．．．：：： ＊ 默 記 ＊ ：：： McBun's Diary ：：：．．．
[Year 1 Sem 2 時間表] [EIE04O'Camp--1] [EIE04O'Camp--2] [EIE04O'Camp--3] [給菜蟲] [棋魂] [宿敵]
 |
500.又是七一 |
|
|
| 七月一日 星期五 晴 | |
今年沒參與七一遊行，不是沒空，只是要爭取的，已爭取不來。難不成要好像六四一樣年年集會，薪火相傳？
早該結束，是成功地結束。
今天是媽媽的忌日，十一年前吧，那天晚上和傭人Anna在看電視，不知為何遲遲未睡，這天面對人生第三次死別。
早上十時許起來，哥哥買鮮花、西餅，我買雞，爸爸買媽媽最愛吃的芒果。
拜祭，自然離不了上香和化寶，同樣的禮儀，同樣的心情。
以前想不通的問題，現在大概已有了答案，只是實踐起來，還是有難度。
食西餅，哥哥買了罐西柚味汽水，原來爸爸覺酸的汽水味道很怪。
回觀塘，應邀到Mackins家，趕上了93A，和他兄弟倆，一行三人到紅樹林食午餐。
下午茶餐的餐牌轉了，沒有「班牙」的「西班牙炒飯」，也就是之前桌震的「西炒飯」，已成為歷史。
桌震來了，當然不是為了吹水，也不是為了「沒有班牙的西班牙炒飯」。
Mackins教「壁打」，教「練pair」，「覺醒」後無限「零式」，太帥，太爽了﹗桌震竟然敗陣，哈哈，由覺醒變清醒的tension 3。
我用自己唯一一對pair出戰，想不起他們也有不少強勁的招式的，全仗Mackins之前指點。
網王之後又是網球，想看書是藉口，實在是發揮不好。
錦洪昨天生病，今天不會看「頭文字D」，千辛萬苦，最後終於找到志豪的妹子頂上。
幸好菜蟲八時左右到了必勝客，桌震和我到達荷里活時，已差不多等了一半。
連璞璞也到了，九時左右才有位。
終於記得將「在世界中心呼喚愛」交給雷傑揚。
看了整天「飛刀」，終於看完。
趕快吃了晚餐，還是錯過了丁點兒片頭。
整套電影的感覺不俗，只可惜杜文澤的阿木太像傻強，至少我心中的阿樹（即是電影中阿木）是有自知之明的，文太也不是個醉漢。
涼介可以更像一個天才的，經典的「距離防撞欄只有6cm」的畫面轉眼即逝。
飄移，不論漫畫還是電影，同樣令人血脈沸騰。
散場，看別人玩頭文字D，桌震玩Outrun，璞璞帶我玩Ghost Squad，最後我又玩VT，卡仔對拉仔，有運。
試碟，兩點半才睡，竟然睡不著，太熱，終於忍不住起身，發現哥哥沒用風扇，很蠢，已經差不多四時了。
 |
499.以毒攻毒 |
|
|
| 六月三十日 星期四 大驟雨 | |
聽打開你的擴音器，你將聽到「存在（電視演奏版）」。
今日落過五、六次大雨，好快又停左，返工放工食lunch都無乜雨。
淨返唔夠1500個record，睇黎一日做400個真係差唔多，日日揭幾百頁紙真係揭到手到「鞋」晒。
即係話仲要返多四日，部VAIO唔係唔正，但係唔夠Mackins果部咁方便囉，又打唔到中文，又read唔到中文file，d歌都係我自己rename架。
呢幾日日日對住d水塔既資料，真係gray呀﹗
原來好多水塔係米黃色架，其次係淺藍色。牌子由多至少既順序係「菱和」、「保利」、「明新」、「菱電」，我驚發夢都係見到佢地。
買左飛，又還左個老婆俾Mackins。
又睇到寶礦力廣告，又唔係綾瀨既，唔想睇。
好多野應該做，可惜無動力。
 |
498.precious~~~ |
|
|
| 六月二十九日 星期三 晚間有雨 | |
今朝爸爸唔舒服，無返工。祝早日康復﹗
碰巧哥哥放假，放心。
1230，done﹗一個上晝只係做左百幾個，好麻煩架，但總算搞掂653。
下晝返黎做左2190既十分一左右。
放工接收左錦洪隻office XP，釘橋﹗
睇黎好快可以還返個老婆俾Mackins。
0係協和街見到一架好似AE86既車，其實係85定86真係唔識分。
今晚餐飯係哥哥煮架，基本上我只係幫下手洗，除左油多左少少，都無乜野可以挑剔。
哈哈，原來我入廚經驗有咁多年架拿？唔講都唔覺，因為識煮既菜都唔過廿種。
就快放假喇。
 |
497.眼冤小強 |
|
|
| 六月二十八日 星期二 大致天晴 | |
十二點幾放自己去啟業食lunch，冬菇亭大排檔，眼不見為乾淨，何必俾我睇到咁多隻小強呢？
個頭成日擰黎擰去都唔係辦法，好支力，我諗淨係個身郁會好d，正確既工作姿勢真係好重要架。
Pamela問我使唔使搵人拎d file返公司做，哈哈，睇下點先啦，我真係有野唔明都可以問莫生嘛。
終於做到481，目標係500，爭少少，收工，明日再戰。
帶住Mackins老婆見Mackins，小別勝新婚呀，唔好咁黐纏啦。
其實日日帶佢老婆周圍走都幾係野，佢老婆幾重架。
仲有借佢咁耐都唔好意思啦，阻住佢做咁多緊要野。
再一次多謝您呀，Mackins。
夜晚同Perrie、Vincci、Mackins食飯，預祝Perrie生日，亦都祝佢黎緊呢個月實習愉快。
原來個代幣想飲茶﹗
無智慧既人係唔會生智慧齒既。
 |
496.唔願訓 |
|
|
| 六月二十七日 星期一 間中有雨 | |
唔願訓既人，第二朝就會後悔，除左我，屋企肯定仲有。
七點起身call Mackins借notebook，尋晚搞到兩點都搞唔掂，謝謝謝謝謝謝謝謝謝謝。
八點去到油塘，九點去九龍灣機電署，即係九龍灣國際展貿中心對面。
唉，好鬼多file，五箱野都唔會易搵。
