[16/9 更新Year 2 Sem 1 時間表] [EIE04O'Camp--1] [EIE04O'Camp--2] [EIE04O'Camp--3] [4/10 更新595-596] [28/9 更新586-590] [棋魂] [寶礦力水特]

	600.資訊日
	十月八日　星期六　涼

八半未夠返到poly，咁早竟然唔塞車，好好彩，由等車到poly只係四個字。
點左名就換衫，紫色tee同poly工作人員tee撞色添。
朝早一開始就俾YL Chan調左去邊疆（佢地話），去守住個燈箱，仲要講解IMT programme既野。

講左兩個幾鐘已經喉嚨痛，我已經唔係企0係個箱隔壁勁講野架啦，都要變成咁。
除左企箱，我都有行出counter幫手派野，或者出booth外面拉人入黎，雖然多數都係d人自己入黎。

十二點幾，嗚嗚，家祈佢地丟低我一個行上去食野呀。
我上到去佢地已經食緊……嘩﹗好多三文治，不過預二百人食又唔算多既，雖然唔係人人都食，因為下晝黎既都唔預會食。

下晝做左一陣已經頂唔順，企到腳都痺呀。
走去booth對面坐左陣，舉下lab tour既牌，唔使講野都ok既。
於是不斷重複企箱，坐counter，舉牌等等好多好多次，終於收到Mackins來電，佢話行過個booth都見我唔到，因為我坐在0係個booth對面。
原來Mackins同何媽媽一齊黎，真係開心呀﹗
之後我帶佢地兜左poly一個圈，auntie好耐無黎過poly，話大左好多喎，唔知我第時好多年之後返黎poly，會唔會變到嚇我一跳呢。

「恐龍世紀」，很懷念的說，十萬個驚喜。

今晚同阿哥AOC，班電腦痴線的，很強很狠，兩小時四連敗。

支力 + 夜訓 = 超辛苦

隻腳好似無感覺。

	599.童夢
	十月七日　星期五　陰

都係半日0係屋企，「一球入魂」之餘都有乖乖溫書。
早左出門口，食左野先返學，雖然預左塞車，點知都係遲左返去，個15分鐘既quiz開始左3分鐘先到，不過個quiz都唔麻煩，個個都好快做晒。

放學同同學去黃埔睇《童夢奇緣》，好感人，雖然題材同喊愛唔同，不過感覺都係差唔多，一樣令人難以忘記既感覺。
男主角細路好老積，變左大人之後真係識講大人先會講得出既說話……
套戲想講既野其實可能太多，94分鐘真係講唔晒，好多位俾自己諗，鍾意自然鍾意，不用多說。

「你都唔好要人等咁耐喇……」

「這個白痴」-->「天才與白痴」

爸爸生病了。

唔習慣張床呢。

	598.最緊要好玩
	十月六日　星期四　晴

半日0係屋企，做好功課之後，掛住玩網球王子都唔願做其他野。

返去上signal，本來諗住會早走，最後都無咁做，因為好難明，唔聽應該仲難明。
五點半同家祈去reg non-technical elective，我地算早，有同學要六點先reg得。

放學去沙田，除左玩都有其他目的既。
Mackins出開旺角，幫我買左DVD+R，好抵咁喎，應該用到掛。
之前e-blue碟賣晒俾佢，真係多謝佢喇。
渣偉又係旺角上車，三個人一齊去沙田。
join埋桌震之後一齊去搵食，去到西田果邊既food court，璞璞都黎埋。

「Year 2唔係唔玩下話？Year 3更加要玩﹗」

食左飯，行左陣，睇display X-Box既bus driving遊戲好得意，不過好多野要兼顧，都好難玩咁。
多謝璞璞俾左個Jasmine我呀。
之後去打機，梗係玩VT啦。不過個搖鼓都壞到3蚊都值得玩，最後同Mackins、桌震一齊打Wartran，張卡唔係60日就無record架咩？有好過無，唔理。
好耐無三個人一齊爆機。

	597.燒碟之不能
	十月五日　星期三　晴

Comp311唔明，EIE327更加唔明，忍唔住聽聽下訓著左。

雜牌DVD第二隻開始燒唔到，試左七、八隻都係咁呀﹗玩我咩﹗Venus第一次燒Winning 9又係無問題架。
點解我買返黎既DVD+R都有咁多問題架，定係部LG DVD writer太弱呢？

估唔到唔用xanga都有被貼既一日，嗯……

遊戲規則︰
1. 發一篇文章寫出自己的5個怪癖
2. 點名5個好友繼續做同樣的事(被點名的人不能已經被別人點過...)

不過我只會做第一點。

怪癖一︰鍾意用兩步落一級樓梯，即係左右腳都會踩左果級先繼續落，通常右腳先。
怪癖二︰夾食送鍾意夾細細粒既先，明明細粒到夾唔到都會繼續夾，或者其實用匙更會直接好多。
怪癖三︰無聊就會重覆唱一兩句歌，唱到其他人唔耐煩都會繼續，直到自己厭或者煩為止。
怪癖四︰支力到坐係梳化訓著都唔願訓，如果係晏晝更加唔想訓晝覺。
怪癖五︰鍾意諗上一餐或者尋日食過乜再決定食乜野。

	596.想癲
	十月四日　星期二　晴

今日見鵬鵬（唔係彭彭），得阿So做好孫悟空既自爆動作，鵬鵬應該俾我地嚇呆左。
佢話Clifford之前話Week 5都無野睇已經可以出warning letter喎，不過佢俾多兩個星期寬限我地。

後日signal交功課，唔識做呀﹗
大後日MT又quiz，唔理得咁多。
唉，之前得閒又乜野想玩，而家真係矛盾。

真係癲，都唔錯喎。

嘻嘻，見到咁多綾瀨既新相，個人又開心返喇∼∼∼﹗

係喎，最近幫人儲緊seven既迪士尼公仔，邊個識人有儲開既幫我問下佢地有冇公仔剩，可以俾我或者搵我交換喎。

	595.Aki來也Aki去
	十月三日　星期一　轉涼

Aki教人掉眼淚。　／／Aki <--> 秋

涼左少少，終於有少少秋天氣息。

諗通少少，總比上一剎好。

今朝大石話我知，原來個部LG既DVD writer都係讀唔到e-blue既DVDR架，各位想用e-blue碟既朋友唔好買LG呀。

用Venus碟換左疊雜牌DVD+R，總算燒到野，你話灰唔灰？

	594.玩多過做
	十月二日　星期日　驟雨

繼續養綾瀨，讀返「第六年」既存檔繼續再養，第二次做左唔知士兵定係勇者，第三次做左修女……>.<
跟住再養都係魔法師者或士兵，睇日文攻略好辛苦，而家真係完全唔識日文。
其實好似以前咁，講清楚結局係咩職業咪好囉，而家連「打工最多及次數」、「學習最多及次數」都無埋，無咁好喎。

唔知幾時先養到個女做公主呢？

認真做野既時間可以增加。

尋日買既e-blue 8速DVD+R燒唔到，原因係我個writer直情讀唔到佢地。

	593.八年大計
	十月一日　星期六　晴

起身玩「美少女夢工場4」，第一個養既女係「綾瀨 遙」，玩左3年就出去喇。
不過出門之前同爸爸一齊準備殺蚤工作，另外水樽蓋突然爆裂，弄濕我的袋和褲。

同桌震、Mackins去深水土步，桌震想買DVD writer。
去西九龍中心食左野，行左成個鐘，終於買左部機，另加一個外置用既盒。
之後等渣偉黎到，又係買左相同既野。
去到黃金搵阿fung，渣偉想買手掣同save card。
Mackins突然問阿fung有冇得睇下部Gameboy Micro紅白機紀念版，部機一到手佢就勁話部機好得意。
跟住佢決定睇下夠唔夠銀彈攻陷部機，最後部機成功呼喚Mackins。

今日我地四個人都有買野，不過估唔到大出血既係Mackins。

唔知點解200磅都係咁瘦架呢？

魔女呀﹗紫色衫呀﹗音符呀﹗
哈哈哈，早知個女應該改名做「瀨川 音符」啦。

	592.四代
	九月三十日　星期五　晴

玩三雙四猛將傳，真係唔想返學。

返屋企又玩三雙，萬人斬係無可能既，因為KO count得四個位。

諗住裝「美少女夢工場4」，點知個alcohol唔知做乜，原來只係桌震send漏兩個file 0者。
不過個alcohol裝新version反而搞出更多問題。
雖然未玩，但係一諗到又可以做爸爸，已經由心笑出黎。

	591.神氣環
	九月二十九日　星期四　晴

今日觀中水運會，朝早同Mackins去左觀塘游池搵Miss Chiu。
之後Mackins上左黎一齊打「三雙四猛將傳」，新mode都幾得意，又有興趣再玩。
帶Mackins去搭小巴返hku，自己返屋企繼續玩。

AOC俾阿哥既「象海」淹沒。

	590.斷
	九月二十八日　星期三　晴

一早起身去剪髮，剪剪剪，剪晒d煩惱絲佢。

上左一堂去M對出聽HoCC同拿拿淋既午間分享，好明顯多人過尋日落住雨既彭浩翔。
我都希望可以做到我想做既事。

食左lunch去左62度試3ds max，好難呀。

	589.始
	九月二十七日　星期二　雨

十點半去Hall傾Comp311 project。

放學自己走左LG玩VT，又執左6,7個wins，又係輸俾拉仔添。

好耐無0係屋企做過運動喇，今日難得有心有力。
抵讚。

連續幾晚同阿哥AOC，今晚一點半已經訓了。

	588.序
	九月二十六日　星期一　雨

很多東西要學，很多東西要溫，很多東西要做，很多東西要忙。
結果沒有一件是完成得像樣的。

普通話課老師逐一評論上次的短講，joe su fun最高分，原來我也有7分，被人讚總是愉快的。

去了世貿和Mackins玩，其實是自己在玩VT，哈，難得在那裡遇到「不是新手」。

七點半到了九龍塘，八點開會，八點半走人。
除了雨良和桌震，還見到很多路過的校友。

難得三人聚餐，最後在沙嗲王落腳。
飯後節目是金沙高達種子加恐怖駕駛。

	587.灑水
	九月二十五日　星期日　雨

雖然颱風遠離香港，但它持續增強的影響是在今天下了一整天雨。
今天沒有離開屋企半步。

MotherLoad是令人沉迷的flash game。
http://www.miniclip.com/motherload.htm

很晚才開始做功課，總算有功課交。

	586.凸
	九月二十四日　星期六　風雨交加

尋日打完波，夜晚又同哥哥打AOC，三點前已經訓得好甜。

十一點先起身，已經掛了3號風球，爸爸同華姨打左好耐電話先嘈醒我。

兩時左右出發去慈雲閣，雨勢不算很大。
約六時回家，雖然在車上看到雨勢很猛，但一下車便停雨呢。

和婆婆她們食飯，回家繼續hea。

第一次在新居經歷三號風球，實在有點可怕，鋁窗都被風吹得呯呯作響。
八號風球的話，應該可以將整隻窗拉出去的。

	585.大re-u
	九月二十三日　星期五　陰

校左七點起身，不過爸爸知我夜訓，問我咁早起身做乜，我話打波，佢仲叫我唔好打添，之後我繼續訓。
再醒已經七點九，燒左FF7AC俾Chapce黎，已經過晒鐘。
八點三仲0係屋企，八點十去到榮利真係lucky。
志豪仲諗住等埋我先食野，不過我已經食左少少打底，最後去簽到拎場先。
九至十打壁球，好似唔係咁夠喉，十至十一打羽毛球，其餘七個場都係觀中師弟妹用緊，Miss Leung教羽毛球。
哈哈哈，打波無得爆粗喇……

今日越打越差，尤其係羽毛球。
我又唔覺得係休息唔夠，都好集中架啦，都係打得咁差既。
越諗越激氣，我係咪做乜都越做越差啦，諗到呢度成個人都無晒心機。
可能係體能越黎越差。很難忍受停滯不前的感覺。

最後打到十一點九，有學校用喎，無得繼續免費打。
諗住走啦，Mackins同桌震練向上打，結果桌震打左個羽毛上另一層，仲要係鎖左無得上去。
之後見無人黎，佢地又繼續打羽毛球，打到個波甩膠，佢地就當舊膠係波咁打，打打下又好似打得幾開心咁喎。
最後，真係最後，本來諗住走啦，Mackins又無端端拎個壁球出黎打，結果個波又飛左上去。
落去搵人開門話想執返個波，個阿姐話一個波唔係要我開門俾你下話，佢仲好豪邁咁話不如我俾返個羽毛球俾你啦。
之但係我地唔見既仲有一個壁球，不過我地無人敢講。

同Miss Chiu飲茶，今日點心都幾有水準。
不是學習能力下降，而是太多想做的事，令集中力下降嗎？
去鑽石山，無聊咁VT，玩大問答又玩到個mon虧虧地。
本來有少少想走堂，不過都係返去上堂。
印完功課已經夠鐘上堂，有聽好過無聽，總算無白過，好在無走堂。

放學去會合仔女，最後我地組有六個仔女出席大re-u，都算多架喇。
間酒樓既服務態度有少少問題，無得自選食物係更大既問題。

唉，點解呢排燒出黎既碟都有d問題既？

返到屋企無耐終於download返晒網球王子劇場版，十萬個開心。

	584.利器
	九月二十二日　星期四　陰

好早起身，不過都係hea左個上晝，好處係精神飽滿囉。

上完堂返觀塘，同爸爸、哥哥一齊食晚飯。
返屋企做功課，用另一部機打字好唔就手，做得劇慢。
最後都係同哥哥玩AOC，三打五，兵敗如山倒。
本來我諗住收手，但係哥哥唔服，再戰，終於反敗為勝。

打到兩點半去訓，輾轉反側，遲遲未能入睡，最後看鐘時間是四點半。

	583.打仗
	九月二十一日　星期三　陰

AOC /w brother......
二打四對電腦真係唔掂，都係搭多個電腦幫拖會好好多。

	582.絕代雙驕
	九月二十日　星期二　陰

花月奴顫聲道：「我也知道死是多麼容易，而活著是多麼艱苦，但求求你……求求你為了孩子，你必須活著。」
江楓淚流滿面，似已痴了，喃喃道：「我必須活著？……我真的必須活著？……」

