楓
之 日 記
日記重溫:
2001
2002
2003
2004
2005
7月30日 (星期日)
第一次去會所個泳池'遊水', 我既所謂游水, 係係個水度行下浮下咁, 我相信, 我都係學唔掂架啦
夜神月終於死了, 仲要死係流克之手. 有時想想, 佢既行為係咪錯得哂? 儘管L死後什麼米洛什麼尼亞真係唔多好睇, 不過以後又小本漫畫追了, 硬係有D若有所失.
好慶幸自己沒有係動漫展買最新一期既狐忍, 呢本野, 真係令到人忍無可忍, 都唔知點解一直追落去...好, 做得好!
7月29日 (星期六)
去左灣仔動漫展, 超多人, 排隊入場都半粒幾鐘. 基本上, 我係無野買既, 一開始時只買到死亡筆記結局篇. 於是, 呢本書既售價變成八草野(cost30+入場費50), 係我懶有原則既推動底下, 終於肯排隊去東立既攤檔, 買多本最新一期既金田一(2個禮拜出左3本, 東立係咪痴q左線, 買都買窮我!)同幾本從來沒追開既小新, 最終6本漫畫既平均價變左30蚊一本...(6本purchase price 130+adm. fee50=180)
呢個展覽, 其實都幾得意, 零食物語唔賣零食賣公仔既, 裡面又有跳蝨市場, 最緊要..係有極多既電車男追住d女仔影相...btw, 現場既lolita, 10個有10個都係扒, 真可悲!
7月28日 (星期五)
個心突然囉囉攣, 形住股災就到, 即刻唔理咩價放左隻狗一舊同二五柒, 等d紙上富貴變為微利先, 我部playstation有錢買了, 呵呵~
熱切期待吳一七爆上, 硬係唔服中行上唔番3個半...排來排去都排唔到
7月27日 (星期四)
Mabel突然辭職
7月24日 (星期一)
一返到公司, d同事有新檯有新lcd mon. 但電話線卻未舖, 於是會計部同計薪部為爭位爭電腦等等擦出火花...
唔知係咪公司隻股票屢創新高關係, 大frank請左幾條友去鴻星食, 有蟹粉小籠包啦, 黃油蟹粥啦, 一品鮑一大隻啦.....結果8條友食左2千6百幾, 正~~yummy
前律師"Angel"在resign後去加拿大旅行散心, 竟然不幸地比雷電劈中, 現已成植物人, 若她不辭職, 若她不去加拿大....人的命運就是這樣奇妙啊, 希望她沒事吧!
7月22日 (星期六)
去淘大amf look ling, 抽簽分三組, 平均分輸果組要請飲汽水
A組: Tina, Tina's fd, Jack, 靜, 靜男友, 四哥
A組牌面超強, 有奧運(站)保齡球王子四哥, 運動健將Modern之草尊尼仔Jack, 梁詠琪身材李樂詩樣貌既篤波高手Tina, 仲有小學已打bowling既唔知咩名既靜男友, 戰鬥力爆燈
B組: Wilson, Crystal, Winnie, Franky, Shan
B組有曾拿二百分既Wilson押陣, 仲有動軏百幾分既Franky典後, 加埋實力深不見底既細細粒等人, 論實力應該排第二
C組: Fred, Mary, Queenie, Gladys, Hung
C組則有平均分十次無一次過100既我, 無打個bowling既Mary及計薪部人仕Gladys, 運動白痴queenie, 仲有睇得唔打得既阿hung, if有一人過到百分真係奇蹟,
一見到咁既抽簽我就知請硬汽水~~~ let's fight, Go~~~由於未齊人關係, 第一round來個熱身賽, Wilson車谷虫上身, 最終輕易拿成百5,6分, A組不斷有人咆哮.."中" "又全中"!, 我地果組....超水準啦, 我竟然可以過得一百分, YEAH~~~儘管呢局唔計
正式比賽....
"四哥又全中" "又補中" "中中中哈哈~~" A組四哥發花顛, 頭3局全中, 之後幾局全部補中, 佢地果組最終平均分竟然有百四分..
B組, Wilson在契女細細粒同緋聞情人Queenie一齊出現下, 竟然手騰腳震, 拿到佢職業生涯最高...最低分, 得70幾分, 加上係實力深不見底既Crystal, Winnie既全力協助落坑底下, 5條友除左Franky過百外, 平均分只有70幾分...
