楓之日記
2001年 1月 2月 3月 4月 5月 6月 7月 8月 9月 10月 11月 12月
2002年 1月 2月 3月 4月 5月 6月 7月 8月 9月 10月 11月 12月
2003年 1月 2月 3月 4月 5月 6月 7月 8月 9月 10月 11月 12月
8月31日(星期二)
晨早八點半就返到公司, 落左3樓食個早餐, 正式宣佈今個月total 遲了4分鐘, 唔駛扣錢! 好險, 不過check返銀行戶口, d錢去哂邊?? r哂頭..
放工六點就被人拉左去開會, 好在開到六點半only, 澎澎聲走人, 係企業附近撞到書欣
8月30日(星期一)
趕返屋企睇曼聯鬥拖肥糖, 失望到極! 仲要買條弱智前鋒?? no eye see
8月29日(星期日)
仲唸住鄭經翰來樓下去捧下佢場添, 點知落大雨個講座取消左. 晚上睇到港島區既辯論, 果個姓蔡既女人簡直不知所謂
8月28日(星期六)
比較舒服的一天, 因為d高層例會, 我地d卒仔可以抖一抖, 儘管知道個會開完後又有新野做
下晝去左銅鑼灣間'貓之地灘'食lunch, d waiter唔多理人, d野食等好耐, 仲要貴加唔好食, 四周只見到d人不斷虐待d貓
晚上返家睇曼聯vs布力般, '一世夠運'呢句野看來可以由車仔繼承, 不過曼聯唔見左好耐既打不死精神終於返來了?! 之後睇左套"旺角黑夜" 都ok唔錯既
8月27日(星期五)
Betty又流馬尿, Manager見到自然又當我地恰佢啦, 新舊人既衝突愈來愈明顯
8月26日(星期四)
穫穫新鮮穫穫甘, 做到隻蟹咁, 真係可以做到瘦嗎?
8月25日(星期三)
ot o到差不多九點, 食埋晚飯返屋企可以即訓
8月24日(星期二)
開左2個鐘頭會, 幸好6點散會. 去了康怡食壽司亭, 好q難食. 之後去mcl睇餃子, 套野好唔掂
8月21日(星期六)
份工壓力愈來愈大, 根本抖唔到氣, 每天除左食飯果幾個字叫relax dd之外, 一食完飯又要去打仗, 休息時間都無, 呢星期朝朝都6點幾就扎醒了, 就來痴線了
睇"精裝追女仔2004", 又係炒....麻麻地
睇左半場曼聯vs諾域治就頂唔順上床, 最終曼聯小勝二比一... 車仔咁既表現, 叫做強隊嗎? 一隻烏龜既死去, 標誌著另一隻烏龜既誕生...
8月16日至8月20日(星期一至星期五)
這周只需用3個字總括 ..."忙到死"
樓下區議員何偉途叫雞? 當初仲投左佢一票添....不過...真的是事實嗎??
8月15日(星期日)
曼聯出師不利, 第一場輸比車仔1:0
8月14日(星期六)
仲以為死烏龜有幾勁添, 點知烏龜始終係烏龜
8月13日(星期五)
趕頭趕命. 夜晚去左元神食Sushi
8月12日(星期四)
同Betty開始有心病, 儘管佢係Assistant Manager...
8月11日(星期三)
開始分不清身邊的人誰是忠誰是奸, 只知道要小心, 小心
睇左段短片, 內容是有個唔知乜水將一隻貓困在一個細小的鐵籠, 隻貓在籠中不舒服地屈著身打轉呼鳴, 之後條友將一d 液體灑落隻貓度, 開頭以為係水啦, 點知突然佢丟d野入個籠, 之後火光紅紅, 可以想像那些"液體"其實係...火水...好x殘忍, 昨天看死狗, 今天看死貓, 救命.
8月10日(星期二)
睇"導盲犬小q", 套野有點似紀錄片, 紀錄著小q由生到死的故事, 梁家輝好掂, 梁詠琪好唔掂, 結局對於愛狗之人, 一定喊到死. 見到個女仔喊到死下死下, 真的咁感人? 儘管老邁的小q死那幕真的很迫真...
8月9日(星期一)
同左阿靜傾左成粒鐘野
8月8日(星期日)
社區盾, 阿仙奴 3:1 ko曼聯, 從呢場波可以發覺加利仔係時候退休, 中前場表現都幾令人滿意
8月7日(星期六)
原本唸住捉阿靜入房照傾傾, 點知返到公司, 又咩urgent物urgent, 攪攪下又點幾, 當然啦, 佢一時已經準時走. 整天一句聲都無, 肯定已經有人通知左佢發生咩事啦, 星期一才找妳吧, 唉~ 在一點一,二之際, 走剩2個po姐姐仔, 即時隊左疊野比佢地 "你地邊個得閒, 唔該影左呢疊野去" "下?"她們一面不滿. "嗯, 係, 唔該" 頭也不回就返返自己個位. 不曉得大家以後如何合作呢?