普通話堂個個都要講「我的……」，我講既係「我的房間」，好辛苦完成兩分鐘介紹。

買左個插，諗住好簡單就可以同桌震玩AOC，點知失敗左。
set左port都係咁，放棄。
同哥哥用LAN玩都ok啦。

尋日玩左好搞笑既grow cube，一齊進化啦﹗
http://www.eyezmaze.com/grow/cube/index.html

終於upload左迪士尼樂園既相喇∼∼∼﹗

	581.我不是一個人
	九月十九日　星期一　雨

趁今日放假，做左好多雜務。

雖然係九月，不過已經有好多野迫住要做。
可以改的話，我唔想原地踏步。

原來屋企見到月光，我間房望出去都好勉強見到，好光呀。

是「兩個」人，還是「很多」人？
不是一「個」人，是一「打」人，是一「班」人？
你是隻「豬」？抑或是「狗」？
不是Cloud找到了，而是Aerith一直存在……
在life stream之中吧。

萬眾期待的Aerith，終於出現了﹗

	580.月圓
	九月十八日　星期日　雨

起身又同哥哥打AOC，哈哈，無俾人快攻真係唔會輸得咁慘，今次又贏了。
對電腦終於贏到，唔打海戰嘛。
不過二打三都仲未得。

夜晚去婆婆度食飯，之後同表妹玩「點蠟燭」，原來表妹唔係小二，係小三喇。
雖然無掛風球，但係仲好大風，唔落雨都算好，間唔中都望到月光。

其實Yuffie都好得意，間唔中發下癲咁，可能同我幾似，不過FF7都好似未見過佢同Tifa既CG movie或者大特寫。

FF7AC的月光

	579.夢幻延續
	九月十七日　星期六　雨

下晝同Mackins游水，其實我仲係學，都仲未識。
一號風球未掛已經有雷暴警告，無得出室外個池游水。
希望練練下真係會識啦。
之後去焗桑拿，真係好爽，一入到去感覺梗係熱，點知潑左水落石頭上面，d蒸氣撲埋黎係更熱。
焗左一身汗再沖凍水都係好舒服。

諗住同桌震玩AOC，點知同佢連唔到線。

之後食左飯就睇「Final Fantasy VII Advent Children」，睇完真係好感動﹗
呢個Tifa有少少似Riona。

哥哥放工返0黎知道有AOC玩，即刻叫我同佢用LAN玩。
原本諗住同佢對打實輸梗，點知又唔係咁喎，好彩呀。
之後一齊打電腦，仲要係愛琴海，打海戰真係輸左一半，結果唔使諗都知。

原來而家kutar有d game係online玩架。

kutar既game最搞笑既地方就係間唔中會有特別版或者特別既野出現。
個圈細成咁，真係好難玩架。

	578.免費
	九月十六日　星期五　晴

世上沒有免費午餐，也沒有免費遊戲，因為「時間就是金錢」。
所以miniclip、popcap和kutar的，都不是免費遊戲，我們不斷付出代價。

今日返學都無乜心機，做左三個鐘lab都唔sure自己做緊乜。
之後quiz埋，直情係等放學，雖然有聽書，但係都呆呆滯滯咁。

之後去左Mackins屋企，雖然無得同桌震、錦洪同Gary打羽毛球同打牌，但係一齊食飯，食月餅，都有好濃厚既中秋節氣氛。

原來迪士尼而家得15公頃，即係15萬平方米。
即係幾大呢？而家海洋公園網頁話自己有87萬平方米，唔知佢點計，姑且相信官方數字先。
即係話而家既迪士尼係五分一個海洋公園都無，不過佢自己網頁話有126公頃，估計係第二期起好既總面積，因為政府話第一期擴建好都係得70公頃。
咁126公頃又即係點呢？
成報既舊聞係咁講既︰
「資料顯示，面積有1萬900公頃的美國佛羅里達迪士尼每日入場人數上限為7.4萬，其「飛越太空山」平均輪候時間亦需70至90分鐘，相對香港迪士尼面積不過126公頃，為佛州百分之一，每日卻要容納佛州40%入場人數。」
事實上又未必係佢諗到咁誇張，我會覺得個公園大小不一，但係遊戲數量差唔多，其餘既設施放得密集少少，就算得1000公頃都可以容納7萬人。
咁126公頃俾7千人玩都應該無問題，閒日俾2萬人玩都無問題，請大家等140至180分鐘啦最少。
不過space mountain又成日壞，唯一刺激既機動遊戲排兩個鐘都無得玩，又難怪人地會咁勞氣既。

Yahoo mail好野，8MB一分鐘左右就下載完。

叫「最終遊記」唔好咩？「Final Journey」，FJ﹗

	577.不隨意肌
	九月十五日　星期四　晴

昨天還很想剪髮，今天意欲減退了。

看畢武林外史，沈浪仁者無敵，比李尋歡更應該被放上神檯。

心，跳不跳，不是自己控制的；想不想，更加不是自己控制的。

唉，忘了買CDR，唯一一隻CDRW也是虧的。
結果遲了回順利，拿了影印，已經有很多人在「幾好」，「榮利」、「愛群」也一樣，這個「愛群」集團真好賺。
最後在教員室食午餐，第一次呢。
三點半又要趕住返poly喇，估唔到26去佐敦都幾快，半個鐘就到，行返BC都只係四點三。

印左時間表喇，好開心呀，搞到月中先有。
星期三、四、五最後四半到六半都係BC302，想唔記得都難。

	576.給我間
	九月十四日　星期三　晴

開學兩星期，仍搞不清EIE 323、EIE 324和EIE 327是哪一科。

今天在家祈房，用Lance部電腦玩「踩地雷」，超級幸運地玩了一局，只用4秒﹗
若非那一剎的猶疑，3秒也能出現，因為全局只點了滑鼠兩下。

download了FF7 Advent Children，很想快點看完啊﹗
FF7女主角Aerith，會在FF7 Advent Children出現嗎？

沒消息可能是好消息。

	575.三文治
	九月十三日　星期二　陰

有placement我會唔會做呢？

	574.不在狀態
	九月十二日　星期一　陰

很想睡。

所有tutorial開始，又霸佔了很多時間。

第一張戴著眼鏡的綾瀨遙圖片，很特別。

	573.以卵擊石
	九月十一日　星期日　陰

逃避不是辦法，縱能逃得一時……
也許時機不對，偶爾一逃亦是折衷的方法。
以卵擊石，豈非自毀？
待得羽翼豐長，再振翅高飛，遨遊天際吧。

	572.止
	九月十日　星期六　晴

「幾好」，一定不是物超所值。
順利村網球場沒甚麼好，掉了球很容易尋不著，兩個球場連在一起也有點不便。
不便之處是經常將球打到另一個球場，但幸運的是，今天我們五人佔用兩個球場。

夜晚去左apm starbucks，最近大家都有唔少煩惱咁。

寶礦力又有綾瀨遙既廣告喇，呵呵呵。
http://www.otsuka-adview.ne.jp/top.html

是擋不住，是留不住的，又何必強求？
徒添悲傷。
只有愚蠢、薄情和絕情才能得救吧。
酒乃穿腸之物，酒入愁腸……唉，何苦難為身體髮膚。

	571.不必常樂
	九月九日　星期五　晴

訓左十個鐘，好似唔係太夠。
今朝係咁執mp3，間房都未執好，真係唔掂，不過都好，又做好一樣野。
不過都係未試個DVD writer有冇壞。

又係返四半至六半，哈哈，原來阿sir好鍾意講「ok」，其次係「then」、「and then」、「again」。
佢一分鐘可以講十次「ok」。
我諗idol，句句最差都加個「囉」字，不過阿sir仲勁，當html tag咁用，包住晒d句子。
上堂上到悶悶地，我就係度記低佢講左幾多次，但係我記左卅幾個就放棄，因為真係好多。
之後62又估阿sir幾時講「ok」，真係好難估錯架。

放學自己走去LG，好耐未試過咁lucky喇，諗住會輸既都贏到，真開心。

哎呀，除左個廳，其他地方間唔中都仲有一、兩隻應該係蝨既野0係牆度，可惡呀。

「無野開心好過唔開心」
絕對同意。

	570.屢丙拳第一次re-u
	九月八日　星期四　晴

唉，朝早起身就搞d咁既野，阿哥話唔知佢對驚皮鞋發霉掉左。

出門前準備殺蝨工作，好混亂，好混亂。

上完四半至六半，阿媽阿Sum帶左余公、阿閃、古人黎接阿Ter同我兩個阿爸放學，哈哈，接放學。
「認叻」Horlick終於識玩超級市場，不過月亮超級市場佢唔係第一個識玩，無得認叻。
去seven等齊仔女就去加拿芬pizza hut喇，到左無幾耐，阿Sum帶埋平平同阿Dick黎。
細ter同愚公都有coupon，所以呢餐好抵食。

「蕩失路」阿閃識得教阿Dick搭地鐵，因為佢日日都行喎。
決定去hall玩，呢個sem第一次去hall，不過阿權走左，又少左項活動。
問Horlick識唔識彈結他，佢第一時間答識，其實又係唔識既，果然不負「認叻」之名。
「九宮格」好難玩呀，玩到一半講鬼故，其實似笑話多d。
之後玩「夢幻火車」，Horlick原本0係平平後面架，不過平平去洗水間，變左係家祈，真係唔好彩喇。
繼續玩「九宮格」，家祈hea玩之下俾阿閃估到，其餘唔識玩既繼續一頭霧水，Horlick估左幾次都錯。

	569.抖足精神•開心過人
	九月七日　星期三　驟雨

九時起床，關掉電話，再睡。
十時十五分再起床，知道出事了。
高速梳洗出門，十一時才到課室。

原來這半小時都是些無關痛癢的，lucky。
對不起Mackins，讓他一個人去了沙田打機，我就和同學去唱K，但實在太吸引了，又近。

四時半才回到觀塘，和Miss Chiu、Mackins食下午茶，哈哈，昨晚實在不想說謊，Miss Chiu果然是察覺得到，就好像上次菜蟲回來一樣，為的當然又是驚喜。

	568.香港迪士尼•米奇
	九月六日　星期二　驟雨

七時四十五分左右，跟Mackins前後腳到達油塘，目的地是欣澳，經港島，可能慢了一點，但有的是時間，到了欣澳還未到九時。

和姨丈華姨會合，坐了三程米奇地鐵，當然是為了拍照。

(19)飛越太空山=>(21)巴斯光年星際歷險=>(15)瘋帽子旋轉杯=>(14)夢想花園=>(12)灰姑娘旋轉木馬=>(11)小飛象旋轉世界=>(10)米奇幻想曲=>[I]火箭餐廳

Space Mountain無以前覺得咁好玩，可能係香港呢個唔夠快，仲有係睇到四周既星星，同埋我大個左掛。
巴斯光年好好玩，係咁射黎射去，最後我有10萬幾分，第五級；Mackins有6萬幾分，第四級。999999分真係有證書架？
咖啡杯，Mackins同我不斷自虐，真係有少少暈，不過好快回復正常，好好玩。
一入正門，就同Donald、Daisy影相，去到夢想花園繼續排隊，終於同米奇、維尼影左相喇。
米奇幻想曲最後先見到米奇，不過都好好睇，多重官能刺激。
去火箭餐廳食「叉燒漢堡」同炸雞，反而薯條最好味。

原本係睇1330果場「米奇金獎音樂劇」架，不過1310已經開始放人，都唔係1320，被騙。
1000人就咁滿左……
姨丈同華姨入左場，因為我地分開食野。
我地唯有用fastpass坐維尼蜜糖罐。

(17)小熊維尼歷險之旅=>(9)睡公主城堡=>(16)「米奇金獎音樂劇」=>迪士尼巡遊表演=>(5)前往泰山樹屋之木筏=>(6)泰山樹屋=>(4)「獅子王慶典」=>[H]彗星餐廳=>(20)太空飛碟=>星夢奇緣

音樂劇既泰山好型，應該有八舊腹肌。
Parade都ok啦，可惜氣氛一般。
獅子王慶典有時中英對照，都幾local。
最後去左美國小鎮大街買紀念品，之後隔住大街睇煙花，好靚，如果0係城堡附近睇就更好喇。

煙花表演九時十五分準時結束，搭地鐵返屋企，今次行上路。
Miss Chiu以為我地今日去銅鑼灣（有經過）打機（巴斯光年都算架），最快聽日就會揭曉。

很累呀，很滿足。

	567.準備去迪士尼
	九月五日　星期一　陰

搭車返學落左陣雨，之後都無乜點落過。

朝早果堂個阿sir話自己唔係阿sir，唔好叫佢做阿sir，佢講既英文真係要諗一陣先明……
有少少頭痛，反覆咁諗最近係咪真係唔夠訓。

午餐去都會食，好耐無食過鐵板樂園既焗飯，不過佢收銀員既態度認真麻麻，同之前果個無得比。

下晝既普通話堂，都幾得意，個個好似小學生咁讀生字。

雖然換左學生會會員證同拎schedule，同埋搞掂地鐵張form，不過事前完全唔知有咁既事。

跟住開ocamp既e會，都係d exco同helper講返d問題同意見出黎。
我覺得自己果組既問題已經唔算嚴重。
食埋飯，十一點幾先到屋企。

阿哥請唔到假，搵左Mackins聽日陪我去迪士尼。
「去迪士尼做足準備」呢句入camp聽阿希講到痴線，係我痴線，估唔到一返學家祈又講，笑死我。
估唔到咁快就要做準備，嘻嘻，好開心呀﹗

	566.包袱
	九月四日　星期日　雨

十二點左右起身，好似病病地，多數係尋晚攝親。
執好野，Mackins計好條數，點知落雨﹗
等左一陣繼續落，差唔多一點，唔可以再留低阻住人地清理間屋。
十個人，五把遮，唔濕至奇。

去到巴士站先開始細雨，到左碼頭仲停埋雨，無奈。
上船，睇佢地鋤D，志豪真係識洗牌，連續派四條四俾雷傑揚同錦洪。

去「港式茶餐廳」肚醫，搭619同去上環返觀塘既時間係差唔多既。
璞璞架619經LG見到菜蟲、桌震同我。

哎呀，隻DVDR又係睇唔到動畫，好激氣呀。

自製樊籠，是無人能助的，嗎？

固執就是充耳不聞。

以後還是長話短說，不想繼續浪費。

	565.只想玩
	九月三日　星期六　陰

桌震話朝早落過雨，好在今日成日都無落。

十一點幾起身，出去食野之前睇「360°音樂無邊」，估唔到李龍基同李蘢怡合唱，首歌叫「明天你是否依然教我」都算喇，首歌d旋律唔好聽，歌詞又填到好鬼無厘頭，「後生女若要食鹹魚必要抵得渴」，真係笑死。
本年度最kai金首，「無出其右」﹗
李龍基都係唱經典金曲算啦。
真係想俾舊膠佢，再唔係就請佢地倒地。
又去返舊年果間餐廳食，佢地話又係見到d老人家玩牌。
食左野出沙灘，馬騮搶波，數字球。叫「9號」、「畢迪斯」、「尹太」同「打飛機」既某人輸得最多，「最怕改壞名」，哈哈。
玩水，阿希被海浪沖走副眼鏡。
之後玩左兩次閃避球，天陰陰，都唔覺得特辛苦，尤其係我今次輸得特別快，走動更少。

