楓之日記
2001年 1月 2月 3月 4月 5月 6月 7月 8月 9月 10月 11月 12月
2002年 1月 2月 3月 4月 5月 6月 7月 8月 9月 10月 11月 12月
2003年 1月 2月 3月 4月 5月 6月 7月 8月 9月 10月 11月 12月
1月31日 (星期六)
生日第一件事要做既, 竟然係睇醫生, 咳咳~
去左赤柱, 不過唔係監獄, 行左一陣赤柱廣場同購物大道, 見到梁漢文唱歌. 之後落左去灣仔及銅鑼灣, 最後係壽司亭食晚飯. Lastly, 多謝妳的禮物, AC米蘭~~
1月30日 (星期五)
病到5顏6色
1月29日 (星期四)
同左狼狗, 布斯去左圓玄學院拜太歲, 三個屬虎的男人同時失業, yeah~, 去到小巴站勁多人, 打哂蛇餅款, 之後飛的去啦, 30蚊, 好在唔係太貴. 之後寫祝禱文, 上香, 拜今年的太歲, 拜自己的太歲, 再拜其他的太歲, 然後燒太歲衣, 之後走人.
晚上去了九龍灣食上海野, 多謝你地呢餐. 之後去了睇"最後武士", 估不到咁好睇, 渡邊鎌好搶戲, 結局好感人, 有點眼濕濕, 好戲!
1月28日 (星期三)
lunch去了causeway bay同jn食飯, 之後去了2間agencies, 廢既. 中途去了"老行家" in. account, 過左HR同Accounts Manager兩關, 但仲有馬來西亞head office果關, 都唔知有無得in. 麻煩~
1月26日 (星期一)
去左勞工處, 廢既. send左20份cv
1月24日 (星期六)
經過呢幾日既寒凍同冷雨, 終於病倒起來, 喉嚨勁痛. 今日訓到下晝成點幾, 之後起身食左小小野, 再訓~
1月23日 (星期五)
lunch同jn去了慈雲山, 之後佢來我家拜年, 今晚再打邊爐, 正
晚上趕得切去到尖東睇煙花, 不過又係又凍又下雨, cracy~ 之後去紅館睇左麟右李演唱會. 因為煙花關係, 今日係開九點半既. 下? 封哂路無飛唔比經過紅館? 仲要係門口排隊?
今次既左麟右李個人感覺無上年果個咁好睇, 一來笑料唔多, 二來有d歌唔係太動聽, 高潮有點欠奉, 不過倫伯唱"雙截棍", 同埋3條麻甩佬唱"失戀"都幾攪笑
今夜有唱既滄海遺珠包括"愛的逃兵""世外桃源""誰願分手""擁抱""痴心的廢墟""一千零一夜"等等
1月22日 (星期四) 年初一
upload左last day d 相....> 按此
1月21日 (星期三)
訓過你死我活, 夜晚打邊爐, 超正
1月20日 (星期二) 都係果句. 謝謝死簽
晨早拿部電腦俾阿簽幫我睇睇, 經過佢與間公司傾, 終於知道係底板粒PS/2插口壞左, 於是又飛番屋企拿番D Warrant card同單據, 之後阿簽就幫我拆張底板出來, 拿完去間野整, 10分鐘攪掂, 勁
lunch同itpk d同事食, 知道條Alfred同佢地講我沒教佢biz approval, 佢真係好好野, 呢條友等天收啦, 仲有Derek都係, 咁鬼好眼光請呢d人. 放工回家, 部機攪掂了, yeah...點知, 最後發覺個usb有問題, 唉
天氣咁凍, 夜晚去了食煲仔飯, 之後去了維園行花市, d雨時下時停, 加上凍凍的寒風, 攞命~
1月19日 (星期一)
天寒地冬, (又係呢句) 但又一早9點醒了, 生理時鐘仍然念舊, 沒有電腦, 如何找工? 於是拿了隻鬼咁大間屋dvd來睇, 無無聊聊咁啦. 後來聽阿簽講, 買了個usb轉ps/2頭, 結果? 試驗失敗了. 無無聊聊, 陪左阿mum去街市買送, 有點回到小時候的感覺. 之後去左而家十世唔去一次既圖書館, 借左6本衛斯理來看, 第一本, 睇左3份1, 發覺有d唔對路, 之後發覺原來之前已經睇過; 睇第2本, 今次好d, 睇完3頁就知已經睇過, yeah~
晚上約左布斯食飯, 47歲死? 痴線, 不過虎年今年可能真係幾黑, 三個屬虎的男人, 全部失業now
1月18日 (星期日)
天寒地冬, 一早就扎醒, 突登行落kwun tong買keyboard, 好野, 行行下仲下起雨來, 風瀟瀟, 雨灑灑, 凍到入心入肺, 可惜的是, 買完keyboard回家, 發覺都係唔得
1月17日 (星期六) my last day, 狼隊嬴曼聯1:0
真正的last day, 清左dh要既野, 同maggie老竇吹左一陣水, 咁就放工了. 放工同3個system eng玩左一陣影相, 之後去左317吹水, 聽左一d 老闆既衰野, sorry, should be過氣老闆, anyway, 今餐多謝theo請我食, thz so much!
