Plataforma Nunca Máis de Carnota

Plataforma Nunca Máis de Carnota
Principal	Galeria fotográfica	Información	Editorial

Van do Prestige e Aínda Non Dimitiu Ninguén ¡Dimíteos ti!

II MÁSTER EN PREVENCIÓN E XESTIÓN
DE CATÁSTROFES MARIÑAS

Vostede pode provocar e xestionar a próxima catástrofe marítima e medioambiental desde o sofá da súa casa, desde o seu coto de caza, desde a súa estación de esquí favorita,... Sin esperas, sin especialistas, sin profesionais, sin preparación. TOTALMENTE GRATUITO

CONTIDOS DO II MÁSTER (2003-2004)

I .Profesorado
II. Módulos e créditos
III. Exame de ingreso
IV. Tese de doutoramento
V.Orla do I Máster (2002-2003)
VI. Entidades colaboradoras

I. Profesorado

II. Módulos e créditos

• CATÁSTROFES MARIÑAS E AUTORIDADES (3 horas-50 créditos):
-Como provocar unha catástrofe mariña
-Descoordinación das autoridades
-Linguaxe a empregar nunha catástrofe mariña
-Como impedir unha comisión de investigación
-Como minimizar unha catástrofe
-Importancia das “coalicións radicais”. Emprego das mismas.
-Como conseguir que repetindo moitas veces as mismas mentiras algunha xente as crea.
-Como autoexculparse de calqueira resposabilidade e ascender nun futuro inmediato.
-Como exculpar ós teus amigos de calquera responsabilidade e ascendelos nun futuro inmediato.
-Como botarlle a culpa a todo o que se move.
-Como poñer cara de “yo no fui”
-Como maquillar unha paupérrima axuda europea
-Como chegar de último a unha catástrofe e disimular
-Como manexar as cofradías. Cofradías rebeldes e castigos
-Incompetencia e ascensos. Relacións.
-Como saber si unha praia está limpa a 15 km. de distancia.
-Futbolistas e compromiso social.
-Manexo de Feiras Mundiais de Pesca
-Manexo de simuladores sin ter moita idea.

• CATÁSTROFES MARIÑAS E MEDIOS DE COMUNICACIÓN (2 horas-90 créditos)
-Como ocultar a información
-Como terxiversar a información
-A Censura, esa amiga
-A transparencia informativa, esa descoñecida
-Limpeza de praias con Photoshop
-Como tapar a ausencia do goberno. Plan Galicia
-Como se publicita un plan sin orzamentos
-Importancia da colocación de carteis por todos lados
-Importancia de inaugurar todo o que se poida ainda que xa se inaugurara anteriormente
-Festas e Romerías populares galegas

• CATÁSTROFES MARIÑAS E LIMPEZA DA COSTA (3 horas-50 créditos)
-Como descoordinar o volutariado
-Disposición de números de teléfono para decirlles que non veñan.
-Como impedir o suministro de material
-Como transformar un voluntario en un piolloso, drogadicto, alcohólico, violador, ladrón, delincuente, asasino e terrorista.
-Como acabar co voluntariado. Campaña “Conciencia solidaria”
-Como explicarlle ós traballadores de TRAGSA que se lles paga para que non limpen, senón para que aparenten que limpan
-Exército e limpeza. Como pagarlles as vacacións que se lles adeudan ós soldados:”veraneen dous meses na costa galega a ghastos paghos” .
-Como mover rápidamente os soldados de un sitio para outro para que pareza que hai moita xente limpando.

• CATÁSTROFES MARIÑAS E SAÚDE FÍSICA, MENTAL, DEMOCRÁTICA E POLÍTICA (5 horas-80 créditos)
-Como impedir análises epidemiolóxicas
-Como impedir análises de toxicidade das augas
-Como impedir análises de toxicidade dos peixes
-Teorías de solidificación do fuel.
-Como crear un organismo para xestionar as axudas ós afectados sin que haxa ningún afectado en dito organismo. A Fundación Arao.
-Como impedir unha cadea humana (este contido foi anulado)
-Como impedir unha manifestación (este contido foi anulado)
-Como impedir o recorrido dunha manifestación (este contido foi anulado)
-Como recordarlle a calquera que cobre becas, axudas ou subvencións que non debería apoiar públicamente a unha plataforma cidadán
-Como contar os manifestantes nunha plaza
-Como tapar unha burrada decindo outra burrada, e seguir esta dinámica durante dez meses.
-Como deixar ós cidadáns sin dereito algún. Unificación dos poderes lexislativo, executivo e xudicial.
-Nunca Máis e Nacionalismo
-Nunca Máis e Independencia
-Nunca Máis e ETA
-Nunca Máis e Bin Laden
-Nunca Máis e Al Qaeda
-Nunca Máis e Sadam
-Goberno e democracia
-Goberno e transparencia
-Goberno e competencia
-Goberno e salvación de almas

