5C班房 
5C班房 
''好喇...打開本書第XX頁...'' 教中文既鄧sir (人稱''兔佬'')幾乎
每堂都例牌講呢句...仲要一路叫人打開書一路幫坐響第一
個位既仁兄/仁姐揭埋...
佢講書之餘都好鍾意講下題外話...我仲記得有次教緊''我看
大明湖'' 佢又響度講自己點睇大明湖...又話大明湖點靚點靚
...講到興起佢仲使出佢至''耍家''既本領黎招''口沬橫飛''~~(無
計啦~佢講書實在太投入喇∼^^∼)跟住我又口多多咁督爆佢
話報紙講而家大明湖有污染喎...搞到佢非常之咁尷尬...諗番
都想同阿sir 講番聲唔好意思...
不過我都唔算成日窒佢架喇...阿 Billups 就真係成鬼日窒佢
喇...講真丫...以前有時會覺得佢好無聊...成日上堂窒先生...
仲要抵死到會俾 d 先生窒番轉頭...但係升左上 form 6... d 人
全部唔出聲... d 堂悶到出汁...先覺得其實有 d 人講下野仲好.
阿 sir 手字都幾''龍飛鳳舞''架...成日上堂都響黑板度露兩手~
佢又勁鍾意響ｄ字隔離畫圓圈仔∼好搞笑架∼
佢成日都會講ｄ做人既道理俾我地聽...叫我地做人要光明
磊落云云...佢又會慨嘆而家ｄ後生講野冇ｄ中氣∼可惜
阿 sir 已經唔響度教 lu~唔可以聽多ｄ佢既格言啦∼
P.S.最近去舊年既 3D Homepage...見到一篇鍾蓮花老師既
專訪...內有一段講及 Miss Chung 同兔老師的''relationship''
(響尾二個段...) 大家不妨去''哨''下... ^^
英文 Miss Ng 又好鬼好人...成日都俾我地''恰''...基本上都係
一個好 Miss...最差勁既地方相信係佢既班主任堂...實在係
太過悶喇... ^^``Miss 實在係太過認真地去上班主任堂∼唉
有時仲濫用班主任堂去上英文添呀∼陰公...
Miss 唔知係咪教英文教到上哂腦...佢 d 中文反而唔多惦...
講中文只係稍微比外國人講中文好少少...聽佢講中文硬係
覺得怪怪地咁...
Miss Ng
唔知係咪俾人既感覺柔弱得滯...所以偶然串錯字
都會俾我地班個 Martin (此乃勁人...)勁窒...真係好慘∼
記憶中 Miss
好似係唔識嬲人既...無論ｄ人有幾唔 arm 佢
都最多會扮嬲...唔夠兩秒又忍唔住笑番...都惡唔出ｄ咩樣^^
Econ 既梁 sir 又好好人架喎∼上堂又鬼死咁搞笑喎~ｄecon
又勁喎∼好有料架...唔係你估~！ｄ人好鍾意叫佢做壽星公
...
最記得個時冇seating plan ~佢又唔多認得我地ｄ名∼於是次
次叫親人答問題都要叫''第幾行第幾個''∼跟住又成日叫錯
廖德恩個名∼成日叫左做''廖恩德''...叫陳浩賢又叫錯做''
陳可怡''...好惹笑~
佢成日都神出鬼沒來無影去無蹤∼入左課室你都未必知∼
勁∼！！
佢教econ 教得好好∼就係人都知架啦∼但係好成點又講唔
出∼不過好多人出左去讀 form 6 個ｄ就勁 praise 梁
sir lor.
教
Maths 既係嚴sir ( 人稱嚴蛇 ) 都幾高大靚仔架∼但係佢
就堅稱自己冇女友喎...（信不信由你∼^^∼)偶然佢都會執
得好正咁番學...我地又八喎∼問佢做乜啦∼點知佢話要去
''相體''喎...
聽聞佢有個阿哥∼響青衣做醫生...（我地真係八得好交關
呀呵∼？）似乎兩兄弟都撈得好惦咁喎...
鬧人∼？當然有試過啦∼佢鬧起人上黎都可以好惡架∼
有次俾佢鬧完之後成班都唔敢出聲呀∼
佢都有玩開icq架~試過有次考試前夕我同個 fd online on 到
好夜∼佢都有講笑咁叫我地快ｄ溫書∼嚇到我即刻
off 呀
^^...哎呀∼講到佢好惡死咁添...其實平時佢都好 nice 既∼
教 geog 既曾 sir 係我地 form 4
既班主任∼佢成日都話會帶
我地出 trip 架∼但係講左兩年都...嘿嘿
地理呢一科不嬲都比較悶∼多人釣魚唔多出奇∼∼但係
陳君德就成日因為咁而俾阿 sir
叫∼唔知係咪唔服氣啦∼
佢 CE geog 羅左條 A 呀∼
老老實實丫...以前 5c 的確好唔團結...有咩比賽都勢必包艇
...大家都冇心搞好5c 既...而且 d 人其實都分得幾散...令人
感動既事更加冇乜發生過...不過當你同大家分開左...少聯
絡既時候...你就會自不然諗番起佢地...自然會想同佢地聚
下...希望可以搞番 d 活動啦~~
校務處
