 |
| pinjray mein band bebas parindey ki manind meri rooh, meray jism ki qaid mein hai tarpti rahti hai, mah-e-be-aab ki manind rooh maangay aazadi, jism muqayaad rakhnay pe bazid rooh aur badam ki iss jang mein mera dil zakhmi hoaa hai, aarman ghutnay lagay hain khushiyoon ka qatal hoaa hai, aur jang to abhi jaari hai hoti rahay gi yeh jang jis dam ye dam niklay ga rooh bhi hogi aazaad jism aazaad ik khalaoon ka hoga musafir ik khaak mein jaay ga mil donon ke rustay judaa judaa jaisay zameen se aasmaan judaa jaisay nadiya ke do kinaray jaisay parbat se badli judaa waisa hi to hai in donon ka rishtaa phir ye mail hai kaisa? subha ka woh taara tanha aur mein tanha woh aagay aagay chalta raha mein peechay peechay aati rahi basroon se yehi kaam hai apna uss taray ke saath saath chalna phir mein tanha kaisay hoon kisnay kaha mein tanha mera jism, meri rooh, woh taara meray saath mein tanha nahi hoon mein khud apnay saath hoon ab kia mushkil, safar kat hi jaay ga ghamoon ki aandhi dukhon ke ye toofan guzar hi jaain gay mera hamsafar ye taara jab mein thak jaaon, woh ruk jaay mein sojaaon woh sojaay usski meri maut ka ik hi din hoga isski meri eik kahani eik haqeekat woh suha ka taara mein raat ko jalnay wali shama..... |
|
 |
 |
 |
 |
 |
 |
 |
 |
 |
|
|
|
 |
|
|