．．．：：： ＊ 默 記 ＊ ：：： McBun's Diary ：：：．．．
[Year 1 Sem 2 時間表] [EIE04O'Camp--1] [EIE04O'Camp--2] [EIE04O'Camp--3] [給菜蟲] [Asuka睇真D]
400.盡力而為
三月二十三日 星期三 潮濕
今朝又係訓六個鐘就起身，做comp305，做左兩個鐘，又要趕返去上中文。
以為今日有presentation，但又唔係。不過0係巴士站見到小狼，仲要著suit添，真係有緣。
好耐無見小狼，呀，係佢好耐無見我0者，傾左一程巴士既時間，講下Joint U performance，講下方況，大家都好忙。
上完中文去左School of Design睇HD學生既presentation，起初家祈睇中既兩個人，都俾其他人爭走左喇，我地隻game真係咁唔吸引咩，又或者，可能係佢地覺得隻game無佢地發揮既空間掛。
諗住可能無人會join我地，點知有個男仔話無人聽過佢既presentation（我記得佢係咁講），問我地聽唔聽下先，我又覺得無所謂，睇&聽左之後都ok，就拿拿聲交換contact，同confirm埋，partner左。
其實一早諗過揀勁人，會俾人揀返轉頭既問題，不過係估唔到真係會有少少唔開心0者。
「你地隻game係得咁多咋？」
「你地係咪要3D呀？我而家都做緊隻用3D build既game。」
就算係言者無心，但聽者有意。
你估我地好多時間做咩，呀~~~我地要做好隻game，等佢地知道係佢地走寶。
起初我地又唔知佢地會放幾多時間幫我地畫野，雖然話係佢地既功課0者，但係搞到太複雜，咪又係無人肯做，根本就係安排失當。
佢地既presentation其實係無乜用既，因為佢地用佢地畫既野for一個故仔，最傻既係阿Ann之後話佢地會幫我地畫過d畫，即係唔係用佢地present既野喎。
連細Ter以前個roommate都唔知安排係點，佢問左幾個HD同學先有人知，唉。
最搞笑既係之後去漫Soc還漫畫，一入到去就見到求先既SD HD學生，一坐低就大叫，話「你知唔知我present完佢叫我畫乜呀？畫雞呀~~~﹗」我同家祈都知咩事，借完漫畫即刻鬆人。
我同家祈一致認為，佢地同我地都唔知要做乜架。我真係「鄧」佢地慘，不過我地想搵人畫雞既同學都有幾組，唔知係邊組搞到佢咁大反應呢。
或者正如家祈所講，係大家追求既野唔同啦。
上完comp305去左家祈度做comp305既level 2，做得少少，又要返去上GE喇。
上次個quiz，有10分已經唔錯，14.5分同滿分，係無分別既。
諗諗下都係返屋企做comp305，雖然做到十二點都係無結果，最後交既version係上GE前做好既，不過又無唔開心喎，因為我有盡力做丫嘛。
之後開始裝箱，嘿嘿，爸爸呢幾日已經裝左十二箱喇，所以我要加倍努力。
好似兩點幾訓。
399.爽手
三月二十二日 星期二 潮濕
返學等放學。
補習，細路考埋聽日。
返到屋企又要埋首於Comp305之中。
這幾天，沒有好好和爸爸一起裝箱，令他格外操勞，實在內疚不已。
398.喜歡你，家駒
三月二十一日 星期一 涼
MIC繼續排難解紛時間，聽日就係自由發問時間。
食飯果陣，Pheona（我係記得點串架）講開想住Hall，雖然係貴左d，但係都好想體驗住Hall既生活咁話。
我都係果句，新屋都未住慣，點捨得住Hall呀。
下晝個EIE Lab以為幾易，點知係好難明。
補習繼續溫書，準備考試，今日細佬中文考成點？佢話閱讀理解有好多都唔識做，空晒喎。「…………（好難及格架喎）」
溫科學，佢聽日考實驗，都算佢會聽下囉。
上新屋，嘩嘩哇﹗連組合櫃、梳化同鞋櫃都送左黎，真係成間屋唔同晒，雖然睇落細左，哈哈。
搭小巴返屋企，落車之前又聽到家駒既「喜歡你」。
「喜歡你•那雙眼動人•笑聲更迷人•願再可•輕撫你」
雖然我唔係家駒迷，但係都幾鍾意聽Beyond以前既歌，諗返起前晚Joint U performance壓軸既HKU，我覺得完場播既「喜歡你」，同埋用電話造既燭光唔係gag位囉，如果係十年前，應該無人覺得gag。
我覺得個編劇應該幾長情。
397.如無意外
三月二十日 星期日 涼
今朝八點幾起身，但係仲幾眼訓，為左做功課，都無辦法。
食左早餐開始做MIC，開唔到個sample file，唯有憑記憶去做。
尋日做唔到既，今朝都仲係試唔到，學新既programming language真係咁難，定抑或我未夠hardworking?
hea hea下Pauline ICQ hi我，咁耐無見，梗係要講幾句啦，至少。
講講下講到summer job，又講PGDP（首選畢業生），諗起之前家祈話想參加，所以想去埋「青雲路」。
我都算有諗過既，得個諗字囉。
跟住補習，個細路hea住hea住，又話唔知中文教左邊課，而家d單元教學真係麻煩。溫完中文溫科學，又係hea。
趕返屋企食飯，爸爸煮。點解唔出街食？因為婆婆尋日拎左好多野黎，有粽啦，有豆漿啦，有角仔啦，有雞啦。
咁午飯咪食雞囉，嗯，好滑，好味呢。
食左飯乖乖地做功課，不過無幾耐又同菜蟲傾計。
之後Connie又打黎，傾左一陣。
我既理論係，一係中，一係唔中，所以中左都唔係咩神奇事。
我都係普通人之嘛，唔會零舍特別。
好在問到阿君個sample係點既，加上之前又問過家祈，總算有頭緒。
做呀做，結果又係做到十一點幾，先做晒聽日交既功課。
Chapce又明我有冇諗過placement，有，都係得個諗字。
原來佢apply左兩份，嘿，我都係唔諗住，做好而家既野最緊要。
396.大專戲劇節匯演2005
三月十九日 星期六 涼
早起，為的是做功課。快十一時，趕去大家樂食早餐。
回家，繼續研究C#。三時左右，才食了一份豐富的午餐，燒肉蛋麵，飽飽。
婆婆黎左，無幾耐一齊走。一邊搭地鐵一邊睇notes，罕見的勤力。原因係做左半日份功課都無進展，其實都幾唔開心。
快六時，到了旺角地鐵站，已經見到Mackins和錦洪。
哎呀，Mackins竟然買了一個約十吋的「成瀨川 奈留」，仲叫我買成套返屋企，嗚嗚，都唔知有冇位擺。
不久桌震和璞璞也到了，一行五人去了新世紀廣場food court。
雖然仲未餓，但係抵受唔住燒八爪魚丸既誘惑。
坐火車到中大，等校巴去到邵逸夫堂已經七點半。
遲左少少入場，不過Perrie同^0^已經到左，一坐低剛好開始表演。
第一場係CityU既《大細胞》，睇完之後覺得套劇好似日本扮野大賽，基本上係聽唔到堆red blood cell同white blood cell仲有virus講乜。
唔知佢地做緊乜，或者聽唔清楚掛，好似無主題咁。
第二場係PolyU既《滿山紅》，小狼做阿牛呢個角色都幾似佢，戇直青年。五個人既打扮太似，有時真係分唔清係邊個。
我覺得套劇應該可以慘d，最後個女仔俾人殺死，反而令我唔係咁明套劇想表達乜野，其實佢地五個人係保護自己，定係否定信任？
如果真係好似桌震咁講「對敵人仁慈即係對自己殘忍」既話，咁未免太灰喇。
好自然就諗起劍心師父比古清十郎對劍心講︰「劍是兇器，劍術是殺人術，無論用多麼華麗的詞匯去修飾，這都是事實。」
究竟劍心以劍救人，非逆刃刀不用同不再殺人的執著係咪正確呢？
或者我又諗得太多喇。
第三場係BU既《戀戀筆寫》（「戀戀」用簡寫，點解呢？），話佢係全晚最好睇既都唔過份，雖然出場人物唔多，但係性格分明，談情說愛更加容易感動觀眾。
唔知道劇中既「神奇筆記」係咪參考漫畫「死亡筆記」呢？點都好，探討「理想愛情」同「你想愛情」應唔應該畫上等號既主題幾時都係咁吸引。令我諗起上次Poly睇既畫劇，因為個男主角好似上次個「大雄」。
但係最吸引我既，可能係主角父母跳既華爾滋。
個結局又係悲劇收場，真係有少少唔開心。
第四場係HKU《十五樓養0既牛牛》，原來開場做咁多野都係講搭升降機。
咁都撞得返，真係唔係個個都咁好彩架。
我地日日都係上上落落，唔係上就係落，你想上既時候無得上，想落又無得落，最慘當然係唔上唔落，唔如意既人生，係命運，定係自己造成架呢？
蒙古大草原，轉眼間就拋諸腦後；由終點，變成消失點。
生日快樂﹗祝福不一定要說出口的，因為已經寫下來了。
細Ter玩Windows個「踩地雷」真係幾快架喎，我就唔得喇，又用唔慣IC lab既mouse。
家祈之前鬼咁快做晒d lab，臨落堂先話玩AOC，點知做埋個lab都落堂喇，下次先啦。
394.臨淵羨魚
三月十七日 星期四 暖
天氣和暖，不宜多穿衣服；潮濕，小心地滑。
遲了一點起床，結果完成運送任務，卻遲了上MIC。
第一次搭215X返學，真係超快﹗好快到九龍灣，好快到曲街，如果唔停呢個站，仲快。
今日MIC填問卷，之後問Clifford有冇書可以買黎睇，佢拎左本書係佢d同事寫既，不過Manni個friend借左呢本書俾佢，佢話好似作用不大喎。
第一次上Cyber Cafe，都唔知新can上面有間職員專用既餐廳添。
經過Yahoo既counter，一齊拎左個紫色既水壺。
上中文堂好悶，因為今日無presentation，聽左一小時「報告」之後，一齊搵錯別字同改寫病句。
「亞」同「阿」，真係一拍同半拍之差？
早左放學，又早少少去補習，小朋友又考試，溫左一個鐘math，又唔想溫書，咩人文科學，真係唔知佢要背乜過，又唔係我上堂，鬼知應該記乜咩。
我都無心情去鬧佢，教而不善。