沖身果陣又見到阿Lu。
返度假屋繼續開檯，志豪個account都係好易輸咁喎。肥田都入埋黎，人齊﹗
同Mackins輪住打左四圈，Mackins發現自己未拎d肉出黎解凍，於是我同佢夾手夾腳開兩個火蒸走d冰，不過最快都係用浴室既熱水極速解凍。

今次起爐唔係Mackins一個人搞，唔使佢一腳踢。
十點左右開始燒，個個都好肚餓。
一邊燒一邊吹水，講到璞璞，佢尋晚講電話，晏晝食野又講，去到沙灘繼續講，果然係好野，恭喜。
一個人「痴」起來的話，很容易過度敏感的。
最後係Mackins表演燒棉花糖，製成品係完全無棉花糖感既棉花糖，好睇，好得意。
落雨，想試燒都無機會。
腐竹雞蛋糖水，潤喉。

入房同Mackins玩「人力磁場」，肥田帶既game都係好得人驚既。
之後同雷傑揚玩「估領袖advance」，隻game真係應該改名，舊年我真係好似無「玩」過，即係未估過喎。
發現舊年都玩得好開心，係因為無咁多野困擾住自己，個人特別容易開懷狂歡。
跟住又同錦洪、雷傑揚、菜蟲玩「人力磁場」，菜蟲好唔投入囉，佢話好難令佢投入喎，因為俾佢發現左d野。

休息左一輪，已經五點幾喇，開始玩「無聲砰0彭哇」，玩完真係個個都醒晒。
諗住玩UNO，不過要出廳玩，唔想嘈住阿希訓，結果0係房最後一項節目梗係訓覺。

	564.男camp05
	九月二日　星期五　晴

返去見阿鵬，等左半個鐘有多，以為可以鬆人，點知呢頭想走，Clifford就話佢上緊黎。
兩點九開到三點半，拖住晒。
同阿So既「架勢戊」仔女打羽毛球，打左一陣覺得好肚餓，應該食午餐先。

上左一個鐘堂，錦洪走得，我都早走。
集合錦洪同志豪，趕唔到六點鐘班船。
坐左一陣船，璞璞見到我地，巧合。

買埋糧水，原本諗住搭的士，不過無車，call台都無用。
坐巴士入貝澳，其實都好方便。

晚餐係打邊爐，糖水有紅豆沙。
之後開始打雀、高達、Keroro、VT、Winning。
打雀打到五點幾，其實唔多夠精神，hea打，雖然係輸，不過槓上自摸，仲要係志豪包，又點會唔開心呢。

涼都無沖就訓，八個人一間房，由「笑談廣東話」到「絕情谷」，「情況真係好嚴重﹗」
見雷傑揚訓左另一間，都無諗住叫醒佢。

	563.開學•二年級
	九月一日　星期四　晴

坦白講，身心皆沒做好上學的準備，實在不願上學。
不過見到同學仔，是愉快的。

晚餐在德福稻香吃，不是火鍋。
不斷跟蘭詩預祝生日，廿多歲至三十歲也預祝了，不過下年仍可繼續慶祝或預祝的。

準備去camp，三日兩夜，趁大家還未全部開學，充分利用時間玩樂。

	562.再見暑假
	八月三十一日　星期三　晴

睡了很久，相當充足的睡眠時間。

最後一天假期，去了銅鑼灣買了部mp3，是衝動，是責任，還是賠償？不用問，只覺得這是我應做的。

回到樂華，在使用率最低的運動館打羽毛球，盡情享受假期的輕鬆。

準備開學，其實也沒甚麼好準備。

	561.向前看
	八月三十日　星期二　晴

叫左桌震黎同哥哥打winning，我就無得玩，趕住去俾印花姨媽，順便睇下佢部電腦發生咩事。
部機連task bar既野都未load晒，load十世都load唔完咁，死症。
想拆個harddisk出黎又唔得，爭一支L型既螺絲批。

去寶翠打網球，好曬，不過支持得住。
又打到個波飛街，明明睇住個波飛去草叢都搵唔返，好激氣﹗
我覺得自己好似想殺人咁。
如果一個人唔玩就覺得生存無意義，咁係可憐定係可笑呢？
一個人玩都唔開心既話，咁仲有咩意義呢？

返屋企同哥哥玩左幾場winning，估唔到頭兩場慘敗既我，用車仔都有機會輸三蛋既情況下，上半場追平，之後反勝。
第五場十二碼，總計三勝二負，今日lucky過桌震少少，佢地晏晝玩第五場hang機。
真係0係練習場我就會贏嗎？
又係咁打日記，四點幾先訓。
好唔想返學。

	560.黑過墨斗
	八月二十九日　星期一　有雨

訓左十二個鐘，一點起身，都ok精神。
諗住出開街，就拎埋表妹部mp3機去觀塘問下維修幾錢，點知上到去先發現跌左部機。

事發既經過大概係咁︰
出門口，拎住兩部mp3，包括自己果部，試過表妹部機連開都開唔到，相信係個hold掣有問題，入lift，發現無帶遮，之後放左部機響右邊前褲袋，不過俾個銀包墊起左，其實無放好。（點解唔放落袋呢？可能因為急住搵遮。）
之後落街，本來想唔拎遮，但係落雨，又發現無拎ps2 save card，於是返上屋企。
聽住mp3，行左十五分鐘，中途落雨，係有遮用呀，不過我寧願唔記得帶mp3同遮囉。
返屋企，沿途行多一次，唉，諗住落住雨，d行人會無咁易為左件垃圾停低，咁我仲有機會執返，但係我都知仲難過中六合彩。
看更一定奇怪我做乜半個鐘出左三次街。

搵唔到，唯有話俾華姨知，唉，就算佢唔怪我，我自己都唔好意思啦。
入坑口join Miss Chiu同Mackins，上去Mackins屋企坐左一陣，又去「舊都除」打Gundam。
我都試過全部100%，不過好似連Rank都無。
試過Rank B同Rank D。
估唔到auntie識唱食飯歌，首歌都好古典喎。

織個籠　織個籠　炒炒炒
捧個籠　捧個籠　包包包
織個籠　炒　捧個籠　包
織個籠　捧個籠　叉燒包
um um um　飽飽飽

返屋企，話俾爸爸知，鬧就預左架喇，自己做錯，都無咩好抵賴。
不過我真係「玩到喪晒」咩？
我唔玩都唔知自己可以做d乜，不過我0係屋企又好少打機喎，放假應該點先開心？

	559.出camp•有得訓
	八月二十八日　星期日　晴

起身都唔覺散晒，不過無胃口食早餐。
跟住又係最緊張既時候，最後一隻game——賭分。
玩左差唔10 round，最後我地組輸左。
敏華30秒唔夠就將一本poly life完全支解，服。

今年最佳男freshman係我地組既標仔，女freshman好似叫jezz，都算靚女。
最kai男freshman係chennei，佢挑戰敏華都無咩好結果。最kai女freshman係stephanie，就係爭住次次做「傻瓜1號+我抵死」果個容祖兒。

雖然做阿爸有好多野都無份玩，不過見到班freshmen玩得開心都已經ok。

坐船返去，個個都知阿生係spy，之後我已經覺得好眼訓。
坐小巴繼續訓，0係地鐵企住訓都得。
返到屋企send email俾阿鵬，打左一半都可以跪0係度訓，因為我驚條褲太污糟，所以無坐低，估唔到咁都訓得著。
沖左涼，五點幾訓到七點幾，急叉。
食左飯，個人都係吽吽地，對住電視都想訓。

呢幾日唔係俾蚊叮左好多下咋，唔過五粒。

	558.無限體力
	八月二十七日　星期六　微雨

今朝七點八起身，原本要開e會，臨時又唔使開。
早餐相當清淡。
之後玩Soci. game，我負責幫阿Lance做警察，今年d freshmen好似唔鍾意做警察同黑社會，可能係多左職業掛。
另外二樓賭場同骨場又無乜人，完全無氣氛，不過大家0係地下玩得開心都無所謂啦。
殘酷一叮同跑馬仔都好正。

玩完Soci. game，阿Dick終於到左，即係話「屢丙拳」人齊喇，除左Rachel唔得閒入camp。

屢丙拳 = Terence(Exco爸) + Bun(爸) + Sum(媽) + 權(爸) + 古人(女) + Rachel + Peggy + 阿閃(女) + Patrick(仔) + Horlick + 平平 + Kenneth + 余公 + Dick + 標仔 + Wayne(仔) + 阿生(spy);

食左飯之後準備水戰，入水彈。
今年水戰有五隻game，第一隻國殤之柱真係超難玩，無一組完成係意料中事。
第二隻係閃避球，可惜之前有人跣親，所以變成無得走既閃避球，ok悶。不過玩到最後單挑既時候，阿閃竟然用頸接住舊海綿﹗
之後最搞笑既係舊海綿跌落佢隻手度，佢仲以為輸左拎住舊海綿想走出場，點知未輸，裁判話繼續玩。
其實舊海綿中左身之後跌落地就當輸，我見到阿閃懵懵地，以為自己輸梗，加上佢又唔係太想玩水戰，驚對眼濕水會發炎，真係無諗過佢會贏。
第二之仲搞笑，佢真係好似擺定pose咁，舊海綿係俾佢右手吸埋去架，點解更加搞笑呢？因為舊海綿係夾0係腰同右手度，呢次佢直接拎住舊海錦，佢對手都未知發生咩事，跟住阿閃就好細力咁掟輸左個男仔喇。
原來阿女係真係不露相。
第三個game係包剪「手泵」，贏左潑水，輸左用筲箕擋，潑中身或者擋到就有分。
第四個game係好似獎門人既「辣辣壽司邊個食」咁，唔使多講。
第二部分既自由時間，玩第二次玩到佢地都唔想玩，真係玩飽喇。

返房沖涼等食飯，之後又玩左一陣game，玩椰樹，呯0彭哇，連「無聲呯0彭哇」最好玩都未玩，仲有竟然唔記得有「估領袖advance版」玩，蝕晒。

Disco Night，所有人入hall跳舞，個hall好過舊年少少，分兩份比分三份好，而且兩邊得兩三條柱擋住。
跳左「Num Sum Sum」，阿Sum知道我地好「愛」佢，係咁「Num」佢之後，又跳過Seven Steps、My Bonnie同Changing Partner，哈哈，我地d組爸最後攝左入去一齊跳，都change左十個八個partner架。
水口舞跳左兩次，營舞Shake Shake跳左七、八次，之後Ex-co又跳左至少兩次，未計男Ex-co同女Ex-co分開跳果兩次，同埋阿Ring蒙面同家祈一齊跳。
總之跳左咁多次，除左覺得好玩，仲覺得之前練左咁多次係值得既。
舊年做freshman，隻營舞都學唔晒，跳起黎始終無咁開心。

房game，玩拋糖，玩trust fall，之後玩星際冒險，hold呢個game好耐，差唔多兩三個鐘，搞到個個都訓晒咁滯。
到左玩「人力磁場」都已經無人想玩，最後得阿Dick一個人，我就玩過去睇住佢拜神。
佢都算叻仔，識得challenge個主持，到佢玩晒我就同佢一齊返房。
估唔到佢地仲未返自己房，仲俾Chapce帶住幾個人一齊玩椰樹干擾緊。
最後返到自己房，個個拿拿聲繼續訓，我都唔想嘈醒佢地，已經五點幾喇。

唔知點解阿閃唔想訓，可能係因為床舖有蟑螂出現過掛。
之後我同阿Sum、標仔、阿閃四個人唔記得講過咩，就咁hea左一個鐘，六點幾Justin同敏華帶住幾個組媽同freshmen黎整蠱我地組既freshmen，0即牙膏。
之後終於有睡意，訓到八點。

	557.O'Camp2005
	八月二十六日　星期五　陰

睡了七小時，勉強夠精神維持日間活動。
去到poly seven，終於見齊晒咁多個仔女喇，雖然唔係個個入camp，但總算見過啦。

入到西頁，祭左五臟廟，阿權同阿Sum負責看住我地組既行李，細Ter同我帶住班仔女做task。
我覺得買「甜豬包」，跟住拎住個包扮豬真係好搞笑囉，個包都好味道。
搵「海猴」影相都好意外，好多仔女都知係乜東東。

三點幾坐船入camp site，架船好嘈，乜都玩唔到，細Ter玩「open close」，好快就俾班仔女估到。好在佢玩另一個version，大家都估唔到，所以佢好開心，程船又唔使咁悶。

入到白普理營，又係玩「鬥長」、「鬥短」同「七手八腳」，好玩。
之後「傳面油紙」，我見到我地組唔知邊個咁叻，用鼻吸，於是我叫後面既仔女照做，雖然跌左兩次重新黎過，但係都係最快我地，印象中除左呢次就未試過贏喇。

晚飯，d「食送」菜真係好「豐富」。
Horlick驚夜晚頂唔住，食左三碗飯﹗
返房玩左一陣game，就出去玩treasure hunt。
最慘一定係「吹香」，支香吹極都仲有既。
反而「鞋帶跳大繩」雖然玩得耐，但係幾好玩。
估歌仔，我都好難唔識「閉目入神」，雖然聽「輕閉雙眼」多d。
最後treasure hunt包尾，不過我覺得標仔真係等全部人都知下個check point去邊先一齊走係幾抵讚。

返房沖涼，一間房先得一個洗手間，浪費時間呀。
好在阿爸阿媽可以去老鬼房沖0者。
我見傳水樽真係玩到佢地無晒癮，就同佢地玩銀仔，雖然無飲管，但係有電筒代替，哈哈，無人估到，因為只係玩左一陣。
之後玩房game，玩春卷，我好想玩呀，唔記得自己有冇玩過lu。
Night walk，真係好正，自己一個人行，都真係好有氣氛，唔知我會唔會驚呢？
火麒麟，差唔多次次都係我地組輸。
不過毛毛蟲都ok勁喎，最叻仔係Horlick，最叻女係Peggy，有少少驚喜。
一生人一次，今次係房game，阿生好快end game。
之後返房，佢話我知佢係spy，所以先玩得咁快。
join埋其他組玩「上山落山」、「超級市場」，識玩既實覺得好悶，唔識玩既又唔太肯估，唔知佢地係咪覺得好悶呢。

