Van do Prestige e Aínda Non Dimitiu Ninguén ¡Dimíteos ti!

PASO DE POLÍTICA

Cando hai eleccións, o día anterior déixase para a reflexión, pero dame a min que poucos reflexionan. Quen xa ten o voto decidido non o precisa, o que non ten pensado ir votar tampouco vai reflexionar e o que non o ten moi claro un día non lle vai aportar nada. Por iso é tempo de reflexión, pero non sobre a quen votar, senon de cómo facer que as cousas poidan trocar.
No sistema electoral que padecemos, o voto en branco e pouco máis que o voto nulo, e moitas veces un voto valedeiro pode acabar por beneficiar a quen nós non queremos. Certo é que tal vez conviría que mudase algo para que o voto en branco realmente represente a disconformidade, pero por moitos que se contabilicen non van quedar escaños valeiros. Nembargantes, quen non vota ten que darse conta que iso non é un xeito valedeiro para amosar disconformidade, pois de feito non axuda a que as cousas troquen, e máis, favorecen ós que precisamente menos interés teriamos en que saisen beneficiados. Pero tamén aquel que si mete papeleta válida, corre o risco, de non meditar o seu voto, de que este tamén estea a favorecer a quen el non quere. Falo de certos partidos políticos moi dados a xogar a ser imprescindibles vía pacto, pois conven saber a quen van facer de poste, non vaia a ser que o fagan xusto con aqueles que nós precisamente non queriamos que gañasen por nada.
Trátase polo tanto de facer que o noso voto sexa útil. Útil para facer que isto cambie ou útil para mantelo, pero útil. E dende logo, vai sendo hora de que si non estamos de acordo en como se nos está a gobernar, fagamos algo, pois este é o momento e dende logo o único xeito que hai de facelo.
Dende logo, eu xa estou farto de mentiras, chapapote, insultos, propaganda, de que se apoie unha guerra no meu nome, e por iso, pasando de política, penso facer un voto útil.

D. Manuel Da Pena