嘻嘻，Perrie又係補完習，一齊食飯。
返屋企執左野，放滿背囊，左右手各挽一袋，哎呀，如果好似哥哥咁科實唔覺辛苦。
393.踩地雷
三月十六日 星期三 又回暖
上GE之前同Catherine玩MSN Messenger既「踩地雷」，哎喲∼超唔慣，因為真係鬥踩得多地雷呢。
跟住同家祈一齊對細Ter，亂爆真係無用架。最後一局，細Ter真係輸得好唔抵。
Creativity and Creative Thinking的quiz，令我們很認真地把筆記翻閱一次。
大家都做了一份問卷，我不是一個creative的人嗎？下堂分曉。
392.Little Shooter
三月十五日 星期二 潮濕
返完學去Hall傾MIC個proposal，use case diagram,
class diagram,
sequence diagram and statechart diagram四樣，係頭尾兩個diagram算易畫少少，其餘都係一塌糊塗。
391.緊張嗎
三月十四日 星期一 冷
Comp305個test都過得去啦，因為都覺得溫唔熟。
唉，不過math就乜都唔識咁，仲有半個月就test，大件事呢。
哈，難得在家吃晚飯。
390.白做
三月十三日 星期日 冷
今日係補過習，今日係有三雙過，今日亦係有玩過minigame，因為唔識做囉。
好玩到飛起既game︰
http://www.geocities.jp/lledoece/nanaca-crash.html
唉，做到夜一夜都係無結果。哼，兩點九。
389.準備
三月十二日 星期六 轉冷
今日氣溫最高廿二，最低十度﹗
一起身九點半，以最高速梳洗之後就同哥哥拎野上新屋，我連早餐都係0係新屋食咋。
新屋裝修好喇，簡直煥然一新，雖然裝修師傅留低唔少灰塵。
帶左兩張摺凳，總算有得坐。
無幾耐姨丈上到黎，睇下佢整電掣，都無咁悶既。
等到神櫃送黎，完成第一項任務﹗
話咁快又一點，姨丈帶我上祥和苑食飯，以為無人送貨，點知返到去就見到大堂送左書櫃黎。
返到上樓無幾耐，開始幫手掃地，免得書櫃刮花地。
送燈飾既人都黎左，裝緊果陣爸爸打電話俾我，我越聽越覺得送錯燈，結果爸爸趕黎，應該係張單寫錯item no.。
跟住連送書櫃既人都開始裝書櫃，爸爸就返屋企拜神，我就走左去買lan線同電話線adapter。
0係觀廣買齊返新屋，個書櫃都差不多完成。試左個電話，就幫姨丈手穿lan入三間房，哈哈，應該唔使買無線router喇。
又要落街買野，今次係蘋果同三個電掣既蓋，開始密雨，亦都開始凍，不過今次反而無擔遮。
買左野返去，已經見到兩個師傅裝冷氣，我又要落去，今次係等爸爸同哥哥。
幫佢地拎野返去，未入大堂，爸爸醒起無拎燒肉，嘿嘿，我去買。
估唔到會撞到林秋霞，原來佢住我樓上幾層。
終於完成第n個task，返到上去開始拜神。
閂左廚房門跟住做乜？就係第一時間烘個頭埋去睇下磨沙望唔望到外面。
哈哈哈哈，估唔到企0係另一面既哥哥會同我做相同既野，起初以為照鏡呢。
哥哥話︰「唔知會唔會返錯屋企呢？」我都有諗過，但係我覺得會搭錯車既機會大d囉。
之後哥哥又讚自己間房d色好睇，其實係我揀左先架，證明我都有眼光。
係咪好無聊呢？真係幾無聊架後來，因為冷氣裝左好耐，五點幾裝到十點幾。
爸爸話第時都係裝返窗口機算喇喎，裝同維修都好麻煩。
去左輔仁街間酒樓打邊爐，食到十二點幾先走，姨丈要搭N619。
388.不准進入
三月十一日 星期五 暖
返左九粒鐘，都唔知自己做乜。
今日應該入腦既野都「access denied」。
387.電影少女
三月十日 星期四 暖
今朝上MIC lab之前，Clifford預早一個鐘講解assignment，明多左，應該識做掛。
哎呀，黎緊呢個月好似有好多assignment或者project添，唉，得星期六、日、一有多少少時間用。
「Video Girl Ai」、「D.N.A.2」、「Love Hina」、「草莓100%」，原來一部比一部「含蓄」。
386.DBS vs 星火燎原
三月九日 星期三 暖
上一堂中文聽到陳Sir講「兜巴星」已經覺得好好笑，笑到肚攣。
點知今日上緊GE果陣，敏華無啦啦寫左個「無聊」故事，當我諗緊個「無聊人」其實同我都幾似，都係成日話好忙好忙，但係又唔知忙乜。而無聊人既理想係成為一個好忙既人，嘿嘿，我就諗起我既目標係「尋找目標」。
本來咁唔係咁好笑既，之後家祈講左個故仔，內容如下︰
從前有一隻愛爬樹的猿猴，
牠喜歡在很高的樹上盪來盪去，
尤其是一棵長在懸崖邊的高高香蕉樹，
牠更是喜歡去那邊摘香蕉，
牠每次摘完香蕉，
都會去找牠的好朋友猩猩一起吃，
因為猩猩牠太大隻不適合爬樹。
可是有一天猿猴在摘香蕉時不小心從很高樹上掉下來，
從此得了懼高症，
猩猩好友為了鼓勵牠，
決定為了猿猴去摘香蕉，
希望猿猴吃了，
可以找回爬樹的感覺。
可是猩猩不是很會爬樹，
所以牠找了很多隻猩猩朋友，
大夥一起合作高高疊起來摘得了香蕉，
於是，猿猴在吃了猩猩大夥合作摘得的香蕉，
就因此治療好了牠的懼高症，
從此猩猩跟猿猴就過著幸福又快樂的日子了。
這故事告訴了我們一個很重要的啟示：
「猩猩之夥、可以療猿！」
385.王
三月八日 星期二 暖
MIC test有點無聊，內容都差不多是「創造」的。
食完lunch借左漫畫，差唔多兩點去lab做MIC assignment，唉，做到八點半都未做晒，傻架。
遊戲王結局有點普通，NEXT GENERATION在暗示正準備續集嗎？
球王，網王，遊戲王，不只是勝者為王那麼簡單。
384.有心
三月七日 星期一 晴
MIC真係做唔掂個assignment喎，想做都做唔黎。
臨時決定補習，因為細佬聽日Math test，佢好耐都未試過咁勤力，認真咁做數喇。
不過佢又真係明幾多呢，可能又係想做都做唔黎。哈哈哈，同是天涯淪落人。
383.星期日測驗
三月六日 星期日 冷
comp305 test做得麻麻，如果可以做快d……
唔開心呀﹗
「電話四人組」行「旺電」，跟住一齊寫野之後，又要分別喇。
打下機，總算開心少少啦。
「鐵拳5」故事敘述用英文，有心機睇過「三雙四」。不過都係想打「三雙四」多d。
返到屋企，梗係連三雙都唔打，睇尋晚錄好既卡通啦，就係「鋼鍊」同「大都會」囉。
「大都會」既3D畫面好華麗，2D既人物都畫得好仔細，唔係一般不斷重複既動作，都幾有心思。
手塚治虫雖然已經不在人世，但係佢既思想同想傳達俾觀眾既訊息，可以藉著筆下的人物繼續流傳。
382.Stack住上
三月五日 星期六 凍僵
Stack住上，即係一早未做既會唔記得，最遲出現既野又做晒先，真傻。
補習前經過九龍灣同黃大仙恆生，超多人，到而家都仲未入錢，投降。
唔溫數，唔溫英文，就黎考試都係咁，算點？
去荃灣同爸爸食飯，去左「華香雞」，真係幾好味喎，d雞好滑。
跟住去荃灣廣場睇家俬，睇左成個下晝。
返屋企三雙一陣，仲拎埋趙雲既Lv4武器「豪龍膽」。唉，玩都無玩過既character竟然即刻有勁野用，可憐既星彩。
更可憐既係，劉禪既情敵係關平，嘿，佢鍾意星彩喎。
聽日test comp305，都要溫習既。
好想睇「鋼鍊」同「大都會」，錄起佢先。不過都係忍唔住睇左最新既「網王」。
381.惡運
三月四日 星期五 繼續凍
今朝MIC又係唔使返，「其實即係幾時要返？」我估MIC網頁叫返咪返囉，總之而家個時間表係廢既。
連EIE tutorial都係咁，因為test完無野講。
一返去AMA堂真係呆左，超少人。
其實又唔係咁少既，原來佢地係遲過我返0者，至於真係無返既，最充實既一定係「家祈、細Ter、Catherine、Fiona同敏華」，因為佢地0係Hall打牌。
IC繼續悶，好似上緊Michael Small既lab咁。
放學已經八點半，估唔到第一次有咁多人一齊食飯，不過間唔知咩餐廳乜都無，結果我地八個人起身走人。
點知敏華行返入去，原來佢唔見左個「卡套」，大件事喇﹗
除左身份證，應該差唔多乜卡都放晒落去，希望有好心人執到會拎返poly啦。
最後得返我、細Ter、家祈、Fiona同Catherine食飯，我碟牛扒意超大碟，好抵。
食到十點，阻住人收舖。之後返到屋企，好靜，聽到有歌聲，先知原來今日兩半上堂無閂到。
睇晒「龍珠」，繼續借「遊戲王」，終於睇到另一個游憩返去三千年前既埃及喇，好緊張呢。
訓之前又玩左陣三雙，戰神呂布，名不虛傳。
380.悟空
三月三日 星期四 冷到入心
上晝唔使上，玩三雙四，好開心呢。
下晝返去上中文，要作「直銷信」，落堂都未做好，就趕去P Core見Clifford。
其實佢提出既問題都幾有用，不過我就仲未諗到可以點做喇。
見一見佢就用左成個鐘有突，收到電話，想補習都唔得啦，雖然一早話左唔去得，我有話清楚架。
陪家祈去舊can食野，我就繼續做埋篇直銷信，之後一齊去漫soc借漫畫。
最後一期「龍珠」喇，好唔捨得悟空，連比達都心悅誠服，真係幾感人架。再見喇，悟空﹗
有少少想睇「龍珠GT」添，雖然明知唔係「鳥山明」作品。
同爸爸一齊去華姨屋企打邊爐，Alice話我一直唔出聲係咁食喎，哈哈，其實係我食得慢0者。
之後無無聊聊開左個「落樓梯」玩，表妹就問我點先可以雙打，同佢玩左一陣，食緊豆腐花既Alice一見到就即刻問點玩，兩個女仔一玩就亂嗌，連豆腐花都唔食。
379.渴睡——「唔好意思，我係lu lu。」
三月二日 星期三 冷