返房食左個杯麵，又一齊估阿權既「無聊icq題」，真係好得呀，個個聽完都識笑。
五點幾個個訓晒覺，我都有得訓喇。

	556.得償所願
	八月二十五日　星期四　晴

朝早同Mackins、桌震、小斯妹碌lane，又係勁多人，好在今次小斯妹排定隊。
人人都碌左四個game，我頭兩個都ok既，之後真係慘不忍睹。

餐蛋飯想食都食唔到，間茶餐廳無開喎。
出左信和book camp，一到九月就無人去玩，咁到時咪得我地班男仔？
之後返屋企，竟然又開檯，今次係Mackins贏到開巷，又係我輸到渣都無，唔通主場係剋住既？

聽日就入camp喇，勁執野。
不過一點訓，都仲有人同我講佢地開始執野。
好開心呀，好多野想玩。

	555.魂不附體
	八月二十四日　星期三　間中有雨

尋晚三點先訓，因為勁打旅行既日記，今朝十一點先起身，即係個鐘響左之後一個鐘先識起身。

一點幾返poly，今日係最後一次pre-camp，繼續跳舞。
見多幾個組仔組女。
「松鼠搬家」又幾好玩喎。
今日訓唔夠，個人吽吽地，同班freshmen食飯都唔多出聲。

	554.箭咀向下
	八月二十三日　星期二　雨

訓左八個鐘左右，原本約好左十一點半去金伯爵飲茶，結果都係無到。
忙乜野，咪又係執手信同相囉。
一點幾到左順利羽毛球場，已經見到Mackins、小斯妹對菜蟲，錦洪同雷傑揚對志豪同桌震。
轉左幾次拍檔同對手，好數都係玩玩下，想認真都唔多得，反應超慢。

返左觀中一陣，又去左榮利，魚肉翅、魚蛋、魷魚鬚。
坐到六點幾，小斯妹有約，我地同Miss Chiu去左德福。
Miss Chiu自己行書局同CD舖，我地去玩百萬大問答。
之後肥田都黎左，meet埋Miss Chiu去嘉豪食火鍋。

Pauline同阿菜都有份，八點幾九點璞璞放工趕到。
我又係飲左一罐就已經紅晒，仲有少少身痕，又眼訓。
其實都唔知自己係醉定係乘機發癲，哈哈。

	553.不可強求
	八月二十二日　星期一　陰

今日係EIE o-camp既其中一項重要活動——全港treasure hunt。
一早起身趕住出門口之前仲要搞掂部dc，因為驚唔夠memory用。

返到去已經遲左大半，無乜briefing其實係蝕左。
等左班組仔組女返黎，佢地揀左我尋晚突然諗到既口號，細ter同我開始諗埋動作。

(自己哼︰新聞報導音樂)
左勾拳，拳拳到肉。
右勾拳，事事關心。
我地係邊個？我地係「屢丙拳」﹗

估0岩地方又決定好次序，我就同另一個組爸阿權帶住七個仔女出發，0係seven湊埋最後既horlick，第一站「九龍灣德福」。
舊年德福超難搵，今次好彩好多，一望到city就見到阿so，佢俾左個hea task我地做，就係要影一張唔係poly既學生證。
其實一落車撞到桌震，佢剛剛睇左醫生返觀塘，到左我地做呢個task諗住搵佢，點知佢已經去到牛頭角喇。
行入city無乜人，又走返出黎，問過麥記同KFC都無人有，撞左入CD舖，大學生真係無樣睇架，影左張中大既學生證返去交差，梗係無問題啦。
點知原來我地做得咁易，反而害左其他組，有人搵左七八個字都搵唔到，好慘呀。
跟住做main task，就係我地十個人搽紅色既唇彩，搽到好似麥當勞叔叔咁。
跟住搵一個組員戴橙色爆炸假髮，入麥記買雪糕，問收銀員︰「麥當勞叔叔買雪糕有冇折架？」
買左十杯，一齊餵隔離果個人食晒佢，我又食唔出唇彩味喎，又唔覺得特別污糟，好快就食左喇。

第二站係科大，我地搭地鐵去到牛頭角地鐵站，我又打電話俾Mackins、桌震同錦洪，結果得返黎既資料係，「牛頭角地鐵站近裕民商場既安全島有104小巴站」，唉，如果我早知果個係安全島，就唔使俾架小巴走左喇。
好似十二點三等開始等車。
起初我都唔信係九龍灣方向，好在horlick話過左去先算，咁我地成班人就橫過馬路喇，好在無俾差人見到。
去到科大，陳敏華叫我地直行，搵左一陣都唔見，諗住行入d搵，又唔知佢由邊度閃出黎，俾我地組見到，其他組又一齊衝過去。
原本要派晒五十張傳單架，但係我地太早入去，無時間集齊咁多種，每個仔女派兩三張。
做左hea task，我地成組人就圍住科大火雞，邊跑邊跳舞邊唱poly校歌，跑三圈，唱三種版本。
咁好彩有科大ocamp既人影相，簡單d講就係我地經過佢地個cameraman面前三次。
我地唱完歌，佢地有人走過黎問我地係邊間u，又問我地係邊個department，以為今次實無好野，佢地叫晒d freshmen出黎，至少有五六十人，真係好鬼有氣勢。
唔知邊個叫我地dem埋個slogan先走得，之後科大chem eng既人dem完cheer，我地又俾返個「愛的鼓勵」UST。

第三站寶琳，應該係新都城第2期，以為好易，點知……（之後夜晚先知果陣既Rita可能係無camp tee著，潛伏0係麥記）
一點幾到左。
搭巴士好快就到左，行左半層二樓，見商場既地鐵站出口唔見守check point既人，又行左成層一樓。
經過大家樂同美心，拎左廿五包茄汁、辣醬同麻油，搞掂半個bonus task。
上返二樓，搵埋果一半，唔見，淨係見到家祈，佢問我地拎唔拎tips，我見佢嚇我地，話唔扣分但係要幫佢做d野，所以唔要tips，唉，十萬個後悔，我覺得poly掌上壓或者勾花都唔難做囉，做乜要驚呢？
上三樓，KFC同food court都唔見人，落返二樓，見到另一組由麥記走出黎，拎住外賣。（之後又知道佢地見唔到Rita，因為組仔組女唔識無著camp tee既Rita）
我見佢地都搵唔到，就無走入麥記搜索，又係十萬個無奈。
之後我地走返一樓，連百佳都搵埋，見到組仔組女都好頹，就叫阿權問Rita拎tips，扣分都係咁話。
得到既提示係「出口」，我地搵左兩個商場出口，兩個地鐵出口都唔見，就決定食野先，已經兩點幾喇。（原來佢俾tips果陣同四組做緊task，諗住我地會見到佢地0係地鐵站出口，唔知點解我地會見唔到架呢）
食左野再打電話俾Rita，佢都食緊野，今次0係food court搵到佢喇。
main task係要成組一齊同路人影相，集齊「紅橙黃綠青藍紫黑白啡格仔間條」十二種，呢個task都ok，班仔女開始主動少少做下task。
三點幾先走人。

第四站係太古城，好明顯我果組係最慢既，細ter不斷0係電話叫我鬧佢地，叫佢地積極d。
佢地知道係最慢，又計分，入camp最後果日會罰，終於都肯跑多幾步。
去到太古城，阿權話拎tips，提示係「吉之島」，即係唔係太古城。（原因係太古城個food court好似裝修中）
好在唔使搵餐死咋，搵左一陣就見到阿wing。
佢叫班仔女拎晒d散銀出黎我都知大件事，拎到第六七個已經好多，估唔到最後一個，阿Dick會有咁多碎銀，有五十幾蚊都係佢架。
d散銀至少有20cm高呀﹗
之後我地分開兩批人，一組要將大餅唱做毫子，之後要高過原本既毫子。
另一組就將大餅唱做紙幣，總共一百七十蚊。
睇佢地玩都幾開心，因為齋睇丫嘛，我都有指點佢地既。

第五站係銅鑼灣，其實係東角「馬尺」。
一出地鐵站，未見到世貿同東角「馬尺」， 已經見到阿lance。（之後先知佢係另一個超難搵既人，同阿wing有得揮）
今次玩乜呢，就係兩個壯男做人力橋，抬起「皇帝」，其餘既人做宮女，拎住蕉葉潑扇，沿途大叫「皇帝出巡，讓路呀﹗」
哎呀，搞左成朝，明明有memory，做乜唔識用video拍低呢？

第六站係灣仔，又係入境大樓對出條橋度玩，本來Jessica同我講佢0係一個好有書卷氣既地方，但係果陣已經過左五點，得返半個鐘唔夠既「屢丙拳」要skip奧海去潮特都好趕，結果轉頭Jessica就叫我地唔好周圍行，0係麥記對出等佢。
最後都係行返去入境大樓果邊，又係對住健身中心跑緊步既人，拎住樽益力多跑一分鐘，之後轉身問行人︰「你今日飲左未呀？」
我睇佢地玩覺得好好笑，因為自己舊年都做過差唔多既野，哎呀，又無拍video，好在薯仔拍低左0者。

第七站係奧海城，無skip到既原因係個treasure改做六點完。
同薯仔果組一齊由灣仔搭地鐵，跑中環站，舊年跑係為左去IFC，跟住去奧海城，今年又係咁跑，但係帶住freshmen跑。
去到奧海城，以為又係玩百佳，唔見阿榮，於是又拎tips。
搵到阿榮，又要買組員人數既飲品，「F4火柴人全知賢陳奕迅張燊悅任賢齊方力申劉德華」。
又係去百佳，特快梗係最快啦，不過返上去，阿榮話我地包尾呀，成組人即刻跑去飛的。

第八站係潮特，估唔到0係的士入便見到薯仔果組。
好在坐的士，塞車極都係快佢地少少0者，我地做緊hea task果陣先見到佢地到。
其實細ter位於潮特同銀行中心之間，hea task要做既野係五分鐘之內去商務問有關教科書既問題，之後返細ter度答三條問題。
第一題︰「用匯豐卡買中學教科書有咩優惠？」（答案唔問staff都知，好多廣告）
第二題︰「一本教科書0係邊四種情況下，即使有缺頁都唔換得？」
答案︰「寫左名（即係有破損之類）；過期（細ter好似係話過左九月十五號）；無單（即係收據）；無書單（真係估佢唔到）」
第三題︰「邊間商務係無中學教科書買架呢？」
我地組諗左好耐，細ter叫我地亂撞，但係都唔中。直到我地得出佢強調「中學」，我地諗到大學既商務係無得買既。
答案係城大同科大。
唔好似為咁就玩晒，main task係搵三個衝紅燈既人簽一份悔過書，之後再讀出黎。
我做完main task，薯仔組「甲級戰犯」先黎到，已經就快六點半lu，佢地蝕左。

雖然無得去尖沙咀玩隱藏task，不過唔使包尾已經係執返身彩。
好支力呀，返到poly之前分毫子分到傻左。
同細ter、阿權，仲有三個仔女，Patrick、古人同kenneth食飯。
舊年第一次同組爸組媽（都可以話仲有個組姐姐），梗係又係都會啦，多位丫嘛。
家祈之前見到古人，就同佢講自己係「現代人」，哈哈哈。
之後仲開左一陣會先返屋企。

班仔女都唔多出聲既，仲有無乜主見喎，搞到我呢個無乜主見既組爸迫住有意見，真係唔知係我唔好彩定佢地唔好彩喇，哈哈。
今日玩緊果陣，都好掛住Chapce。
我覺組女Rachel真係好似一個朋友。
Patrick係IMT最好既仔，因為得佢同Rachel係讀IMT而我又見過架咋，嘻。
如果阿Dick肯講多d野就好，希望只係因為今日佢唔舒服先係咁啦。
Horlick都好肯玩，所以麥當勞叔叔係佢，皇帝又係佢。
其實贏唔贏到都唔緊要，只要班仔女玩得開心就得喇，最好就唔使包尾喇，我諗無人想出camp前俾人大懲罰。

	552.爆，簡單
	八月二十一日　星期日　雨

去左Mackins屋企，仲有桌震三個人打高達。
Super Gundam同Z Gundam都好適合我呢種懶人玩。
爆頭真係好有效，可惜「爆人者人亦爆之」，Super Gundam既硬直時間都幾長。

返屋企落雨，入camp前要開始好天呀。

	551.父親牛一
	八月二十日　星期六　雨

訓左八個鐘唔夠，返poly pre-camp，第一次見組仔組女，同佢地玩「大西瓜」、「心臟病」同「我係傻瓜」。
諗返起舊年pre-camp，唔知而家chapce點呢？
兩組一齊玩心臟病，點解我玩兩次都係對同一個人，兩次都唔記得佢個名架。
學跳營舞，第一次學都算ok，都係細ter教得好。
跟住跳水口舞，好在有老鬼一齊跳，如果唔係得幾個人好似自己同自己玩咁，下次應該會好好多。
諗好左組名，我地叫「屢丙拳」。
其他組好似叫「甲級戰犯」、「乙野兔」、「team丁」、「架勢戊」、「威士己」同「show庚」，「申」組唔記得左（原來係「申奇士」）。
畫好組旗，仲未諗好slogan，輪到我要早走，得返細ter一個組爸，無辦法，今日係組爸我爸爸既生日。

返到觀塘都係好大雨，求其0係附近美心食飯就算。
哥哥諗住十二點前返屋企同爸爸一齊切蛋糕，雖然遲左少少，有心唔怕遲。
個生日蛋糕係婆婆揀架，楊枝甘露蛋糕，味道不俗。
爸爸生日快樂﹗
哥哥，一齊孝順爸爸呀﹗

	550.泰好玩之五——回復正常
	八月十九日　星期五　晴

今日唔使咁早起身，Mackins自己去左泳池游水，不過話d池水好差。
八點幾落去食早餐，呢間酒店既早餐豐富好多，之前果間可以話係無野揀。
十點幾上旅遊巴，check好晒無漏野，好安心咁返曼谷喇。

0係中途站食午飯，最後去左麥當勞買左少少野食，我始終覺得d雪糕水份太多，唔難發現d雪糕好似「思樂冰」咁。
三點幾到左機場，行左機場一個圈。
六點幾起飛，比預期遲左少少。
班機好涼，比之前舒服得多。
原本我地係「合縱」既，之後變成「連橫」，雖然個exit seat有少少唔方便，但係可以傾都計，又可以好快落機。
等左唔係好耐就拎晒行李，又同領隊Kenji影相。

