Наташа Бунтеска е родена 1973. година во Скопје. Апсолвент е на Филолошкиот факултет во Скопје на групата општа и компаративна книжевност.

Објавувала поезија во повеќе македонски литературни списанија. Работела како новинар. Досега ги има објавено поетските книги: Мали вечности (1998) и Горниот град (2000).

Застапувана е во повеќе антологии и прегледи на македонската поезија. Нејзината поезија е препејувана и објавувана на хрватски, англиски, романски, словенечки и други јазици. Живее и работи во Скопје.