中文閱讀報告，無驚無險，順利完成。
上comp305，頂唔住，都要訓一陣，呢排唔夠訓，要訓多d先。
之後坐阿榮附近既人都睇住佢用notebook玩GBA既新「龍珠」game，好過癮。
去左細Ter房，聽「笑談廣東話」，一句「大笨象係『笨』，長頸鹿係『頸』」，哈哈哈，笑到細Ter爭d噴水，好彩無濁親咋。
通識上到八點半，哎呀，三月尾就要交project。
返屋企終於玩過「真•三國無雙四」，好玩呀。
而家先記得「星彩」係新角色，成日以為Mackins話佢細佬玩「星彩」，即係好似「神速」、「流星」既challenge mode呢。
嘿嘿，「星彩」好過「月英」，無論外貌定係招式（和三雙三的月英比）。
378.就快爆喇
三月一日 星期二 有雨更冷
MIC聽Clifford講解image既note，聽完都係唔明，不過唔明既野都唔係同quiz有關，應該話知道就夠。
EIE220唔見Jimmy To，因為今日test，見到份卷雖然識做，但係今朝搭車睇過既都唔記得晒，如果唔係就會識做晒份卷。
comp305 tutorial做binary search tree traversal都做錯晒，太快都係唔掂。
放學繼續做中文presentation既準備，其實只係查下d字點讀。
補習之後返屋企，做埋comp305功課，print埋，又一點半。
兩點左右先訓著。
377.節奏緊湊……
二月二十八日 星期一 冷
……就是沒法會停留……
喜訊︰明天的MIC quiz延期
放學去了Hall做中文presentation的簡報，基本準備工作完成。
之後去新屋，等有線上黎裝寬頻同電話，七點等到八點，九點幾先走。
回到家裡，只溫了不足半小時EIE。
376.明天的回憶
二月二十七日 星期日 冷
傍晚六時，校友會開會，約七時散會。
散會後跟爸爸會合，在大快活吃過令人懷念的「芙蓉蛋飯」。
去了新屋，嘩，一個月後我就住在這裡了﹗
375.賀壽
二月二十六日 星期六 又冷了點
補習之後去了德寶睇組合櫃和床，之後回家做功課，爸爸去新屋。
在淘大「鐵匠」經過，哈哈，被發現後當然要進去。
除了Perrie和可虹，阿希和他的朋友也在，原來他的朋友也在馬會返part time，所以認識她們。
之後去[魚則]魚涌，和公公食飯慶祝生日。
374.還有禮物
二月二十五日 星期五 和暖
今天上課時間︰朝九半晚八半，減去lunch time+tea time的兩小時，嘿，原來上了九小時的課呢。
八半放IC，搭地鐵去鑽石山，和Mackins、桌震食飯，收到miss chiu送的生日禮物。
373.無
二月二十四日 星期四 很暖
今天沒甚麼特別想記的，還有，已經忘記了？
（往後的差不多都是三月三至五日才記的）
372.惡夢
二月二十三日 星期三 回暖
昨晚發了一個惡夢，是個很可怕的惡夢，我以為一起來就是世界末日，大家都在逃命，但我不知道他們想逃到哪兒，驚了一會，就被電話鈴聲吵醒了。
今天的GE課，講了一些意識和潛意識的關係，例如唔開心可以令人發惡夢，咁我呢排係咪唔開心呢？真係唔知喇。
371.自身難保
二月二十二日 星期二 很冷
今日又返九半，好眼訓，又遲到，今晚訓多d。
上Clifford堂聽佢講image，點知一到去，佢講緊既竟然係成份notes最易明既local filter，哈。
其餘既野，講左都係唔明。
之後上EIE 220，真係俾Jimmy To激死，功課星期五先交，原本星期五既test改為下星期二，我尋晚咁辛苦都唔知為乜，早知睇多d中文閱讀報告篇「寶帶橋」好過。
test真係無人知會測乜，好似無學過野咁，唔理得咁多。
本來上堂上到悶悶地可以睇下篇「寶帶橋」，點知眼訓得滯，訓著左一陣。
去左「東南亞」食飯，不過我係去新can買燒味飯上去食既，好似怪怪地，又有少少驚咁囉。
最後走剩一檯「男仔」，哈哈，次次都係咁既，敏華真係好彩。
兩點同家祈一齊代兩個class rep.出席「第二次Programme Committee Meeting」，見到舊年畢業生既就業數據，平均收入得$8555，仲要係無一個行業同電腦有直接關係，無mood，再讀落去，會唔會無前途架。
上完comp305 tutorial就去左Hall，同Terence、家祈一齊傾中文個閱讀報告大綱，不過無幾耐家祈去左上輔學。同Terence諗好個大綱同埋幾條問題，不過我自己果part內容都唔知講唔講到十分鐘。
補習，查字典，幫手查一半，連「T」都唔邊0係邊？「S」之後呀﹗都係唔知，死亡。
中文閱讀報告，又係無睇過書，想叫我幫佢做喎，點幫呀，唔理佢。估唔到佢今次仲叻，自己扮睇過「唐詩三百首」，跟住話自己對本書「瞭如指掌」，寫到無野寫就話d字印得太細，應該印大幾倍喎。
默書，救命，聆聽能力可能連小六生都不如，做事又馬虎，究竟我可以點幫佢？
補習之後返到屋企懶係得閒少少，因為唔使做功課……咁滯，又唔係理d test……住。
不過估唔到睇閱讀報告既資料，同埋Terence聽日要還既書之後（本書無乜資料0岩用，唉），就過左一晚喇。
370.What is IMT?
二月二十一日 星期一 非常冷
九度，實在冷得令我不想上課。
真慘，Maths阿Sir又俾EIE Department trap左，成日以為我地係engine學生，問左我地IMT全名之後，只能講「multimedia都係Internet果d野0者」，不過佢又會multimedia，應該唔只係得Internet，但又講唔出係乜，所以我知道佢都唔知我地讀乜架。
下晝無堂上就去左Hall，結果家祈房有好多人，因為陳俊有好多客人，哈，咪又係我地d同學之嘛，除左兩個房主，有Alvin、Benana、阿偉、Terence、敏華，計埋我有八個人。
諗住一齊諗EIE220功課點做，最後敏華返房，我又顧住睇漫畫，又眼訓，得家祈同Terence兩個人努力。
返屋企，又係做功課囉，EIE220。
369.經驗
二月二十日 星期日 很冷
今天和爸爸去了新屋，廚房和洗手間的地磚和牆磚都舖好了，效果不錯呢。
哎呀，哥哥和我選的門可能不太好，太大塊玻璃嗎？這就是經驗。
368.拜年
二月十九日 星期六 冷
今朝了起床，因為被窩太暖了。
補習之後趕回家做comp305，做了很久，原定做多兩小時，太約三時半出門，結果五時半才完成「接龍」。
拜年又逗了很多利是。
回家才知道，comp305又postpone多兩日。
367.被動缺席
二月十八日 星期五 暖
今朝MIC不用上堂，乖乖的在家做comp305，結果連EIE的tutorial也忘了。
無得做classwork，state-transition diagram又唔多識，蝕左。
366.天堂與地獄
二月十七日 星期四 暖
中文提早放學，趕去銅鑼灣睇「魔間行者」，時間剛剛好，嘿，個故事都幾吸引，朱古力又好好味。
上天堂點會咁易，不過地獄既都差唔多係憎你既人，咁都幾得人驚。
365.漏口
二月十六日 星期三 暖
廿四度，很熱。
今朝落街等車，其實已經遲左九成，跟住華姨打黎，問我得唔得閒拎野去新屋，俾姨丈整埋個電箱。
於是返屋企拎野，不過未夠鐘，所以打左陣日記。
差唔多十一點半出去，上到新屋十一點十左右，竟然摸門釘，無人開工喎，咪傻更更咁拎住ｄ工具去ｊｏｉｎ埋姨媽同華姨食ｌｕｎｃｈ囉。
0係觀塘太興食左飯，哎呀，飲晒杯奶茶先發覺，交低ｄ工具俾姨丈，就返去上ｃｏｍｐ３０５喇。
食……了……差……不……多……半……盒……朱……古……力……，……快……滯……了……。……
因……為……非……常……好……味……，……好……味……到……停……唔……到……口……﹗……
這……不……是……粗……口……，……這……是……漏……口……，……喎……∼……
364.默然•改
二月十五日 星期二 潮濕
終於送左份禮物俾Chapce。
嘿﹗都是我的錯。
廿一歲，不代表甚麼。
江山易改……嗎？
363.情人節快樂
二月十四日 星期一 晴
唔使上下晝既堂，好野呀。
一放學就去補習，跟住同Perrie食晏，好晏呀，三點先食。
之後去左行太古城，睇左雜技表演，嘩嘩嘩，真係好驚險架，不過我好想模仿。
夜晚食洋食居酒屋，過左三百七十日，同一間餐廳，同一樣既人，只係地點唔同左。
同樣收到禮物，嚴格黎講，今次係交換禮物。嘻嘻，希望你開心啦。我就好開心喇，唔單只係因為你整通宵，係因為我其實估唔到你會整乜架，好驚喜。
有「Heart」既朱古力
362.刻不容緩
二月十三日 星期日 潮濕
開年，嘿﹗
整天收拾自己的東西。
估唔到執執下野會發現生日咭﹗
361.補祝生日 No.2
二月十二日 星期六 大霧
一早去寶翠打網球，原本打算補習，亦取消了，實在做得好，因為很累。
打完波去左Hall搵家祈同Terence，一齊傾MIC，Terence打proposal，家祈畫公仔，我就hea住諗野。
做好proposal就同Terence玩住kutar等敏華返Hall，我地係咁簽名，個new record已經變11x喇﹗
因為周圍都好多人等位，所以去左「扒王之王」食，原來佢d分店係有「Superior」、「Deluxe」同「Standard」三種架，價錢都好似差幾多。
返Hall打左一陣牌，都唔差丫，係大家成日自摸0者。
多謝你地呀﹗
360.生日cake No.2
二月十一日 星期五 冷
婆婆、華姨仲有兩個表妹黎左，除左拜年，仲有幫我補祝生日。