終於可以返屋企喇，以為……
同Mackins覺得好可愛既小妹妹「蘇小姐」一家人影相之後，Kenji打電話問Mackins有冇漏左野，原來之前影相，放低左個背囊0係Kenji架手推車度。
即係話，我地「自大三人組」都試過唔見野，不過一次比一次輕微。

香港落左幾日雨，同泰國真係兩個世界。
返到呢個世界，又要面對好多野，希望我已經叉好電，做好準備啦。
0係裕民坊附近落車，仲係超大雨，唔用0急真係十萬個唔方便，把遮都唔遮晒既，對鞋又濕，個袋又濕，好後悔唔帶背囊同0急呀﹗
十二點半返到屋企，沖涼之後都係忍唔住執晒d野出黎，之後吹乾個袋，三點半先訓。

	549.泰好玩之四——爽
	八月十八日　星期四　晴

抖足精神都係等今日，一早坐船去珊瑚島。
第一次玩「空中飛人」，即係有架水上電單車拖住降落傘飛一個圈，睇風景一流，飛天既感覺亦都好暢快。
點解桌震會畏高架，佢真係唔似喎。
離開浮台，繼續向珊瑚島進發，今次我地有得坐船頭，嘩，真係好拋，不過好刺激。

到左珊瑚島，即時感受到「水清沙幼」帶來既歡愉。
放低d貴重物品入locker，第一時間走去玩水上活動。
香蕉船太多人玩，所以我地玩左水上電單車先。
最初我唔敢開得太快，因為唔知轉彎會唔會飛出去，之後習慣左，遇著有浪架電單車就飛起，連續兩三次都試過，不過成面浪花，乜都睇唔到，早知就戴眼鏡。
自己玩都已經覺得好刺激，最後俾返個泰仔駛返岸邊，佢仲狼死過我，直線去盡都算（原來可以咁快既），轉彎好似唔使收慢咁，勁型﹗
Mackins話企起身玩過彎無咁易拋出去，仲有無咁易食浪花喎。
最後係玩香蕉船，見到架電單車收晒油我地都未反，以為無事，點知佢一轉方向加速，成隻船即反，我乜都唔知就飲左兩啖海水。
之後果次得我一個跌落水，Mackins又話跌落水先好玩，就算我地唔跌，個司機都會叫我地自己跌落水，呃人既。
結果全程只係反三次船，應該同其他團友一樣，玩左十分鐘都無，明明話玩十五分鐘架嘛，事後導遊話應該即時同佢地講喎，鬼知咩。
玩晒要俾錢既野，我地吹左兩個水泡，一個卡樂B吹氣公仔，就走出去玩水喇。
點知無幾耐，其中兩件就俾兩隻嘩鬼搶走左，得返一個俾我同桌震輪住用。
唉，兩隻嘩鬼都識游水，細佬阿峰，即係好似桌震細個果陣既細路，游水仲叻，四式比賽都玩過。

玩左一陣水又返去食飯，今次食海鮮餐，都幾好味喎。
回程又係坐船頭，強風撲面，身心康泰，哈哈。
返酒店沖左個涼，就去做泰式古法按摩，兩個鐘話咁快就過，桌震有大半時間都係訓著既，我0係最後一個鐘都訓左大半，真係好失敗（泰文既舒服），Mackins果個按摩女郎好搞笑，識聽識講少少廣東話，之後又話「失敗」就俾100銖貼士，Mackins就話要俾就唔「失敗」喎。
最後當然都有俾貼士啦，真係好「失敗」呀﹗

晚飯有「冬陰功」，我試左少少，即時酸死又辣死，好似飲左毒藥咁。
雖然好快就無事，不過之前個胃好似俾火燒咁，都唔敢再飲。
「冬陰」即係酸辣，「功」即係蝦。
食左飯，睇人妖show既就過左隔離，我地唔睇既又行Mike。
尋晚已經行過，所以我地走去另一個商場逛，Mackins仲0係果度既food court開第四餐。
之後都係忍唔住返左Mike買名信片同匙扣。

返到酒店沖涼之後，Mackins唔知執乜野執好耐，我又忍唔住訓左喇，半夜起身，見到桌震無被，原來俾我壓住晒，好在醒左咋，唔係佢實冷親。

	548.泰好玩之三——也許
	八月十七日　星期三　晴

朝早離開曼谷，印象中好似參觀過金三角蜂園、純天然植物保健中心同珠寶城，基本上都係齋聽，好悶。
下晝去到鱷魚潭，先坐大象，再坐船餵鱷魚，其實好似釣魚咁，不過d餌放得幾高，睇住十幾廿條鱷魚想食野，咬唔到餵就會「及」一聲，都幾得人驚。
餵完鱷魚，出返黎係坐馬車，之後又餵左支蔗俾大象食，佢個鼻好靈活架，識得卷起拎住支蔗，不過我餵佢果陣其實都驚驚地。
我發覺芭堤雅有好多seven，半個鐘唔夠已經見到十間，之後酒店附近又有七八間，真係梗有一間0係你左近。
返左酒店入左房，同團友Nicky傾左陣計，佢就走左去細佬妹間房，估唔到我支力恰著左，佢返黎拍門我都聽唔到，佢就搵桌震Mackins求救，拍門都無no use，桌震醒起打電話，咁我終於識醒喇，我認，我威貓﹗
之後食飯，飯後節目係睇「大開眼界夢幻表演」，我地唔睇既就去行Mike，忍唔住又買左回力鏢同短褲。

返到酒店，食左陣野，我又唔覺意訓著左，到佢地想訓我先起身，我沖好涼佢地已經訓左lu。

	547.泰好玩之二——狂飆高卡車
	八月十六日　星期二　晴

七點morning call，仲係幾眼訓，之前未訓夠。
早餐麻麻地，無乜野食，無乜野好食。

食燕窩，食完唔使俾錢會開心d，即係買左返屋企先。
遊湄南河，見到「銀行艇」，之後買麵包餵魚，參觀鄭皇廟，好曬，買左個椰青解渴。
參觀睡佛寺，好多人企0係腳板附近輪住影睡佛全身。

午餐係中泰式自助餐，多野食過尋日好多，始終係一間酒店餐廳。

下午又係買野，睇人地買皮具。
去玩高卡車，真係好緊張，感覺好似真係去賽車咁。
到左真係落場玩，都唔敢踩盡油門，有好多位都有踩brake，不過玩左五六個圈開始習慣，過彎淨係放油門，風馳電掣既感覺，令人興奮，不過要付出好多精神，玩左十分鐘，個人都幾支力。
想高速入彎真係唔易，扭得多又成架車西出去，得不償失；髮夾彎收油太快係貼內彎，可惜再起步已經慢好多。
玩左十分鐘，都未過得好個髮夾彎，不過都係玩下0者。
結果計最快圈速我係第四，Mackins第五，三甲得主都玩過高卡車既。

原來兩隻嘩鬼係識得周怡架，即係IMT玩圍棋好勁果個，佢地好似之前係佢學生，世界真細小小小。

參拜四面神之後，我地三個無行BIG C。
搭Skytrain搭左兩個站，去行MBK Center。
行左一陣去food court買coupon食飯，周圍叫野食，飲左好少酒。
最後得返幾十銖，又唔見左，其實好小事，不過最後係桌震自己出去買野既，佢覺得好灰囉。
佢今日係咁話自己係「膠人」，我都叫佢唔好咁講架喇，尋日勁講「unlucky」，真係好既唔靈添。
行BIG C同街邊檔買左好多衫呀，買野真係開心。

佢地沖沖下涼果陣，我「唔覺意」恰著左，到左差唔多兩點，佢地飲完酒想訓我先肯醒，沖左涼出黎見佢地已經訓晒，係三點鐘。

	546.泰好玩之一——有驚無險
	八月十五日　星期一　微雨

四點起身，真係有諗過唔訓架，訓三個幾鐘真係唔湯唔水。
好快就準備好出門口，爸爸驚條街太靜，講到我都驚太早到俾人劫。
最後當然無事啦，同桌震一齊等四點十一由寶琳開出既N29。
Mackins話就到，點知我地上車搵唔到佢，哼，唔好話我知四點十一有兩班車一齊開呀，我知道之前三點十一同四點五都有車，但係隔成半個鐘，咁早又唔會塞車，唉，結果唔可以三個人一齊搭車。
估唔到Mackins架車仲快我地少少到，上到離境大堂，桌震話佢唔見左銀包﹗
落返去搵唔到，去車站打電話去東涌車站又話無，又上返機場詢問處同警署報失，身分證同護照都無唔見，實在係不幸中之大幸。

唔見野梗係唔開心啦，唉，自己又唔記得提下佢check下d重要野。

今日我地三個著住班tee，集合既時候果然有人問我地係咪讀觀中，寫到明係邊班，想唔認都唔得啦。
原來果位阿太個仔係我地師弟，讀中一喎，世界真細小。
佢地三代十二個人真係人多勢眾，加埋其餘兩組五人家庭，已經佔左大半個團喇，其餘五個人已經唔記得係點架喇。

上到飛機，心情都係興奮既，去玩丫嘛。
不過成程機都幾熱，好鬼慳油呀，個餐真係要黎醫肚囉。

落機無耐發現自己唔見一袋零食，唉，好鬼大意，咁趕落機做乜，睇黎呢幾日真係要玩得小心d。
都係果句，唔見野梗係唔開心啦，當破財擋災。

搭旅遊巴去第一站——夢幻樂園。

午飯時間到達夢幻樂園，食自助餐，水準一般。
飯後立即把握時間玩機動遊戲，有路軌在上面的過山車，很悶的室內過山車，好似水上樂園既激流旅程八人版，差不多九十度的海盜船。

所謂無軌過山車，只係架車下面無軌，但係上面有野吊住，架車好似飛出去咁，感覺都幾似超人。
最頹既一定要數「space mountain」，入便好似無錢交電費咁，無野睇，千祈唔好同「迪士尼」比。
坐船，唔好彩坐錯位實成身濕晒，好彩我地只係濕左唔夠一半。
海盜船，其實係抱住是但搵野玩既心態去玩既，主要係為左吹乾個身，無得坐最尾一行，以為好蝕，點知架船飛到第五、六次，先發覺都係咁刺激，海洋公園玩都未試過咁激，好似成個人企0係度，我未試過玩到唔敢舉手，真係有跌出去既危機感，之後四、五次都係咁高，超刺激，值回票價，全日之最。

玩晒機動遊戲，走入真雪城玩雪。
零下五度，其實都唔覺好凍，因為著左樂園借出既衫，但係我點都唔明點解有女仔可以淨係著背心影相同玩雪橇，玩雪橇衝落黎好好玩，玩左三次，第三次學識轉住圈落黎。
其實好鬼凍，唔係為左玩雪橇一定走左十世，我著短褲架。
0係室內「過暖河」，好似係十度左右，都已經好暖。
之後去左大人國照相，已經夠鐘集合喇。

晚飯，咖哩蟹，ok辣，食少少都無問題既，最好味係呢一餐喎。
溝水即係添飯，定係裝飯呢，向南係廁所。
返酒店，嘩，間房都唔係太吸引。
去到跳蚤市場，好似好多野都想買咁。

返酒店一陣又出左街口間seven，第一次覺得seven既野係平架咋，入左唔少貨，除左零食，仲有杯麵。
好似香港d杯麵好食d。

	545.準備•出發
	八月十四日　星期日　陰

沒有上班的日子，都是充實的。
但有時又會覺得甚麼也沒做過，還有很多事一直都打算做的，仍沒有做，是因為自己不肯坐言起行嗎？

繼續執拾行李，應該沒帶漏東西。
還有十二小時。

15/8-19/8•••泰國

	544.離家30小時
	八月十三日　星期六　風雨交加

不知睡了多久，只知六時半左右醒了，大家差不多都起來了。
不一會兒，大家也趕著回家，只剩下桌震、錦洪、主人家Mackins和我。
桌震亦醒來，Mackins花了很多工夫才叫醒錦洪，原因是Mackins用的方法都極之溫和。
Mackins又很努力收拾、清理，我很清醒，也很精神，不過已經不想走動。

我們四人在茶餐廳吃早餐，我吃了有點奇怪的墨魚柳。
桌震和錦洪回觀塘，我跟Mackins回家，不用「主從」戰勝王者立海，又用「主從」贏了六局。
之後玩Keroro，story mode，原來防守可以是最佳的攻擊，輪流玩，餘下的都破關，開心。
Mackins父母由國內回來了，跟他們吃了午餐。
去買防曬，剛剛脫了皮，不想又曬黑。還買了不能亂吃的傷風藥。
和Mackins閒逛之下找到兩款Keroro公仔，很想買。
等到璞璞來了，又周圍逛了一會。
又回到Mackins家，又玩了一會Keroro和網球王子。

太累了，決定不回poly練舞，自然是回家。
跟爸爸在附近食晚飯，回時突然下雨，剛好快到有瓦遮頭之處，幸運。
雖然很累，卻沒有太濃的睡意，卻睡難眠。

開始執拾行李，卻發現拉桿旅行箱已經掉了。沒關係，只是麻煩一點。
哥哥由廣州回來了，他說堂弟妹又去旅行了。

	543.千杯不醉
	八月十二日　星期五　晴

早上回poly，幫忙招攬新生參加迎新營，總算沒幫倒忙。
一時半即趕到坑口會合Mackins，在地鐵站遇到肥田。
等到大家來了，去金滬庭邊食邊等璞璞，其實他已經食過午餐了。

又到了Mackins家開戰，繼續下半場，上半場一開始桌震便由Pauline手中贏了256，雖然下半場Mackins和我跟桌震輪流替換，但桌震好像多是繼續向Pauline「開刀」。
「葆露絲」和「Blues」，嘻嘻，桌震和小斯妹說的。

晚飯前去左Virtual，玩大問答，有桌震在，自然選「兩性問題」作答，哈哈，增強了不少知識。
難的不是「兩性問題」，其他答錯了也罷，最離譜的是「標準答案」是錯的。
在大滿貫吃過晚飯後，Mackins也由寶琳出來會合，桌震說為了令他覺得「不枉此行」，於是又去玩大問答，又一次挑戰「樓梯」。
巧遇冠諗拍拖，之後看大家玩thrill drive3。