III. Exame de ingreso

1. Na foto aparece nítidamente a praia de Ximprón, en Carnota. Á vista da imaxe, vostede dirá:

a) ¿Ximprón? Parecíame Camelle, fíxese
b) Voume alonxar un pouco, que estou moi cerca e non teño boa perspectiva
c) ¡Está esplendorosa!
d) a, b mais c son correctas

2. Na foto aparece unha manifestación da “Plataforma cidadá “Nunca Máis” na praza do Obradoiro, en Santiago. Vostede calcula que alí hai:

a) 50.000 persoas
b) 150 persoas
c) Non importa. É un fracaso total
d) b mais c son correctas

3. Unha das seguintes frases non se corresponde coa linguaxe que hai que empregar nunha catástrofe marítima. Sinale cal:

a) “hilillos de plastilina en estiramiento vertical”
b) “hay 400 KILÓMETROS de costa afectada, pero disponemos de 17.000 METROS de barreras que pensamos van a ser suficientes”.
c) “Esto é unha marea negra en toda regla.
d) Acabouse o problema. Traio cartiños.

4. Para levar a cabo o seguimento informativo da catástrofe, vostede depositará a súa confianza nas seguintes cadeas:

a) CRTVG
b) Cadena Ser, Canal Plus e Tele 5 ata O Nadal.
c) TVE, ANTENA 3, COPE, ONDA CERO e RNE
d) a mais c son correctas

5. Elixa agora a prensa escrita para o mesmo fin:

a) El país, A nosa terra e Tempos Novos
b) La Voz de Galicia ata o consello de ministros na Coruña
c) El correo gallego
d) Me avergüenza la facilidad de la pregunta

6. Sinale cales das seguintes webs habería que pechar para que a xente non se enterara do que pasa:

a) Todas as relacionadas ca Plataforma Nunca Máis: Burla Negra, Plataformas Comarcais,...
b) A Contrafío, Vieiros, A Cova da Moura, Nodo50,...
c) A páxina web da Xunta de Galicia
d) a mais b son correctas

7. Ós que lle esixen ó goberno que cumpla coas súas obrigas, vostede chamaralles:

a) Terroristas
b) Cans rabiosos e enemigos de Galicia, entre outras lindezas e os despreciará.
c) Diralles que como cidadáns libres que son dun país democrático, están no seu direito
d) ¡Pero hombre! ¿A quién se le ocurrió la respuesta c? ¿A un demócrata o qué? ¡Que lo echen del país!

8. Hai unha foto famosa na que se amosa un voluntario cabreado e facendo un xesto co dedo medio. Vostede diría que ese xesto vai dirixido a:

a) Nunca Máis
b) Apóstolos Mangouras
c) Á incompetencia e censura dos gobernantes e medios de comunicación
d) a mais b son correctas

9. Na foto aparece o cartel que a Plataforma de Sanitarios de Nunca Máis elaborou para aconsellar ós bañistas nas praias. ¿Qué pensa vostede?

a) É un cartel innecesario
b) A culpa de que a xente se manche é deses malditos carteis.
c) Nós tamén fixemos un coma ese pero non o repartimos. Ádemáis, o noso era máis bonito e os de Nunca Máis nos copiaron a idea
d) a, b mais c son correctas

10. Escolla a actividade de máxima prioridade si vostede é o encargado de xestionar a seguinte situación: “un petroleiro con 87.000.000 de kilos de fuel no medio dunha tempestade”:

a) seguir de cacería
b) seguir esquiando
c) movilizar ó meu goberno e consultar con bós profesionais
d) a mais b son correctas

11. Sinale o máis axeitado para recibir de Galicia unha medalla de ouro:

a) Superpiñeiro, Gaioso e Ana Kiro
b) Os paiasos da tele
c) Cascos
d) ¿a mais b non son a mesma?

