Ивица Антески е роден 1976 година. Студент е на Филолошкиот факултет во Скопје. Објавува поезија, раскази, критики, есеи и манифести во повеќе македонски списанија. Добитник е на првата награда за кус расказ на Студентски збор (1997) и годишната награда за најдобра поетска дебитантска збирка за 1998 година. Досега ги има објавено поетските книги: Физиката на грозјето (1998), Растителни квадратни корени (1999), Облаци или пена за бричење (2001) и Линеарни безредија (2003).

Дел од неговата поезија е преведена и објавена на романски, хрватски, бугарски, англиски, албански, српски и на влашки јазик. Живее и работи во Гостивар и во Скопје.