十時多，坑口。
在seven差不多人人買了兩枝「大撚」，包括︰ 桌震、錦洪、菜蟲、渣偉和Mackins，只有璞璞和我買了兩罐king can。
最後連雷傑揚也來了，開始「隊啤」。
說起來十分慚愧，自問已經很努力「隊」自己，可惜整晚只乾了大半罐。
相比桌震和錦洪，每人三大支，依然面不改容，雖然算不上是牛飲，亦足以令我佩服。
菜蟲第二天有事，不便豪飲，但我想他和其他人一樣喝了兩支。
不知道璞璞喝了多少呢？
飲了半罐，全身泛紅，不是曬出來那種通紅，是隨體溫透出來的暖紅。
講完女仔又講男仔，只差人妖沒講。
只見大家滔滔不絕，說到興起時總不免提高聲浪，可惜這不是度假屋，否則不必諸多顧慮。
今天下雨，我覺得是賺了，要是在室外飲酒，想必也不能如此盡興。
謝謝Mackins。
不經不覺談到將近五時，大家逐一找周公拼酒了。

將一罐啤酒分一千杯飲，其實不是千杯不醉，是千滴不醉而已。
我認為一杯至少像古代的酒杯，就是那種大小跟乒乓球差不多的酒杯，千分之一罐算一杯，實在說不過去。

	542.抽水係友情既表現
	八月十一日　星期四　熱

第一次製作「蛋包包」，哈哈，好新鮮，好特別的口感。

下晝同桌震、Mackins去city打羽毛球，我覺得自己精力過度旺盛，好易發脾氣。
如果唔消耗一下，就算唔發癲，都會暴走。
之後去統一中心開茶會，又計下要洗幾多錢，嘩，好驚自己忍唔住洗大左。

同桌震返觀塘LG，搞左6wins之後開始撻皮，輸係正常既。
食左飯，去金沙玩thrill drive3，桌震都畢業喇，我都幾好表現，快佢少少。
OutRun都係去唔到last兩三個check point。
同桌震分別，自己又去LG，好強既拉仔，同發球機器無分別。我相信哈斯唔係多一個發球局係贏唔到佢既。
之前拉仔5wins既手下敗將當然搵哈斯復仇，可惜又係俾發球制住。
最後佢地咪又係用拉仔黎發球上網，唉，最唔鍾意同機械人打街機，無癮。
今次好叻，自己都唔相信可以咁冷靜咁隔岸觀火，因為我明知呢班人都只係可以鬥開波，太無趣喇。
反而睇住佢地自相殘殺，鬥開波，波子機之餘又間唔中笠下，真係幾開心。

唔覺意抽左Mackins水，sor li，sor li﹗

唉，有咩巴士可以由poly去到九龍灣？
唔係215X，都唔係11X。
就算我諗唔到13X，點都應該諗到有28號﹗﹗﹗
實在太震撼，search到呢個我無理由唔知道既結果。
太善忘。

	541.揮之不去
	八月十日　星期三　雨

今日會考放榜，感覺是很遙遠的事。

到哥哥北上。
第一次製作蛋治，好味。
當你玩winning，越位多過傳波既時候，真係好灰。睇黎桌震係越埋電腦果份。

看完「蕭十一郎」，原來也看完「火併蕭十一郎」，噢，不太滿足。

預備三小時睇兩套戲，結果睇左兩個幾鐘「在世界中心呼喚愛」。
基本上可以將小說、電影同電視劇睇成三個故事，電影既吸引之處係節奏明快，之不過我又嫌兩個鐘短左少少。
另外電影交代某d情節係比較合理既，而且有好多畫面個構圖好靚。
始終覺得電視劇好睇d，先入為主嘛。
旺電……話，呢兩個鐘有七、八個電話既機會率，真係低過中頭獎。

搭地鐵去city打壁球，途中有人拍我膊頭，原來係雷傑揚。
打左一陣Mackins都黎埋，打兩個鐘，九點半先走。
去左M記食左少少野，有人話想飲酒，之後又縮沙，哈，唔係我，我點都係飲得最少果個。

	540.扮蟹
	八月九日　星期二　驟雨

十點半前去左淘大，已經無晒lane，肥田話睇住個場由有變冇。
菜蟲話今日放jupas，d人無聊喎。
總之就係我計算錯誤啦。
最後決定去唱k，哈哈，四送一。叫埋菜蟲出黎，佢係隱藏既第六位。
Pauline做好家姐，幫細佬返觀中拎會考手冊，肥田有野做走左。

剩低四個人，上我屋企開檯。
桌震打左一陣，就讓左個位俾Pauline，自己打winning。
不過又間唔中教Pauline打，佢話都唔使教既，Pauline唔係唔識打喎。
結果我同菜蟲都輸俾兩個「唔識打牌」既女仔。

突然覺得應該同佢地講返句︰「哼﹗你唔好扮晒蟹s喎。」

阿菜上左黎一陣又走左，最後走剩桌震，一齊打winning，繼續打到日本入八強。
今日好似點都要輸一次先贏到咁。
唔係咁想出街既情況下落雨，索性自己整腸蛋麵食。

Mackins回來了，以為他會遲些才回來。

	539.KA•BA•JI
	八月八日　星期一　炎熱

九點半前已經身在poly，比上學還要早。
和桌震、Pauline打了兩小時多羽毛球，有點累。
還要謝謝李裕借出學生證。

在舊can食lunch，之後坐215X去藍田「『手羅』照」。
去了桌震屋企玩「火影」，好像很難玩。
最後忍不住再用「主從」挑戰王者立海 真田弦一郎 和 柳蓮二，又敗。
最後桌震用跡步，我用樺地，使盡混身解數，膽戰心驚地取下五局。如果打六局，可能輸了。

很久沒有在家中食飯呢。
想睇DVD，只不過電腦不能播，唯有遲一點看。

開始脫皮，很溫和，沒有痛楚。

	538.安守家中
	八月七日　星期日　晴

買了麻雀板，有點瑕疵。

同桌震一齊Road to 2006，射極都唔入，埋門能力已經沒有影響，運才是主因。
我不找桌震打機，桌震也會找我打壁球。

Mackins北上，會做甚麼呢？

	537.奔波
	八月六日　星期六　晴

今天由荃灣到深水土步，為的主要是PS2，其實可以說是Winning9。
改好機，卻load不到winning9。
旅行組團不成，改報另一團，也是15-19號五天泰國遊。
回家試了桌震的winning9，無問題，燒了兩次，搞掂。

winning9四角賽，可以話係我復出既第一戰，其實咩復唔復出，搞到好勁咁，都無勁過。
不過一定會有進步既。

	536.可能
	八月五日　星期五　晴

今天睡眠更充足，精神充沛的感覺是無可比擬的。

和Mackins去APM食lunch，之後又去LG。
回家試玩Keroro和Winning 9，Mackins走了，又和桌震開始玩網球王子。
無pair的玩法其實很灰，很多情況被迫處於捱打狀態。
連玩五、六場才抓緊勝利的關鍵，可惜最後的「主從」未能以「荒廢之協奏曲」擊潰對手，兩面刃。

我覺得自己不是怕後悔，而是相信明天的「可能性」。

在家千日好。
很多「未完成」。

	535.乾燒
	八月四日　星期四　晴

近幾天而言，今天睡眠充足。

噢，突然收到SMS，才知道你離開香港，等著你回來。

去寶琳集合桌震、Mackins，跟桌震先到練習場熱身，短短十多分鐘，已經有五、六次「飛機」出現了。
三至五時，很曬，昨天曬得像乳豬，今天不敢亂來。
加上體力轉眼間被太陽無盡的熱力蒸發，打了一會已經不想再動，發球又沒有進步，其實是退步，所以又忍不住發脾氣了。
除了掉帽子，還用球拍kiss自己。
兩小時內，真正運動的時間應該不超過一小時。
如果我是冷血的話，應該還可以繼續打的，可惜我不是，而且昨天曬完之後，現在有點發熱。

在新can吃了個不太好吃的焗螺絲粉，之後又練了兩小時練舞，已經學會八成了，開心。
去新港會合正在和同學吃飯的Mackins，二人合作玩四首歌，爆分，竟然上唔到ranking，嘿，爆分之餘仲要鬥多combo，蝦薯。
一齊賺wins的感覺是相當愉快的。

	534.時間差
	八月三日　星期三　晴

被Mackins和桌震的電話吵醒，其實之前已經無視鬧鐘繼續睡，好在。
極速梳洗吃早餐。
三人在觀塘月台會集，十點左右到了大埔墟火車站。
等到Mackins的女同事，去了租單車了。
這次和上次一樣，是Mackins答應和她跑一趟「大埔至大尾篤」的，因為她住在大尾篤，卻未曾由大埔駛去大尾篤。
未到海濱公園，桌震騎的單車甩掉腳踏，回去換車。
大埔至大尾篤，交車，吃豆腐花，三男繼續上坡，大直路來回，下坡。
事件發生在消防局前最後一段大段坡，大家在享受風馳電掣帶來的快感，桌震的腳踏連臂脫落。
螺絲釘找不到，單車仍能勉強運作。

交車後去吃下午茶，又出動了。
一VT又是一小時，13wins，贏了King，但沒遇上高手，沒挑戰性的。
OutRun，第一次見識用油門控制過彎。到我們下場時，實驗失敗。
又VT，終於遇上皮奧連，可惜我的狀態已經下滑了，加上心浮氣躁的毛病回歸，自然要吃上敗仗。
早一點遇上他還有很多取勝的機會。
敗就是敗，應該可以更穩定。

和爸爸、哥哥去了Roma Roma吃，很好的環境，充分運動後吃的特別美味。
巴塞請深圳健力寶吃九隻光蛋，只是錯過了三球。
回家不斷補記日記，一連三天也非常充實。

	533.感動
	八月二日　星期二　晴

最先和最後的感動，超越年代的感動，一定是Final Fantasy﹗
超時空之鑰帶來的震撼是短暫的，FF卻是持續的。
FF12，除了欣賞，還是感動。

剪髮，高速，但有點痛，本來有點氣的，算了吧，不想遲到。
還有時間上LG，看到最新的Gundam，遇到Mackins。
跟他離開到附近逛逛，看看有甚麼好吃的。
回到地鐵站，已經看到Miss Chiu、桌震和不是菜蟲的人，那人是阿康，他準備去教水，羨慕。
菜蟲和準備去學游水的阿渣也來了，分道揚鑣。
在和民吃午餐，談了很久Mackins的問題，哈哈哈，直線，下山路，衝不衝？

回樂華打羽毛球，電話四人組。
很不自然的姿勢，反應變得慢了，需要時間適應。

贏左一個自摸128，最後784。
原來昨天的手風很順。
在坑口，向門的是大輸家，我的下家是贏家，只不過贏得比我少。
Mackins想說賭場得意……哈哈，但他自己也是贏家，雙贏，自打嘴巴。

最近很燥，心火很盛。

	532.奇妙旅程
	八月一日　星期一　晴

倦意及病態全消，精神呀精神。

朝早去了Mackins家，試玩Keroro大亂鬥。
菜蟲來了，他又試玩戰國Basara。

食晏時大家在研究可不可點學生餐，我發現餐牌上的細字寫明持有學生證便可，於是被桌震冠以「Discovery channel」的名號。
菜蟲總覺得今天是星期日，哈哈，現在不用上班，感覺得自由，很棒呀﹗

開檯，自摸位位128，清一色256，然後又再做一次不可思議的傻事，上次爸爸不是已經提過我麼？
出統給Mackins輸了256，想不到之後立即來一個不知是清對還是混對的256，最後贏左五百幾。

太沉不住氣了。
沒有昨天的失敗，可能沒有今天的成功。
成功的確是治療失敗創傷的良藥，只怕是良藥未有，已經壞透了。
沒有昨天的經歷，還有沒有今天的我？
如果將所有「昨天」重組，是不是就能造一個「今天的我」出來？

	531.燃起來
	七月三十一日　星期日　有雨

半夜爸爸叫醒我，他說我有點發燒，喝了杯水，繼續睡。

起身果然有點熱，但爸爸說應該沒燒。
可是我覺得有點燒，唇又乾，一副缺水的模樣。
婆婆一早來了，和爸爸去飲茶。

終於有空還書，其實一早看完的小李，竟然差不多一個月才還。（嘿嘿，上次在將軍澳壁球球遇見蕭亮耍太極﹗）
在圖書館附近遇到Pauline和男友，回家才發現自己仍然是「訓醒look」。

飲水，飲水，飲水。
又乾又熱。
除了右臂有點累，身體無恙。

	530.一線
	七月三十日　星期六　風雨

八點幾起身，訓左四個鐘，算精神。
Mackins提醒我別遲到，否則要「自隊大『撚』」，哈哈，即係大大支既啤酒，唔係我創架，唔知尋晚邊個發明架呢？
十點前到左淘大，Mackins同Mabel已經到左，上到保齡球場等左一陣，竟然見到阿Lun同傻鴨。Mackins接埋Florence上黎，碌左一陣仲見到阿渣。
碌到十二點幾食晏，好似幾餓，但又食唔落喎。

同Mackins去到九龍塘，等埋佢d同事，決定唔踩單車。
諗住疊埋心機上又一城踩冰啦，個場又有活動，不過最灰既應該係Mackins由大埔出黎既同事，出閘兩秒先收到Mackins通知。
成班人又入去大埔踩單車，無懼風雨。原來有個同事係未踩過兩個輪既單車既。
一小時入大尾篤，太勉強，原本同Mackins送佢同事返大埔，但係佢同事架車出問題，換左我部車出黎。
其實部車都無乜野，當係多左細半個break囉。
五點幾返到大埔，六點半返到poly。

今日好少helper黎練舞，都係玩game，跳營舞、水口舞囉。
間唔中又會唔記得之前學左既野，甩左音樂又好難跟返咁。
好餓，十點幾先食飯，食左無幾耐個肚唔舒服，唔知係辣定係食滯左。

	529.博盡@last day
	七月二十九日　星期五　有雨

今天沒有小說，想不到這是最充實的工作天。
上午，乘601上班，結果早了一個站下車，其實巴士不比地鐵快，雖然貴，唉，加上落錯車，更遲才回公司。
試converter，謝謝Mackins昨天代我買。
做網頁，突然加內容。
午飯去吉野家，想起某人提過學生證的用途。
坐叮叮去灣仔，下起雨來。
298換「USB to PS2」converter，想一想還是加錢買mouse穩陣。出糧了，入數。
回程又坐叮叮，到上層「避雨」，很局促，有點後悔。
買了西餅請同事吃，雖然有點貴，其實亦想藉機大飽口福。
秘書小姐本想請我們吃下午茶，最後是請飲奶茶。
開始自拍，又不斷拍下公司的環境，再偷拍不願獨自上鏡的新同事Alex，哈哈。
繼續做網頁，同時用外置CD writer燒3ds max 7，24速還是很慢，最後才想起這是USB 1.0的device。
又和其他同事拍照留念。
差點忘記將網頁的內容寄給自己，不然又要回公司一趟。
哈哈，full time job的結束，卻忽然多了一份輕鬆的part time job，價錢另議。

