यदृद्धिं सुत्राम्णो वरद परमोच्चैरपि सती -
मधश्चक्रे बाणः परिजनविधेयस्त्रिभुवनः ।
न तच्चित्रं तस्मिंन्वरिवसितरि त्वच्चरणयोर्
न कस्या डन्नत्यै भवति शिरसस्त्वय्यवनतिः ॥१३॥ 

अकाण्डब्रह्माण्डक्षयचकितदेवासुरकृपा
विधेयस्यासीद्यस्त्रिनयनविषं संह्रतवतः ।
स कल्माषः कण्ठे तव न कुरुते न श्रियमहो
विकारोSपि श्लाध्यो भुवनभयभंगव्यसनिनः ॥१४॥

असिद्धार्था नैव क्वचिदपि सदेवासुरनरे
निवर्तन्ते नित्यं जगति जयिनो यस्य विशिखाः ।
स पश्यन्नीश त्वामितरसुरसाधारणमभूत्
स्मरः स्मर्तव्यात्मा न हि  वशिषु पथ्यः परिभवः ॥१५॥

मही पादाधाताद् व्रजति सहसा संशयपदं
पदं विष्णोर्भ्राम्यद्भुजपरिघरुग्णग्रहगणम् ।
मुहुद्यौंर्दोस्थ्यं यात्यनिभृतजटाताडिततटा
जगद्रक्षायै त्वं नटसि ननु वामैव विभुता ॥१६॥ 

वियद्व्यापी तारागणगुणितफेनोद्गमरुचिः
प्रवाहो वारां यः पृषतलघु दृष्टः शिरसि ते ।
जगद् द्वीपाकारं जलधिवलयं तेन कृतमि -
त्यनेनैवोन्नेयं धृतमहिम दिव्यं तव वपुः ॥१७॥ 

रथः क्षोणी यन्ता शतधृतिरगेन्द्रो धनुरथो
रथाड्.गे चन्द्रार्कौ रथचरणपाणिः शर  इति ।
दिधक्षोस्ते कोSयं त्रिपुरतृणमाडम्बरविधिर् -
विधेयैः क्रीडन्त्यो न खलु परतन्त्राः प्रभुधियः ॥१८॥ 

हरिस्ते साहस्त्रं कमलबलिमाधाय पदयोर् -
यदेकोने तस्मिन् निजमुदहरन्नेत्रकमलम् ।
गतो भकत्युद्रेकः परिणतिमसौ चक्रवपुषा
त्रयाणां रक्षायै त्रिपुरहर जागर्ति जगताम् ॥१९॥

Page 3 of  7
(See Marathi, English and Comparative Mahimna)
        \Sanskrit Shri Shiva Mahimna Stotram\