Der Lauf
Analyse ---- Laufstrecke ---- Vorbereitung ---- Lauf
Sondaach - de Marahdon Un gugge mal do, die Sonn had gelachd odder was noch de Mond als ma Aache uffgegange sind. Es war schee hell un isch war rischtich schee mied. Awwer was solls. Langsam rei in die Klamodde unn noch e bissje Kraftriegel gegesse, was getrunke und so geche halb Achd bin isch dann gen Frankford uffgebroche. Vorher hab isch von maa bessere H�lfd die beste Glickw�nsch midbekomme unn isch mussd ihr noch zeiche, wo se mit de Kinner am besten hingehe duhn soll, damidse aach was sehe k�nnd. In Frankford war schon alles bestens vorbereided. De Parpplatz war schnell gefunne, de Schaddel-Bus fuhr gleich ab unn so war isch schon ziemlich frieh dord. Ei, unn was fier e Get�mmel und gesch�ftich Betriebsamkeit schon in de Messehalle war. Da warrn se noch am Friehsticke unn uffwache. Viele sahn verdammd verpennd aus, hawwe wohl des Frankforder Nachtlebbe genosse!!?? Nun isch haw dann maa Laaf-Klamodde angezoche unn en annern L�ufer gefraachd, wo isch de Schempien-Schip anbinne m�ssd. Die warrn all sehr nedd un hawwe erz�hlt wie offd se schon Marahdons gelaafe sind unn wie schnell - unn mir isses immer kribbelicher worrn. Mei Rucksack mid all maa Sache hawisch dann in e Hall getraache, wo fier jeden L�ufer e Pl�tzche mid sei Startnummer reserviert worrn is. Eifach doll. Dann binisch iwwer e Dixie-H�us'che zum Messetorm unn da kam mer aach schon de Jans entgeche, wir hadde vorher per I-Mehl Bilder von uns ausgetauscht, so dasmer uns soford erkannd hawwe. Anschlie�end simmer zu seiner Fraa, wo er sisch verabschiede geduhn un ischse begriest hab. Maa Fraa unn die Kinner hawwe sisch e bisje versp�ted un so hawwer uns netmer treffe k�nne vorm Laaf. Schee sonnich war es, awwer trotzdem f�r misch so k�hl, besonners weche dem Wind, das isch misch f�r lange Teihds (e Art von lange Unnerhose) unn e lang thermo T-Sch�rt entschiede hab, denn wenn isch frier, kann isch net laafe unn schnell erst rescht net. Au�erdem hadisch Angst, das isch unnerwegs vielleicht mal gehe missd unn dann auskiehle k�nnd. Die Organisatorn hadde Jans unn misch in die Startgruppe B4 praktisch in die letzd aageteilt, weilmer ewwe noch nie en Marahdon gelaafe sin. Des hawwe mer awwer net so hiegenomme unn ham uns in die einzelne Gruppe dorschgefraachd, wie schnell die so renne wollde. Als mer dann e Grupp gefunne hadde, die zwischen 3:15 un 3:30 renne wollde, simmer bei dene geblibbe. So simmer dann ewwe in de A2-Grupp losgelaafe. Wir hadde uns ja e rischtich Strateschie vorgegebbe. Ja net zu schnell ofange. Ging aach garnet - bei denen viele Ranners. So simmer die erste 2km im Pulk mitgelaafe, um ja net dorsch Zick-Zack-Laafe Kraft zu vergeude unn ham daf�r 10:30 min ben�digd. Uff de Mikkel-Allee konnde mer dann in unser gedacht Tempo von 4:50min/km falle. Des Tempo konnde mer gut halde un ham allm�hlisch die Meud von hinne uffgerolld. Die erste 5 km ginge so schnell rum, weilmer uns doch noch viel zu erz�hle hadde, dasmer fast die erst Trinkstation verpassd hawwe. Isch habmer immer zwei Getr�nke geholt. Erst am Appelsaft-Tisch un paar Meter weider am Teetisch. Als de Laaf rum war habisch mal �berschlache, das isch doch fast 3 Lidder unnerwegs gedrunke hab. Des Laafe inde City von Frankford war so abwechselungsreisch, das oan Kilometer nachem annern unner de Fie� weggefloche is. Beim zweide Drinke fasse, hawisch dann de Jans aus de Aache verlorn. Reschts unn links hawisch geguggt, nirschends war de Jans zu sehe. Eichendlisch hadisch gedachd, dasser hinner mer gewese is. Als isch awwer dann widder schneller gelaafe bin, hawisch des blaue Koppduch von ihm vormer entdeckt unn bin schnell zu'em uffgelaafe. Bei km 11 gings dann schnurstrax nach Westen gen H�chst. Ab km 12,5 hawwe mer alle 2,5km was gedrunke. Die Sonn stiech immer h�her unn langsam isses warm geworn, awwer de Wind war immer noch kalt unn isch war froh, das isch die lange Teihds und des lange T-Sch�rt ogezooche had. Ibberall warn Leid unn ham die Ranners unnerst�tzd unn bestaund. Die Kinner warn eifrich dabei ihre H�ndcher zum Abkladsche hinzuhalde unn die Freud hawisch ihnen dann schon aach gemachd. Vielleichd hammer unnerwegs e bissje zuviel gedrunke, bei km 20 in H�chst simmer n�mlisch gleichzeidisch zum Pinkeln an die Seid gelaafe. Anschlie�end simmer in H�chst an mein vorletzde Abbeitsplatz vorbeigelaafe unn dann hadde mer aach schon die H�lfd von de Marahdon in 1 Stund und 42 Minude hinner uns. Wir warn damid voll im Zeidplan. Anschlie�end konnde mer schon paar von de ganz Schnelle sehn, die uffgegebbe