 |
 |
 |
| ik raat ki baat hai ab to guzri baat hai do Dillon ki baat hai buhat raaz ki baat hai buhat hi afsaanay banay kia khoob jag ki baat hai hum to bas deewanay tehray piyaar kab hoash ki baat hai kissi shaam tanha na rahay tanha koi lutf ki baat hai issi ik dhaaray pe behtay barsoon beetay aghaaz hoaay sadiyoon ki baat hai aaj to phir wohi raat hai fallak pe, chaand taaray ki baat hai haathon mein tera phir se haath hai na shikway ki shikayat ki baat hai ulfat ke izhaar ki raat hai tajdeed-e-wafa ki baat hai maut bhi judaa jissko na karsakay ik aisee raaz ki baat hai jo dil mein piyaar basa rakhiye to ibaadat hi ki to baat hai -------------------------------- raazdaan to thay buhat,fursat na milee sunaatay qissa apna aur kal ehbaab nay phir bulaya, sunanay ko koi qissa apna aur to sab nay sunaee muhabaat ki dastaanain yaaro hum tak pauhancha tha wohi aahoon bhara qissa apna ab shikayat bhi karain to kiss say karain, koi hamdard nahi raha dair to humnay ki aanay mein, sab jaachukay thay suna kar qissa apna aur phir eik samaan bandh gaya, mehfil nay suni jo meri kahani un ke tassaver mein thay khooay, aur khud hi sunatay thay qissa apna rang humnay woh jamaya ke Shama ke sang ronaay laga parwaana bhi zaalim ka tasawar bhi bedard nikla, hansta raha, suna kar qissa apna subha hotaay hi yaaran-e-mehfil aaker jagaanay lagay mujhko aur Gul ro ro ke kehti rahi, sun to lo eik aur hai dard bhara qissa apna -------------------------- qatra-e-khoon ko tarasta hi raha mera gulshan sailaab-e-ashk baha le hi gaya, sarv-o-samman bahar aaee ghunchay khilay, magar thakay thakay se lagay ik khazaan ka dukh, aur phir hawaaoon ka taiz challan sab kuch rah gaya raat ki siaahi mein chhup kar zakhamoon ke paiwand, woh naasoor, woh chhalni badan zabaan mein apni band rakhoon gee, hukum tumhara bajaa kaliyoon se suno daastaan-e-khoonchkaan, se uthta chilman sabzaay ki haryaali pe na jaa, sarsoon ka dekh rung har daali pe hai jafa ka paiwand, kia hoa jo ujlaa hai pairahan pather, rait, matti, kia kia na daal kar chuppaya Meinay rang to tera lag hi chukka hai mujhko, kia dhooay ga saabun |
 |
 |
 |
 |
 |
|
|
|
 |
 |
 |
 |
 |
|
 |
|
|