楓
之 日 記
日記重溫:
2001
2002
2003
2004
2005
5月31日 (星期三)
端午節, 睇L大戰夜神月, 好好睇
5月30日 (星期二) 細細粒last day
請左2個人, Jack+Queenie, Jack會是summer job嗎?
5月28日 (星期日)
今日主要做既野係....燙衫
睇左一本死亡筆記, 不能自拔, 於是成set買哂返來
5月27日 (星期六)
拿左副新眼鏡, 夜晚去左酒樓食野同阿姨送行, 比左好多唔等駛既漫畫等佢拿返屋企比果度D細路睇, 叮噹, 金田一(耕助), 小丸子..
5月26日 (星期五)
"你有壓力, 我有壓力, 你咁做係咪想挑釁我'
"未解決!未解決!未解決!"
5月25日 (星期四)
因windy jackson生日, 去了旺角"泉章居"
晚上去了聰嫂食甜品, 不知所云
5月22日 (星期一)
股市狂跌500幾點, 呢次真係出得黎行, 預左要還, 眼都突埋
5月20日 (星期六)
係apm味千食野, 中途見到大少與一年青女子入來, 我望著他, 他沒有理我, 我唯有繼續食麵
5月19日 (星期五)
終於有個女仔返工, 叫Tina, 都幾靚女
5月18日 (星期四)
同Canny, Rana, Kit, Cassidy&GF, Oli去左wanchai間生記酒家食晚飯
5月17日 (星期三) 歐冠 瓜菜2:1阿記, ballack --> chelsea, 有一球員入墳墓了....
d 女仔又內閧了, 常常如是, 次次知道都唔開心, 為什麼常常這樣啊?
5月13日 (星期六)
睇MI III, 都OK好睇, 4秒鐘, 個腦就咁爆了, 結局有D猜想不到
係將廣撞到RUFUS, 之後去東港城
5月10日 (星期三)
interview, 一個一隻眼好似比人打腫扁左一半on下on下既人來in...."我....我......之.....前....做....做.....", 超級口吃..... "咦, 你明明張cv寫1萬, y而家又要求萬5?" "你...你地....上市....公....公....司......比得...起.....嘛" 妖!! 由佢自己介紹自己, 講唔夠3句就停左dead air...."(呆左望住佢)....嗯.....你覺得自己既長處係咩?" " stable囉" (做左11年都係做account clerk無升過, 果然夠stable牙" "有無唸住進修" "公司叫得咪做囉?" (公司請你返來進修???)"(又呆左)...有無supervisor經驗?""有架...之前我公司有4個account clerk, 我排第三, 可以supervise第四果個...""..........(死寂加繼續無言以對中) 咁...嗯....你有無問題問呀?" "我想問幾時可以升職呀? review有人工加架可?" !e!@#swg## "嗯...睇表現啦...咁if你無問題就ok可以走啦, if你一個月內收不到公司電話, 即係你落選了....(擺明玩佢中)"全個過程不夠十分鐘, in得最短的一個
5月9日 (星期二)
今日再次展開interview既旅程, 請個人都咁麻煩, 頂. 一早被Queenie喝幾時請個clerk返來, 氣死cup佢電話, 興左成粒鐘.
Interview, 一個女人古古惑惑的, 不斷將公司的prospectus內容背哂出來, 懶係有熱誠...我笑笑說:" 你都做足功課啵?" 她得戚道:" 係呀, 你地仲有d prepayment, 專昆女人架嘛...." 我唯有乾笑2聲
喉嚨痛到死, 打機真係唔應該狂叫, 但個心已經勁想買PS...因為WE...加油啊..517...257
5月8日 (星期一) 撈埋電車男漫畫, 道家大輔版本, 仍然覺得幾好睇
被人寸每天既日記只得聊聊數句, 毫不吸引, 是啊~ 日記是寫比自己睇架嘛, 對否? anyway, 今天寫長dd啦.
lunch無啦啦被Rana約去展貿食飯, 原來條衰女已經係果度做左3個月, 今日先約人, 真係唔夠朋友, 哼~ 不過朋友呢架野, 有時係講心既, 算啦算啦原諒你啦(見你請我食餐飯份上 :P) 講講下又講果幾味野, 乜係慧安商場有FACIAL做咩? 唔知啵, Anyway, 講開果度又要多謝好多有份貢獻既人, Cash呀, coupon呀, 微波爐呀, 電飯煲呀, 無你地我間狗兜可能仍然千瘡百孔 :p..最感動就係連細妹一開始都話要送部lcd TV過我(因為我印象中佢好似無送個野比我, 嘰嘰), 當然媽媽貢獻得最多啦, 不過我都大個仔了, 真係唔想你成日為我付出, 而一d收穫都無, 你上親我屋企永遠都幫我做野, 坐低飲杯水嘆下都未試過....想想真係受之有愧 >.<, 親人永遠都係身邊最親最幫自己既人 (bull shit!) 突然覺得好幸福
容我說一句, 新屋已經大功告成了 --> 三十年來期盼的安樂居, 努力的成果, 雖然唔係咩大屋豪宅, 但都叫努力儲返來, 突然覺得好自豪.
晚上提早慶祝母親節, 去mum至愛順安酒樓食飯, 但mum又幫我慳錢唔肯比我叫貴野, 今日5個人3百蚊有找. 父母眼中的孩子永遠長不大, 眼中泛起點點淚光, 突然覺得好嗟嘆
(好多突然, 咁就呃左4段野, 算是母親節的隨想吧? yeah~~~)
5月7日 (星期日)
恭喜布斯, 賀起布斯...
雲佬看來可以走人了.....If曼聯下屆有咁既陣容就好了....
Rooney Alan Smith
Giggs Gattuso Ballack C.Ronaldo
Heinze Vidic Ferdinard GaryNeville
VanDaSar
5月6日 (星期六)
lunch又去小金井食, 之後play Tony帶來的PS2+WE10, 勁好玩! 多謝佢地+布斯D''心意"
5月5日 (星期五) 不是假期的假期
去左mongkok, 睇眼鏡睇極都唔岩, 今日玩行樓梯, 夜晚食間頗平既泰國野
5月4日 (星期四)
峰迴路轉, 坐房既聽日唔駛返, 但其他人if唔想返既就要用AL or Ot leave補假...
Rebecca返左2日就resign~ 晚上去了小金井食, 幾好食啵
5月3日 (星期三)
頂頂頂, 收到個不幸消息, 佛誕要返工
5月2日 (星期二)
終於有個新人返工, 叫Rebecca
5月1日 (星期一)
放假中
背景音樂
: 十個他不如你一個 ~~~ 衛蘭
