楓
之 日 記
日記重溫:
2001
2002
2003
2004
2005
8月31日 (星期四)
去左九龍城小曼谷...對面間金太陽(?), 咪睇佢殘殘舊舊, d野真係幾好食!
同左Queenie吹左成粒鐘水, 我好慶幸, 唔駛再係度做, 麻煩野愈來愈多
8月28日 (星期一)
我感覺到..呢個老闆有好濃烈既DH Feel...
好在星期六沒去k, 他們太荒唐了
8月27日 (星期日)
去左睇日本沉沒, 套野, 比我想像中差, 特技只有廣告那些, 感情線唔得, 草剪d戲唔得, 荒謬劇情隨手可以up幾個. 1) 女部長能夠23野就叫哂世界d探測船來, 為什麼最終草剪要用果架只能去到2千呎既廢潛水艇? 2) 總理明知火山爆發, 為什麼他那架飛機可以低到比d火山岩漿擊中? 3) D人究竟係走難定遠足, 完全無緊張Feel?? 4) 男女主角係呢個兵荒馬亂之間, 就可以去邊到就去到? 5) 係呢個火山灰四散既環境, d人點呼吸 6)...太多不知所謂劇情了
晚上又去小金井食
,
好好味 :p
8月26日 (星期六) 夏格維斯,你對曼聯既忠心,一定得到回報既!
Lunch去左食大快活, 勁喲~ 之後去左淘大碌ling, 出席人士有Wilson, Kent, Me, Franky, Kelvin, Tina, Ling, Winnie & Tramy, 今日打得好差, 頭2局都係得幾十分, 第三局第一round一開始仲手軟無力添, 失禮至極, 但係, 呢局反而過得一百分啵. 之係佢地去唱k, 我不跟了, 唱k呢家野, 真係唔岩我.
乜我常常陷害人咩? 原來我一直都係一個大奸角.......無言而對, disappointed
曼聯2:1險勝老屈, 繼車仔後, 今日又到廢鐵工廠輸波, happy~
8月25日 (星期五)
橫風橫雨, 去左九龍塘...間新天地book時間, 之後去左又一城食野, 又咖哩又巴辣雞, 勁呀~
睇"恐怖蠟像館", 真係好恐怖啊, 撕爛塊面, 剪斷手指, 刀插入頭.....救命
8月24日 (星期四) 車仔第2場就輸波, 好正常喲, 根本, 佢地係名過其實, 散沙一盤
立左Elaine個日記幾野, 佢...真係好多好多字, 為什麼, 佢可以有咁多野寫架? anyway, 看來她的醫生好像可以幫到佢, 好!
什麼blog什麼 window live space, 我不想學, 老人家, 學習情緒低嘛. 今日好白痴問同事黑色暴雨駛唔駛返, 呢個問題, 十個有九個都答唔駛架啦, low b
一句好正既諺語 --> 天使面孔, 魔鬼心腸
8月23日 (星期三)
氣~~ 隻死人517, 又係一放左就即刻勁升, 之前既3311, 257, 2339...隻隻都係咁, 為何我沒這麼耐性? 不過幸好地, 在不計ipo我所買既9隻share中, 有8隻都有得賺, 由百幾到四千幾不等, 咁都有一定既成功感既, 登登登~~ 我第十隻係secondary market買既股票, 我決定奉獻俾佢, 陸壹柒! 佢有一幅好美麗既圖表, 有當日3311既影子, 應該會幫我破到賺錢紀錄, 我深信~
昨夜同Emily係Msn傾到點幾鐘, 好倦, 不過亦好害怕, 表面愈美麗既女性, 內心原來係咁邪惡? J小姐我一直覺得佢果副我見猶憐成副徐淑敏既款真係有好濃烈既殺傷力, 但係..估不到連自己上司都殺, 太可怕+可悲了, 對佢有點失落.
每一個Dept都有25仔, A/C Dept又何嘗唔係? 不過知道就算了. 這是大公司的必然手則嗎? 原來Eva係一個咁攪野既人, 俾人炒都不是奇事...
今日用係modern學到既vlookup + sumif係 新公司也文也武, 我覺得, 每一個新環境都真的能令人學到好多新事物, 是故我更肯定, 我每2年轉一次工既策略係無錯, 否則真的會固步自封, 擴闊不到新眼光.
