 |
Thuk ke choor badan sara toot gaya, bikhar gaya, vajood mera loag shoar machatay rahay geeton se uksaatay rahay aur mein thak chuki thi tanha thi bazuu shul thay qadam bojhul thay maathay pe pashemani ke qatray bikhar gaay thay baal bhi meray loag shoar machatay rahay geeton se uksaatay rahay sar bhi ab to jhhuk gaya tha aankhein thi sharamsaar meinay to chaha tha kuch aur qismat nay bazi ulti hogaee phir mujhko maat loag shoar machatay rahay tanz ke teer barsaatay rahay aur mein khud ko dhoondh rahi thi bikhray alfaaz samait rahi thi guzray lamhay soach rahi thi zakhmon pe marham lapait rahi thi dukh mera koi kia jaanay yeh to piyaar ke khail ka hai dastoor koi jeetay aur koi haaray qismat jissko bhi chhkka maaray bhaiyya ke sung, bachpan ke din saahil pe khailay mein rait ka gharonda banati, bhaiyya ussko dhaatay mein roti, bhaiyya hansatay mein rooth jaati, woh haath jorh manatay phir ik din woh khud hi rooth gaay kisi gehray samaner beech door samander paar jaa sooay aur mein rait ka mahal banati rahai, laherain ussko dhaati raheen ik roaz meri aapa ghar laut ke aagaee usskay sar ka taj, koi aur le gaee mera munaa sa bhai ik roaz gali mein khailnay gaya tha aisa gaya ke, laut ke na aya aur mein rait ka mahal banati rahi apnon ke gham ussko ghatay rahay phir meinay ik sapnon ka mahal banaya khaboon se, khushiyoon se sajaya lekin kha gae usko kisi ki nazar woh mujhko chhor ke chala gaya armanon ka khoon hoaa sapna mera toota gaya aur mein rait ka mahal banati rahi aur khud hi ussko dhaati rahi khud hi roti, khud hi hansti khud rooth ke, khud ko manati aur phir naya ik rait ka ghar banati |
|
 |
 |
 |
 |
 |
 |
|
 |
 |
 |
|
|
|
|