楓之日記
2001年 1月 2月 3月 4月 5月 6月 7月 8月 9月 10月 11月 12月
2002年 1月 2月 3月 4月 5月 6月 7月 8月 9月 10月 11月 12月
2003年 1月 2月 3月 4月 5月 6月 7月 8月 9月 10月 11月 12月
3月31日 (星期三)
三月三十一日, 會計界的盛事, 因為是一年一度的stocktake大日子. 我們會計部兵分十幾路, 掃云香港九龍新界的Modern. 我與Susanna被派往金鐘的海富中心點貨. 大概五點半出門, 去到都六點幾, 幸得2位出納員姐姐仔的鼎力相助, 過程大致順利, 不過點完都十點幾. 餓到暈
3月30日 (星期二)
Emily resign, 好快
新人入職要聽mpf講座, 就咁睇都有6,70人, 起碼有95%係女仔.
3月29日 (星期一)
妹妹去了Microware返工, 攪野
來了一個新人, 好高, 叫Emily?
3月28日 (星期日)
布朗終於做番齣好戲, 和倒阿仙奴算係咁了.
3月27日 (星期六)
有2條0靚幫手?
3月26日 (星期五) Surprise
返左工無幾耐, 突然有一個所謂"營運經理"既人召左Victor出去, 我心唸:"什麼人來的?", 之後五分鐘後, Victor同左一個男人返返入房, 只見他輕抽淡寫地說:"我被人炒左了.." 我們目瞪口呆地望著佢被人押解, 拿回私人野, 一句goodbye, 就咁道別了
之後Frankie召左我地4個所謂leader既人同埋Betty Joeie入房, 原來是解釋呢件事, 事緣原來關乎先前既"倒瀉飯"事件, 同埋一單新鮮熱辣既"影印機事件", 咁就成為炒人既原因, 呢度d人真係唔得罪得, 有d心寒
七點唸住放工, 正想出門口之際, 突然聽到Joyce把聲, 面都青即刻折返入房, 好似做錯事咁, 痴線.
3月25日 (星期四) 皇馬4:2 + 阿仙奴1:1
公司又請多兩條友, 好似叫kent同Hung, Tax果邊又請左人, 開會果時由十個人鬆d升到成廿個, 愈來愈多人了.
我們的新房間正在趕工, 遲d有新檯新房了, yeah~ 向老闆投訴文具遲遲未來, 點知訂果個原來係Wilson, 衰多口害左佢添 ^^"
3月24日 (星期三)
lunch丁飯, 點知聽到d阿姐係度咿咿哦哦, 聽聽下先知道Victor條友仔夠膽死整跌人個飯盒, 之後塞番d飯同餸入個飯盒度擺無事, 仲幫人丁埋添, 點知佢個醜行俾一個阿姐見到, 唔係Tony叫佢, 佢連say sorry都唔肯, 佢係咪傻架?
3月19日 (星期六) 曼聯終於一洗頹風, 贏波事小, 有heart踢先對得住d fans架嘛
留意台灣大選賽果, 一路見住宋連由贏變輸, 民進黨果然是大選高手啊
支持連宋要求重選, 而家已經唔係風度既問題
3月18日 (星期五)
全心全意返工, 下晝食黃咖喱, 晚上食黑咖喱:p
阿扁中槍, 打死我都唔會信係國親聯盟既人做, 邊有人明明民意領先緊仲會做d損己利人既野架?? if唔係民進黨班激進人士做, 就九成係d外圍莊家做..
3月18日 (星期四)
比較'舒服'的一天,可以放正常時間.
3月17日 (星期三)
叫做趕好report, 都差不多成8點先走
3月16日 (星期二)
趕report......ot o到十點半有多....返到家飯都食唔落
3月15日 (星期一) 曼聯1:4曼城, 四個字, 不知所謂
自發性地ot o到9點半, 我係咪傻左?
輸波唔緊要, 但這些表現還算強隊嗎? 一d鬥心都無, 這不是我喜愛的曼聯. 清醒吧, 你班有錢仔!
3月12日 (星期五)
放工被fc召左入房, 有點突然, 但卻幾開心
Lunch去了展貿飲茶, 比想像中平
晚上同itpk班舊同事去左旺角美心酒樓食飯
3月11日 (星期四)
Elaine生日, 去左銅鑼灣食飯, 返到kwun tong時發覺漏左樣野, 老了老了
Maggie既新形象幾好睇
3月10日 (星期三) 曼聯歐冠出局, 抵 ~ >.<
吳小姐又老一歲了, 恭喜恭喜
3月9日 (星期二)
番工遲到. 老闆娘落左口喻, 要每日o到8點. 但我們那team沒人遲過7點走
3月8日 (星期一)
回到公司是8.59分, 都係例牌入機, 不過沒會開.