Pamela十點前放低我，十點半都未有位插電，好眼訓。
係咁對資料，copy and paste，睇到眼花。
1215、1230、1245都係放lunch既時間，總之office長期有人，真係free喇佢地。
返0830放1700，真係開心，係返工行得遠0者。
差唔多一點先出去食lunch，走去麗晶大快活搞掂，遮都無帶。
1352突然下起傾盆大雨，很大，很密，返回office不足三分鐘……lucky﹗
而家仲未有得上網，但係勁聽歌。
聽左幾個version既帝國華擊團，精神少少。
下晝做得七十個個水塔，仲有三千個掛。
成日係咁做，時間過得好快。
放五點真係好開心，送埋幾張飛俾朋友仲開心。
聽日就可以用卡嘟嘟下，唔使好似白撞咁叫人開門。
執下張書檯，整齊少少啦。
唔得，今日真係好眼訓，都係乖乖地去訓，橫掂都睇左網球王子咯。
桃城真係lucky成咁？定係佢已經將環境因素計算清楚呢，再快，再狠，都及唔上一個「穩」字。
又一張靚女相。
 |
495.狂歡 |
|
|
| 六月二十六日 星期日 時晴時雨 | |
呢張相係細個去海洋公園影架，我估係四年級之前影既。
同Mackins十點半左右到海洋公園，睇左金魚同雀鳥劇場，行埋無恐龍既「恐龍足跡」，就返去正門接Mackins既朋友Mabel。
一齊等纜車，等左半個鐘，差唔多十二點三，竟然發現有8個未接電話，之前仲同Mackins講無人會搵我添。
原來唔記得約左表妹十二點等，佢以為我爭一張飛，累佢等我一陣。
好在我幫佢排纜車補數0者，如果唔係就對佢唔住，內疚之餘仲要俾人鬧呀。
上左山，走去排越礦飛車，以為唔多人，睇唔到個轉彎位咁遠。
等左個幾鐘，熱到勁出汗，等等下又落一陣雨，雖然過山車一度停開，所以等到有得玩真係超開心，好刺激。
我地落車之後又落雨，lucky。
諗住返去買麥記，好多人，一齊買肉醬意粉，一邊食，一邊排過山車。
有Mackins幫我地擔遮，Mabel同我都食得好舒服，免受雨水同陽光干擾。
個意粉都算唔錯，比display出黎果d好好多。
估唔到又落雨，仲要係停機趕人果種，我地搵個有瓦遮頭既地方，等Mackins食埋個意粉，等細雨再出發。
玩左五、六個攤位遊戲，除左有安慰獎，我掟波中左中獎呀，係一個叮噹，yeah。
返返去等過山車，今次係飲住野等，芒果雪糕既「紅粉佳人」，即係雪糕+忌廉梳打，爽呀。
過山車，Mackins今次坐車頭，我地坐佢後面，真係三個圈喎。
睇埋海洋館，已經係五點幾，Mackins要返屋企喇。
Mabel應該幾想玩滑浪飛船，加上我又好耐無玩過，兩個人興致勃勃咁等左半個鐘左右。
玩完之後梗係濕身啦，唔係唔濕下話？
之後玩太空摩天輪，好似乾衣機咁，玩完有少少暈，哈哈，但係d衫乾左少少啦。
我地見仲有時間，走去玩多次mine train，今次少人好多，等左五架車就有得玩。
我地今次坐後面，Mabel坐無咁驚既右邊，呢次我地都識得望鐘頭，但係我原來係望住閃光燈，始終望唔正鏡頭添。
差唔多七點，趕得切坐纜車返正門，之後我又趕得切坐最後一班，亦都係加開既72A去銅鑼灣。
原本海洋公園六點閂架，今日唔知點解開到七點，賺左﹗
但係架巴士真係塞到好滿，好得人驚囉。
Mabel真係幾nice。
返到屋企第一時間沖涼。
今日唔係曬足成日，不過手臂都紅卜卜。
之後對住部notebook，俾佢玩謝。
Windows ME裝唔到Office 03，佢需要一個新d既version。
好彩屋企有office 2000，點知係中文版，出亂碼，諗住照裝先算，唔俾喎。
唉，屈服，訓覺。
哈哈，諗諗下我地唔係「狂歡三寶」。
 |
494.睇[食送]食飯 |
|
|
| 六月二十五日 星期六 轉晴 | |
朝早同事Gary去左銅鑼灣拎左部notebook返黎，但係無Excel同cdrom，麻煩喇。
放工去左世貿打機，俾Mackins拍一下，真係嚇一跳﹗
同佢d同事一齊打機，都係音樂game多，當然仲有例行公事——搖鼓啦。似公事，但比公事更積極；唔似公事，因為比公事愉快得多。
VT，都係撻既。臨走又係用world combat黎結束，今次多左Mackins同事join埋，好耐無打過3人份量同埋企4號住，好刺激，終於唔使俾「推掌」打死。
哈哈，最後Mackins同我都係唔記得食lunch。
五點幾返到觀塘，同桌震、志豪、錦洪、雷傑揚打壁球，雖然無打match，走動亦唔多，但係都好支力。
四個人打一個場，雷傑揚打得好瀟灑。
大快活食完飯又去左LG，桌震話有三個月無去LG，一個月無打機喎。
4wins，又唔係果個卡仔，又唔係果個norman。
接發球接得咁撻，我太睇得起佢。
要搵一個可敬既對手，比交一個知心好友更難。
實力差太遠，唔係我覺得悶，就係對手輕視，甚至無視我。
其實又唔關事既，係道德既問題。
SD3980其實有好多限制，但係無問題係解決唔到既。
 |
493.興趣 |
|
|
| 六月二十四日 星期五 大雨 | |
頭痛，最近真的睡眠不足，自找的。
第一次玩「保齡球王子」，大石驚險地取得208分，龍崎教練登場﹗
昨天發現雨傘傘骨斷了，竟忘記帶另一把，幸好它仍能使用。
雖然我很怕熱，但也很想念太陽伯伯啊。
紅雨時，已經在辦公室了。
lunch後出現雨後陽光。
我有時覺得網上閱讀比較快，可能已經習慣由左至右閱讀中文。
收工前不久才收到很多和工作有關的資料，我從未見過這麼大的Excel file的。