原本今天是去bbq既, 但茲因小弟喉嚨仍未癒而令活動取消, 抱歉非常, 睇番日記, 原來已經咳左3星期了..
晚上去了旺角某餐廳食飯睇波, 點知大電視既四周竟被一班自由行訂左, 可悲的是他們並不是來支持中國隊, 他們竟是來唱k的! 在他們用他們唔咸唔淡既廣東話高吭引歌, 在電視開到volume一百都聽唔到Peterwong up咩, 在睇到中國隊踢到一pet屎之下, 睇完上半場就閃人.
之後同Tony去左打機, 點知突然有一個金毛無啦啦問我借二蚊打機, 借2蚊事小, 但我形住硬係有d野, 2蚊都無?? "2蚊姐" "咁1蚊啦" 最終都無比到佢, 被佢影響左心情, 果round輸左被Tony添, 哼
8月6日(星期五) 興到飛起的一天
開左一疊票, 之後比左阿靜幫手攪d野, 之後佢還番比我, 但果時同時被Susanna 阿Kent call我幫手做d野, 出出入入不絕, 到回頭做野之際, 出事啦. 睇返阿靜疊野, 點解會小左張票, 果張票, 仲係要比Joyce老公, 仲要係一萬九千幾架添! 問過阿靜, 佢言之鑿鑿話一定比左我, 我心唸唔通出出入入之際夾左係唔知邊疊野度? 於是在刮完自己team既人既座位之後, 就叫其他team幫手搵, pk, 找來找去都找唔到! 此時Queenie一句"會唔會跌左落垃圾桶, 你知啦, 我地d枱下面大把垃圾桶架嘛." 面都青, 即時衝出後樓梯找垃圾, 好在有個阿姐幫手, 真係極度感謝佢.
在一片酸臭中找東西, 過程簡直不堪回首, 我只知結局係, 找不到! 心情極度低落. 再回首問阿靜做野既過程, 她說, 曾經去過Crystal個位, 我即時問佢有無去過佢個位找過, 佢話佢已經叫左Crystal找過, 沒有, 於是我叫佢再找Crystal個位, 佢找完之後又話沒有, 此時, 心情更不好過, 盡量思索過程中會出事既地方. "會不會秘書自動取走啊?""咪玩啦, 咁同偷野有咩分別""仲咩你只找一個垃圾袋啊, 會不會係第2個垃圾袋""老實講, 我根本唔信跌左落去, 頭先係迫於無奈先博下喳" 攪攪下, 時間原來已經到6點幾.
此時望向四周, 果四位po小姐原來又係好準時咁走左(including靜), 事實上, 我對佢地既搜索過程賣力程度大表懷疑, 於是就再去佢地個位找啦, 突然, 阿hung大叫一聲" 係咪呢張"............"係呀!你係邊處找到??"忍不住攬左佢一野. "係Crystal個位囉.""下???"係放keyboard果度呀"".............." 氣到極點, 當其他team既人仍然幫我手找野之際, 自己team既阿靜, 仲要係竟然唔聲唔聲準時走, 為什麼佢係咁既人??
晚上去了太古城逛逛
8月4日(星期三)
由於被差餉物業估價署說我們公司工業與商業用地不合比例, 於是公司的員工有部份要進行大執位, 原本我們所雄霸的三間新房子, 已宣佈被人事部與物流部攻陷. 可憐的我們, 被迫遷至大船工作. 那兒柳暗花明, 打個乞嚏都會被3,40人聽到, 左右兩面亦各有一部攝錄機, 以後看來都要活在戰戰競競中了...
整日都在擔擔抬抬, 那個什麼大肚manager仲係度指指點點, 像嫌我們手腳慢似的, 極想打佢一穫
8月3日(星期二)
今天是dick的last day, 又一個一同捱過苦的同事走了. lunch例牌上8樓食飯, 祝佢前程錦繡啦
8月2日(星期一)
此間公司開票真的很複雜, 開簡簡單單一張票, 要update payment check record, 個別公司既record, 吸payment date, received date, cheque no. 開payment approval form, update cheque list, update master file, 用支票機打no., 開轉數紙, check bank balance....連開票都要我自己手寫, 為什麼所有野都要我自己做, 那還要clerk來做什麼???不是teamwork嗎?? so far 開小小十鬆張票, 已經用左我一日半!! 氣
8月1日(星期日)
因著Wilson的生日, 大夥兒去了佐敦"銀菱"食日本料理, 今日蒲頭人士特別多, 計有Brian, Elaine, Suki, Ryan, Rowina, Maggie, Shuyan, Vince, Theo, Wilson, Me, Janice, Andykwok, Tracy, Ivy, Molly, Terence, May, Francis, Bay及Benny, total 21人, 厲害~(以上人名名單取材自Andykwok.com, 謹此聲明.)我還隱約感受到Wilson眼泛淚光呢..
在Park lane見到網上流傳的男版鄭秀文, 真係聞名不如見面, 強!
背景音樂 :
扯線風箏 ~ 吳日言