8月22日 (星期二)
Lunch約左Leo, 我再次確認...我真的很討厭lck的食肆, d人真係好無禮貌
看回昨天的相, 都幾攪野 認真的: 1 2 3 4 玩野的: 1 2 3 4
8月21日 (星期一)
放工去了Kln Bay既Ruby Tuesday, 因為Denise生日, 我咁岩去搭檯, 絕對沒有什麼慶祝成份!! ....總之百無禁忌....百無禁忌...., 今日有Denise, Winnie, Elaine, Suki, Maggie, Windy, Kenneth, Jeffrey, Eric, Andy, Wilson, Bay & me, 係一片嘈喧巴閉+口沒遮攔中, 感受了久遺了的淫賤氣息
今日係kln bay, 驟眼見到好多熟悉既面孔, ......Amay, Emily, Maisy, Yan, Cheryl...有無咁邪下? 我只向Cheryl打招呼, 因為...佢拖住個男仔, 呵呵~
8月20日 (星期日)
去左會所玩sauna+'遊'水
突然好欣賞那首歌'滾'..的歌詞, 有時跟下d年青人去唱k, 可以接觸一d有趣動聽的歌曲, 一年前既"呼天不應", 今年既"滾", 明年既??...
曼聯首場輕炒富咸5個1皮, 開心的不是比數,而是他們在領先後沒有放軟手腳, 這是過去幾年見不到的. 我相信雲佬被賣的決定, 一直都覺得他拖累曼聯的節奏
8月19日 (星期六)
我好懷疑...隔離屋有紙盒藏屍, 臭到冤, 我亦懷疑, 隔離屋可能係私屋拾荒戶...為什麼, 可以那麼的臭??!!!
今日, 我既人生遭到一個極大既挫折, 呢個挫折, 簡直大大地打擊我既自信... 因為, 我竟然係上半場短短30分鐘內, 玩we輸俾個死人Tonychan 7比0!! 仲要係我隊曼聯輸比我最憎果隊離乜浦! 頂佢個肺邊有可能??? 自命打足球game懶勁的我..hurt到爆....
夜晚5條友去左嘉年華食晚飯, 儘管d野仍然好食, 不過因為兜湯, 攪到經歷不甚愉快
係lck曬返last day果日d相, 8毛子4r, 都ok抵, 突然發覺Emily有dd似翁美玲, 嘰~
老闆放工話約左hangseng d banker食飯, 叫埋我去, sorry, 我約左人....打機啵 :p
8月18日 (星期五) 最終都放左隻517, 賺千零蚊算了
去左waichai, 入左春園街某日本食肆, shxt, 三文魚壽司35蚊2件?? 粗略估計2個人可能要4舊幾水先出到門口?? 入左間黑店添~ 即時襯waitess唔係度急急腳閃人, 之後去左哈迪斯隔離間餐廳食
去會展參觀美食節, 都好多野睇, 但我唔多岩食零食, 最後只係執左7兜海天堂龜岭膏就閃人, 期間同個agency Sandy吹左好耐水, 17歲半? 咪玩啦, 十年前下話? 再期間, 慧安園管理處突然打電話來, 話走廊有大陣濃烈臭味? 大佬, 我點知咩事?? 最終返返去了解, 原來隨離屋跳fuse, 雪櫃d野臭哂, 真係咁簡單咩???
8月17日 (星期四)
L
vs 夜神月
今日先拆Winnie的禮物, thz; 今日亦仔細睇看那張card的留言, 都係果句...一點也不感動喲
好囉才看"黑社會2", 沒了大d硬係差d, 人肉攪伴好x核突, 痴q線變態不知所謂! 鄭浩南個角色幾攪野
收到個短訊, 原來友誼係無分dept既, 平時沒咩兩句既人...好開心
笑死我, 死亡筆記用途, ....
李x誠
死因係：
把自己銀行內的所有存款過落去我個戶口，
並把所有物業、資產、股票轉到我名下，
在無人知道的情況下跳海而死。
...寫完之後比番本野死神....
