楓
之 日 記
日記重溫:
2001
2002
2003
2004
2005
1月31日 年初三 全場爆滿的HK Disney
好開心呀, 因為今天終於都去迪士尼了, 天氣不太熱又沒下雨, 幾唔錯
下過mtr, 自然首先同水池中鯨魚上滑水的米奇影相, 之後排過隊入閘就先去詢問處拿"Today is my birthday"襟章. 然後穿過睡公主城堡, 到幻想世界, 先到米奇幻想曲睇3d電影. 呢齣野好像比日本既迪士尼同環球影城果d更好睇, 可能套野特別長吧? 之後就去左夢想花園同d公仔影相, 同左米妮, 跳跳虎同維尼影相,
之後就去Winnie the pooh個家 ~ "小熊維尼歷驗之旅"來個歷險. 歷險?? maybe for小孩子經歷吧? 有點低低地. 歷完所謂既險就再去搵米奇同唐老鴨影相. 影左一陣相, 就坐火車環遊左半個場, 係美國大街下車就睇一點鐘既花車巡遊, 普普通通咁啦, 反正得果幾輛車, 無咩料到. 之後就排左好耐去睇米奇金獎音樂劇, 都係普普通通咁啦.
睇完歌劇就去食飯. 70蚊一碟豬扒飯?? crazy, 食完就去探險世界, 先乘木筏去到泰山樹屋, 又係無咩特別, 然後又係排長龍坐船來過"森林河流之旅", 呢一part都ok, 可惜今次沒有大白鯊. 之後就去玩巴斯光年既星際歷險, 得分24萬幾 level 4, 不知高定低呢? 然後竟係shopping時間, shop左一陣6:30就睇米奇既"奇妙新春", 全日只有呢一part係見到米奇同米妮著唐裝既, 搵笨! 過程不需細述, 舞下獅跳下舞咁啦, 然後又去左shopping, 無咩好買, 樣樣野都貴到嘔. 最後係8點睇煙花表演, 呢part就ok啦, 好靚好有氣氛
晚上食麥記, 一間好耐沒幫襯晚市的場所, 一個難忘的生日
註: 自由行真係好衰, 打尖, 推人, 爭位, 極度無禮貌, 乞人憎到爆. 另外雪條,豆漿等坐低十蚊, 貴
1月29及30日 年初一及二
新年對我來說是沒甚意義的, 不過可以與周公再續前緣, 也有說不出的喜悅喲
1月28日 (星期六) 年廿九
濛濛細雨, 加丁點寒風, 去了旺角花墟行花市, 不太吸引,
狗...壹...舊.....好像很不對勁, 什麼margin 超額認購咩新聞都無, 不過與其等運到, 早點了結上市是最好的, 起碼放左呢個包袱先
有點想打退堂鼓....抽唔抽好呢?? 好似好大機會坐艇?? 睇埋二月一日d新聞先作決定
1月27日 (星期五)
今天開始有pink form派, 我們的首席財務總監好多報紙都有佢既專容, 勁. 上晝睇翻記招d影片, 老闆娘條條都迴避, 好易產生negative effect?? 之後拿本招股書不斷找人簽名, 好似填紀念冊般. lunch fc請我們去了鴻星食, 15人都成千幾蚊
1月26日 (星期四)
訓左10幾個鐘, d高層去哂記招, 我地d低層則埋頭苦幹. 因老闆明天不返工, so又要趕check票. lunch去左德福茶敆食團年
9...one...9? 呢個no.都幾邪門, 939好似好勁, 959就大上大落, 咁樣....??不過以公司既cash balance, anticipated profit, 街貨量, 老闆既好勝性格等等, 都應該...但果d underwriter..又好似窄窄地....anyway, 2月2日Pink form會截止, 要快快想想先..