差不多看了兩日書，終於有點正事處理，其他的實在有心無力，感覺自己的薪水也不是白逗的。
興趣是騙不了自己的。
今晚吃咖哩，哈哈，我是很怕辣的，我食得下的食物，一定不會辣死人。
又下雨，打消去Mackins「訓練pair」的活動。
Mackins眨下眼就過左兩個hard既一球入魂喇。
玩玩下網球王子，隻DVD-R又虧虧地。
張黑白相，縮到咁細，其實係男係女都……亦都好古典feel。
一球入魂個title page都黑白，有時會覺得係部電視壞左架。
 |
492.慢慢來 |
|
|
| 六月二十三日 星期四 大雨 | |
起身右腳大腿有點崩緊的感覺。
日日係咁落雨，放假仲要去海洋公園架，請停雨吧。
今日等資料等成日，無野就上網睇書，其實帶左兩書都好無謂，上網睇晒。
放工一個人，唔諗住又上華姨屋企，於是返觀塘食。
一個人食野有人會怕悶，但我覺得又有好處既，起碼可以慢慢食，唔使好似lunch咁食得咁急，幾開心架。
0係三聯幫阿哥搵倉頡書，搵唔到0岩心水既。
睇晒「再見了，可魯」先走。
睇黎文字都幾難令我感動，有聲有畫既威力係大得多。
右腳大腿可能太累，返屋企已經乜都唔想做喇。
網球王子smash hit應該都用左toon shader架，所以一玩果陣覺得3d得黎同平時唔同。
細個成日陪我既，得返一隻熊仔咋。
 |
 |
491.放晴吧 |
|
|
| 六月二十二日 星期三 大雨 | |
尋日Mackins話我知，我係第一個完成hard「一球入魂」既人，諗起都開心。
其實當初我聽Mackins講越前龍馬同乾貞治係最有potential贏既character，又以為佢細佬已經爆左十世，所以玩得咁積極。
以為有edit mode係因為有一個character爆左hard，原來唔係，而係所以character爆easy至真。
加上我見桌震又有edit mode，以為爆hard係好普通既事，就玩得更加落力喇。
今朝出門口，以為無乜雨，lucky啦。
怎料過海後一出地鐵站，雨又哇啦哇啦地落著，不足十分鐘的路程，褲腳又濕透了，還好鞋襪的情況比昨天好。
今日hea下hea下，未有資料做網頁，明目張膽地看小說。
「佳人不可唐突，好酒不可糟塌」
「和賭鬼賭錢時弄鬼，在酒鬼杯中下毒，當著自己的老婆說別的女人漂亮——無論誰做了這三件事，都一定會後悔的。」
尋晚又睇左好幾集love hina，有少少支力。
Q版既景太郎真係好得意呀﹗
放工停雨，去了華姨屋企食飯，交換了hello kitty襟章，哈哈哈，其實我拎4個出黎，換左20個返黎。
不過都唔可以叫換，根本我手上15個大部分都係華姨俾既，我只係買左幾條雪條咋。
多謝華姨﹗原則上只欠3個。
係喎，唔好奇怪我竟然會儲hello kitty襟章，雖然我唔係超鍾意hello kitty，之前又無儲磁石貼（其實都有1984年，又係華姨送既），儲下儲下，幾好玩丫，又靚喎。
好似細個覺得毛公仔都好靚架，玩公仔之嘛，男仔都可以玩架0者，當然而家鍾意既公仔又唔係以前果d啦。
見到表妹玩下砌下d公仔，攤到一地都係，雖然都係俾佢自己媽咪鬧，但最後都係將d公仔放返原位，我細個都會將d野放得好整齊架，成日俾大人讚我乖，其實係咪個個都會咁架？
不過而家書檯已經好亂喇。
歸家途中右膝有點疼，一拐一拐地撐傘回家。
玩網球王子，用完乾爆easy，點知hang機。
restart再黎過，直情load唔到碟，會唔會係碟既問題？真係一分錢一分貨？
toon shader好似好吸引，睇落可以慳返build 3d model既時間，希望啦。
 |
490.madamadadane |
|
|
| 六月二十一日 星期二 大雨 | |
八點半起身，又落緊雨，未算好大，爸爸話荃灣好大雨，好塞車。
唔使返工住就梗係打機先啦，繼續挑戰hard既「一球入魂」，繼續用越前龍馬。
吸收尋晚輸左四、五次既失敗經驗，總算忍得住唔會亂用「自殺技」，最簡單咪係除左發球唔用「x」囉。
打剩卅幾個，仲有6球在手。到左廿幾個，仲有5球。到左十幾個果陣，仲有3球。
打到最後三個，得返1球，俾我輸埋，即係唔使你死就我亡。
最後一個對手係手塚部長，一開波佢就用「子彈發球」，我就梗係用「早擊球」回敬啦。
最後一擊係手塚夾硬接，送「叉燒」俾我食，我又識得用「o」黎trigger既「外旋殺球」，ko﹗
真係緊張死。
不過都係無edit mode既？
十點幾出門口，好大雨呀，原來已經黃雨。
未到地鐵站，褲腳已經濕左半截，對鞋半入水。
0係巴士站撞到瘦脫，一齊搭215X。
返到poly見阿鵬，真係幾悶，下次meeting前又要諗下有咩game又好玩又易做既。
家祈又有得住hall，好多同學都有得住hall呢。
食左lunch趕住返工，條褲竟然仲未乾﹗
 |
489.給麥禮 |
|
|
| 六月二十日 星期一 陰 | |
祝哥哥生日快樂﹗又大一歲，你要陪我多d﹗最多我教你打倉頡啦，哈哈∼
十一點半離開公司，當然不是偷懶，是去接機。
一點前到機場，發現不少人在舉著名牌等人，感覺自己也不算奇異。
反而十多個女子在等人，不難聯想到是等偶像。
不一會答案揭曉了，原來是周杰倫，他是來港宣傳「頭文字D」吧。
可是依然有幾個女子在等候，廿分鐘後，鄭家穎告訴我他也有fans的（當然不是真說）。
呆等了卅分鐘，終於等到兩個來自馬來西亞的中國人。