12. ¿Cómo evitaría unha cadea humana no ensino?

a) Ameazando ás empresas de transportes
b) Pedindo todo tipo de autorizacións que normalmente non son necesarias
c) Decíndolles ós pais que vai haber un partido moi bonito entre o Madrid e o Dépor en Madrid, e que están todos invitados e que aí non fai falla ninguna autorización.
d) As tres son correctas, aínda que inefectivas

13. ¿Quen foron os protagonistas do partido de fútbol mencionado na pregunta anterior?

a) Lendoiro(PP), Horacio Gómez (PP), Florentino Pérez(PP), Rajoi(PP) e Fraga(PP),
b) A Xunta de Galicia(PP), a Comunidade de Madrid(PP) e a TVG(PP)
c) As cofradías e demáis afectados
d) a mais b son correctas

14. ¿Cómo desprestigiaría a unha Plataforma Cidadán?

a) Home, unha Plataforma Cidadán hai que respetala, que os cartos que nos gañamos salen dos seus petos
b) Collería un sindicato da miña man para que teñan que recoñecer que os cartos que pedían para protetar eran para protestar
c) Collería un fiscal da miña man para que actuase duramente contra eles
d) b mais c son correctas

15. ¿Cómo actuaría coas cofradías?

a) Intentando dividilas
b) Decíndolles que se queren cobrar teñen que firmar que non van denunciar ós responsables, que a decisión de alonxar o barco foi correcta e a xestión inmellorable.
c) Actuaría conxuntamente con elas en beneficio do mar e dos que viven directa ou indirectamente del.
d) a mais b son correctas.

16. Vostede dimitiría do seu cargo si:

a) Teño demostrado manifesta incompetencia e neglixencia na miña actuación.
b) Todo o mundo me esixe que dimita
c) Tivese un pouco máis de vergoña e un pouco menos de apego ó sillón
d) ¿Dimitir? Están de coña

17. Si, coma vostede, a xente do seu gabinete amosou a mesma incompetencia e neglixencia, ¿qué faría?:

a) ascendelos
b) condecoralos
c) sustituilos
d) a mais b son correctas

18. ¿Cómo lavaría a súa imaxe despois de meter a pata tantas veces en tan pouco tempo?

a) Repetiría as mesmas mentiras durante 10 meses, que algo quedará...
b) Crearía un Comisionado para que pareza que me ocupo do tema
c) Esto non hai quen o lave
d) a, b mais c son correctas

19. Esta foto da manifestación dos paraugas en Santiago o 1 de decembro , a vostede recórdalle:

a) Que en Galicia chove moito
b) Que sería bo negocio vender paraguas en Galicia
c) ¡Mira que hai modelos distintos de paraguas!
d) a, b mais c son correctas

20. Escolla a súa frase favorita:

a) Nunca Máis
b) Máis que nunca
c) ¿e a culpa de quen é?
d) Incompetencia, lalalalalalá, incompetencia,...

21. Diante da masiva edición de libros que critican documentalmente a súa xestión, vostede:

a) Non compraría ningún
b) Publicaría “Tierra de Titanes”, a ver si alguén o compra, e si non o compra ninguén, seguireino publicitando dez meses despois e, se non, xa o regalarei
c) ¿De que libros me fala?
d) a, b mais c son correctas

22. ¿Cómo acabaría co voluntariado?

a) Non poñendo medios para traballar
b) Mareándoos dun sitio para outro
c) Faría unha campaña “Conciencia Solidaria” para que se foran dunha vez
d) a, b mais c son correctas

23. Na frase “probablemente el fuel no toque la costa gallega”, ¿cal é o suxeito e cal é o obxeto?

a) E que a análise sintáctica non é o meu forte. Ademáis, ¿teño que saber iso para provocar unha catástrofe mariña?
b) O suxeito é “el fuel” e o obxeto “la costa gallega”
c) O suxeito é “la costa gallega”” e o obxeto é “el fuel”
d) O suxeito elíptico é “Fernández De Mesa”” e o obxeto é “enganar á poboación”

24. Na frase “las mareas alejarán el petróleo de nuestras costas” se sustentó científicamente en base a:

a) Epi y Blas
b) Juan Pardo
c) Ós servicios de intelixencia británicos e estadounidenses
d) Non hai ninguén perfecto, ¿non?

25. “No se va a verter un solo litro más”, foi pronunciada o 21-11-02 por:

a) Aramis Fuster
b) Rappel
c) Mariano Rajoi
d) Puido ser calqueira; teñen a mesma credibilidade.

