Muuqaalka Toddobaad.
Hees.
Waxaa heestan sidoo kale waddaagaya afar fannaan.
......//////1)///////.......
Naftaydaay tacadi badan
taajkiyo maaliyada jecel
misana taladeeda neceb,
tagtada koolkoolisooy
timaadada leelisooy
tebtooy waxma taransatooy,
Abwaan tamartuu arkaa
taagtaadana wuu ogyahay
murtina wuxu kaaga tegey
wallee tacabkaa qasaar.
........//////(2)///////.......
Naftaydaay taarajaan
tixdiyo suugaanta jecel
wixii tiriyaana neceb,
aduunyadu waa tusmee
xumaan ka takooratooy
tiiraanyiyo ciil i mari
Abwaan tamartuu arkaa
taagtaadana wuu ogyahay
murtina wuxuu kaaga tegey
wallee tacabkaa qasaar.
.......//////(3)//////........
Naftaydooy towbad jecel
haddana taqwadxumada neceb
misana ma tasbiixsatooy
****
tagtayoo da'i kuuma hadhin
towxiidkana kuuma dhigin
maxaan kugu taqabalaa?
****
Abwaan tamartuu arkaa
taagtaadana wuu ogyahay
murtina wuxu kaaga tegey
wallee tacabkaa qasaar.
.....///////(4)//////......
Naftaydaay tiimbiyaay
taxaashiyo tamashle jecel
misana towfiiqda neceb,
****
tilmaame xunbaa ku hagey
tusaale xunbaa ku hodey
tawaawacayee i dhici.
****
Abwaan tamartuu arkaa
taagtaadana wuu ogyahay
murtina wuxuu kaaga tegey
wallee tacabkaa qasaar.