之後我乜都唔知，乜都唔記得啦~
仲無啦啦多左咁多錢
差佬都吹唔漲
寫蓋茨傻咗!成為我的結拜好兄弟,並把財產的10%比我! 因為錢是他的, 他要比誰也可以, 更何況結拜好兄弟!
8月16日
(星期三) kwun tong --> kln bay --> laichikok....我下份工唔可以再返工廠了,
皮膚愈來愈差, 呢幾年老得好快
已經儘量遲出門, 但去到Lai chi kok也只是9點3而已, 我發覺, 我已經不懂睡覺了, 即使昨天玩msn玩到成2點. 即使我倦到想死
突然想起5,6年前玩icq的時光, 返老還童呢? 實希, 和也, 死pie, 我還記得你們, 但我想, 我已在你們腦海中消失了?! 不過, 每一次見到阿希的留言, 我又會想起很久前玩wizq的光景, 那個什麼討論區, 什麼low b 典婆婆下? 那次, 妳用我login去戰勝對手, 我還很記得呢? 之後, 我有沒有報答返妳? 不記得了 :p. btw, 幾時同你個也也結婚? 屈指一算, 原來你都唔再係小朋友了啵? 甘蔗孫都應該亭亭玉立了吧..
由今日開始, 不再想以前了, 否則....有點迥光反照feel! 我還未死得, Tonychan你都係, 等你做伴郎架
lunch我決定唔再同d煙民食, 寧願自己瑟縮一室叫外賣, 起碼人都舒服dd. 我一向不希望強迫自己, 做人者, 做自己也~ 其實, 我一向都不懂說話呢( 儘管沒多人會相信)
117, 原來係咁解, 估你唔到, 向前看吧, 大家都!!
517開始升了, 快d升升升, 賺夠3千我即走!
8月15日 (星期二) 到我這個年齡, 不可能再求求其其了
又係莫名奇妙的一日, 用咁既人工請我做data input?? 我極度唔信囉, 我要快dd做野了. 如果唔係, 我會俾d二手煙整死
成日都msn messenger...書欣, 臭York, 瑪姬, 阿神, Elaine, Susanna, Denise....唔係data input 就 chat input...打打打, 不斷打野, 突然間想起高美雪, 奇哉?
同個agency Sandy講左成半個鐘, 我儘量啦, 希望佢都係
睇到Elaine係msn 既nickname, 乜同我咁似既, 再睇佢既日記....一樣咁滯? 我阿麻有2仔4女, 我老豆同伯父因為無咩錢, 又係永遠被睇小的一群, 連帶佢地既子女...小時候, 姑姐那面有那個細路生日, party永遠沒我們份; 有錢的姑姐係華景山莊果個千幾呎既大屋開p, 永遠沒我們份; 佢地去旅行派手信, 永遠沒我們份...要夾錢, 即時通知, 要俾錢, 即時通知, 要駛錢, 即時通知, 為什麼大家既關係永遠只係錢?? 大家不是親戚咩?
上次飲解穢酒, 4伯父一句說話, "我們老一輩若之後去左, 你們後生一輩一定沒聯絡架啦..." 是啊, 這點我承認, 既然大家的關係只是這樣, 為什麼還要裝下去
很討厭假的臉
Alan Smith Ronney
C7 Carrick Giggs Park
Heinze Rio Vidic Gary
Van
subsitutes: Scholes, SoC, Saha, S27, GK
未必無得打既, Wilson, 臭York!
8月14日 (星期一) 我並不是一個感性的人, 難道想想往日點滴, 也有錯矣?
天光光, 7點幾就起床, 之後8點乘小巴去彩虹轉mtr, 咦? 又有線又無線? 咩事, 原來只是轉左個小巴站姐...咁都上電視?
去到lai chi kok都未到9點, 果度d快餐店迫到嘔, d人又無禮貌到嘔, 一路食一路比人撞親 >.<. 之後9點3上左去公司, 沒人開門, 等, 好熱好焗, 乘lift落樓下抖下涼, 9點7再才去, 又係等. 之後不斷有陌生人上來, 最終9點9才開門
去到終於有間自己既房, 不過要同個a/c clerk共用, 對, 他是男的. 仲要是國內同袍, 估不到. 之後同個GM up左幾句, 就白坐一個上晝, 上下網等運到, 等到1點, 跟埋個gm同幾個sales食lunch, 個個都食煙...