中環相聚的先有桌震，再到Mackins、錦洪、雷傑揚和渣偉。
大家樂食飯，上二樓前真的很有衝動將菜盤拿出店外。
邊聊邊等菜蟲。
見到錦洪，又想起前天午飯前見到的「XX 1234」車牌，「1234」當然是隨意數，忘了，但「XX」卻很深刻。
最後打機等，百萬大問答，有大家在，「文史題」和「科學題」的把握也大大倍增。
至少第二次挑戰「樓梯」，yeah﹗
係喎，開左六合彩，唔知中唔中呢？

快十時，到了蘭桂坊，逛了一圈，不知光顧那間才好，唯有等菜蟲。
入左一間叫咩apartment咩既pub，有房坐，舒舒服服咁傾計飲酒，Budweiser又幾好飲喎，不過都係飲到面紅。
之後坐地鐵去尖咀，除我之外，人人都買一枝啤酒在手，我只好飲Jolly Shandy。
在海旁吹風兼吹水，唉，哪有海，只有「旁」，工程進行中，不便之處，無法原諒，嘿。
雷傑揚滑倒，應該沒大礙吧。菜蟲怕被雷劈中，劈酒的人竟然會怕雷公，奇怪。
快十二時半，回家，他們又買多枝上車飲，我觀戰。
有點睡意，小休一會，又聽到大家令人血脈沸騰的話題，當然加入討論。
渣偉和雷傑揚在啟業附近下車，我還在考慮是否在和樂下車時，雙腳已經跟大家走出車門了。
大家激鬥數回合，自然要到APM解決。
其後有人再點戰火，Mackins加入旁觀。
又拍下他們決戰的證據，想不到桌震的戰鬥力如此驚人。
二點左右才回到家。

沖涼後，又繼續燒碟，開始打日記，睡意久奉。
但明天的節目也相當豐富，九點半打保齡。
歡樂今宵。
「想笑便去笑　高聲歡呼高聲叫
身邊一班知己也助慶
想醉便去醉　不必心急歸家去
多飲幾杯今晚要盡興」
可惜我仍不能承受那麼多的酒精。

家中的CD writer，真正的16速，也比偽24速快得多。
相片遲些再整理。
前天看到「三雙4卡牌」，極有買回來玩的衝動，只有日文嗎？
睡眠時間︰四時半

	528.shake shake
	七月二十八日　星期四　有風

今天是「蕭十一郎」。
放工回poly，練營舞，是Kelly的「SHAKE SHAKE」，最初還跟不上，經過兩小時的練習，已經算學會半支舞了。
＼(°∀°)／

九點半即閃，到銅鑼灣跟Mackins會合，去了明記食飯，同桌的還有Mackins的國內朋友Alex。
喝了不少，對我而言，好像適應了。
Mackins做東。

找小巴送Allan回hall，兜兜轉轉的，終於找到了。
回家已經差不多一點。
有少少頭痛，high high地。
沖完涼好精神，不過無睇曼聯對北京現代，好耐無睇波，已經無乜衝動去睇。

突然唔想請Mackins食「幾好」，唔係太好意思，應該轉skill，berserk。

睇得古龍小說多，應該會忍唔住飲返一兩杯。

	527.幸運之手
	七月二十七日　星期三　晴

午餐是兩個老闆請客，飲茶。

校友會周年聚餐@客家好棧。
飲左少少酒。

拆了幾個Mackins送的襟章，第一個開的又是特別版，上一次也是這樣，但今次總共有兩個特別版，超lucky。

	526.緊握刀鋒
	七月二十六日　星期二　晴

「三少爺的劍」竟然又是悲劇。

「我知道。
因為我也是個江湖人，也是個沒有根的浪子，
如果有人說我這是在慢性自殺，自尋死路，
那只因為他不知道不知道我手裡早已有了杯毒酒。
當然是最好的毒酒。
……
人生畢竟也是可愛的。
人活著，就應該懂得怎麼去享受生命，怎麼去追尋快樂。
一個人臉上若是髒了，是不是要去照照鏡子才知道怎樣去擦掉麼，
我只希望這面鏡子也能做到這一點，能夠幫助人擦掉生命中的污垢。
我真的希望每個人的人生都能變得很快樂。」

今日同事Gary發生交通意外，它的電單車被胖小孩「撞」倒，希望雙方安然無恙。
他說自己只是皮外傷，但小孩卻骨折呢。唉，過馬路要小心。
Gary本來打算跟我們一起吃午餐的，明天他開始放假，回來就見不到我了，於是他豪爽地請秘書小姐和我吃下午茶。
噢，最後三天。

放工去灣仔食飯，同桌的還有Mackins和他的朋友，想不到我被三個coins考倒，但還是最「快」想通的一個。
Mackins被兩支飲管折磨，他應該「看開一點」，嘻嘻。
最後還是徘徊在「1、2、3」之間。

今日右腳大腿痺左三次，似痛非痛，至少不是肌肉痛，是由內痛出來的。

	525.規律
	七月二十五日　星期一　晴

「邊城刀聲」太有拼湊出來的感覺。
「飛刀，又見飛刀」節奏太快，細節交代得不多，反而像有血有肉的故事。
想不到要去圖書館借書才看到「邊城刀聲」的最後兩頁。

一個人如果發現自己的生活只是不斷重複，他寧可死。
我卻怪自己的生活充斥著混亂，我不滿，不快樂。
我喜愛規律，又未必。
誰對誰錯，誰對，誰錯？
「可是，知道了又如何？」

	524.與x無關
	七月二十四日　星期日　晴

「邊城刀聲」太像科幻小說，若果說這是黃易寫的也不為過。

楊枝甘露布甸，滿足。
芒果一年四季都有並不奇怪，柚子呢，楊枝甘露呢？

厚PS2讀唔到DVD，可惜。

哥哥鍾意既歌手，好像總有些關係呢。
＊　陳奕迅、容祖兒•••「I'm lovin it」
＊＊　李克勤x容祖兒
＊＊＊　容祖兒唱范曉萱既「自言自語」@容我信愛
＊＊＊＊　陳奕迅、范曉萱＠人神鬥

	523.一刀
	七月二十三日　星期六　晴

九成九的痊癒。

世貿已經無我想玩既野。連「花之巴里」都要輸，唔係部機有問題就一定係我唔應該再玩。

壁球@城大，三人輪挑，起初敗的都是我，我還未克服右肩帶來的心理障礙吧。
最後半小時，情況大有改善，至少令我覺得這條臂仍存在。

thrill drive越玩越差勁，走法太狠嗎？

有咩比入一球更好呢？
就係入兩球。
我知道伍晃榮想咁講，但係無機會，因為阿叻問佢二比一收唔收貨，佢話三比一就更加好啦。可惜最後係皇馬返勝三比二。

「這一剎那對江湖的影響，又是何等深巨。
一剎那！
一刀！
那一閃的刀光，又是何等驚心，何等壯麗！
……
寬恕遠比報復更偉大。」
欠一刀，欠即是不欠，不欠即是欠，用小李飛刀解決。

	522.明月何處有
	七月二十二日　星期五　雨

將癒未癒。

「明月本無心，何必尋月」

感覺不自然，卻很有趣。

特地回理大，為的是二百元按金。
結局只得一個。

有咩比鍚一啖更好架呢？
就係鍚兩啖……哈哈

521.

安息。
願主與你同在。

	520.可以的話
	七月二十一日　星期四　熱

看了大半「天涯明月刀」，越來越可悲的傅紅雪。
「能夠坐車的話，我絕不走路。」
「能夠走路的話，我絕不坐車。」

噢，明天不是搬出房外（另一間所謂貨倉，也是正門所在的房間），而是暫時在經理室坐﹗自己也嚇了一跳。

Wong sir說得沒錯，大家見面最人齊的，往往就是這種場合。
只不過我想不到會來得這麼快，誰也不願這樣的。

頭昏腦脹，其實應該早點睡。
thrill drive氣墊船係master玩既，桌震玩outrun玩到有bug，好野，明明就到time extention，竟然無左條路，卡住左﹗
不想吃藥。

	519.威貓日
	七月二十日　星期三　熱辣辣

威貓1︰今日返工未入公司已經見到同事，話我知老闆返左喇，果陣已經係九點三十五分（雖然秘書好似九點十五分先返）。不過無俾人鬧喎。
威貓2︰公司雪櫃存貨所餘無幾，今天是特價日，我被指派到超市買飲品，打電話回公司，竟發現電話是錯的。
威貓3︰回公司後致電某網頁寄存公司，那位接電話的小姐竟問我之前給她的電話號碼是否假的，哎呀，覺得好像被取笑了。
威貓4︰等了哥哥大半小時，我忽然覺得其實可以自己買的。
威貓5︰買錯了雪條，想換，卻沒貨，其實我可以不買的，蝕了四個襟章，笨。

今日還發生了一件算得上驚嚇的事，我打開公司其中一部電腦，想看看BIOS的牌子，找不著，拿來電筒，駭然發現一隻死蟑螂。

「陌生人道：“只要你能忍耐一時，有很多你本來認為非做不可的事，也許就會變成不值得你去做的事了。”

他表情很嚴肅，接著道：“每件事都有兩面，從你們這面看來，你也許覺得自己做得對，那只因為你們從沒有從另外一面去看過。”」
看完了「邊城浪子」，結局頗出人意表，但為甚麼我好像曾看過呢？

依然有點頭痛。

	518.都是秘密
	七月十九日　星期二　熱辣辣

喉嚨不痛，有點乾。
上班時間小休了很久。
工作差不多完成，等。
看了一半「邊城浪子」，還是看不見的刀最可怕。

晚上流鼻水，有點頭痛。
昨天的秘密，不是今天的秘密。

	517.避暑
	七月十八日　星期一　熱辣辣

辦工室是天堂，平日我的座位比雪櫃還冷，因為冷氣機是「虧」的，只會向著我出風，但現在剛剛好。
午餐叫外賣，留守天堂。
保守估計上班時間乾左2L水，仍然很渴。

放工等巴士，等了三輛才有機會上車。很久沒有跟自己開玩笑了。
去了華姨家吃火鍋，食為先，喉嚨其次。

回家，換了子機，告別無電轉call台的日子。
頭重重，一時前睡了。

Mackins所講「小病不是福」既三個理由︰
一、自己好辛苦
二、令其他人擔心
三、唔記得... (好似是要錢之類)

引述Mackins記事簿既內容︰「
擒晚要訓又未訓之際，電話四人組黎o左次組聚(成個月有多冇聚過)。講o下講o下，就黎o左個網球喻人生。查實我o地o的網球又唔係勁，又點樣喻人生丫~~ 睇黎我o地講緊o個o的似 vt 喻人生似o的呢，皆因 vt 比真o既網球易好多﹗

vt 即 virtua tennis (記住唔係 virtual)，我好耐之前都想將我o地四個o既打法分開四類黎講(朱雀、青龍、玄武同白虎)，咁o岩今次又順便喻埋人生，嘿嘿嘿...

朱雀型—屬速攻o既打法，即係一開波無耐就上網，然後就以最快o既時間贏對手。卓鎮乃係表表者，佢至鍾意上網打，甚至而家打真o既網球都係。

玄武型—屬防守為主o既打法，通常會o係後場同對手搓波，"界"又好，抽又好，一步一步克制對手，然後施予致命一擊。我幾鍾意呢個打法。不過打真網球就做唔到lu...

白虎型—屬攻擊型，以強勁o既攻擊力克制對手，等對手 add 都無得 add。志豪咪就係咁之嘛，佢仲要犀利在於冷靜同埋多變，o係佢 full tension o個陣係超勁﹗(但少見)

青龍型—屬全能型，即係點都得，最後呢個quota由麥彬包辦。贏波關鍵在於當日認唔認真同埋夠唔夠心水清。

咁喻咩人生呢？

卓鎮上網部定直線，夠堅定，直接(如果人o地放斜線點算？)；我鍾意穩打穩紮，急唔黎(人o地一開波就上網我就會好吃力)；志豪攻勢強勁，氣勢迫人(有冇睇o下對手點郁先？)；麥彬就....(唔好威貓就得o架o勒，明唔明？) [註：o係子雲兄o既薰陶下，威貓 := xx]

部份係談話講及，亦有o的係個人意見，各位參詳過後又有冇乜o野啟發呢？

後記：

好耐冇玩過 vt，生疏晒.... 不過有試過用防守帶積極o既玄武打法。

下次有機會試o下講o下網球王子呢。

仲有，近期係傷風感冒高峰期，要預防中招，就記住要飲多o的水同埋早o的訓，保持身體o係一個健康o既狀況，ok~?
」

我講過啦，對住實力懸殊既對手，唔係我嫌棄對手太弱，就係對手輕視我，好難認真架。
清醒個頭咩，我懷疑咁大個仔都未試過清醒，運黎架。

Mackins，我中左半招喇，猛飲水都無用，繼續「猛燒喉嚨」。
遲d先去旅行咪好囉，不過我無得去之嘛，哈哈。

	516.病•不是福
	七月十七日　星期日　晴

起身口乾乾，以為只係尋日dehydrated既後遺症，加上開冷氣訓先搞成咁，其實係作病。

今日lunch meeting取消左，ivy同陳慧一個整親，一個唔舒服，噢。
結果都係無去會簡東拿，因為佢無thrill drive咁吸引。

去左Mackins同桌震都叫食餐蛋飯，正當我幫Mackins望緊凍檸賓加幾錢既時候，yammy經過，係得我見唔到。算。
第一次玩wartran用ICBM屈life，同Mackins一人一個先得以保命，可惜最後Mackins唔可以一齊爆機，得桌震同我完成任務。
睇人玩幾次thrill drive3，都睇唔出點出隱藏車。
因為入銀入得慢左，所以自己一個玩，竟然平平穩穩，以炒兩次車既記錄黎畢業，太好喇，thrill drive2都未試過。

報左團喇，八月中去泰國。
唔食得既「冬陰功」，人妖，泰拳，泰國青年軍，水上活動。

今日Mackins玩「重組句子」都係漏字。

	515.全日玩
	七月十六日　星期六　晴

工作效率極低的半天。

放工在七海商業中心巴士站等Mackins，在觀塘地鐵站跟Chapce會合。錦洪和桌震已經到了球場。
兩時，在曉明街網球場開始烈日當空的比賽。
很麻煩，只收八達通，但可能是賺了。

