 |
| UDAAS SHAAM....TERAY NAAM kal shaam buhat udaas thi sard hawa bhi chal rahi thi aur mujhay tha tera intizaar eik aahut jo hoee, mein yeh samjhi keh tuu aaya murh key dekh to, kuch bhi na tha tuu to nahi tha chund sookhay pattay, kuch tooti shaakhain aur kuch yaadain yaad aanay lageen teri batain magar woh to hawa ka ik jhaunka tha jisnay mera daaman hilaaya jisnay mera aanchal uraaya meray baaloon ko chooliya kuch aisay tuu nay mujhay chooliya ho jaisay jaisay tuu nay isqadar piyaar se pukaara ho mujhay jaisay tuu nay samaitaa ho apni aaghosh mein mujhay magar woh to hawa ka eik taiz jhaunka tha tuu nahi tha phir mujhay honay laga mehsoos teri ungliyoon ka lamas teri saansoon ki mehak teray dhahaktay badan ki luau teray piyaar ki khushboo teri awaaz apnay kaanoon mein apnay shaanoon pay apnay gaaloon pay apni sansoon mein is Jaltay badan ki aag mein magar woh to baarish ka pehla katra tha tuu nahi tha phir yoon sard hawa key jhaunkay nay aawaaz di mujhay jaisay tuu nay pukaara ho baray piyaar sey mujhay jaisay tuu nay apni madh bhari aankhoon sey dekha ho mujhay jaisay teri baahon nay bari chaah sey samaita ho mujhay mein bekhoodi mein chalti rahee teri tamanna mein bhatakti hi rahee teri aaghoosh ki hiddat dhoondti hi rahee baarish key katray paani ki boondain teri ungliyoon ki tarha meray sulagtay badan ko chhoonay lagay, piyaar karnay lagay meray janam janam key piyaasay mun ko taiz baarish nay kuch istarha sey bhigooya aaj jaisay tuu nay apni baahon mein bhar liya ho mujhay jaisay tuu nay choo liya ho mujhay kitnay piyaar se, kitni chaah se mein simmat gaee, teri aaghoosh mein baarish ki yeh boondain jalaati hain mujhay teri yaad, yeh doori, yeh faasalay tarpaatay hain mujhay tarsaatay hain mujhay aaja meri duniya mein ke piyaasay mun ki, inh aankhoon ki piyaas bujhay dil ka diyaa aakhoon key deep jalaa�ay sapnoon ke baaraat liye raah tak rahee hoon teri khari hoon kab sey teray intizaar mein kab tuu aa�ay ga meray berang khawaboon mein rang bharnay ko meri taareek duniya mein, roshni karnay ko meri udaas aankhoon mein, sitaray sajanay ko meray honton pe, hansi key gulaab khilaany ko kab aa�ay ga tuu mujhay apni baahoon mein samanay ko apni aakhoon mein basanay ko pakloon pey sajaanay ko dil mein chuupaanay ko ab aa bhee jaa keh mera dam nikal na jaa�ay teri raah taktay taktay |
|
 |
 |
 |
 |
 |
 |
 |
 |
|
|
|
 |
|
|
| meri sab akaili aur udaas shamain teray naam hain |