3月7日 (星期日)
六點鐘突然有個女人係門口說: "老闆知你地辛苦了, 今日請食tea. " 看真d... 原來佢就係老闆Joyce. 食埋個tea七點三放工, sofar最'遲'的一天
3月6日 (星期六) 曼聯終於贏返場, 布朗仍然表現'出色', 儘管堅尼要揹一半穫
入左一陣機, 開左一陣會, then放工. 星期一又有新人返工? 呢間野真有米.
去了九龍灣一間野食lunch, 入面有漫畫睇, 有網上, 仲有Winning打添. 不過唔好意思, 做左阿豪同pinky既電燈膽添 :p 另外, 係企業發現左間Nike既outlet, 不過好細間.
3月5日 (星期五)
初步弄清P.Cash同Payment, 今日研究既課題係Sales. 呢間野既Sales大部份都涉及credit card, 但當中涉及EPS, AE, Diners club, Wing Hang...當中又會涉及分公司與分公司之間既代收錢與代refund, 呢D野絕對唔係Itpk單單的一間HSBC所能比擬, so複雜性又大了好多, 有點煩. so今日所做既又係開會與入機
夜晚同jn去了天后食飯, 不過唔去'隨你鐘意'了, 反之去了潮州城食潮州野, 睇到一part樊梨花大結局. 花卉展原來九點已收檔.
3月4日 (星期四)
可能人多好辦事吧, 感覺暫時工作壓力竟被itpk小很多, 可能大家都係a/c, 自然可以相互研究, 不似以前的弧寂與常常要對牛彈琴. 不過其他人既background真係好q勁, 有ernst & young做既, 有supervise過百幾人既, 有做左十幾年上市公司既...感到有點渺小, 不過是但啦, 當學下野.
八點七先上到車, 好在八點十一就到公司沒遲到, 上晝要同Roseline暫時執下petty cash, 其他人就負責check下 d data input. 今日收到料之前果9個Accountant好似集體辭職?? 遲d再了解清楚先. 下晝又要開會, 次次FC都迫住問各人意見, 見到D Sales volume 同credit card數已經面青, 開會時又係Terence同Frankie舌劍唇槍, Terence想挑戰Frankie既FC地位乎?? 開完會5點幾, 入一陣機又放工.
3月3日 (星期三)
返到公司咩都唔駛做, 等開會. 今日又有新人來, 好似叫Tony. 呢個會勁啦, 由上晝開到下晝5點幾, 真係面都青.
原來呢度過左probation都係7日通知, 真係'好', resign又容易, 被人炒仲容易, 問題係, 返足5日半工, 請病假仲要扣錢, 邊有時間interview?
晚上同jn去了金太郎大擦一餐, 飽到嘔
3月2日 (星期二)
今日又有個新人返工, 叫Terence, 但另一個新人Suki就無返到工了. lunch丁飯, 感覺怪怪的. 入左成日機, 又眼訓又倦. 6點3就放得工, 奇哉
3月1日 (星期一) 新一天,
新工上任, 一早7點就扎醒, 基本上if唔多人排隊, 乘小巴15-20分鐘已經到新公司. 返到公司都只係8.30am, 上到去沒人, 唯有落去樓下兜兜, 不過果度係完全沒野好兜, 死域一片!
之後8.45分上去, 見到有個男人又係一臉惘然, 傾談間先知佢又係acct. 之後9點行去人事部, 已經有3個女人係度, 又係acct? Clerk又有, Senior a/c clerk又有, Accountant又有...HR比左一大疊野我地填, 之後飛快地介紹公司. 之後又發覺多多一個Acct., total 6個新人. 聽個FC同一D舊人介紹下公司既情況, 原來佢地期下分左9間公司, 怪不得要咁多Acct. 之後老闆娘Joyce又簡介一下公司, 就要回office做野了.
去到間room又多左個女仔, 佢好似早我地一星期返? 叫什麼ca下? 間room暫時只得我們7人用, d舊acc係另一個大廳. 今天的課題是..."data input". 我不曉得maggie她們是如何應付此工作, 但我真的入到眼又濛, 耳又朧, 想死. 好在, 當學下用Accpac啦
lunch在此工廠大廈某一層食, 很懷念瑞和街街市啊, 同樣一碟飯, 呢度貴咁多既? 不過好在間公司開左個大空間for carteen purpose, 有椅有桌, 仲有汽水機添, 不過...$4.5一包250?? 好貴姐. 好, 明天帶飯啦, 看官沒有看錯, 我明天會帶飯. :p
背景音樂 :唱一首好歌
譚詠麟