蛋糕好好味，好味到乜都唔諗lu。
許願中••••••
359.２１才
二月十日 星期四 好天氣
今日晏晝同Mackins、桌震玩Wartran，大家都久疏戰陣，不復當年勇。
六點幾去到海旁，同Perrie睇煙花，嘩，我張咭拍左十分鐘就拜拜喇。
婆婆同華姨去會展睇，應該好清楚。
不過我呢邊都唔差，睇下同邊個睇架0者。
睇左煙花去食飯，好在都唔係好迫人咋。去左Paris Cafe，因為無人等位囉，估唔到坐低無幾耐，就成間餐廳坐滿人喇。
超細杯的特濃咖啡
收到第一個生日蛋糕，仲有一份生日小禮物同生日大禮物，真係估你唔到。多謝﹗
358.新年快樂
二月九日 星期三 潮濕
祝大家身體健康、龍馬精神、橫財就手、鴻運當頭、出入平安、萬事勝意﹗
起身落嘉華飲茶，係哥哥搵位，坐享其成，哈哈。
同爸爸、哥哥仲有Joyce飲茶之後，Joyce就上黎拜年。
之後哥哥同Joyce去Joyce既親戚拜年，爸爸同我去柴灣。
去到婆婆屋企，過左一陣就行上一層找姑婆拜年，婆姑依然係咁風趣。
婆婆整既年糕好好味。
同華姨仲有兩個表妹玩「魚蝦蟹」，有運，好似唔難玩。
細舅父接Alice上黎，就梗係（？）即刻開檯啦，「被贏」。之後哥哥同Joyce上埋，繼續「被贏」。
本來好地地既，都係自己唔好，所以白痴野都做齊晒咁滯，就梗係俾爸爸「指導」啦，真係「指導」架，但係又唔知點解真係有少少唔服氣喎，可能connie講得0岩啦，係「無成功感」。
係咪一出世就係咁架呢？是性格？是DNA？
不過其實我無事既，反而最近有少少心不在焉，若有所思0者。
食飯之後繼續玩「魚蝦蟹」，「被贏」左十蚊就收手喇，但係其他人都贏喎，哥哥做莊都係「被贏」，最後一局（華姨真係有倒數架）哥哥剛剛好「被贏」最後既五蚊。嘿，真係整定既。
呢幾日都0係都諗︰「廿一歲應該點？」
357.買新鞋過新年
二月八日 星期二 霧
一早入寶琳，估唔到係桌震「威貓」，得返我同Mackins，梗係唔打波啦。
同菜蟲玩左一陣internet phone之後，就玩左一陣「式神」，第一次見第五個boss。
lunch去左美心食，個便當午餐等好耐呀。
跟住行GigaSports同馬拉松，行左兩個幾鐘，試左五六對行先買到新鞋，真係好事多磨。
夜晚同爸爸去左大排檔食飯，椒鹽九肚魚幾好味喎。
飯後去了觀塘逛年宵市場，雖然有微雨，亦無減大家逛年宵的熱情，攤檔擠得水泄不通，但當然不能根維園的人數和規模比擬。
驟眼一看，便能發現數之不盡的年桔，受紅火蟻的影響而滯銷。
年卅晚，當然是食湯圓。
356.年廿九
二月七日 星期一 依然潮濕
前日打完網球，估到會「支力」到今日，尋晚兩點訓，今日十二點起身。
古巨基同陳奕迅出新碟，眨下眼就download左，因為平時d/l既野都係數以GB計，所以今次100MB都無，真係無得比。
第二最愛好聽d定係必殺技好聽d？唔知道，新歌舊歌都係咁鍾意聽。
今日同Perrie行維園年宵，今次淨係見到Mackins個女婿，同埋以前連吉米都特登睇多幾眼既張麗珊。
行左一個圈，係無收穫既。不過之後行街，見到個新既Doremi扭蛋機，忍唔住扭左兩個，第一個係音符黎架。
哎呀，唔係「ＢＤ」，唔係「ＨＢ」，係「２１」。上個月係你整既「０５」。
玩到「連環新接龍」四種花色呀﹗超級開心﹗
355.管中窺豹
二月六日 星期日 大霧
十點老地方，校友會第n次會議。十一點，已經回到家裡。
很乖，因為整天在做MIC assignment1a，為的不是5%bonus mark這麼簡單，而是我認為我識做。
但，恕我愚昧，因為我錯了，我以為我會做，我以為電腦可以「同時」做很多工作，我以為很簡單。結果，越做越多bugs，不能接受的bugs，於是又要重做。
做了一整天，還是交了一個有bugs的功課，唉，是我能力有限吧？
年廿八，我沒有洗邋遢。新年前，一定要執好多d雜物同掉晒d廢物。
今日屈左Mackins鍾意Race多d，沖涼之後，竟然想起真的是我將其他人調亂了，鍾意Rosanne多d既應該係lurlee，Mackins係鍾意Race同Charlene多d。哎呀，今日唔知做乜，對唔住呀，請你食死貓。
嘩，Joyce返工果陣見到Eason，佢仲要好有禮貌咁問Joyce野。我問阿哥Eason係咪問奶粉0係邊度，點知俾我開口中，佢仲以為我聽到佢講電話添。
Joyce仲拎左Eason簽名呀﹗
Chapce生日快樂，亦即是……
354.團年飯
二月五日 星期六 大霧
九點起身，Mackins約了十點打網球，但我十點半才到，因為我竟忘了帶球拍﹗
要賴的話，就賴要帶的東西太多了。
這幾天的天氣很潮濕，討厭。
想不到六個球場也被預約了，桌震、Mackins和我只好在練習場作「壁打」練習。
哈哈，三人輪流到牆後的另一個練習場執波，難得那男的還能保持笑容。
今天執波最多的是我，最不幸的也是我，轉身抽擊變成「轉身PK」，只怪自己的鞋底太滑了，滑得快跟光頭胎一樣。
然後在Mackins房打機，既沒有去銅鑼灣，也沒有去觀塘的年宵市場探Mackins的同學Gary。
「網球王子」夠新鮮，始終新game有新必殺技係吸引好多，不過3D得黎唔係太好。
之後玩「式神」，玩左幾鋪就要走，同爸爸、哥哥同Joyce一齊去婆婆屋企食團年飯。
興民村應該仲高過樂華村，因為仲大霧過樂華，三十幾樓望出去根仙境沒有兩樣。
「殘酷一叮」，係「gout」既。有個唱松浦既「Ne~e」，真係想死俾佢睇Ne~e﹗
返到屋企，睇返真正松浦既「Ne~e」MV，梗係開心好多啦。
另外唱2R「戀愛專櫃」既姊妹，竟然跳Twins既舞。
最好野都係最後勝利者，個pet扭黎扭去，最抵死係梁榮忠問佢邊度返工，我覺得係串佢係咪做鴨。
無可否認呢個人真係好有表演慾，唔怯場，睇佢最後咁enjoy就知抵佢贏啦。
353.我認得你
二月四日 星期五 暖
九點五十分左右才到達課堂，竟沒見到家祈和Terence，於是坐在課堂最後。
由於大家要填分組名單，雖然不只遲了十五分鐘，還可以點名，最意想不到的是自九月以來，第一次幫家祈和Terence點名，風水輪流轉﹗
唉，三小時的堂很難熬，UML很難。
Clifford十二時半左右下課，竟然下一個用課堂的professor責怪他遲下課，真慘﹗
為甚麼EIE只有兩題數還是這樣難？
快下課時傳有一張關於class feedback的問題紙，有人竟「建議」Jimmy To不要浪費時間「吹水」，嘿，他跟黃Sir還差得遠呢。
AMA今天教prob.，很悶，最後一小時跟等放學沒分別。
之後去了旺角和哥哥選水龍頭，不久爸爸也來了。
食飯後去了尖咀地鐵站會合Terence、家祈和敏華，一齊去行維園年宵。
行了不久，發現觀中F.6搞的年宵攤位，想不到轉瞬間我也被認出，還聽見「Yammy」（桌震改的）拿著咪說︰「我認得你，你係觀中既﹗」，實在很驚喜。雖然當時在路中心，但我也驚得自然地加快腳步，離開現場。
逛了兩小時，可以說是沒甚麼特別的貨物，只有一、兩款雞帽較特別。
除了經過很多poly人搞的攤檔，我還在阿鏗、阿榮和豬展有份的攤檔，買了一個「河童龜」公仔，原打算送給一個跟他關係密切的人，但這個念頭在第二日便打消了。
352.關心——＞賢
二月三日 星期四 霧
現在過了十二時，我想在這兒寫比較合適。
近來比較忙，到了稍為有間的時候，又急不及待地去做各種不同的事，有打機，有講電話，有看漫畫，至於做功課和家務，當然算是正事吧。
一想到偶爾會來逛逛，甚至是每日到訪的朋友，心中不禁湧起萬般歉意。
首先謝謝大家，雖然這裡沒甚麼好看，但也能佔有大家寶貴的時間，可見大家對我的關心有多深厚。
原本約了Clifford，打算問他MIC project的問題，結果我遲了起床，最後直接去Hall找家祈和Terence。
家祈說Clifford答了等於沒答，一時又叫我們不要做得太簡單，一時又說不要太複雜。
暫時決定做一個類似「Time Crisis」的遊戲。
中文作文呀，常用文體寫作，計Total 10%。
想了大半堂，用餘下的一堂時間胡寫「我的理想及其實現方法」。
351.無奇
二月二日 星期三 雨
整天都在上課，特別在不用上中文，只知道功課還在等我。
試玩Mackins燒的「式神之城II」，原來爸爸也知道這是街機的遊戲。
其他上次的Gundam，他已經說在街機見過了。
350.歸來爸
二月一日 星期二 冷
今天的MIC不是Clifford或Ann教，而是Step。心裡不斷想著一個問題，這個人比我們大多少呢？
Clifford也不是很老，MIC好像都不見老頭子的，哈哈。
下午Comp305之前，家祈被SM Lau召見，他說家祈的Assignment有有很多grammatical mistakes，還說他沒有用心做。
SM Lau以為Word是萬能的，還跟家祈說他的功課在Word打出來就會一清二楚。
結果試了一次，有人說Word有bug的；換了另一部機試，又有人說這個Word有問題，只要用他家的notebook試就一定試出有mistakes云云。
最後可憐的SM Lau出門口時，不小心將notebook「磅」的一聲撞到門框，難怪家祈整堂默不作聲地對著電腦上tutorial呢。
爸爸終於回來了，也代表我約一星期的混亂生活得以安定下來。
349.dot NET
一月三十一日 星期一 又冷了
MIC lab都無乜聽Clifford講UML，自己做assignment 1，不過爭comment。