C組就簡直玩look裡奇蹟, 小弟, Queenie, Mary, Hung全部過百, 最低既Glayds都有90幾, 以弱勝強, 打出驚天動地的一仗!
結果當然是...B組請飲汽水!! yeah~~
7月21日 (星期五)
終於將會計部同事團結坐在一起, 應該說坐埋一起先岩. 17個人, 按友誼度疏親度合作程度區分以劃成的分法, 我好滿意, 希望可以加深大家的友誼啦
7月19日 (星期三)
晨早8點就要到靈堂做最後法事, 之後瞻仰遺容大概十點幾就去火葬場火化, 然後同d親友去了黃大仙富臨食解穢飯
三個月內不能上其他人屋企, 不能到任何紅事白事場合, deadline是10月中旬...
7月18日 (星期二)
不曉得他們有沒有通頂, 我只知我今日請了AL, 2點同SISTER去了元祿食個唔好食午餐(果頭話唔好去食日本野果頭又食, 人的心態真奇妙, 好! 我在此立下宏願, 七月唔再食壽司!) 之後等到3點幾, 就等埋MUM同FA乘小巴, 去左鑽石山....既殯儀館, 沒錯, 今天要為阿麻守夜
儀式以潮州大鑼大鼓為主, 由4點開始, 中間不斷跪拜扣頭, 在丟9蚊環節那時, 我雙腳同一時間抽筋, 跳下彈下上橋勁尷尬, Anyway, 最終攪到十點散場, 之後同家人去了小曼谷食dinner
阿麻, 安息吧
7月17日 (星期一)
星期一, d高層去哂為bulk print作最後沖剌, 但我申報了免役, 因為明天....唉~~ 夜晚去了剪髮
7月16日 (星期日) Happy Birthday
去左灣仔睇結婚展, 都頗多人, 最終下左決定矣...之後去了太古那個所謂水族廣場, 西菲利, 有火鍋, 有百佳, 有大家樂, 仲有扭蛋添...完全九唔搭八. 夜晚去左唔駛等位既壽司亭食, 又係壽司...
7月15日 (星期六)
去左鑽石山, 聘珍樓聘請埋d唔等駛既人, 趕客咩? 晚上去了city super食
7月14日 (星期五)
Bulk print前夕, 去左中環, 上晝都叫ok有野做既, 不過4個鐘有2個鐘鋤大d, 夾雜著中間不斷食免費薯片,朱古力,雪糕, 飲野等等, 可惜隻osim拿左去第2度...下晝食完lunch竟然訓足半日, 正當差不多6時想開部play station打機之際, 竟然呢一刻先有野做! 最後差不多9點先走人
7月12日 (星期三)
去左東港城間目黑食野
7月10日 (星期一)
Annual leave, 混沌過左一日
7月9日 (星期日) 世界盃曲終人散....2006年冠軍:意大利 亞軍:法國 季軍:德國
4年一度既世界盃終於玩完, Zidane臨老發神經, 一個頭鎚換來自己退休前的最後一張紅牌, 令佢足球事業加上一個烙印
7月8日 (星期六)
睇加菲貓2, 我想講, 呢套戲原來幾好睇架啵!
季軍戰: 德國 3:1 葡萄牙, C7, 食蕉啦你, 超級25仔+插水王, 曼聯唔需要你!
7月6日 (星期四)
法國 VS 葡萄牙 1:0 攪錯, 咁樣輸個十二碼??
今日放假一天, 因為昨夜看波, 去入境處拿本特衰護照, 竟然等左差不多一個鐘?? 興~
7月5日 (星期三)
意大利 VS 德國 2:0
7月1日 (星期六) 唔係化, 巴西又輸比法國?
打左8,9個鐘winning 10, 條頸同個頭勁痛. 晚上去了tko中心個food court睇世界盃, England vs Portugal, 儘管我今年估Portugal拿world cup, 但見到Leo, Terry個慘樣, 個心有d唔舒服添, 亦都好唔想見到C7 R8內閧! 回家沖完涼再睇巴西大戰法國, 但個PPStream唔多掂, 加上極眼訓, 上半場未完就訓了 :p
巴西 vs 法國 0:1
英格蘭 vs 葡萄牙 0:0 (penalty 1:3)
背景音樂
: 愛你變成恨你 ~~ 吳雨霏