他們也算健談，轉眼就帶了他們在灣仔的酒店，交給同事就走人了。
回公司時已經三時左右，隨便吃個包還是有點餓，於是買了朱古力芝士蛋糕。
吃起來有點不倫不類的感覺，抑或是蛋糕本身難吃呢？竟然覺得很膩。
抽濕機很重，難為爸爸一個人由油麻地拿到上地鐵。
 |
488.給爸爸 |
|
|
| 六月十九日 星期日 陰 | |
父親節快樂﹗我要做個乖孩子﹗
雖然上星期六已經慶祝左父親節，但係今日依然送左禮物俾爸爸，係unique既禮物。
今日難得放假，好努力咁將「舊舊電腦」既火牛、硬碟和燒碟機逐一搬到新機，最麻煩的果然是電線，要排得整整齊齊的，還是有一定難度。
兒歌真的存放在舊舊硬碟裡，好極﹗
午餐去了麥記，收銀小姐問我喝甚麼，我告訴她喝雪碧和芬達，她指著朱古力咖啡奶昔對我說︰「飲呢個丫。」
我才發現轉餐飲只加$4，不妨一試，最奇怪是她的語氣，不像是命令，也不像建議。
這杯飲品失敗之處在於冰塊，快喝完，冰融掉時實在淡而無味，奶昔不是一向也不用加冰的嗎？
去惠康掃貨，官塘的超市大部分也很擠迫，不滿。
回家才最辛苦，短短的路程，已足夠令我虛耗過度的雙腳百上加斤。
雖然昨天小腿瀕臨抽筋的邊緣，今天酸痛的卻是兩肩、背脊、臀部和大腿，就是周身酸痛吧。
上落樓梯實在有苦自己知，生怕會仆倒，一步一驚心。
晚飯後回家立即試燒兩隻網球王子，「一球入魂」的魅力實在驚人，一玩就欲罷不能。
我覺得電腦連「外旋發球」也接到實在厲害，有連步。但龍馬的抽擊球A實在白痴得可怕，完全是自殺的行為。
另外，模倣的技能很有趣，但用起來很麻煩，雖然明知反手是零式，扣球可變成放短球，但蛇球肯定是另一種自殺行為。
一不小心，明明是外旋殺球的，也會按錯放短球，一定要忍手。
所以Mackins同佢細佬構思既「XO」組合應該很user friendly。
我不相信有「來生」，但若可能的話，我真想下一生做我兒女的兒子，父母的父親，其概念大概是源自反饋和回報，照顧不斷照顧我的人，被我照顧的人照顧，哈哈，太有意思了。
今晚「綾瀨式」轟炸newsgroup，好開心﹗
愛上亞紀，還是綾瀨呢？
 |
487.再生 |
|
|
| 六月十八日 星期六 陰 | |
今天遇上一件怪事，是關於賣旗的。
我一直以為一日只會有一個團體賣旗，可能我錯了。
我在觀塘地鐵站買旗，是一面白色的，印有「長者網絡發展協會」的旗。當我在炮台山時，竟發現另一種顏色的旗，但由於時間緊迫，不便細看，亦沒有深究。
事實是我被騙了，還是真有其事呢？
第一次星期六上班的感覺是「hea」，一回到辦公室，秘書小姐竟然跟我說她離開一會，去吃早餐云云。
加上Gary出site，全公司只有自己一個的感覺是有點莫名其妙的，也是熟悉的。
網上竹戰的計劃告吹了，不知何故無法登入sina，除了電郵，無奈。
於是認真工作起來，但要找的人卻下午才有空，所以現在有空的依然是我。
偷懶時，除了看網王，就是看書。
很無謂的早上。
放工入寶琳打波，隨便吃了一個包，應該可以支持兩小時的運動量吧。
兩點至四點，可能是這星期最愉快的物理活動，電子活動呢，應該是Sina MJ吃「十三么」了。
簡單記錄戰況︰
志豪開safe mode，慳住體力，主要用技術擊倒我們。
桌震唔用「手塚領域」，直線抽擊又低又快，結論係唔好俾佢企定定儲氣。
Mackins大大力，有用唔完既energy，唔俾多d心機練好d都幾難贏佢。
我就撻喇，一開始走黎走去，打到一半就無氣無力，但係我相信呢個世界係無追唔到既壁球，一定有一瞬間既可能性。
Mackins氣勢如虹，可惜最後被桌震打破不敗之身。
志豪虎頭蛇尾，前半場可以令人無招架之力，結果今日未嘗勝果。
桌震最好野，打左幾次就已經可以同Mackins打上數十球仍然不分勝負。
我呢，可以話後勁凌厲掛（唔係綾瀨），如果有機會打多過十分鐘既話。最開心都係兩次超前志豪，六、七分咁追都幾辛苦。而且「執念」用得多都幾容易受傷，都係練好球技比較好。
打完波終於有野食，幾驚自己去得太盡，打打下會暈呀。
芒果新地，沒有驚喜。
想起「手塚領域」，自己用都好地地，如果俾人用黎對付自己都幾慘，一定會忍唔住接晒d波，直到體力耗盡為止，唉，簡直係折磨。
再生的話，會遇上亞紀吧。
 |
486.在世界中心大聲呼喊︰我愛你 |
|
|
| 六月十七日 星期五 雨 | |
整天都在構思網頁，四處抓圖。
放工前才知道下星期一要一個人去接機，原本是陪秘書去，結果竟變成這樣。
看完了喊愛小說，沒有電視劇的煽情，沒有心如刀割的感覺。
小說中的亞紀對我的吸引力比較小，我的幻想力太低吧。
但想不到小說的朔太郎一直以為Aki是秋，那是因為亞紀怕麻煩，不寫漢字而寫平假名的關係吧。
在世的人，真的是代替往生者承受痛苦嗎？
「我不是亞紀，我不是她的痛苦。」
忽然想起某人曾說︰「我不是無名，我不會武功。」
其實我也想講︰「我不是成龍，我不會功夫。」
 |
484.過山車 |
|
|
| 六月十六日 星期四 雨 | |
很久沒睡到九時後才起床，感覺真好。
不過轉眼又要回poly，趕。
今天請假的原因，有大半是為了SD3980的，見了鵬，他好像不太清楚我們的事，我還以為跟去年一樣呢。
Lucid，是game engine，暑假最好學識用。
Lunch，是programme leader的professor Alex Wai請客，比較早到的，都坐在一檯，只有Pheona和敏華跟professor們坐。