下晝好d, 叫有d野做, 好似玩下msn messager呀, 同細frank玩下email等等, 直到3點幾先叫真正有野做, 不過做果d野...match Sales 同 purchases計每單既profit??? 唔係化, 睇錢份上, 算啦
lastly, 次偉, 吉人自有天相, 明天等你好消息!
8月13日 (星期日) 人有悲歡離合, 月有陰情圓缺
沒精打采, 我唯一懂做的, 就是upload 我呢幾日既相上網.....
若果我是一個女子, 可能我還留在Modern
若果我只有十幾歲, 可能我還留在Modern
很喜歡Franky仔在card中所說的一句話 "梗係走啦"
有時想想, 若我有威廉既人工, 做威廉既野, 我仲會不會走呢?
結果係, 我相信我結婚後才會走
可惜我不是他, 不似他那麼幸運
我更不是妒忌他, 只是自憐身世而已
突然想起初初做AP時, 阿靜Tramy等人都好像敵視自己; 突然想起阿珊一開始時, 已經被betty定性為好唔掂; 突然想起當日不斷轉位; 想起Victor的飯盒事件, ipo時不斷ot的時光; Susanna無啦啦resign我無啦啦入房; Racheltam的攪野; 阿ling的轉變; Chris的老點; 與Queenie互相訴苦的時光...
呢班人, 各人都有各人的特性, 阿靜的勤力上心, Tramy的坦白率性, Crystal的善解人意, 阿珊的忠肝義膽, 阿ling的善解人意, Tina的純真無邪, Zoe的趣怪攪野, Erica的內歛倔強...
我不會忘記在modern beauty的點點滴滴
8月12日 (星期六) 在modern真正的最後一天
last day左好耐, 今天真正是我最後在Modern的last day, 昨夜原則上只睡了個零鐘, 心情真不好過, 今日不到8點半已經去了信和8樓, 食我第一次, 亦是最後一次的早餐, anyway, 多謝Ella呢餐breakfast
之後放工, 與一眾組員話別, 就默默走人了. 其實我本想再找其他dept既人影相, 不過又唔想阻住'攝影師'四哥/Tony放工, so最終都走了, 說真的, 我仲想找好多人影相, 好似Cheryl, Jeannette, Ada, Johnny, Suki, Connie, Celery, Rae等等等等....不過都係算了, 他日若有緣相見, 希望大家不會成為陌路人啦, i do hope~
之後回新屋, 訓左一粒鐘, 就起身去了TKO間戲院睇死亡筆記, 說真的, 儘管套戲改了一些(好像執到筆記的過程, 新人物詩熾等等), 但我卻覺得套野拍得不錯, 尤其是果件L, 真係好似....想想L VS 夜神月的故事, 好像有7本書咁上下吧, 如何濃縮卻是一個問題, 果然, 套野做左2粒鐘都未做完, 為什麼海沙得咁鬼小戲?? 女主角啊??.... 原來仲有下集
夜晚去了西貢, 但我真的提不起勁, 沒心機, 呢幾日都食唔落野
8月11日 (星期五)
帶著新買的Casio相機找人影相, 說真的, 這星期我完全沒心機做野, 這是我之前2份工走果時都沒有發生過, 我真的對不起Ella
Lunch與同事們吃我最後的午餐, 最終都選擇去了裕和, 裕和就好似我以前在ITPK般, 是我最喜歡的飯局, Anyway, thk Tony哥呢一餐, 我終於食到Tony哥請我食野了, yeah~ ! 夜晚同了大班同事去了尖咀Neway唱k, 謝謝大家給我一個難忘的last day, 尤其是那些平常不會去k的人!..今夜, 不知叫了幾十定百支百威了..我依稀聽到好像需要4千幾蚊, anyway, 再一次謝謝大家, 不過, 儘管我不知喝了多少, 但我沒有醉! 只是一點眼訓加一點頭暈而已
謝謝有份出席的人, 排名不分先後...Priscilla, Ella, Franky, Daniel, Kent, Shan, Erica, Zoe, Winnie, Queenie, Ling, Tony, Tramy, Wilson, Tina, Jack, Ching, Ada, Johnny, Ho仔..
