|
Aninag
gaya ng araw at ng kanyang mga sinag
madaling makita dahil sa taglay na aliwalas at liwanag
mahirap makilala dahil minsa'y nakakasilaw, nakakabulag;
gaya ng sinag ng araw sa umaga ay pasayaw-sayaw,
sa gabi ay nagmumukmok,
nagkukubli sa isang sulok;
gaya ng sinag ng araw,
minsan 'di makita, madama ngunit palaging nagmamanman,
sa pamamagitan ng mga bituin at buwan
gaya ng sinag ng araw,
kasama sa tuwi-tuwina ngunit di pasasaling basta basta.
|