我們這檯毫不客氣地點了很多食物，加上侍應偶爾上錯食物，使我們這邊看起來有很多東物，最後當然還是一掃而盡。
蝗蟲，太概另一檯的大人總會這樣想吧。
敏華說結帳看到我們這邊的價錢是另一檯的1.5倍，兩檯合計約1500元。
其實果日都無乜做過咩，做觀眾囉，唔覺得自己係helper。
冒著雨去了天地圖書，買了幾本書，好讓乘車時消磨時間。
趕回觀塘取回鄉卡，回家不久又出去了，爸爸這天早了放工，跟哥哥去食晚飯，提早慶祝哥哥生日。
回家，跟桌震MJ。
說了，總比沒說好吧，心情也許暢快點。
 |
483.錯覺 |
|
|
| 六月十五日 星期三 雷雨 | |
一起身online，WMF就同我講有好多mistakes，哎呀，sor。
ORZ
今朝唔使咁早返到公司，因為Amy話佢會買少少野先返。
九點二返到去，竟然無人，好似等左十幾分鐘，好熱呢。
十點幾收到Mackins電話，原來佢今日唔知醒呢。
今日上晝好乖，無打機，因為唔好意思俾人望住我打機。
勁睇兩份menu，雖然兩件野都無得試，但我覺得其中一件應該幾易用，另一件就難到爆。
晏晝勁速食晒，好似十幾分鐘咋，走果陣仲係一點二。
去左惠康買野，因為聽日要落site拜神，不過我聽日請假。
我發覺聽日唔係特登請假傾SD3980架，仲可以順便食埋free lunch添。
之後諗諗下有樣野可能都要請假做，就係拎回鄉卡喇。打開銀包一睇，正﹗又係聽日，it's destinated!
下晝繼續努力，不過唔掂「硬野」，係咁搵website template。
一邊搵，一邊畫，畫下畫下，又過左個幾鐘。
之但係今日都有蛇過既，Gary未返黎果陣睇左網球王子啦，今日先update架，有運﹗
又周圍睇新聞，睇diary，睇左一陣，Gary就返黎lu。
>同阿So傾左一陣，都唔算煲粥既。
我覺得佢講得好0岩，得閒上網睇下d free material，好多d野都唔錯架。
我尋日search左好多summer job，真係當你d人萬能架，唔知我第時會唔會咁叻呢？
尋晚家祈話阿榮GPA 3.92呀﹗真係呆左，佢仲要讀其他3字頭既course架喎。
唉，我果科3字頭既comp305得B咋，做野慢點都係蝕底既。
睇新聞，男子100米既新世界紀錄係9.77秒，嘩﹗
我要12.91秒就夠喇。
下晝有雷雨，好在放工前好似停左。
今日既日記係放工前打既，因為已經唔想做野喇。
原來係假既，放工超密雨﹗
返到屋企都濕晒。
睇左兩集半love hina，好似同漫畫有好大分別，抑或係我唔記得晒呢，唔理，照睇可也。
心事人人都有架啦，唔係架咩？
不過呢幾日真係好似休息唔夠囉，老豆見親我都問我係咪唔開心。我都唔知做乜會咁，唔夠訓……掛。
呢張相，好野，竟然擺左個靚pose。
估唔到0係最無精神既時候發現超白痴既錯誤，唉，咁耐都無人知，平時又會唔理既。
真係可憐，睇黎呢樣野同我都係可有可無架喇。
 |
482.呆子 |
|
|
| 六月十四日 星期二 陰 | |
今日既日記係0係公司打既，即係話我而家蛇王中……
今朝發左個夢，就係今日遲到，返到去已經見到老闆同Amy。
現實呢？就係0係北角等到第三架車先上到，仲要近門口。一個站之後，車門打開，係另一邊既車門，結果落唔到車，去到天后搭返炮台山，遲到十五分鐘囉，但其實好free既，老闆都唔係度。
今日Gary要出site，得返Amy同我，秘書位係間開既，所以平時得Gary見到我個mon，今日超free﹗
上晝玩左成個鐘「連環新接龍」，玩左七、八局終於贏到一局，哈哈，呢部機個record係七十幾敗。
開住ICQ都無問題，不過ICQ2GO睇唔到中文呢。
之後又做左一陣「正經野」，search下有咩summer job咁。
忍唔住去左kutar，本來係想玩劍道，發現有新game，梗係玩左先啦。
都ok好玩架，細Ter、家祈，得閒記住玩。
如果想難玩少少既，可以0禁住「R」之後先開始，kutar既game真係好多呢d野玩。
原來我既lunch hour係一點到兩點，不過好free既，通常早少少，因為遲少少就無位lu。
返到黎都幾積極做野，但唔係搞果兩件「硬野」，search下有咩圖0岩公司用。
四點半已經開始hea，開返ICQ，因為之前Gary返過黎一陣又出左去。
好大雨，放工之前停就好，好想停。
唉，開住ICQ都無人發覺我係「蛇緊」，其實開唔開都係一樣架0者。
最近都係囉囉攣咁，唔明囉，係囉，就係咁囉，好白痴囉，我好蠢囉。
我今日既表現咪係「典型冗員」囉，返工等放工，office hour做自己野多過公司野。
我要開始跑喇∼∼∼﹗
夜晚同桌震打網球王子Smash Hit 2，雙打對電腦，越玩越多挫敗感。
蛇球唔係正常人應該接到架。
 |
481.上班去 |
|
|
| 六月十三日 星期一 微雨 | |
一早起身，好唔慣，好似返中學咁，七點半起身。
九點鬆d返到公司先見Amy開門，Gary九點半前返。
今日對住兩件nokia既產品，搞唔掂，好憎nokia。
六點先走人，好過OT既。
其實都幾悶，Amy同Gary都已經做人父母，話題唔多。
唔知返唔返到一個月呢？
 |
480.吃喝玩樂 |
|
|
| 六月十二日 星期日 晴 | |
收到Mackins的電話才醒來，他到了我家只跟他的notebook交換file。
轉眼又過了一小時，黃sir已經到達樓下。
好黑，比「灰」還嚴重。哈，我鍾意。