放學同大家一齊慶祝Silvia同補祝Ranbby生日，成班人嘻嘻哈哈，有講有笑咁過左一個下晝。
最後無借Windows，但係佢地話可以略過，返到屋企照install，嘩，裝好耐呀，三隻碟計都算耐喇。
拿拿臨加埋comment，做埋EIE份功課。
「Microsoft Visual Studio .NET」，無左佢乜都唔使做，EIE個C++同MIC個C#都關佢事，但係自summer course用過一陣寫C++，到而家真係乜都唔記得晒，好在最後都做好功課。
深夜，哥哥執房，叫我順便執野一次過拎去回收，又執左一疊note去掉。
348.Open Fire
一月三十日 星期日 霧
今朝諗住八點半起身吸塵，點知聽唔到鬧鐘響（不過哥哥話係我自己起身閂既，我自己都唔知添），十點半婆婆黎左先識起身。
婆婆拎左一盤水仙黎，仲有角仔，跟住同婆婆去飲茶。
過左歌仔落mp3，出街可以聽喇。
桌震同Mackins行旺角，我自己搭巴士去左奧海城join佢地，一齊玩OutRun，嘩，好抵呀，$3全走，雖然好多時都係stage10左右byebye，但係點計都賺呀。
玩三次都係$9，觀塘一次就$6喇。臨走玩左局「經典」既World Combat，有個人想同我地一齊玩，四個人應該最易玩，不過久疏戰陣，桌震無幾耐就輸左，都係Mackins最好記性，記住晒必死位，係我反應唔切0者，無最多life既一定係我，好在做得leader多，補返幾條命咋。
最後路人甲同我一齊中「推掌」，但係佢就輸晒，我仲有幾條life，Mackins擋得好。
返到屋企想裝Visual Studio .NET做功課，點知裝唔到，因為無Windows碟，哥哥剛剛借左俾人，整定無得做功課，於是玩GT4。
嘩~，買左拓海架「86」喇﹗
347.通頂
一月二十九日 星期六 霧
八點幾落街食早餐，好似都唔係好餓，但係一諗到今日補習之後先食飯，就唔可以少少都唔食喇。
九點幾去到新屋，拎兩樣好重既野上去，跟手將道閘用報紙封好，之前鋪既已經穿左幾個洞，形同虛設。
華姨煲左支涼茶，於是我又要返屋企先再出黎。返到屋企，諗住個harddisk雖然係壞，但係仲未知道壞既係咪真係放OS果個。
一試之後真係開心到跳起，壞既只係最舊果部電腦留落黎既harddisk，所以唔使買harddisk喇。
之前越諗越唔明，點解一個新harddisk會咁快瓜柴，而家明白開唔到機應該係塊底板既事，因為新機我插住個壞harddisk都一樣入到Windows。
今日補習都幾開心，小朋友都肯做數，仲識唔少添。
校友會個觀星燒烤取消，哈哈，好呀，我都唔係咁想去，如果唔係實頂唔住。
雞肉招財漢堡好辣，黑椒配雞肉呢個組合我唔鍾意，唔好食﹗
返到屋企小睡一小時，哥哥六點左右回來，食「午餐」，佢今日兩點幾先起來。＠＿＠|||
同Perrie食飯，哎呀，新年就黎喇，唔講都唔覺添。
多謝可虹既手信，雖然個名錯左。
346.廿一的禮物
一月二十八日 星期五 微雨
MIC三個鐘真係辛苦，食飯之後又上左堂好悶既EIE tutorial，上AMA已經不斷睇錶。
終於等到放學，同小狼一齊行去潮流特區，又去商務睇左陣書，點知遲過桌震同Mackins到「大久保」。
要約齊「電話四人組」四個人食晚飯其實都幾難，至少星期一至四已經唔得，輪住忙，所以今日係好日，我話既，尋晚都係同Mackins咁講。
以為今晚只不過係普通聚會啦，點知係佢地幫我預祝生日喎，嘩﹗十萬個喜出望外。
除此之外，收到第一份禮物更加驚喜，真係無諗過會係mp3，最初仲估係PS2既memory card，更加估唔到早幾日Mackins問我有冇諗過買返部mp3，平時返學搭車可以聽下咁，其實係試探，就好似上次桌震直接問may may屋企有冇monopoly咁。不過上次好笑好多，因為may may直接問小狼，小狼明知係桌震問，但係又估唔到係買禮物俾佢喎。今次呢，我收到果陣有諗過係memory card，因為呢個Mackins都有問過下，仲叫我「買啦買啦」咁。
多謝你地呀∼﹗
兩個鐘任食，時間其實唔多，食既野都唔多，我地以為，last order諗住實食得晒，Mackins又話實食得晒，點知大家都係眼闊肚窄既，食淨少少啦，都唔係好多既。
哥哥去Joyce屋企過夜，同Joyce細佬打機。我忽然醒起屋企無人，就提議上我屋企玩通宵。
搭巴士返屋企，小睡一會，因為前兩晚都兩三點先訓，唔知自己頂唔頂得住添。
返到屋企玩左陣「Gundam」，小狼返屋企沖左涼就上黎。
佢仲帶左「式神之城II」，好好玩，又係擦子彈，放式神又無咁易死，好過「雷電」既Slave一萬倍。
大家輪流打機既時候，我同桌震一齊用「招職」鋪檯，再用彩頁鋪面，黐好之後就變成麻雀檯喇。
經過八圈既決戰，我做左大贏家，雖然唔係計錢，不過好開心呢。
六點幾，小狼返屋企訓覺，因為十點幾又要出去。
Mackins話小狼「威貓」，我都估唔到，以為Mackins係第一個「威貓」，兩點幾會走，最後唔係。
345.不是人
一月二十七日 星期四 暖
朝早MIC個lab唔使返，淨係返兩個鐘CLC，好無聊。
好耐無試過寫記敘文，齋寫開頭，就黎諗到頭都甩。
今日借不到「火鳳」，於是借了兩本同樣是「陳某」畫的「不是人」，不是人的何止是呂布。
補習之後去左玩OutRun，第一次玩tuned car，點知快得滯狂撞邊，唉，仲差過平時既？
返屋企果諗GT4 d車係咪俾我tuned到變左一堆廢鐵，定係我仲未搵到真正既戰車？
344.唔要病
一月二十六日 星期三 雨
病，好了一點。
去左漫soc借「龍珠」，哥哥話想睇，做細既無理由唔借架，因為我唔介意一睇再睇。
用家祈張證借左三本「火鳳燎原」，太好喇，可以繼續睇。
GE上到八點半，就同家祈、Terence、敏華一齊去食煲仔飯，今日落雨凍凍地，食煲仔飯真係唔錯，仲跟一杯飲品或者例湯添。
本來我地都揀晒飲品，點知佢送埋例湯，但係Terence就話係味精湯，不過落得唔多，咁我就問佢點分有冇味精，可能係我已經病病地，所以飲左都唔覺特別口渴。
「你好曳呀，成日掛住睇漫畫。」今日Terence知道我借六本漫畫就開始咁講。
343.紅火蟻
一月二十五日 星期二 暖
爸爸旅行去約旦，八日之後先返。
開始病，應該係尋日既事。
紅火蟻，其實唔係第一次聽到有毒液既蟻，不過以前玩過模擬螞蟻，真係幾好玩，不過而家諗起真係有少少驚。
一諗到檯面有幾隻蟻，以為殺死佢地，點知遭殃既自己，仲可能會死既。嘿，睇你仲敢唔敢唔傷螻蟻命。
342.灰
一月二十四日 星期一 暖
今朝返學好叻，帶左個file係放晒其他notes，就係無AMA同MIC既notes。
MIC做既lab都好悶，自己又做得慢，隻mouse又唔聽話，臨落堂先識拎個file出黎墊底，即刻無事，浪費左成堂既時間。之後同Perrie諗住去尖東green box唱K，點知執左﹗於是走去寶勒巷唱。
唱左三個鐘之後返屋企，無幾耐又出返觀塘，坐富哥車入油麗村，揀埋雲石、鋼閘等等。
上左去新屋搵姨丈，佢又做左成日，成屋都係灰。
341.大帝
一月二十三日 星期日 暖
今朝和爸爸、哥哥一齊去睇磚，決定左喇，希望好睇啦。
補習都算順利吧。
廳果部電腦boot唔到機，個硬碟機應該無藥可救。
下晝同爸爸睇「亞歷山大帝」，因為爸爸有贈券俾我，我就搵返佢一齊睇，三個鐘，好唔好睇就見仁見智。
新game唔可以話好好玩，不過都玩左成晚。
340.向舊作致敬
一月二十二日 星期六 暖
今朝開會，本來打算今日補習，但係開會耐左少少，於是聽日補。
開完會同Mackins搵埋桌震食lunch，哎呀，觀塘咁多間食肆都唔合我地心意，因為今日個要求好「蝦薯」。
好喇，食左lunch，行仲陣觀廣，我同Mackins都買左隻game，係Square人物既棋盤遊戲，除左有Final Fantasy同Dragon Quest既經典人物，仲有好多同呢兩個系列有關既event、mini game同背景音樂，讓人重拾昔日的感覺。
四點幾同爸爸去左觀塘睇地磚，睇呀睇，都可以話揀得七七八八。
睇晒頭文字D第三十期，唔知用4WD車去築（下面唔要個「木」字）波賽車場既最後一個彎飄移係咪咁難架呢？GT4入便真係做唔到喎。
又晒新Da!Da!Da!喇，太短喇，唔制呀。
尋日拎左一陣野，今日對手都幾累。
臨訓熄機，個硬碟機有怪聲，最後唯有關電掣搞掂。
339.無目的
一月二十一日 星期五 冷
九半開始上三個鐘lecture，但係又唔算係教野喎，悶死人。
唉，都唔知第時點頂。
晏晝去左椰林閣食，哎丫，貴過平時食lunch，原來唔係間間一樣，吹脹。
一次半次，是但，不過杯奶茶好難飲。
第一次0係HJ Podium既課室上堂，有少少焗。
個阿Sir好過上個Sem個果好多，至少似教書囉。
放學即去新屋，姨丈已經第二日上左黎開工，雖然將電話線同天線藏落地下好似唔難，但係睇住姨丈鑿地下又真係幾麻煩，我仲好似見到個鎚有火花走出黎添。
七點前離開，我負責將工具帶返屋企，包括一個很重、很髒的袋和一個電鑽。
返到屋企，玩左一陣Rune Scape，又睇左一陣三國演義。
之後睇左一陣新Da!Da!Da!，最後係睇頭文字D第三十期。
都唔知自己想做乜。
338.滿足-->infinity
一月二十日 星期四 陰
一早出黎，其實唔係遊車河，可以同朋友見見面，傾傾計，已經好滿足，有得玩，當然更好啦。
