Van do Prestige e Aínda Non Dimitiu Ninguén ¡Dimíteos ti!

O VOTO DA MIÑA AVOA

A miña avoa ten máis anos que Fraga, pero viviunos doutra maneira, tripando terróns, carrexando herba para o gando, pasando fame e traballando para “os señores” que comían canto querían.
A miña avoa xa non anda con moita soltura. Pero o día 19 irá votar.
Ela non mira a campaña na tele, non lee xornais e non escoita a radio. Ela vé o programa de “Gayoso”, vai a misa e ás festas dos maiores a beber viño e comer o polbo, e xa voltou co sobre para as eleccións.
Pero ten o voto claro. Recibiu axuda espiritual o domingo na misa. Xa o señor cura se encargou de lembrarlle que si non votaba ó PP iría para o inferno, e a probe da miña avoa, que xa pasou gran parte da súa vida nel, non quere voltar.
Por si acaso, xa quedou un concellal do PP en ir pola casa a recollela para levala ó colexio electoral, por que a probe xa non camiña moi ben, e xa lle falla de vez en cando a memoria, así que voltarán a darlle o sobre coa papeleta xa dentro.

Os maiores xa se sabe.

D. Manuel da Pena