去左尖沙咀食buffet，食左兩個鐘，甜品呀，如果今朝唔食早餐我一定會食多一倍甜品架。
話咁快就到左Mackins屋企，三雙呀，左慈。式神，終於可以用free play屈贏final boss。VT，大混戰。
晚飯之後鋤D，隻D梗係0係志豪度啦。
肥田一開始就連贏，我同Mackins車輪戰都追唔返。
玩玩下有人話轉nicam，日文好聽喎，竟然聽到木村叫竹內結子做「Aki」，嘩，以為自己聽錯，點知係真既。
「亞樹」又係Aki，「明希」又係Aki，日文真係學極都唔會記得架。
好彩我唔係考試前睇「亞紀」咋，如果唔係都唔知會唔會訓唔著，集中唔到精神溫書。
聽日就返工喇。
 |
479.我也很想她 |
|
|
| 六月十一日 星期六 晴 | |
端午節，已經變成放假日，完全沒意識想看龍舟競渡。
下午補習，相信是最後一堂，小朋友很聽話。
回觀塘和爸爸食點東西，等哥哥放工。
在觀廣和地鐵站遇見Pauline。
一起去接公公，等細科乎來了，就出發去酒樓。
今天這頓飯是端午節+父親節的，而且飯也變成粽了。
夜晚在newsgroup和菜蟲討論「喊愛」的問題，兩點才睡。
原來孫燕姿的「我也很想他」是「喊愛」電影的台灣版主題曲，很想看電影版呢，甚至開始想看小說了。
 |
478.沒有亞紀的日子 |
|
|
| 六月十日 星期五 晴 | |
昨晚打了日記，繼續看碟，不知不覺看到三時，剩下第十回和最終回而已。
心情固然沉重，但結局應該留待充滿精神的時候欣賞，嘿，欣賞嗎？好像不是。或者是迎接最失望的結局。
又是三時半才睡。
八時起來，當然是校鬧鐘醒的。
甚麼也沒有做，就繼續看結局了。
我不知道這是不是最好的結局，但我知道現在「白血病的特效藥」還沒問世。
離開了終究是離開了，亞紀還是沒法到烏魯魯。
如果我無記錯，塑太郎好像還沒對亞紀說過「我喜歡你」。
我也想亞紀和我下蘋果棋。
烏魯魯，love hina的一伙人好像也去過，原來我一早知道這個「世界中心」的存在。
浦島景太郎和成瀨川奈留幸福得多呢，結婚收場。
我覺得塑太郎的名信片比死亡筆記還強，隨便寫寫，亞紀真的患病，唉。
但為甚麼那時亞紀的反應會那麼大呢，她還沒察覺到身體的毛病吧。
「炸可樂餅」是甚麼呢，真的好好吃嗎？
-----------------------------------
「我遇見了世界上最美麗的女孩
聽見了世上最美妙的心跳聲
在這世界上
能擁抱自己身心的人
在那懷中才能感受到無比溫暖
正因為如此，失去心愛的人才會痛苦啊
不過，這是為什麼呢？
為什麼會這麼痛苦呢？」
為什麼會這麼痛苦呢？
-----------------------------------
老師：
「已經17年啊﹗」
松本：
「是才17年而已...
我還有好多的17年，
我還要在幾萬個夜裡流著眼淚渡過...」
似曾相識的感覺，黑壓壓的絕望感覺。
-----------------------------------
看了碟，拖著沉重的身軀回poly。
家祈最後無入「青雲教」，但係我入左「亞紀教」。
頭痛，最近太晚才睡。
lunch後，還沒確定project的題目。
EIE機械車比賽，Benana係咁串Alex Wai，家祈即刻好激動。
比賽尚算刺激，如果我都有得玩就好lu。
最後Silvia抽到1GB既USB FlashDisk，好羨慕呀，我都話係2號車架啦。
之後去世貿join Mackins同佢同學Gary，玩下Biohazard、虧既搖鼓機、鬥弱既VT，發覺最好玩都係World Combat，因為Mackins會提我避子彈，除左「推掌」，唉，又中﹗今次仲俾Mackins殺埋final boss，做埋leader。
返屋企七點幾，第一時間check email，已經知道result喇，即刻搵Mackins陪我，好驚死呀。
慢慢拉落去，第一科就係prob. & stat.，嘩，B+，死左test仲救得返，Mackins話我「七成」既理論得喎。7題 x 70% = 4.9題，7揀5，哈﹗
之後更驚，中文。嘩，B，最易死果兩科都無事。
到comp305，即係豪左10分huffman code果科，B左，我覺得自己好豪邁。
跟住係EIE，又B，雖然想個grade高d，但係而唔使肥已經好開心。
爭d唔記得仲有MIC，嘩，B+﹗最無可能A果兩科既成績竟然係最好既，WTH。
3.2，終於過3。Mackins你都要勁過呀。
同杜偉東傾電話，佢買左架二手Lancer，即時想起「帝皇隊」，陳小春做既「須藤京一」。
佢拍拖喇，菜蟲應該學下野啦，不過我都好羨慕你地。
今晚早左，兩點訓覺。
 |
477.錐心之苦•鑽骨之痛 |
|
|
| 六月九日 星期四 微雨 | |
朝早繼續過file既工作。
中午出去剪髮，太長，受不了。
剪好回家時竟然下雨，買了午餐後勉強跑回家，不致淋得很濕。
回家繼續睇碟，睇左第八集喇。
「所謂的失去代表著另一種獲得」亞紀是這麼說的。
「雖然沒有黑夜是
永遠無法迎接晨曦的
但只要不醒過來
早晨也不會來臨了
就算醒來了
也有不會天亮的夜晚」
睇完真係好灰。
出去尖咀同Pursy姐慶祝生日，搭1A，ok慢，早知落咁細雨搭地鐵好過。
其實Pursy細過我，可以唔叫佢做Pursy姐，叫到老晒。
其實原本補祝Yammie生日架，但係佢好似俾人激嬲左，結果無黎。
食左野去睇「史密夫決戰史密妻」，ok既，唔會悶死，但係無想像中咁好睇。