中午去左Pizza Hut食，因為Mackins有coupon，靜靜地坐低食個lunch咪幾好，good呀~唔使唔開心喎。
由油麻地行返Poly，時間剛剛好，又可以散步，我要運動呀~~~
0係R Core上堂都係第一次，課堂望出去個view都唔錯，可惜天陰。
哎呀，第一組做閱讀報告，都要話好啦，唔係話唔好下話？
俾我估中左會早落堂，好野，即返觀塘。
嘩，差唔多五點去到，桌震已經到左大快活，無幾耐Miss Chiu同Mackins都黎左。
Mackins返左觀中，俾Miss Yuen「哦」左一輪，點解？又係桌震囉。其實桌震肯返去自首就無事啦。
又返去「迷失」，無幾耐又見到「大水喉」大叔將廿幾蚊攤出黎，以打消其他人跟機既念頭。
今次我醒目，無視對面放出既九蚊，照放低一蚊跟機，唔使客氣。
終於，佢直落輸四局之後，我可以用「最強」的拉夫達挑戰Enqvist，呼，小勝兩局。
第三局對Haas，他開始習慣我的打法，所以輸了。時間無多，沒有糾纏下去。
桌震和Mackins來了一局OutRun全走，還沒有全走十五stages，但看過高手dem完，果然有所領會。
補習，今天背中文默書，「楊修之死」，小小的一段約一百五十字，但他背了一個鐘仲未背熟。
唉，原來我齋睇大半個鐘都背得熟過佢。
操恐人暗中謀害己身，常吩咐左右：「吾夢中好殺人；凡吾睡著，汝等切勿近前。」一日，晝寢帳中，落被於地。一近侍慌取覆蓋。操躍起拔劍斬之，復上床睡；半晌而起，佯驚問：「何人殺吾近侍？」眾以實對。操痛哭，命厚葬之。人皆以為操果夢中殺人；惟修知其意，臨葬時指而歎曰：「丞相非在夢中，君乃在夢中耳！」操聞而愈惡之。
337.蝕完又蝕
一月十九日 星期三 忽涼忽冷
原來CLC要勁寫野，好驚呀，點算？
晏晝0係Hall玩左舖AOC，哎，同Terence俾四個電腦圍毆。
以為今個sem唔使再見S.M. Lau，點知Comp305又變左係佢教﹗嗚呼哀哉﹗
之後諗住可以四個人玩AOC，點知唔得喎。
六點半上GE上到八點半，之後去麥記諗住食「招財雞」，點知聽日先有，又俾佢賺多五個人既錢。
最近既日記又係兩三日先補記，真係辛苦，差勁。
其實呢日記我都想整到好似會訊咁架，不過就會遮住晒個background。
|
MON |
TUE |
WED |
THU |
FRI |
09:30-10:25 |
AMA217 TUT001 [DE304] |
MIC206 TUT001 [N115] |
|
|
MIC206 LEC001 [N114] |
10:30-11:25 |
MIC206 LAB001 [P503] [P505] |
EIE220 LEC001 [BC302] |
CLC201 SEM001 [BC505] |
MIC206 LAB001 [P503] [P505] |
|
11:30-12:25 |
|
||||
12:30-13:25 |
|
|
|
|
|
13:30-14:25 |
EIE220 LAB001 [CF005] |
|
|
|
EIE220 TUT001 [CF303] |
14:30-15:25 |
|
COMP305 LEC001 [PQ306] |
CLC201 SEM001 [R407] |
AMA217 LEC001 [HJ203] |
|
15:30-16:25 |
COMP305 TUT001 [PQ606] |
||||
16:30-17:25 |
EIE220 TUT001 [CF303] |
|
|
|
|
17:30-18:25 |
|
|
|
|
IC3004 D0423 [W312] |
18:30-19:25 |
|
|
GEC2601 LEC001 [HJ302] |
|
|
19:30-20:25 |
|
|
|
336.開心
一月十八日 星期二 冷
今朝又玩Rune Scape，返到學校剛剛開始上堂。
EIE220個阿Sir有少少似劉松仁，不過成日笑騎騎，好得人驚，Terence都有同感。
之後聽返Terence話Steve講佢俾grade係睇樣既，噢，Chapce講過。
哈哈，難怪佢影相點名。
之後同Perrie食lunch，等到佢補習，我就自己去左「迷失」。
放學時間真係好鬼多勁人，打到二比零，有人以為我輸梗跟機，嘿嘿，我就贏俾你睇，反勝三比二。
跟住佢拎返一蚊過對面挑機，贏左佢一次之後又俾人跟機，今次輸左想玩都唔得，因為個大叔係大水喉，放廿蚊出黎，但係輸得仲快過我。
不過唔緊要，總算見識過OutRun漂移既高手，漂住黎「Out In Out」，勁。
返到屋企全力做觀中校友會一月會訊，超時兩個鐘，差唔多九點先食飯。
食左返繼續做，做到十二點，做好會訊但係要上載校友會網頁去Geocities，唉，搞到一點半仲爭少少。
335.再見寶玲
一月十七日 星期一 冷
今朝玩miniclip既runescape，又有執屋，再出去剪髮，好短呀﹗
之後同Mackins入沙田買禮物俾Pauline，順便玩搖鼓，同埋網球。
夜晚同Pauline食pizza，又要過多一個sem先再見喇。
對上一次走既係菜蟲，再之前係杜偉東，哎呀，好掛住你地，唔知大家有冇機會一齊去澳洲呢？
晚飯之後璞璞、Mackins同我去Virtual，玩左最新既Pop'n Music，Mackins又見到魔鬼平八（上網發現佢唔係平八，而係三島 仁八）。
佢個叫係JINPACHI，讀落超似「正白痴」，哈哈，不過佢太勁喇，根本就白痴既。
334.磚奴
一月十六日 星期日 冷
今朝一早去新屋拜神，哥哥要返工早走，之後得爸爸同我繼續度個浴室同露台點搞。
下晝同姨丈、華姨一齊去旺角砵蘭街睇磚，行左兩個幾鐘，花多眼亂，百中選一，卻有心無力。
回家繼續做會訊，一做又做了一晚。
333.做呀做
一月十五日 星期六 冷
如常補習，回家竟再玩「大航海」。
夜晚開始做會訊。
332.小聚
一月十四日 星期五 冷
昨晚打日記，最後還是十二點才睡，今天快一點才起床。
和Perrie試了「牛肉招財漢堡餐」（吃過一次，味道一般，回家上網才發現有「雞肉招財漢堡餐」，麥當勞果然很會「招財」﹗）和「蜜桃橙新地」，新地不俗。
之後去逛九龍灣宜家，逛了很久也找不到合適的家具，但找到相信是宜家最便宜的貨品——價值三元正的「碗」﹗
哎呀，一看錶已經八時五十五分，於是趕去「漁米」赴會。
這次出席「7B」聚會的有十八加一人，分別是︰Mackins、肥田、渣偉、我、Perrie、小Wing、Vincci、Zoe、唔講、梁文健、Peter、雷傑揚、阿蔡、桌震、智智、錦洪、Idol、冠諗，還有身在美國，心在「漁米」的菜蟲。
今晚很高興，可惜黃Sir未能出席，但也喝了一杯啤酒，回家之後竟有點頭痛。
331.過
一月十三日 星期四 雨
如果你以為我在敏華房睡到天光的話，那就大錯特錯了。
其實我睡意全消，只是有點累，身體支撐不來，於是伏在床舖上看動畫。
即使字幕被臺頭遮住了也無所謂，因為不想睡，可能敏華見我看得有點悶，於是播放「伙頭智多星」。
令人懷念的「味吉陽一」，可惜印象已極之模糊。
看得有點不想走，因為還未看到「陽一」和「界一馬」兩個天才的雞肉咖哩決鬥結果。
哈哈哈，到我走的時候，Mackins和桌震決定離開「金沙」，改去「Virtual」了。
28號，既方便又快捷，在巴士小休一會就到了。
其實以現在的狀態，是不想打機的，但既然來了，也跟桌震來一場OutRun比賽。
看Mackins玩鐵拳5，就覺得自己不等PS2出也練不好。
大家樂食brunch，茄牛飯，開胃醒神。
兩點去了荃灣和爸爸一起辦點事，又逛了一會千色店和家俱店，就乖乖地回家睡了（起初是這樣想的）。
去到觀塘，還是忍不住「迷失」一會，跟兩個「底線抽擊」形的對手，愉愉快快地決戰七場（引誘他們離開底線是很開心的）。
五點回家，準備洗澡之際，家祈來電通知我可以登入webmail收成績，急忙穿回衣服開電腦上網。
噢，我的天，不用retake maths同marketing，有A（comp201），有C(ama207)，不是Mackins提我，也忘了看GPA，以為要自己計呢。
沒有過3，因為剛好是3.0，已經很滿足。
330.風光如畫
一月十二日 星期三 冷
今天和Mackins去了城大找桌震和肥田，在「canteen中的canteen」食lunch，見識過「靚女生靚仔」的「英俊」。
我和Mackins食的羊扒，價錢合理，但有點韌，薯茸沾著汁吃很好味。
和Mackins去了朗豪坊隨便逛一逛，因為沒有時間，也沒有錢。
三點前到了旺角火車站等Terence和敏華，在新世紀廣場遇到Catherine和男朋友在一起，但她看不見我，還以為她會加入今天的BBQ活動，原來佳人有約。
Terence和敏華帶我坐59X入蝴蝶灣，到了屯門碼頭，甫入商場就發現8蚊雞蛋仔，於是被他們取笑我像「大鄉里」。
我們找地方祭五臟廟，他們吃午餐，而我的下午茶是「飛碟餐」。
時間尚早，於是他們帶我去蝴蝶灣公園逛逛。
那兒的確是個燒烤的好地方，背山面海，鳥語花香，更鄰近商場，買東西十分方便。
等大家到達後，分組買東西，很快起爐燒烤了。
雖然氣氛有點怪，大家都不太說話，但Silvia不單帶來笑料，還有很多關於「青雲路」的話題。
是日活動出席者有︰Class rep.阿So、George、阿俊、Terence、敏華、Silvia、Pheona、Jenny、Tammy、Lok Yee、Ariel和Jessica，當然還有我。