見到阿靜飲到醉醺醺, 阿珊眼紅紅, 加上聽完Franky仔的一番說話, 我真的很不開心, 這夜差不到2點半才走吧? 常常想扮作灑脫地走, 可惜最終都受不了, 在送了阿ling回家後, 我終於崩潰了........>.<''
朋友 我當你一秒朋友 朋友 我當你一世朋友
奇怪 過去再不堪回首 懷緬 時時其實還有
朋友 你試過將我營救 朋友 你試過把我批鬥
無法 再與你交心聯手 不竟難得有過最佳損友
8月10日 (星期四)
今日又'呃'左媛姐一盒茶葉, 阿珊一包軟糖, Winnie一包薯片....夜晚和珊, Erica, 四哥, 雄, Tramy同靜去左尖咀間一壽司食, 7個人食左8百幾蚊, 估不到咁抵, 多謝大家呢一餐, 希望大家以後可以多點聯誼吧. 之後, 因為舊相機(粒電)瓜左既關係, 於是去了豐澤買左部720萬像素相機, 好窮喲~明天去影相先~~
lunch上左8樓食飯, happy birthday Lawrence & Tina. 今日我做了一件很'囉'的事, 我發覺我遞了信後, 已經控制不了自己! 基本上, 我已經short左, 害苦了Ella, 四哥添, 臨尾又出事, 其實, 儘管我覺得Ella近日有點惡, 其實我一直都當她是家姐喲~
8月9日 (星期三)
今日食左'林林'2粒西柚, Winnie一包百力支, 有好多事情, 不到走的一刻也不知曉... 我很驕傲地說, 自己在這兩年多都勉強叫做沒有白過, 在這人情冷暖的公司, 還能夠結識一班有性格的同事... 儘管我一直覺得此公司, 是我三份長工之中, 人際關係處理得比較差的一間公司, 我想我有些想錯了..
8月8日 (星期二)
拿著部k610i周圍影, 原則上, 2百萬像素質素都係麻麻地
8月7日 (星期一)
無心裝裁, 吹水吹左好耐, Sorry
8月6日 (星期日)
每當要有轉變, 個心都是忐忑不安, 但是, 魚唔過塘唔會肥既! 與其留在此等待虛無飄渺的加丁屎人工, 我寧願飛出去博取更大的升幅, 新公司儘管福利與工作環境等都未如理想, 但人工方面我卻頗滿意了
整天都在弄那部K610I
8月5日 (星期六) 房間仍然好沉重, 沒有了以往的輕鬆, 有點難捱
會計部高層呢幾天的會議又加密了, 我估不到, 今早Jack的一封辭職信, 會 被誤作是Tony的..有點哭笑不得的感覺. 聽到他們有option的消息, 本來, 我是慶幸我的離去能令一些人受惠, 可是, 最終發覺那個什麼option, 竟然...我只覺得這方法比失敗更失敗.
下晝去左金都睇dd野, 夜晚乘了個半鐘那個什麼93k才去到慧安園, 今晚與家人及jn去了樓下間嘉年華食晚飯, 有蝦有虎斑有鮑魚, 都500蚊有找, 所以我都覺得不太貴, 下次再去
8月4日 (星期五)
終於遞了信, 同Ella講左好耐, 有一粒鐘吧? 這是志雲飯局嗎? 大家有大家既concern,
公司既大氣電波真的吹得好快, 仲勁個孤男寡女套戲, 連d阿姐都知~ anyway, 謝謝唔捨得我d人
過左8月, 可以食日本野了~~ lunch又飛的去裕和, @@
手又痕, 買左部k610
8月3日 (星期四)
胃痛到死, 請左病假, 我想大家會以為我見工吧?
是啊, 小弟要結婚了, 定左4月28日
8月2日 (星期三)
同左好多人研討呢個問題, 最後決定係, 我要辭職
lunch同左Rana去展質嘆茶
8月1日 (星期二)
八月第一日, 要下一個決定. 做這個決定, 不是易事, 要實行, 更是有危機.
不過我相信, 有危便有機, 男人嘛
背景音樂
: 有過去的女人 ~ 楊千樺