26. Si os galegos só encontrasen información real do que pasa ó través de emisoras de radio portuguesas, vostede:

a) Promovería “Operación Triunfo”, “Gran Hermano” e centos de programas do corazón, a ver si a xente deixa de escoitar tanta radio. ¡Qué manía de querer estar informados!
b) Intentaría interceptar a señal das emisoras portuguesas.
c) Diría que a diferencia horaria (UNHA HORA) é a causa de que a información que chega de Portugal sexa a correcta
d) a, b mais c son correctas

27. Si, ó fin, se consegue crear unha comisión de investigación no Parlamento Europeo, vostede:

a) Direi que estou moi ledo, ainda que non poida explicar por qué votei en contra
b) Como terei controlados ós medios de comunicación, a noticia que aparecerá en todos eles será: “O Parlamento Europeo crea unha comisión para que ACCIDENTES coma o do Prestige non se volvan a producir”. De investigación, nada.
c) Non importa; aínda gañamos por oito a un.
d) ¿Qué lles pasa ós europeos?¿É que non están en venta? ¡Malditos comunistas!

28. Si se abrisen dilixencias para que Fraga, Pita e Oreja tivesen que rendir contas por insultar ós cidadáns:

a) Non importa; están controlados todos os medios de comunicación e non vai saír en ningún.
b) No xuizo diría que se malinterpretaron as miñas palabras, como dixo Trillo despois de declarar que as praias estaban esplendorosas
c) Non importa; o fiscal é García Malvar. Xa o metimos no xulgado de Corcubión como FISCAL para que fixera de abogado DEFENSOR
d) a, b mais c son correctas

29. ¡Atención! O piloto máis popular de fórmula 1 do momento, Fernando Alonso, vai levar no seu casco unha pegatina de “Nunca Máis”. Reaccione axiña.

a) Terei que facer un par de chamadas
b) Este Fernando... ¿Aínda non se enterou que é millonario? ¿E que non se fixa nos futbolistas? (Bueno, quitando ese Fernando Vázquez. ¡Jarraicito!)
c) Outro ó que lle importa o Medio Ambiente ¡manda carallo!
d) a, b mais c son correctas

30. Atención: Feira Mundial de Pesca en Vigo. Actúe:

a) Voulle escribir a dous amigos a ver si teñen algún programiña para facer simulacións, que non debe ser moi difícil
b) ¿De pesca? ¿Non era a Feira Mundial do PP?
c) Temos que saír en todas as fotos
d) a, b mais c son correctas

31. Galicia significa para vostede:

a) A parte desaproveitable de España
b)¡Ay, qué gracia los gallegos cuando hablan!
c)Creo que alí bailan flamenco e comen paella
d)¿Galicia? Sóame ese sitio. ¿Non é de Europa?¿Ou de África? A verdade é que non estou moi seguro

32. Última pregunta. Si vostede, por un erro, xestionase ben unha catástrofe medio ambiental, ¿qué faría a nivel político?

a) Non pararía de promover comisións de investigación para amosarlle ós demáis o ben que o fixen
b) Non pararía de promover comisións de investigación para amosarlle ós demáis o ben que o fixen
c) Non pararía de promover comisións de investigación para amosarlle ós demáis o ben que o fixen
d) Non pararía de promover comisións de investigación para amosarlle ós demáis o ben que o fixen

IV. Tese de doutoramento

Para ser un auténtico provocador e xestor de catástrofes medioambientais deberá vostede realizar un estudio minucioso que dea resposta á seguinte cuestión:

“SI VOSTEDE É RESPONSABLE DUN PETROLEIRO CON 77 MILLÓNS DE KILOS DE FUEL, E NAS MESMAS CIRCUNSTANCIAS QUE O “PRESTIGE”, ¿CÁL SERÍA A SÚA ACTUACIÓN PARA CONSEGUIR MÁIS DANO, AFECTAR A MÁIS PAÍSES, MATAR A MÁIS SERES VIVOS, MANCHAR MÁIS KILÓMETROS DE COSTA, CARGARSE MÁIS ECOSISTEMAS E CABREAR MÁIS Á POBOACIÓN QUE O QUE FIXO O GOBERNO A PARTIR DO 13 DE NOVEMBRO DE 2002?

*DISPÓN DE TODA UNHA VIDA PARA A REALIZACIÓN DESTE TRABALLO.

V. Orla do “I Máster”. Relación de aprobados (2002-2003)