Роберт Алаѓозовски е роден 1973. година во Струмица. Дипломирал и магистрирал на Филолошкиот факултет во Скопје. Објавува раскази, рецензии, критики, преводи, есеи, прилози и студии од областа на филмот, литературата и театарот во повеќе списанија. Работел како уредник во Студентски збор, а во моментов е уредник во електронското списание Блесок и во списанието Маргина. Добитник е на наградата на поетскиот фестивал Поткозјачки средби од Куманово. Објавил еден зборник уметнички и неуметнички текстови - „Флорилегиј" (електронско издание). Живее и работи во Скопје.