Es war am Ofang vom J�hrche 1996. Isch war schon mehr wie sechs Monade dabei dorsch de Wald zu renne, um fidd zu bleiwe, da isch weche de beruflische Stress kaa Zeit finne konnd, um mit de annern zusamme Fu�ball zu fuddele odder de Tennisball zu kloppe .

Wennde so inner Mannschaft Sport getaan hawwe duhsd, isses schon ganz schee schwer so aloons dorsch de Wald zu schnaufe wie en alde Gaul. So habisch mer gesaachd mid fuffisch l��fst en Marahdon, um e Ziel zu hawwe unn um bei de Sach zu bleibe. Had ja aach noch genuch Zeid � 4 J�hrcher.

Dann hadisch noch so en uffgemotzde Arbeitskollech, 10 Jahr oller wie isch unn de ehemaliche Scheff, wo isch grad schaffe gegange bin. Der war doch grad vor zwaa Monade in NeuJork de Marahdon gelaafe. Da hawwisch net schlecht geguggd unn habso beimer gedenkd, was der Schn�sel schaffe getaan had, kannsde doch aach noch schaffe.

Die n�chsde drei J�hrcher bin ich 2-3 mal in de Woch dorsch de Wald gehechelt. Irchendwann kam mer awwer de Gedanke, dass isch des Ganze mehr gepland duhn misst. Desdeweche habe ich so rumgeguggd, wermer helfe duhn k�nnd.

In maan Jobb missemer daacht�chlisch im Innerned (Internet) rumgugge, um all die Infos zu krieche, die mer so braache.

Als isch so middem Innerned-Brauser rumges�rfd bin, hawwisch doch dads�chlich e Kaffekr�nzche gefunne, wose iwwers Laafe schreibe duhn.

Unn da habisch ganz viele gude Radschl�ch bekomme, wasmer so mache misst, um die 42 Kilomeder zu laafe.

Ei liwwe Leud, da hab isch net schlechd geguggd. Lang unn langsam sollmer laafe. Un klaa aafange erst mid 10km, dann 15, dann 20... Bisde dann fidd genuch bisd, um iwwer 30 km zu laafe, weil sonnsd de Mann middem Hammer kommd. Der soll besonners beim Marahdon ufftaache. Awwer isch hab kaa Angst vor dem, weil isch den schon als klaane Bub kenne gelernnd hab. Der stehd in Frankfort odder neierdings Mainhadden vorde Mess, ewwe dort, wo de Marahdon aaf�ngd un uffh�rd. Awwer isch hab noch nie geh�rd, desder jemals was jemand gedaan h�d.

Ab unn zu sollmer aach paa schnelle korze Einheide renne, bis das des Blud im Koppe koche duhd.

Dann hawwe se immer gestridde, obmer uff saan Puls gugge soll odder net.

Na ja isch habmer dann so'en Pulsmesser gekaaft unn hab mei Dr�ning entsprechend gestalded. Des ismer gud bekomme, isch hab so rischtich gemerkd, wie isch besser gworrn bin. Im Laafe nadierlich.

Streide duhnse im Kaffekr�nzche werklich gern di goldisch Buwe un M�dcher, besonners gern iwwer Dr�ningspl�n.

Im Harz gibds so en Adler, derwo e Fernunni fier Ranners uffgemachd had. Mer mus nur e bissi was bleche unn schon schickd derder en Plan, der uff disch pers�nlich abgestimmd worn is. Bei viele im Kaffekr�nzche gild der als Schleifer, so wi bei de Soldade.

Awwer isch glaab, das der nur saache will, desmer sisch aach kw�le duhn muss, wenmer so e lang Stregg ohne Bibbern dorchlaafe will.

Ja unn uffs Esse solldmer aach noch achdgewwe. Nachem Draining musmer allde rausgeschwiddsde Kohlehidrade un Mineralier schnell widder ufffille. Fiel Gemies, Nudeln awwer aach Eiweiss mussde esse, damid dei Muskeln gud schaffe duhn k�nne.

Die Schuh is natierlich aach e Kapiddel fier sisch. Da soll mer mindesdens 2 Paar hawwe. Erstens zum Wechsele damit des aane Paar immer guud ausl�fte duhn kann und dann fier de verschiedene Strassebel�ch.