hadde, weilse wohl ihre Zeide net halde konnde. Von H�chst gings iwwer e Brick zur�ck nach Schwanem (Schwanheim). Maan Puls blieb schee gleischm�sich um die 160, w�hrend de Jans andeutede, das saan Puls langsam hoch ging. In Niederrad simmer an maan vorvorleztde Abbeitsplatz vorbeigelaafe unn mer ham immer mehr Ranners �berhold, weilmer aach sogar e bisje schneller im Schnitt gelaafe sin unn die annern e bisje langsamer. Vor uns war e Grupp von L�ufern aussem Westerwald, an dene konnd mer uns gut orientiere unn ham mehr als 20km drangehange. Awwer beim Drinke, bei km 30 hamse sisch mehr Zeid gelasse, so dasmer anse vorbei mussde. Von Niederrad gings iwwer die Kenn-i-di-Allee zur�ck nach Frankford-Daun-Taun. Isch war immer noch ned kapudd unn hab beimer so gedachd, hoffendlisch kommd de Mann-middem-Hammer erst da, wo er aach steht, am Ziel n�mlisch. Jans had misch dann bei km35 alloons weider laafe gelosse, weil er liwwer e bisje langsamer laafe wolld, weil saan Puls so hoch ging. Des h�disch aach gemacht, da des Laafe ja Spa� mache soll. Un weche paar Minude solld mer sisch ned kapudd mache, weilmer zur Olympiad bestenfalls als Gugger hiwollde. Bei km 36 laaf isch hinner einem her, wo uff seim T-Sch�rt TG R�sselsheim druff gestanne had. Vom Alder, mit sei graue Haarfarb, k�nnd er so ald sei wie isch, hadisch mer gedacht unn hab ihn ogesproche, wie lang er denn schon bei dem Verein sei, da isch vor 30 Jahr aach mal bei dem Verein gewese w�r. Ja, zu der Zeit w�r er noch net dabei gewese. Dann hab isch ihn nach meinem fr�heren Trainingspartner gefragt, unn siehe da, den kannde er sehr gut. Da habisch ihm gesacht, er soll doch bitte e paar Gr��e von mir �berbringe, was er aach tun wolld. So klaa is de Welt, mer mu� nur redde duhn. Dann simmer noch e korz Sticksche zusammegelaafe un hawwe uns ibber de Frankforder Marahdon unnerhalde. Er hadmer dann erz�hlt, dass er alle 18 Marahdons in Frankford mitgelaafe is unn nur weche der Serie hier sich qu�le w�rd. Da habisch mal widder gesehn, was isch doch f�r en Greenhorn war. Mir ging's eichendlich immer besser unn da habisch bei de Maa�berquerung noch mal bisje Gas gegebbe. So lief isch de Km 38 in 4:20 unn mei Puls ging uff 166. Awwer isch habmer gedachd, was sollsde Disch jedzd so ostrenge, wennde eh sehr gut in de Zeit lieche tust. Also bin isch widder in mei "normale" Rhytmus gefalle unn bis zum Ende durchgetrabt. Ab und zu habisch nach meiner Fraa un de Kinner Ausschau gehalde, habse awwer net endecke k�nne, obwohl se mer sp�ter erz�hld hawwe, da� se misch lauthals gerufe h�dde. Doch unner 300.000 Zuschauer isses schon schwer die eichene Leid zu finne. Unn de Zieleinlaaf war riesich. Da isch "ziemlisch alloons" dorschs Ziel gelaafe bin, had misch de Zieleinlaufsprecher doch pers�nlisch mit Verein genannt unn mei Kinner hammer sp�ter erz�hld, dasse ihre Ohrn net traue wollde, als se des so midgeh�rd hadde. Ob maaner dollen Zeid (3:22:28) rei� isch aach noch de Arm mit de geballde Faust hoch, als misch de Sprecher omachd, warum isch des wohl getan h�d, da mussd ischem aach noch saache, dass des maan erste Marahdon gewese war. Als erstes habisch mer schnell e Getr�nk gehold unn dann nachem Jans geguggd. Schwuppsdiwupps war er aach schon da, grad 2 Minud hinner mer. Wir hawwe uns gecheseidich begl�ckw�nschd un abgemachd, dasmer noch emal zusamme laafe wolle. Berlin odder Frankford. Anschlie�end habisch mei Str�tsching�bunge gemachd unn bin dann zu meinem Rucksack gegange. Da stand der doch schon vor mir als isch misch an der "Theke" danach erkundichen wolld. E net M�dche had misch reikomme, mei Nummer gesehn unn schon de Rucksack gehold. Super!! Beim Umziehe habisch mer schee Zeit gelasse unn nochmals so im R�ckblick de Laaf genosse. Dusche wolld isch erst Dahaam. Die schlimmst Erlebnisse an dem Tach hadisch awwer nachem Umziehe. Isch gl�cklisch unn zufridde mit man Laaf, steich in de vollbesedzde Schaddle-Bus ein, als mir so en junge H�pper en Platz anbiede tut. Man, muss ich ald ausgesehe hawwe?! Mei Freunde hawisch n�mlich immer erz�hld, wenn mir aaner im Bus oder Strassebahn en Platz anbiede w�rd, wasisch endlisch, dasisch zu de alde Leit geh�re tu. Ald, awwer fid wie die Tornschuh. Die n�chst �bberraschung hawisch dann zu Haus erlebt. Isch will misch zu Haus so schee in die Badewann leche, als mir mei liebe Fraa erz�hlt, das de Heizbeuler teilweis sein Geist uffgegebbe had unn nur noch lauwarm Br�h rauskomme tut. So habisch dann lauwarm geduscht unn nur noch maa Baa an diesem Tach hochgelecht unn misch von maaner lieb Familie verw�hne lasse.
