Pilę Dersimi sima ma viri derę.
Seyıdę Dęrsımi
-Seyid Rıza u i binu rę-
Dısmęni pęgureto,
Boji kerdę morzelu,
Lıngi gırędę.
Berdo diyarę Xarpęt'i
Laz verra çımu kisto,
Qom dora tępiya qırrkerdo
Hao ke peyde mendo
fişto ra ra u wolağu,
surgınę ğeriviye kerdo.
Seyido,
Servero,
Heqaniye wazeno!
Dareestene ra vengdano:
»Ma erzenę ra dare!
Ewladę Kęrbelay me!
Bęxetay me!
Ayvo!
Zulmo!
Qetilęni ya..!«
Seyido,
Servero,
Bıraiye wazeno.
Ne sımara,
ne ki dare-estena sımara
terseno!
Serva
heqaniye,
bıraiye,
haştiye;
Serva
welatę xo mıreno!
Seyido,
Servero,
Haştiye wazeno.
Lao vıle de, vengdano:
»Çımę mı peyde nęmanenę,
Çıke; mıra tępiya xortę mı
Sarę xo berz, zerrę xo wes cenę,
Sımara dang ve dang
Gonia mı perskenę!«
Seyido,
Servero
Gonia xo wazeno!
Kılame: Hawar Tornęcengi ("Rozę Yena" ra)