1月25日 (星期三)
o到四點半終於勉強叫完工, 不過唔係凌晨4:30, 而係下晝4:30!! 足足返左30幾個鐘頭工! 今日既早餐係麵, 午餐係米粉, 咩胃口都無. 乘mtr去到藍田就下車, 唸住轉小巴啦, 頂佢個肺, 自從果個垃圾小巴站變左唔係總站之後, 成日上唔到車! 在我等左3個車只有一個車上到一個人之後, 我決定飛的!! 回到家沖完涼未夠8點就訓
1月24日 (星期二)
又係ot執數執translation對prospectus, 今日o到9點就去啟業間金燕食dinner, 當然claim公司數, 之後11點就飛的去中環玩bulk print. 間press co. 都幾多野招呼, 野飲野食任取 (asahi, 紅酒, 杯麵, Haagen Dazs...咩都有), 仲有osim按摩椅, 有線電視, 上網...若唔係做野, 真係會好正囉, 可惜無福消受. 期間訓幾個字, 玩幾個字osim, 睇幾個字阿仙奴vs wigan, 其餘時間都係睇野改野, 想死
1月23日 (星期一)
O到12點半, 死咁滯, dinner去左啟業d東姑亭叫小菜, 幾正.
同個裝修佬炒大交
1月22日 (星期日)
返公司OT, 好倦
1月21日 (星期六)
部洗衣機好勁, 識向前走 :p
1月20日 (星期五)
謝謝i記舊同事們係悠悠中華料理既晚飯, 謝謝E,M,W小姐與E生的SM皮帶, 更謝謝很久沒見JT先生的領帶...
1月19日 (星期四)
乜電飯煲都可以焗蛋糕? 真係孤陋寡聞, 多謝5大美女的一番心意
1月17日 (星期二)
因小弟, 四哥同priscilla一月生日, lunch上了8樓, 廿幾人屈係2張細檯度, 都唔知點食..
2月頭上市???
1月16日 (星期一)
d血又再次嘔過, 申請左張東亞cr. card, 唸住貪佢部cd組合啦, 只需頭5個月每次簽5舊就掂. but過左一個月, 都未有信來, 打去問... "鄭生, 我地呢個優惠, 只適於新客...云云" 頂, 仲上左分期添, 走唔甩!
1月15日 (星期日) 克勤終於娶盧淑儀了..
每次返新居, 都硬係要吐一次血
1月14日 (星期六)
多得幾位兄弟幫忙, 雪櫃終於入到廚房, thank you. 晚上去了甲乙丙食dinner, 雖然早左dd慶祝, 但都係果句, thank you
1月13日 (星期五)
係Twins既蹂躪下, HR Dept正式解體, resign, no-pay leave咩都出齊, 我都快死了, 果頭做左一個月forecast, 果頭又話要半年...
lunch飛的去淘大間上海坊食野, 我們其中碟客飯"蔥爆牛肉", 竟然只得5舊牛肉!! 而隔離台(其實都係自己友), 卻有10舊!!, 於是譚小姐call左個waiter過來投訴, 我地亦投訴回鍋肉無回鍋肉(其實有d比人食左), 最後, 經理答允送碟豆沙鍋貼, 不過因為趕時間走(其實覺得玩野已成功), 我們沒有要到...
神秘禮物原來係電飯煲, 其實我一早估到, anyway, thz
1月12日 (星期四)
究竟係咪真係攪掂
1月11日 (星期三)
放工前5點50分, Ella 一句"放工唔准走住", 心登時冷了一截, 後來幸好因力有不逮so放走了我們這批小羔羊, 不過聽閒佢地o到夜晚4點幾
dinner同左i記d同事去左kln bay間Ruby Tuesday食.. 好貴
1月9日 (星期一)
上市時間表又再延遲, 天呀
好佩服maggie yeung, 佢既diary實在太吸引了
1月8日 (星期日)
約左裝修佬傾計
1月7日 (星期六)
d血愈吐愈多, 去左德寶都係睇左一陣傢俱
1月6日 (星期五)
真的好多謝威廉的入伙禮物, 一張用美心西餅信封包著, 一月到期既hmv coupon
1月5日 (星期四)
睇左一陣傢俱
1月3日 (星期二)
吐左一整天血, 比個裝修佬激到嘔血, 整天都沒做野
1月2日 (星期一)
電腦壞了成個星期, 今日的起心肝整, 拆拆嵌嵌咁又比我攪掂啵. 下晝去左買雪櫃
1月1日 (星期日)
去左Tony同Iris既相睇bbq, 好明顯係一個局. 入到西貢, 找了差不多一個鐘都找不到目的地, 體力勞動, 勁. 過程不便細述, 祝佢3年之約成功啦.
背景音樂
: Endless
Story (電影 NaNa 插曲) 主唱:伊藤由奈