1月16日 (星期五)
叫alfred嘗試下用我做例子, 來試試玩mpf, 條友竟然話...我無教過佢??? good~ 放工同好多同事影相, including兩個老闆. 晚上就去了銀菱食dinner, 今次係我最後一次以itpk員工身份同其他人食晚飯, 感覺很深, 但席間很多說話都搭唔到咀呢, 嘻~ 最後, 謝謝Andychan, Maggie, Billgate, Windy, Suki, Bay, Elaine, Wilson同死簽呢一餐...
1月15日 (星期四)
晚上去了"隨你鐘意"食
1月13日 (星期二) Ivan last day
Ivy last day, 例牌又要去新港明珠, lunch聽到個消息, 有種想笑既衝動, dh呢次捉虫了
1月12日 (星期一)
再一次教林生用faxmaker, 今次係第幾次呢?
1月11日 (星期日)
睇住tvb播梅艷芳同張國榮, 陳百強, 羅文d合唱片段, 真係好傷感
1月10日 (星期六)
林生連login入一個hp咁簡單既野都唔係好識, 我真係好想大笑. 遲些問下佢識唔識excel先, yeah~~~ 公司呢次真係請左件好野.
返左公司一陣, 之後去左剪髮. 克勤又拿男歌手獎了, 好!
1月9日 (星期五)
DH好明顯知林生好多野都唔識, 佢Buy一個人, 就咩都撐佢架啦, 佢唔buy一個人, 就咩都睇唔入眼, 儘管他口裡唔會承認. 我想對林生有不滿的, 可以不必多言了, 由dh自己發掘啦
原本答應DH星期六交D report俾佢, 但呢幾日要教個老人家野, 教到心力交瘁, 根本沒可能做自己野, 同佢要求拖後兩日先交, 結果? no way, 哈哈哈~~ 我真係好想笑, 迫就交到既, 好易, 俾pet屎佢囉, 不過我唔想.
1月8日 (星期四)
因speedpost又有元氣coupon, 一行十三人又去黃埔元氣擦一大餐, 食左2件軟穀蟹手卷, 超正~~
1月7日 (星期三)
Account clerk個位今天終於有人來返工, 是一名男仕, 相信閱歷一定不輕. 但....個人感覺是, 太慢太鈍了. 番八個鐘工, 起碼講左7個鐘頭野, 喉嚨勁痛. 但我覺得佢唔會做得長囉, 純粹覺得.
1月6日 (星期二)
新來了一個data entry, 叫Jim
1月5日 (星期一)
Wilson同Theo升職加薪, 勁
1月4日 (星期日)
連續2日去坑口
1月3日 (星期六)
上左Wilson屋企打winning, 兩個唔識玩既人(me & Eric)贏佢(Wilson & Theo)2:1 & 1:0
1月2日 (星期五)
做節, JN都上來吃晚飯
1月1日 (星期四)
成個下晝都係訓覺
背景音樂 :心
債 < 梅艷芳 >