Mei Fraa, hadd awwer ganz schee bleed geguggt, wie isch dann bald 3-4 un dan 5 mal in de Woch uff de Wald- un Feldwech rumgerannd bin. Un dann aach noch im Dunkele, da had se am Aafang werklich gedachd, das de Alde vonde Midleifkreisis gepackd worrn is.

Nun midde Zeid hadse awwer gemerkd, dasmer des rischdich gud duhd unn ich abends nachem Laafe widder fidd war unn nebenbei aach noch loggerer unn net immer so generffd war.

Als isch dann im Dr�ning die lange Stregge ganz gud dorchlaafe konnd, de Joschka saan erste Marahdon im Haafe gelaafe is unn fierde Tu-Oschen-Mahradhon en normaale schon gelaafe sei mussd, hab isch mer gedenkd, dass isch eigenlich schon des Jahr fuffisch bin, wenns nach Kerch gehd, wode schon lebsd, wenns Ei befruchd worrn is.

So hab ischmer de EdaMarahdon in Mainhadden ausgeguggd, weil der ja prakdisch vor mei Hausd�r staddfinde duhd.

Wer wisse will, was isch so vorm erste Marahdon dr�niert hab, kann uff mei Dr�nigspl�n gugge. Isch bin ewwe schon e bissi vorsichdich un wolld gut vorbereided in des Renne gehn. 6 Woche vorher bin isch dann en halwe Marahdon gerennd, einfach um zu gugge wie schnell isch de volle Marahdon renne k�nnd. Danach hawisch misch midde Hilf vom Kaffekr�nzche un dere maddemadische Formelm uff e Zeid von 3Stund 30Minude fesdgelechd.

Beim Kaffekr�nzche had dann noch de Jans aus Dillingen en Kumpel gesuchd, der middem saan erste Marahdon knabb unner 3Stund un 30Minude renne wolld. Isch hab mich aafach gemeld un mer ham ausgemachd, desmer uns vorm Messedurm treffe wolle, umdes Abendeier zusamme zu iwwerlebe. Nach dem Moddo "Gedeildes Leid is dobbelde Freid.".

In der Woch hawisch e bestimmt Di�t dorschgehalde. Die gehd so: Die erste 4 Daach isste nur Fleisch, Obst unn Gemies unn kaa Kartoffel, Nuddel un Reis (ewwe kaa Kohlehydraade). Da bekomme dei Muskeln so'en rischtiche Heisshunger uff Kohlehydraade unn den kannsde am Freitaach un Samstaach befriediche. Unn da k�nne dei Muskeln dann viel mehr Kohlehydraade uffnemme als normal unn die kannsde w�hrend dem Laafe guhd gebraache.

Des Dr�ning hawisch langsam ausklingelle lasse. Mondaach war eh Ruhetaach, Dienstaach 19km, Middwoch 16 km, Donnerstaach 13km, Freitaach 10km und am Samstaach noch 3km. Obwohl isch immer ganz locker gelaafe bin, hawisch misch die ganz Woch mied gefield un bin immer nervicher unn aagespannder worrn.

Am Fretaach hawisch um 15 Uhr de Arbeid Tsch�ss gesachd unn bin zum Messetorm gefahrn, um mer mei Laafnummer und de Schempien-Schip (Champion-Chip) abzuholle. Den braachste, damitse dei Zeit midde im Laafe von Dir messe k�nne duhn. Des ging Ruckfaz un dann hasde alles gehabbd. Dann binisch noch korz an die Laafst�nd vorbeigeloffe un geguggd was es all so gibbd. Awwer f�r misch gaab's nix.

Beim letzte Laaf am Sanmstaach hawisch schon de Socke vom Sonndaach getrache, umse rischtich aazulaafe. Die ganze Klamodde, die isch zum Laaf un fier de Sondaach ben�diche mussd, hawisch rausgelecht odder schon in die Sporttasch gesteckt. Fu�n�chel mussde aach noch optimerd werrn, um ja kaa Wunde zu provoziern. Dann binisch reschdzeidich ins Bett gefalle, da isch um 6 Uhr in die Frieh uffgestanne bin.