最灰既係唔知邊個提議問隔離借牛油同豉油，然後有六個人猜包剪手泵，諗住大家出剪既機會率高少少，咪出手泵囉，點鬼知佢地全部出包。唉，唔緊要啦，都唔係乜野難開口既野。順帶一提，呢度放假應該幾多住0係付近既人落黎燒烤，因為我地隔離就係全副武裝咁囉，又自己用網同叉整個架，仲帶埋夾黎玩串燒，哈哈，「一個字︰專業」。
燒烤活動持續約三小時，約十時半結束，十三人的燒烤隊伍只剩下六人，就是前五者加上我。
敏華又衝口而出，話所有女仔都走晒喎。又係喎，唔講唔覺，真係得返五個男仔加一個「女仔」。
一行六人將其他人送走之後，回到蝴蝶灣吹風（冷衫加羽絨剛剛好，其餘時間超麻煩）兼吹水，才覺得不枉此行。
豈料由屯門出旺角的尾班巴士已在十一點半開出，大家以為十二點前一定有車的想法是錯的。
Terence說竟然在屯門找不到「亡命van」出旺角，真的很不開心。結果Terence和敏華帶著四個「大鄉里」離開輕鐵後，兜兜轉轉才找到小巴出旺角。
可喜的是我們乘的不是一般的「亡命van」，速度維持安全範圍。只有阿俊，才可以不擔心的在車裡呼呼入睡。
終於到了旺角，車上其餘兩名乘客早已下車，我們簡直是包了這輛小巴，因為司機載我們到油麻地地鐵站下車。
很高興呀，第一次唱通宵K，旺角比元朗更好，六時才收舖，唱K每位$75，加上之前燒烤$45，亡命van$16，飛碟$13，lunch$24，其實消費跟兩日一夜camp差不多。
我們六人起碼唱了四小時，最後還看到車路士和曼聯和局收場呢。
離開時才六時，阿So回家，其他人回Hall，我實在想不到去那裡好，不想回家，因為約了Mackins和桌震十時在觀塘等。
結果George、敏華、阿俊和Terence捱義氣，和我一起在油麻地漫步回Hall，途中還下著毛毛雨。
到了Hall，還差十分鐘才七點，Pair-up的卡片閱讀機七點才開始運作，大家又陪我在Hall Can一齊hea到七點。
原本想和敏華、阿俊一齊打乒乓波，但阿俊要睡覺，我又覺得有點累，所以在敏華房打地舖。
329.冰厚三尺
一月十一日 星期二 冷
九點起身，以為可以Add/Drop/Change group，唔係家祈提我，都唔記得係十二點。
十二點一搞就個半鐘，不過都係空歡喜一場，最後家祈、Terence同我三個人其實乜都無改到。
今日小朋友肯溫數，因為星期四測驗，教「率」同「比」都唔可以輕視，唉，我覺得佢都好難及格。
終於報到GEC 2601喇，因為家祈將大家姐個quota放出黎，多謝呀﹗
328.好暢快
一月十日 星期一 冷
大朝早又去寶翠公園打網球，去到球場已經見到Mackins同桌震，仲有Mackins同學Gary。
越打越起勁，尤其是跟Mackins拍檔雙打輸了之後。
最近做多了運動，也開心一點。
桌震今日開學，我就連result都未知。
同Mackins兩個人食左lunch行左一陣，見到好好味既提子餅，夜晚爸爸返黎竟然買左，仲要平d添。
好車難求，唔知係咪用慣考Super License既教練車，總覺得其他車反應太慢。
327.機會
一月九日 星期日 晴
今朝同爸爸、阿哥，仲有Joyce去嘉華飲茶，之後去左新屋睇下點裝修。
其實之前都睇左幾次，不過今次同Joyce爸爸、佢朋友富哥一齊睇，等佢地俾專業意見。
最快三月入伙，萬分期待。
機會係唔等人既。
網球如是，鐵拳如是，OutRun如是，GT如是，嘿，人生如是。
今日去左Virtual Zone，鐵拳真係好難玩，俾人打到暈低，唔係我，係Marshall Law。
GT好難玩，早幾日想拎個Super License滿足一下，點知就係個畢業試pass唔到，傻架。
今日OutRun，Mackins、桌震同我都係用MT，好過癮呀。
與其說陪桌震吃晚飯，不如說桌震陪我打VT。
又係發球上網，你地悶未？
一邊睇拉夫達對漢文，一邊睇Asuka重複招式，又俾佢見到魔鬼平八既，魔鬼平八重屈過魔鬼Jin，哈﹗
唔上莊，仲有好多野要做。
326.太淡定
一月八日 星期六 晴
補習，細路又唔想溫數，夾硬叫我讀英文故事書俾佢聽，話要做閱讀報告，但係又有好多字唔識喎。
起初我都唔信，叫佢自己睇，之後我信喇，唯有邊讀邊解。
睇到最後幾頁，竟然有Amazon（亞馬遜族女戰士），原來亞馬遜河同亞馬遜森林都係因為佢地而命名。
返屋企一陣，小狼上黎借用電腦，原來佢重係上唔到網，點知我用佢個ID登入又可以上到喎。
GT考牌，灰呀﹗
之後諗住去打羽毛球既，但係四點落到先知俾人book到八點囉，太淡定。
振華道室內運動場，號稱全港使用率最低既運動場（不過好似係閒日得六成唔夠），都係唔可以大安主義既。
結果去左小狼屋企，同Mackins玩左「骰子熱爆（Xi Go）」一陣就俾爆風爆死幾次，以前第一集同Chapce一齊玩幾個鐘，諗返起都開心，乜都唔使理，一齊玩骰子（Xi）。
最後電話四人組一齊鋤大D，我係大輸家呀，嗚嗚。
七點，又去到觀塘麥記開會。咦，真係越來越少人黎喎。再開戰，VT無勁人，不過鐵拳就勁到離譜。
個King用摔技真係好好睇，桌震同Mackins形容得好，佢真係好似打緊算盤咁。不過之後個Law都好勁，見到佢用既新招，搞到我都好想玩。
325.單車
一月七日 星期五 晴
十點幾去到九龍塘地鐵站，遲左十幾分鐘，嘩，竟然只係第三遲。
等人齊，一行七人就去大埔租車出發，五十幾蚊，貴左少少，不過係新車，但係下次記住要平d。
大埔踩到去大尾督，食過午飯之後仲有兩支價值一蚊既草莓雪條做甜品，好味。
返大埔交車，肥田同吉米返屋企，璞璞、桌震、小狼、Mackins和我在沙田落車，又有搖鼓玩，開心。
最開心既都算係四人OutRun，雖然等左好耐，但係都值得既。
八點去左尖咀CitySuper，同爸爸一齊搵哥哥食飯，之後返屋企GT，考剩最後一個畢業試。
324.廢寢忘餐
一月六日 星期四 晴
聽Mini《叱o宅樂壇》，古巨基做嘉賓，聽返頒獎典禮當晚既錄音，基仔依然係鼻塞塞，想喊咁。
一邊聽，一邊GT，一邊執野，多謝B-Spec，今日賺左二百幾萬，又可以買車車喇，不過都搵唔到Trueno。
夜晚補習，六點前，趕快食左碗車仔麵，係午餐，因為GT同執野搞到乜都唔記得。
哥哥放工返黎都會玩GT4，玩到做烈火雄心2，之後又會繼續玩多一陣，佢係「廢寢」，我係「忘餐」。
323.你驚唔驚
一月五日 星期三 晴
一早同Mackins仲有桌震打網球，越打越順，但體力快速下降。
之後去Mackins打Gundam，網球王子3，VT，時序和遊戲趣味性（由大至小）相同。
桌震知道result，唔好唔開心啦，雖然我都擔心自己。
「只要有信心，人人都可以係『高達』。」
「估中左，送支『葡萄適』俾你。」
問︰「0荷，0荷，你驚唔驚，你驚唔驚呀。」答︰「我好驚呀。」
322.考牌狂熱
一月四日 星期二 晴
桌震同Mackins去睇「功夫」，難怪兩個都唔0係屋企。
點解搵佢地？因為我考左兩個鐘先考到金盃，仲以為好易，點知百分之幾秒都玩咁耐。
雖然好開心，但係今日兩點幾考到四點幾，搞到連晏都無食呀，真係傻。
一邊考牌一邊聽Mini，好想聽Eric Kwok既「Collection」添。
夜晚想考其他「國內A牌」既金盃，但係唔成功，最後都係比賽賺錢，賺左二百幾萬滿足一下先。
話就話兩張相差別好大，但係都可能係光暗影響0者。
321.遊戲人間
一月三日 星期一 寒冷
近幾日都睡得頗晏，原因是天氣冷吧。
今天玩GT4，考牌，考金盃，睇demo，也試了數十回，得出的結論是入彎的時機很重要，除了轉向，加速、減速的時間和力度也要掌握得十分純熟。
其實做人處事也差不多，輕重緩急也要分得清楚，但細想之下，竟發現「考牌」比「做人」認真，是否有點本末倒置。再者，哪才是遊戲呢？
320.吹呀吹
一月二日 星期日 冷得我騰騰震
下晝同Mackins & 桌震去旺電買風扇，Mackins要買伸縮mouse同袋for notebook。
佢好開心，因為想左好耐，終於買到。我話我應該比佢更開心，因為我果兩把風扇，都想買左成年，爸爸話一開機把風扇就好嘈，尋日竟然兩把一齊嘈，就決定換晒佢。
買晒野，去左荷里活，玩大問答，個mon玩玩下虧左，但係唔係我地玩壞佢架。
OutRun2SP既Full course係好過癮，如果玩得晒十五個場就更好。
319.新年快樂
一月一日 星期六 冷冰冰
今日一早去補習，返屋企經過淘大，想知玩唔到「D9」碟點算，點知個店員答非所問，打電話問完之後話無得改架，「玩到就玩到，玩唔到就玩唔到」喎。
之後返屋企，打俾「黃金」阿峰（又係山字0係上面架），佢話要改直讀先知係唔係部機個頭虧喎，係就要換埋。
最後估唔到係買左部「簿版PS2」返屋企，不過部機唔受得刺激架喎，希望佢唔好壞啦。
新年第一個驚喜︰用新機玩「GT4」
318.除夕+枝竹常落
十二月三十一日 星期五 七度
一點睡覺，十點半起身。
原本和黃Sir在西環食飯，但我和小狼太遲了，改為在九龍灣食飯。
去了Virtual Zone，玩OutRun，有桌震做對手，集中得多，好像「頭文字D」的劇情一樣。
GT4，廿八蚊，玩唔到，唔開心。
晚餐和爸爸在新好運小廚，點了「知足羊腩煲」和蘭花炒肉片，想起小斯妹提過的「知足常樂」。
317.快凍僵了
十二月三十日 星期四 十度寒冷
四點睡覺，兩點起身。