散場之後大家都各自返歸，除左我想去「新港」探搖鼓機。
阿嘈話又想打機，叫埋家祈，最後好眼訓既敏華都唯有一齊。
嘩，「Thrill Drive 3」呀，但我地玩左2咋。
玩左一次nornal同一次hard，normal簽左第七，唔記得邊個mode有我同Mackins個簽名lu。
好似係第一次「Ghost Squad」，同家祈都玩到stage 3架。
Wartran就慘d，太aggressive，ICBM未出場就死左，stage 2咋。
去年今日，「去了高登買新機，逛了很多店舖，終於砌了新機。
……和爸爸晚飯回家後，收到mackins的電話，原來mackins和桌震陪我逛高登後，去打籃球時弄傷了，竟然要留院觀察，看來傷勢不輕。
最初醫生懷疑他的右手韌帶斷了，還要開刀呢，最後知道他沒有大礙，總算放心一點。」
早幾天Mackins問起桌震的舊患，我才想起原來又一年了，桌震要小心身體呢，打波時別太逞強。
一年後，又砌新機，又是那部機的問題，但這次救不了。
 |
476.中毒了 |
|
|
| 六月八日 星期三 晴 | |
尋晚唔知係玩三雙太刺激，定係飛滋太痛，抑或腳爭甩皮太痛（見工著左對好窄既鞋），兩點半碌到三點半先訓著。
朝早補習，溫「人文學科」，其實只係背問答，我又唔知咩要背，咩重要，齋背。
買外賣返屋企，睇住碟黎食，食得特別慢。
睇晒第三、四集，有少少唔開心添。
開始動手換電腦，四點幾搞到六點，網都未上到。
又一次嘗試將兩部電腦連接，失敗，結果連上網都有問題。
重灌Windows，頹。
「夏之日，冬之夜，百歲之後，歸于其居。」
 |
475.舉棋不定 |
|
|
| 六月七日 星期二 有雨 | |
朝早八半打到十一半，done。
原來打左8,600字，但係我估要打九折，因為有底線、題號等等。
忍唔住睇左十五分鐘「在世界中心呼喚愛」。
三點去interview，好緊張。
結果係出人意表既，係一次好古怪既見工經驗。
對自己無信心，所以唔敢爭取掛。
雖然係搵到野做，但應該算係騎牛搵馬，我會繼續努力邊做邊搵既。
機會係唔會等人既。
返到屋企，繼續「亞紀」，睇到第三集。
之後落街拎桌震隻window XP，之後返屋企同佢一齊打「式神」、「怒首領蜂」，最後係咁「VT」。
今次我用卡仔，結果發現norman同henman真係先天不足，對住卡仔真係輸定一半，所以上次我同Mackins輸得好慘。
桌震真係一個好好既練習對手﹗
 |
474.密 |
|
|
| 六月六日 星期一 晴 | |
朝早繼續打。
補習，等待奇蹟。
返poly聽MIC307既野，MIC307即係SD3980，原來MIC年頭變左SD其中一個department。
Year 3都唔知揀邊個stream好，下個sem又唔知個project做乜好。
呢個sem既result又唔知點，應該呢個星期會知掛。
仲有兩年就可能要出黎做野，有得揀既話，下年好唔好做「三文治」呢？
跟住上三個鐘頭，好悶，決定下堂唔上。
突然收到Mackins來電，聽日去interview。
突然黎既野都好多，有好有壞。
健康無價，祝大家身心康泰。
原來呢個星期都有野做，應該無一日係可以一次過煲晒d碟既。
 |
473.人肉OCR |
|
|
| 六月五日 星期日 有雨 | |
尋晚應承幫Wong Sir做打手，如果我係志豪、雷傑揚、唔講或者細Ter其中一個，都應該可以一日搞掂。
晏晝出去換新機，舊電腦問題多多，三番四次救治，延長了一年生命。
新機，放在家中，回家前才想起沒有Windows碟。
整晚在打字，開始麻木。
多謝菜蟲燒左「在世界中心呼喚愛」既TV版俾我。
其實有衝動想煲晒d碟，可惜。
 |
472.邁向破滅的輪舞曲 |
|
|
| 六月四日 星期六 大雨 | |
朝早三雙，人都醒神d。
差不多到了補習的時間，下雨天，行得特別慢，連午餐時間也沒有。
補習，萬丈高樓從地起，但小朋友不太相信。
星期一考中文，星期二考數學，可能連臨急抱佛腳的心態也欠奉。
入沙田join Mackins，坐上OutRun的戰車，感覺暢快。
卡菲尼哥夫，全面壓迫，攻守得宜，無論那一方面也好像找不到破綻，異常穩定的打法。
我被徹底擊敗了，很不開心，不忿。
連沙田也沒有搖鼓玩了。
和Mackins、桌震和阿菜坐89回九龍灣，準時到達「漁米之鄉」。
甫進酒樓，黃sir像鬼魅般閃身出現在我們面前。
錦洪、菜蟲、智智、梁文健、渣偉、雷傑揚、莫男、肥田、Chapce同Zoe到齊之後開始瘋狂「柯打」，隔離檯既Chapce無間落食物，最後當然係nor啦。
九點之後志豪同阿希都黎埋，「七十二」不斷成為焦點。
菜蟲同錦洪係咁劈酒，我飲一罐已經唔想再飲，又係成面紅晒，我真係唔識欣賞「酒」呢樣野。
返屋企，落貓落狗，慶幸帶了一柄大傘子。
嗯，一星期打了兩次羽毛球，兩次網球，兩次壁球。
第一次打羽毛球撞淤了左右膝蓋，第一次打壁球撞淤了右手爭和右肩，缺乏技術的結果，要進步。
「試問誰可，潔白無比？」
 |
471.床呀 |
|
|
| 六月三日 星期五 有雨 | |
七點Mackins黎個morning call，原來Gary話唔打網波，咁咪取消囉。
繼續訓，差d訓唔著，之後九點半都係閂左個電話繼續訓。
發左個怪夢，係Mackins、Chapce陪我去餅店買野，跟住行康寧道返屋企。
