo.
At dito na nabuo ang United Opposition na pinangungunahan ng partidong Lakas sa ilalim ng pamumuno ni Bise-Presidente Gloria Macapagal-Arroyo.
Ano ang United Opposition?
Ito ay ang grupo ng mga pulitikong nananawagang magbitiw na si Estrada. Mula sa iba't-ibang grupong politikal, nagsama-sama ang mga pulitikong nananawagan sa madaliang pagbibitiw ni Estrada upang bumuo ng pansamantalang oposisyon laban kay Estrada.
Ang grupong ito rin ang naghain ng kasong impeachment sa Mababang Kapulungan at nagsulong ng kaso sa Senado nang maaprubahan ito ng Mababang Kapulungan noong Nobyembre 13, 2000.
Ano ang mga kasong ipinaratang kay Estrada?
Apat ang mga kasong inihain sa Senado laban kay Estrada: bribery, graft and corruption, betrayal of public trust, culpable violation of the Constitution. Ang paglilitis ng mga ito ay nagsimula noong Disyembre 7, 2000 at araw-araw mula noon ay sinubaybayan na ng mga Pilipino ang impeachment trial.
Habang nililitis ng impeachment court si Estrada, nagpatuloy pa rin ba ang mga panawagang patalsikin si Estrada?
Bago pa man umpisahan ng senado ang paglilitis, naging mainit ang pagtanggap ng mamamayan sa panawagang Oust Estrada. Kabi-kabilang mga kilos protesta at mga rally ang inilunsad. Ilan dito ay ang prayer rally na ipinatawag ni Cardinal Sin at dating Pangulong Corazon Aquino noong Nobyembre 4, 2000. Kasama rin dito ang People's Strike kasabay nito ang People Power Lunch noong Nobyembre 14 na pinangunahan ng mga organisadong sektor ng lipunan.
Iba't-ibang grupo din ang naorganisa at pansamantalang binuo para isulong ang iisang layunin ng pagpapatalsik, sa anumang paraan, kay Estrada. Muling nabuhay ang Kompil II o ang Konggreso ng Mamamayang Pilipino II, ang grupong nanguna din noon sa pagpapabagsak sa rehimeng Marcos. Ang ibang mga grupo o sektor ng lipunan ay nananawagn tulad ng SELDA na grupo ng mga human rights victims, Contend, CURE o Coalition for the Urgent Resignation of Estrada, Estrada Resign Movement, TUCP o Trade Union Congress of the Philippines at marami pang mga bagong organisadong grupo.
Dito na nabuo ang tinatawag na United front upang tuluyang mag-ugnayan ang iba't-ibang grupong nananawagan sa pagpapatalsik kay Estrada.
copyright © 2001. Allyn V. Baldemor; Reinier Dungca; John Andrew Agbay. University of the Philippines, Diliman, Quezon City All rights reserved |