趕不及吃午餐，幸好雷傑揚替Chapce和我買了麵包。
夥拍Mackins打了兩場，Chapce兩場，只有最後一場贏了。
陽光太猛，不利發球之外，亦令集中力大打折扣，未起動，先流汗。
最可惡的，就是我們離開時才陰天。

很渴，很餓，六人去了吃下午茶才上我家。
洗澡，舒服。Mackins還是收服不了我的舊底板，於是將它先行帶走。菜蟲也來了一起winning。
無論是我還是Chapce，英格蘭還是要輸。

德福買戲票，食KFC，玩ThrillDrive3，睇「神奇4俠」，好睇，「超人特工隊」原來係講佢地。
忍唔住打返兩日日記，兩點幾先訓。
曬得紅卜卜。
聽日唔係APM食晏，無緣一見「Eric King」，空歡迎一場。

	514.隨身玩
	七月十五日　星期五　晴

積木砌好晒，淨低既係一堆光管。
忍唔住拎一兩支當light saber玩。

遲左少少放工，因為老闆又係好晏先黎，本來可以照走既，都係果句，平時唔見佢，打電話又唔係咁易搵佢，難得佢黎，咪報告返工作既問題囉。
六點半走，七點三之後先到Chapce屋企。德福真係有穿梭巴士去九展架，白痴左。
諗返原來好耐無上Chapce屋企，上一次可能係第一次高考放榜，好似仲有羅白同idol，兩年喇。
見到佢無之前咁唔開心，自己都放心少少。

返工見到有人玩NDS，放工見人玩PSP，咁細個mon係咪真係咁好玩呢？

	513.真實
	七月十四日　星期四　晴

今天只砌了一會積木，下午請了假。
回觀塘食午餐，又要趕去藍田交表申請特區護照。唉，迷失，不是LG，繞了兩個圈。
回家變裝再出動，回poly見阿鵬，proposal還是開學交比較合適。
O'camp helper gathering，今天的面孔和上次的又有點不同，第8組只有Alida來了。
晚餐和阿so繼續喋喋不休地研究遊戲的玩法，我缺貨。
經過poly，巧遇剛開完會的志豪。
無論怎算，我的薪水也跟用盡沒分別了。十萬個蠢。
對，今天的行程相當緊密。
哪一種關心是最溫暖的呢？
收到了touch第6集，謝謝錦洪。
CPU越來越快，3D animation越來越細緻，虛擬接近真實的日子還有多遠，虛擬會不會變成真實，我們會不會變成「造物主」？
哈哈，其實我覺得模擬再準確也是假的，不是真實，追求真實也是沒意義的。

	512.膽
	七月十三日　星期三　晴

返工砌積木，pack箱，大部分都是電燈膽和光管，一生人也用不完。

放工去觀塘M記開會，今次唔使Mackins等咁耐。
原來被動儲齊的感覺是很得意的。
開完會去左LG，好野，練左新打法都未試過應付這種打法，結果又是「先發制人」。

即使能比人等得更久，沒好好把握機會亦是徒然。

返屋企，同家祈、細ter傾proposal。其實尋晚已經搵埋阿so一齊傾，但係今日阿鵬話太rough，結論係聽日再算。

播「尋秦記」，我連天地有情個結局都未睇晒。

	511.指點•指指點點
	七月十二日　星期二　晴

我喜歡日期和星期字尾相同的日子，方便又易記。

今天早早回到公司，有點睏。
一邊ICQ一邊做網頁。

午餐吃得太急（算不上快），有點胃痛。
又過很久，眼皮徐徐垂下，掙扎很久仍擺脫不了睡魔。

Candy Train都有bug架，玩玩下架火車去到正中的一格發生意外，車頭被下沉的地面拉走了﹗
無論經過紅色方格，還是中間有漢堡飽的方格，依然毫無變化，不能拉走車箱，也不會和它們發生碰撞，少了一個game over的機會。
後來我發現這根本是輸不了的，因為地面下沉只有兩個原因，一是隨機出現糖果時，方格上會出現感嘆號，若火車頭將在下沉時經過，地面就會等整列火車經過後才下沉。
另一個情況就是火車在閉合軌道行走一段時間，車頭經過的那一格就會下沉。
奇怪的是，這些情況都不致於令火車頭消失的，那麼bug從何來？
車頭消失後，火車即使在閉合軌道行走，下沉的亦只會是其他地面，嘿，竟然又少了一個game over的機會。
只可惜拉不走車箱，即是不能過關，繼續無止境地加分也沒有意思（本來已經21萬分了），於是唯有撞軌自殺。

之前大約吃了100多件糖果吧，第1件10分，第2件20分，真有「恆心」。

很想完成所有工作。
越做越差，是畫蛇添足嗎？

看見六個小魔女模型應該滿足，成瀨川身價太高。

有用或冇用並沒有絕對的標準。

	510.代替
	七月十一日　星期一　晴

六小時睡眠，造就星期一假期過度症出現。
今天很積極地工作，只想快快做好所有事，只是做出來卻不太稱心如意，一改再改。
面對一大埋字體，亦找不著合適的。
五時左右，兩位老闆回來，第一次在放工時間比老闆早走，哈哈，以前跟根沒機會。
可是還不是準時離開，正因為他們罕有地出現，於是如流水般交代工作進度，以及請假的事後，才可以放心收工。

結果苦了Mackins，六時十五分才等到我出現。
在油塘巧遇菜蟲，碰巧他今天穿得特別隆重，Mackins和他在互相偷拍、明拍。
到了APM，Wong sir和Pauline已經在意粉屋久等了。Mackins真的看不見招牌喔。
除了閒談，也教壞了Pauline。

LG，VT，箭咀斜下。

頭文字D動畫第1-4部——100%﹗﹗希望能盡早欣賞。
回家當然很累，於是在創世紀播放前趕著睡了。

我走過的迷宮，是沒有地圖，沒有提示的。
偶爾遇到一些路人，得到的指示有限，最後也得獨自上路，將走過的路牢記著，才能找到出口。
但沒有人保證，出口是不是另一個迷宮的一部分。

	509.撥亂反正
	七月十日　星期日　晴

右肩痛楚減緩，發現「甩手」（就是明顯地將手臂自動和肩膀分開）不再成功，可能是好事。

下午和桌震逛德福新開張的商務，看壁球書，只有一本。
玩了數次thrilldrive3，感覺很刺激，可以grip，可以drift。

姨丈中風入院，與親戚一同前往探病，祝早日康復﹗

表妹在食飯時才發現她的mp3機遺留在我的電腦，於是飯後帶她拿回。
其實由地鐵站走回家直至開門一刻為止是需要約十五分鐘，來回半小時。

	508.急進
	七月九日　星期六　雨

朝早落雨，放工又落左一陣。
返到poly，可能係擴建中既舊can自稱「大can」，我還以為是舊can摺了。
傾左個幾兩個鐘，細ter趕住買生日禮物，一齊去旺角行左陣，哈哈，結果我真係去左旺角，但係撞唔到「M•J」呢﹗
行左一陣朗豪坊就走，返屋企換衫打「軟式牆網球」，今朝聽桌震約打籃球，點知係壁球﹗

返屋企換好衫，忍唔住搵返Doremi出黎，令佢成為一樓既第一位住客，好開心呀﹗

去到city，同雷傑揚打右邊半場，錦洪桌震用另一邊，練左一陣，被工作人員從監視器發現，走來勸阻我地。
比賽開始，第一場係我對桌震，好快就贏左，桌震未集中。
第二場係雷傑揚錦洪，錦洪第一次比賽自然敵不過訓練有素既雷傑揚。
第三場又到我，好快就三蛋，仲要拉親膊頭，痛痛地，連揮拍都慢幾拍，七蛋。
之後幾場到我都無打，舉起右手仲係痛痛地。
休息一陣又拉過筋，右肩舒服一點，只是還不敢有太大動作，打得不白然。

換左衫，做完SM（stage manager）既志豪黎左又一城food court食飯，華姨打電話問我知唔知爸爸唔舒服，嚇左我一跳，好在係小事。
食左飯傾計傾到十點幾先返屋企。

返到屋企繼續搬竇，第二位住客梗係音符啦，跟住係初貴、桃子、愛子，BB小花係最後一個。
終於搞掂喇，多謝Mackins幾日前提醒。

眼紅，可能打完波飲唔夠水，又夜訓，不過睇住菜蟲為左炸版而「盡訴心中情」真係好吸引。
時間係永遠唔會夠用既。

擔心一個人，比思念一個人更辛苦，還是不要做出令人擔心的事比較妥當。

	507.動漫遊
	七月八日　星期五　陰

放工食飯，大大碗雞肉飯。

去了看書，去日本，可以不只是觀光、買CD、買衫、食野咁簡單。
原來秋葉原已經不再是電器街，取而代之的是動漫產品、電子產品。
網球王子是有史以來最懂賺錢的少年漫畫（真的嗎？），因為它的周邊產品種類實在多不勝數。還好被擄劫的大多是女生，我只是九牛一毛。
秋葉原既扭蛋機密度係日本最高架，比其他地方高30倍喎。

朱古力……不知道一生中可以嘗到多少種好味的朱古力呢？

回家，不一會又到是睡眠時間，被催促，不睡也不行。

	506.祝福
	七月七日　星期四　雨

lunch去了「七重天餐廳」吃飯，同事們說它月尾結業，於是很想一試。
突然覺得以前在「愛群」吃飯是很貴的。

放工同Mackins去旅行社拎左d資料，期待八月﹗
之後去左virtual，有thrill drive 3，正﹗

晚飯同爸爸、哥哥一齊食，之後去惠康掃貨，哈哈，有哥哥幫手，我梗係唔使做先鋒啦。
係喎，好耐無同哥哥去超巿喎。

生命誠可貴，已明白就不會忘記。

骨灰那麼輕，是因為沒有生氣。
生命應該注入無限熱誠和理想作燃料的。

	505.別
	七月六日　星期三　熱辣辣

工作不太忙，還能抽空畫留言。

惡耗，不願多提。

	504.蒸籠
	七月五日　星期二　熱辣辣

朝早做左300幾個record，我覺得最快聽朝就做晒。
一出機電署，好似入左個蒸籠咁。
其實係蒸籠定枷鎖都無分別。

下晝返黎密密做，四點幾就做晒喇，雖然仲爭個附表。
越做越快既原因，除左熟能生巧之外，就係d資料跟index排，同埋用左個好方法黎做，忍唔住要讚自己呀﹗難得。
如果唔係去華姨度食飯，我一定唔會由九龍灣，山長水遠返公司﹗
但係2.98磅既notebook亦係另一個原因，輕過Mackins老婆，但係都好重。

返公司一陣就走喇，個附表聽日慢慢做。
上華姨屋企，又換左好多襟章，我儲齊喇﹗……唔計特別版（@#$^$%#%@#!@#$）
其實另外仲有三個特別版既，華姨話剩低兩款應該下星期先有。
女人真係細心d既。

好想試下一百日都係綾瀨遙，唔炸newsgroup，可以炸自己既。

	503.繼續呼喚
	七月四日　星期一　晴

今日返工，唔記得帶USB mouse，諗住用touch pad慢好多，點知好似仲快左……
而家淨返800幾個record，0下？今日做左600幾個，有冇咁快呀？

終於download晒「在世界中心呼喚愛」既製作特輯、NG集、宣傳片同特別篇喇﹗
特別篇好睇，超濃縮版本+畢業典禮，感動x100﹗
宣傳片又係炒什錦，不過去左伊豆拍完三個月，個個都想喊咁。
製作特輯最後好搞笑，有和尚同學剃頭過程，不過點解無綾瀨剃頭過程呢？
真係好彩，去澳洲拍野，落勁大雨，拍之前又突然出太陽；拍綾瀨致辭之前明明出猛太陽，連落雨既道具都準備好，臨拍又真係落大雨。整定既。

最近0係度諗，寶礦力收起綾瀨果兩段廣告，又有綾瀨既夏季廣告仲未有得睇。
估唔到睇睇下特別篇已經播左，哎呀，好想睇呀﹗

	502.齋睇
	七月三日　星期日　晴

好晏起身，下晝同Mackins行旺角，返到屋企修左陣網球王子。

行街行到支力，諗諗下右邊膊頭支力係有原因既，前日玩Ghost Squad托住支槍，玩Wartran時間長d都唔會咁既。

成瀨川呼喚緊我，但係我無錢送佢返屋企。

夜晚打返呢幾日既日記。

	501.七月二日……
	七月二日　星期六　晴

菜蟲話︰
「去年七月二日......
在世界中心呼喚愛播映了
我就o岩o岩o係上海番到香港」
同時，亦係「廣瀨亞紀」（電影版）既生日。
睇返自己日記，先知去年今日係謝師宴，之前果晚應該係通宵睇世界盃，希臘對捷克。
當然，又係等緊放榜啦。

睇睇下日記，先發現舊日記既排序好奇怪，最耐既反而係8，1係最近既，我估應該係backup果陣既次序黎。
所以呢，我唔係2003年1月12日開始打日記，而係2002年9月9日。

朝早返半日工，Pamela問我果邊d人對我點，其實都無乜野，因為無乜接觸。
佢話果邊d人叫我「彬哥」，嘿，乜咁「俾面」呀。

放工去上環搵Mackins，睇figure，之後俾佢帶左去食好野，食左碗大大碗又幾好味既番茄餐蛋通，又食左半件無我咁混帳既「混醬麥多」，差唔多食晒野先黎滑過我既凍奶茶，早少少黎我都會考慮放d冰放碗通粉度，好似以前金星d意粉咁。
不過果度太旺場喇，個個人都做到無時停。

之後去左行吉之島，大減價之後仲有折，行左一陣就睇中左對又平又好睇既波鞋，打波唔使驚pk，著蝕左都無咁肉痛嘛。
好多野好多野都想買，但係計過自己份糧真係唔多，要慳住慳住。 呀∼∼∼
又去左鑽石山，又係VT，睇住Mackins輕輕鬆鬆3個wins，之後俾尋晚果個人挑機，輸左。
其實行多一步，咁近中間真係無乜用，開得差都係蝕。
結果Mackins走左之後大水喉繼續餵機，玩到有d悶。
10wins之後發現已經六點半，趕住走。

七點去到poly真係奇蹟，今日meeting見唔到第8組其他組爸組媽，雖然知道組爸係Alida，咁都唔使得我一個下話。
唔識玩糖黐豆真係無童年，真係grey。其實舊年好似聽Mackins講過一次點玩。