楓之日記
2001年 1月 2月 3月 4月 5月 6月 7月 8月 9月 10月 11月 12月
2002年 1月 2月 3月 4月 5月 6月 7月 8月 9月 10月 11月 12月
2003年 1月 2月 3月 4月 5月 6月 7月 8月 9月 10月 11月 12月
7月30日(星期五)
今天開始要玩埋開票果part, 過程麻煩非常! 開一張票做十幾樣野, 頂, 忙到嘔電, 阿靜都做到變哂樣, i am so sorry, 算你唔好彩跟著我, 但我真的希望大家以後能共同努力合作, 儘管我不曉得你是否當我是敵人. 16間公司, 都唔知到時點埋數? 阿珊又同SUSANNA意見不合, 一個係我下屬, 一個係我上司, WHAT CAN I DO???
7月29日(星期四)
兜口兜面係tramy面前插AP班女仔, 點名鬧個領隊Acfee, 我地一致覺得佢地會當我地係新人恰我地! 見到Tramy口黑面黑, Sorry wor! 我只想你地明白, 若大家努力工作, 那大家也可以開心上工,但請不要當我地新人好恰! 你地作反難道要我地坐視不理比你地玩? 突然間好似係公司多左好多敵人...唉, 想開開心心對著每一個人, 但發覺已經沒可能, 心病多的是, 開始發覺自己愈來愈唔nice, 這並不是我
因THEO生日, 同左MAGGIE, SUKI, ELAINE, WINNIE, WILSON同壽星仔去左'好好'食上海野, 今晚係我呢一年第一次叫熱野飲, >.< itpk始終有佢既好處, 起碼可以舒舒服服對著每個人. 煩
席間聽到一個震憾人既消息, 絕對係2004年十大八卦新聞之首, 令人晴天霹靂, 大吃一驚, 彷如隔世, 目瞪口呆
7月28日(星期三)
聽聞張敏上左來公司, 不過緣慳一面. 乜曾寶儀都係代言人咩?
阿靜成日失蹤, 聽日真係要找她訓訓話.
頂唔順, 再睇醫生, 破產了 >.<
7月27日(星期二)
班張支馬尿來飲, 希望有效啦, 救命
原來title改左? 乜完全無通知既?
7月26日(星期一)
Dick resign, 有點突然, 但都明白既
無啦啦要做多幾間公司, 仲要睇多2個人, title有無得改先?
7月25日(星期日)
咳到就來暈, 睇左2次醫生都唔掂, 改食中藥
上晝訓醒, 下晝訓醒, 夜晚再訓, 仍然軟瀨瀨
7月22日(星期四)
會計部又好似有重大變動, 阿kent調左去logistics...
仍然咳到pk, 放工再睇醫生 >.<
7月21日(星期三)
病情毫無改善
7月20日(星期二)
病到八彩, 但經內心掙扎, 為左千幾蚊點都要頂硬上, 照返工可也. 提早十二點左右去左麗晶睇醫生, 之後食埋飯, 返到office差不多係同事們既食lunch時間, 此時, 人地就食飯, 我則偷賴係度訓覺, 竟然一訓就訓著, 仲訓左成粒鐘添!
7月19日(星期一)
無程程不斷咳嗽, 下畫fc請食仙踪林, 食完咳得仲勁. 因著benny同jn生日, 夜晚同itpk既舊同事去左美麗華間"雪園"食, 老實講, 認真麻麻地. 訓到屋企咳得仲勁, 之後仲發燒添, 通宵都無訓 >.<"
7月17日(星期六)
去左金鐘in一間it公司, 一聽到又係咩都一個人做哂, 走夾唔抖 :p
7月16日(星期五)
颱風"圓規"直接吹襲香江, 天文台於十一時四十五分改掛八號風球, 同事們都雞飛狗走
公司好像找了新代言人, 她的名字叫...張敏 ^^"
因打風關係, 被迫屈在九龍灣過, 去了某餐廳食lunch, 麻麻地
生日快樂
7月13日(星期二)
Queenie令人驚嚇地用600蚊買巴西單win, 只求博回300蚊, 乜而家d女人咁狼架?
人事部隊張review我地簽, 黑口黑面咁, 妒忌乎?? 各個部門都好似有d心病咁? 要妒忌, 就唔好日日準時6點正放工啦 :p
饅頭無啦啦打來說什麼十周年聚會, 好驚佢...
7月11日(星期日)
訓覺, 中途睇左開年大典演唱會, 又睇左魔戒1..
7月10日(星期六)
去左尖咀, 先去"無間道"食TEA BUFFET, 狂食三文魚, 食到想嘔, 有沒30塊呢? 正! 不過2個人都要150蚊. 之後去了星光大道, 好多自由行啊~ 之後就去STARBUCK飲杯野解渴, THEN返歸
7月9日(星期五)
因Erica生日, 等到2點就一棚人飛左去啟業間百樂酒樓食下午茶, 14人食13位夾位位27蚊, 超平~ 下晝5點幾就切&食蛋糕, 想食就食, So free, 死仔Tony扮沉默, 呢處攪生日會玩唔起添, 失敗, 食完吹左一陣水就等放工, 一時超得閒, 一時超忙, 就係會計既特色?
晚上去了官塘開左好耐果間上海舖食野, 好多人等位, 2個人叫左4碟野, 碟獅子頭超難食!! 紅油炒手都係just ok, BLACK LISTTTTTTTTTTTTT!
7月8日(星期四)
遲左起身, 為了勤工獎果1000蚊, 死命跑去排隊等小巴, 排隊途中開電話唔夠三分鐘, 一個UNKNOWN既手提NO.打來, 聽啦, 一把男仔聲出現:"喂FRED, 我係JACOB呀...." 呆左. 原來佢牙痛得要命, 想問我有沒好牙醫介紹呢
看左Maggie既日記, 我只能夠講, 生活模式唔同左, 寫既野自然唔同左. 我呢處講下衰野都無咩人搭咀, 又何來以往般無聊趣事多蘿蘿呢? 不過我想講Maggie既日記都唔同左, 因為想看下itpk既趣事, 發覺係無咩既, 唉~ 現在在itpk返工真的很沉悶嗎? 再睇其他人日記, 基本上除左Wilson, 係無人update既...
7月7日(星期三)
返到公司, 天花板又漏水, 攪到成地都係, d文件濕哂, 煩
7月6日(星期二)
召入房, 要見老闆條仔, 近睇佢真係幾cute
7月5日(星期六)
勁興...
7月4日(星期日)
To 死簽: 千樺隻碟我買左了, d相, 又真係幾正啵:p, 全碟至like'小城大事', 另外"煉金術"'電光幻影"同"真愛開玩笑"都唔錯. 不過我形住雷頌德首歌好似抄"假如愛有天意"咁..
7月3日(星期六)
整個會計部好似有八成人都有人工調整, 有錢係唔同d既.
背景音樂 :
小城大事 - 楊千樺