寒，是由外而內，再由內而外的寒。
玩了OutRun2SP和鐵拳5，很難玩呀。
316.校友會火鍋
十二月二十九日 星期三 凍
今天在玩Popcap的AstroPop Deluxe。
六點半，校友會火鍋開始。
嗯，其實有點悶，因為沒有Mackins，他在溫書。
出席的除了其他校友會幹事外，還有李太，以及十多名理科班同學。
交換禮物，送出叮噹錢箱，換來熊仔手袖。
315.完成
十二月二十八日 星期二 暖
考試結束了，同學們都鬆一口氣。
試後第一項活動是打網球，哎呀，很久沒做運動，連打網球也無力。
314.邁向終結
十二月二十七日 星期一 暖
整天在溫書，亦結束了麗璐的航海生涯。
313.禮盒日
十二月二十六日 星期日 有點冷
十二點起床了。
打日記其實很心，因為百忙中抽時間完成想做的事，已經可以令我很滿足。
下午去了Mackins家，玩Gundam，很難玩。
夜晚玩Monopoly，失策，有錢，最後還是輸了，計算錯誤，大贏家是桌震。
好﹗下次努力。
回家看晚間新聞，才知道南亞海嘯的消息。
新年願望是希望災難從此消失。
312.聖誕快樂
十二月二十五日 星期六 陰涼
十二點左右起床，然後就去飲茶。
原本要輪候十多張檯，結果幸運地找到半張檯，坐了一會，另外半張檯的茶客也結帳了。
今天的節目是帶婆婆、姨丈、華姨和表妹去睇新屋點裝修。
聽左佢地既意見，我依然唔知點好，有排諗。
夜晚菜蟲打電話俾我，唔記得佢係朝早添（平時ICQ會記得，或者講電話感覺近d啦），佢去緊Disneyland。
等你下次一齊火鍋呀。
佢無乜分鐘剩，只係講左幾句，佢叫我地大家講「聖誕快樂呀﹗」。
四點睡著了。
311.平安夜
十二月二十四日 星期五 不冷
回到家爸爸已經睡了，哥哥還在看「烈火雄心2」錄影帶。
我趕快的洗澡，出來的時候，三時多，哥哥已經準備出門了，因為他要返工。
第二朝八時左右就起來，因為又要跟爸爸去荃灣。
原來荃灣的匯豐要取票等候的，真「方便」。
最後都沒有遲到，好﹗
十時半，不知去哪裡好，最後決定先去荷里活再算。
原打算看看有甚麼戲看，怎知最細的表妹找我，替她上網做「網上閱讀練習」，其實是讀給她聽。
我覺得那些練習對小二生而言，簡直難得過份。不過當然比「幼稚園程度」還差得遠。
我記得「igloo」係冰屋，嘿嘿嘿，真係離譜。
之後睇「功夫」，都幾好笑，雖然覺得特技好似抄Matrix，但係講中國功夫都算唔錯。
好唔好笑就見仁見智，我要求唔高，因為要人笑，其實幾難。
新都城有好多hello kitty呀，仲有「基路比羅斯」。
世貿有西裝友玩搖鼓，真係幾勁架，玩幾次都唔支力唔出汗。
我玩一次都散咁滯，玩第二次真係勉強少少，無辦法，而家連荷里活都無得玩嘛。
中環好迫呀，我同Perrie都許左願呀。
之後搭船過尖咀，無咁迫，但係仲多人呀。
倒數之後無耐就返屋企喇，不過都三點先訓呀。
禮物︰秘密。
今日成日都咁開心。
310.Re-U
十二月二十三日 星期四 晴
首先，我想講這是甚麼Re-U，我也不清楚。
原因有二︰一、發起人不是我。二、我覺得不用深究。
今天回poly上EIE224，Small應該很掛念我們，不然亦不會安排大家回來，唉~
兩點半到四點，其實也不知覺聽了甚麼，好像最有意義的只有取回功課和測驗卷呢。
約了桌震去荷里活，VT開始變得沒趣，今期的新寵是「OutRun 2 SP」。
評語︰有速度感，漂移模式十分刺激，充滿快感。
是次火鍋聚餐出席者共廿三人，肥脫提議變成週年活動，Miss Chiu也答應出席。
由於時間緊迫，聯絡工作未臻完美，下年要做得更好。
想不到約人真的那麼困難，但今晚真的很高興，難得相聚。
「波波池」好好玩，也好好味。
一點至兩點，OutRun 2 SP + Wartran。
309.買禮物
十二月二十二日 星期三 晴
逛了半天，好不容易才買了兩份禮物，最後準備加時之前，連最後一份也買了。
順利完成計劃，好開心好開心呢﹗
明晚的火鍋，決定去「嘉豪」了。
308.冬至
十二月二十一日 星期二 冷
一早返觀中，將一堆筆記送給kathleen，若果沒有小狼，那就慘了。
早上很冷，手掌都被膠袋勒得又紅又痛。
等桌震回來，一行三人就找Miss Chiu了。
又是桌震，沒有完成Miss Yuen給他的任務，大家又繼續做「衰人」。
肥田和雨良也回來了，我也差不多要去準備校友會的事。
去到canteen，快人齊了。
雨良拍拖啦，大家都爭著看他和女友的相。
準備好的，到最後都變成多餘了。
由於時間緊迫，大家都長話短說，遊戲也不用玩，只是隨便也抽了一位幸運兒，mp3機就送出去了。
「校友會終身會籍係二十蚊。」我想台下的同學應該聽到的。
今天是冬至，當然去了外婆家食晚飯。
中三的表妹問數學題，自覺比補習愉快得多。
是人的問題，還是工作性質的問題？
細「科乎」送我一盒正版的PS2「Z高達」DVD，哈哈，他也是免費得到的。
夜晚，忙於籌備後晚的火鍋。
307.復活
十二月二十日 星期一 晴
救返部腦喇，資料亦保存下來，不過軟件要重裝。
雖然忙了一整天，卻很滿足。
ＧＴ３好好玩呀，全靠哥哥借回來的書，才可以將車改得更強。
現在那些以前「不可能的任務」，都變得易如反掌了。呵呵呵~
306.印加青蛙
十二月十九日 星期日 晴
今日原本玩大航海IV加強版，不過食左飯返黎又突然想玩Zuma（印加青蛙），可能因為連菜蟲都中佢毒，所以都有興趣玩玩deluex version。
一玩就玩左兩小時，好刺激，果然係欲罷不能。
部腦個OS壞左呀，希望好快救得返啦，佢個病都拖左好耐架喇。
305.對不起
十二月十八日 星期六 晴
今日晏晝同爸爸去觀塘度野，度乜野呀？遲d再講。
之後五點幾去LG玩vt，一黎就見到6wins人，梗係會一會佢啦。
估唔到笠下笠下又俾我贏左。
隔左一陣，唔知係咪同一個人，同我玩左兩三局，佢輸左。
又過左一陣，又有個「發球人」同我玩左幾局，佢都係輸左。
之後佢用拉夫達，到我輸左。
我見到拉夫達發球上網，即刻激起我團火，用漢文同佢玩玩。
發球上網我都識，但係佢又接得幾好喎。
所以贏返佢之後，佢再挑我我機，我都唔用呢招，因為無乜用。
結果之後幾局佢都無發球上網，唔知點解陪我界波。
其實同呢個人玩都幾開心，因為有個勁人可以練招、練波。最好最搞笑既係佢突然唔再發球上網，我又唔會被秒殺。
玩到又3wins，死火喇，七點，遲大到。
去到朗豪坊，已經有兩個人陪緊一個人等緊我。
對唔住對不起sorry對不起sorry對唔住﹗
一玩就唔知時間，其實都係因為好耐無玩所致，我真係唔想架。
行左一晚，返到屋企決定都係做埋comp209 assignment3，雖然有少少唔識做，但係照交，因為comp209已經考得唔係咁好。
其實考左四科，都唔知邊科係考得好既。我估，邊科高分既，即係果科唔使溫囉。
304.嘶A噢S
十二月十七日 星期五 晴
兩點考comp209，考到五點。
無得用計數機，真係有少少驚。
之不過做落又無咁驚，因為六題有三題識做，會過架，不過知道會考得唔好囉。
點解呀？因為有兩題係OS既，發現無上最後一堂真係會唔識答架。
無辦法啦，唔做GE又死，唔上堂又死。
溫得少，係咁上下架喇。
考晒試•••咁滯，成個人鬆晒。
約桌震出黎玩，點知荷里活無鐵拳5，有少少無望添。
vt又無勁人，見桌震之前同mackins玩outrun2玩得咁過癮，今次終於可以試下。
一玩就覺得好吸引，自動漂移，哈哈哈，果然係極富遊戲性既賽車game。
食飯之後去買校友會既抽獎禮物，跟住撞到Tammy，同佢男朋友（我覺得）。
303.媽劇婷
十二月十六日 星期四 晴
一早返去考MM271，六揀四，有一題係翻炒既，尋晚同mackins桌震小狼傾電話oxygen緊既時候睇過下咩叫「nontraditional marketing」，如果唔係真係無野寫。
其餘三題，都算亂做，最抵死既係第一題，估唔到份剪報都考，背左個表就發達。鬼知咩，份野成千字，尋晚好求其咁睇過，真係估佢唔到。
嘻嘻，唔肥就發咯。
返觀塘大快活，同小狼仲有桌震食lunch，都話我份卷死得慘架啦。
不過你地話我會過，我都信既。
今日都係撻架喇。
夜晚無乜心機溫書添。
302.厭戰
十二月十五日 星期三 晴
不打筆戰，只打海戰。
301.探訪
十二月十四日 星期二 暖了點
今天有點事，去了荃灣會合爸爸，搞好了，心情很緊張的去LICC。
這是我第一次到爸爸工作的地方，雖然很興奮，但不忘跟他的同事打招呼（嘻嘻，其實一時間忘記了怎稱呼他們，只是含糊地跟他們打招呼）。
不一會，就被爸爸「推」進梁生的房間了。梁生是誰？就是公司的大老闆了，雖然差不多每年都會去他家拜年，但他房裡跟他談話的心情，竟然跟之前在HKU interview時一樣緊張。
他以前也在poly讀mechanical engineering，但那時polyu還是工業學院，只有兩三棟building。
很快就到了lunch time，跟爸爸和他的老闆、同事飲茶。
回家，繼續溫marketing之餘，也有「航海」，離「七海霸者」的目標又踏前一大步了。
不過，越溫MM271，就越覺得跟「勁過」之夢，越來越無緣了。
爸爸放工就話唔舒服，頭痛、肚脹，哎呀，佢真係好唔舒服咁，叫佢睇醫生又話睇下聽朝點先喎。
如果，我係醫生就好喇。唉。
其實我係咪真係咁怕血呢？定係只不過係一個「positive feedback」？
 |
 |
 |