 |
|
 |
| sapnoon mein dekhti hoon jisko kuch apna sa lagay hai khuli jo aankh to woh najaanay kuch paraya sa lagay hai har eik ki aakhoon mein piyaar hi to dhoondti rahi aur uski aakhoon mein bhi piyaar kuch jhoota sa lagay hai yaadain bhi sawan key badal ki tarha chaaii hain woh saamnay baitha hoaa kuch uktaaya sa lagay hai aakhoon mein kuch payam hain, aanso na dekh meray tera khaloos bhi, chahat bhi ab kuch dhoka sa lagay hai shab bhi kat hi jaati hai, savairay ki umeed liye din bhar magar aanay waali shab ka kuch dharka sa lagay hai rahon mein muhabat ke diye kitnay jalaay humnay jo teri talaash mein niklay, to raah mein kuch andhera sa lagay hai yeh khaar khaar nahi hain, ghamgusaar hain teray gul ko sara chamman phir bhi kuch soona sa lagay hai Aansoon ka kia behtay hain, jaisay barsay barsaat mein badal Gar rasta chalna mushkil ho tumko, to thaam lo mera aanchal Bhatakti rahi hoon najaanay kiski ki talaash mein aajtak Woh ajnabi jo saath tha kabhi, ab rasta gaya hai badal Kabhi tanhaee mein preshaan, kabhi hajoom mein tanha tanha Aur ab kahan milay ga sakoon, khuda imtihaan meray karday sehal Gham ki hawa nay itna jala dia Udaas samander mein gira dia Jab kuch bhi na raha paas meray Sulagta hoa dil haath mein thama dia Na aya yaqeen jab meri wafa ka Lahoo badan, daaman-e-taar dikha dia Sadiyoon pay moheet meri kahani Ik pal mein mujhay zamanay nay bhula dia Mujhay shaahkaar banaya tha qudrat nay Kaisay dil key mander mein tu nay saja dia Aankhein bhi jin ko ab to tarsain Woh sapna lori dey dey key sula dia Samajh aa�ay na sabab kuch udaasi ka Gul, nay aaj kia paaya, aur kia lutaa dia Khayal-yaar sey kitnay kareeb thay hum Piyaar pa ker bhi tera kitnay ghareeb thay hum Ronay mein umer guzaari, haath kuch bhi na aya Tera dard bhi na mila, kitnay badnaseeb thay hum Ulfat to thi teri duniya say hi humko warna Khud sey to nafrat thi, kitnay ajeeb thay hum Dekhnay ko zakham hain, rafoo ko daman-e-taar Aah, eik woh zamana, kia dilfaraib thay hum Jis raah say guzray, phool sajatay rahay hum to Aur lutwaya khud ko, apnay hi raqeeb thay hum |
 |
 |
 |
|
|
 |
 |
 |
 |
|
|
 |
 |
|
|