行到半路，「扎」醒了。十點左右，哎呀，極速梳洗之後返觀中。
十點八出門口，都係慢過Mackins少少咋。
lunch係Mackins請既，多謝﹗
兩點開校友會，好快又開到四點半。
之後取消補習，一來支力，二來太趕，三來自己懶，好，就咁取消左。
同Miss Chiu、Mackins食左少少野，又要返poly上堂。
今日做texture mapping幾好玩，但係好煩架。
做做下部機又死左，無情情閂左個3D Studio Max 7，又食白果。
夜晚同桌震、志豪、錦洪玩十三張，係咁輸，個個都有「紅不讓」，好蝕呀﹗
係咁爆粗之後電腦可能驚左我，終於俾返局紅不讓我，但都係蝕囉，得36。
「是我嗎？What will I be?」
 |
470.運動，4combos |
|
|
| 六月二日 星期四 晴 | |
星期一•••網球
星期二•••網球
星期三•••壁球
星期四•••壁球+羽毛球
差不多所有racket game都玩齊，只差乒乓球，還有其他的話請告訴我。
今天Mackins考最後一科，相約十二點在瑞和街體育館打壁球，結果桌震和菜蟲都敗在他手上。
起身整早餐，又忙著收拾和打掃，十二點半才到球場。
和他們比賽，都是輸多贏少，只怪體力不足所致，想得到卻做不到。
打到一點半，Mackins提議打羽毛球，桌震和議。
兩點至三點又是比賽，很暢快。
想不到會在球場遇到李奇和YoYo。
去了Pizza Hut食晏，大家在討論「觀賞」和「自用」的問題。
一行四人上了我家，開始三雙的戰鬥，有人自稱只輸了4次，又說自己沒有「訓著」，只是「恰下」。
在APM食晚飯，我突然想到down grade的必殺技。
去了LG，又一次證明拉夫達是最強的。
玩了Time Crisis 2，好像比八年前強得多呢，還是，今天冷靜了？
「還是別想太多」
 |
469.握著球拍的生活 |
|
|
| 六月一日 星期三 晴 | |
起身打「鐵拳5」，玩arcade mode，對住所謂player，依然連勝5x場﹗
只怪電腦防守太千篇一律，不同的，只有攻擊習慣變得像player。
申請回鄉證，$360，影印身份證和舊回鄉證，每張$2，印兩份，兩張紙，都係當四張，收$8……好野﹗
入到寶琳食左lunch，去打壁球，好好玩，因為四個人實力相約。
之後返poly，桌震同志豪上左Mackins屋企。桌震check result，恭喜，下個sem要博盡﹗
返去briefing，跟住都係食埋晚飯，幾好胃口。
六半到九半，上MIC搞既summer course，Game model design (low polygon count & texture mapping)，基本上教既野比之前上堂學既3D Studio Max學多深入d。
最討厭既係，隔離有個幾勁既人，係咁自言自語，佢同個fd講，上完可以再上喎。
臨落堂果陣，佢大聲到我聽到佢講緊乜，「哎呀﹗Hang機呀？你唔係唔Hang得，但係唔好hold住我d野呀？哦，唔係hang，我太緊張喇。」
……
我想死。
 |
468.多好 |
|
|
| 五月三十一日 星期二 晴 | |
今日十點幾先起身，其實唔願起身架，但無理由浪費上晝架。
諗住叫菜蟲上黎打機，估唔到佢約左同學lunch，跟住桌震又約Mackins同我去打網球。
出去拎證件相，諗住交埋份form，先知無帶。
去左M記，買左個包同芒果新地脆筒，好似朱古力好似d，一來今日杯雪糕融得超快，滴到成手都係，好狼狽。其次係層芒果好薄，無咁滋味囉。
可能會再買多次，因為鍾意芒果，好似細細個食「鳳仙」咁。
以前讀小學四年班，星期六學口風琴之後，都會扭計買雪糕，紅豆、綠豆、紅綠燈，仲有媽咪都鍾意食既「鳳仙」，其餘就無印象喇。
趕上98A，準時三點正到達寶翠公園，竟然我最早到。
做做下熱身連講左要遲少少既錦洪都黎埋，桌震之後先到，原來佢有正經事辦。
今日本來差唔多recover晒，估唔到下晝會咁曬，同尋日係兩回事。
表現都係麻麻，亦都無乜走動，連波都唔多願執呀。
招呼左Eric之後趕黎既Mackins終於0係四點四十五分左右到達，即刻打比賽。
桌震Mackins一隊，錦洪同我一隊，錦洪發球局，刁左四五次，一比零。
跟住桌震俾我地破左發球局，就輪到我發球。
嘩，估唔到我同錦洪桌震比賽果陣既發球成功率高過練習咁多。
三比零之後到Mackins，一黎就比賽，波都無乜掂過，仲未係狀態呢，結果四比零，錦洪同我贏左。
得返幾分鐘，繼續打。兩個鐘係咁曬，真係幾甘。
打得興起，好在桌震之前book唔到比賽場都book返個練習場0者，四個人對住塊牆出力打，兩個人一個波都唔多妥，一齊力原來係王道。
不過練習場，睇黎都係逃唔過執波既命運，但係估唔到Mackins會執到兩個波，好似「金斧頭」既故事咁。
跟住打打下，錦洪執波果陣，桌震又打出去，之後又到我，真係想大叫「幫我執埋」，可惜佢地好快返左黎。
之後一見到個波好似想飛街就嗌「斧頭」，大家打「斧頭」打得好開心呢﹗
其實squash即係「軟式牆網球」或者係「單打式牆網球」0者，桌震一定好快學識既。
打左半個鐘我趕住走，補習，今日唔想遲，結果都係遲左五分鐘。
細路今日都幾乖，肯聽我教，我都唔介意留多十幾分鐘繼續教佢，希望佢吸收到，同埋聽日測驗識做啦。佢下個禮拜考試喇。
返屋企，發現手臂有紅點，原來心口都有好多，好驚呀，好在而家退左好多喇。
今日曬黑左，右手好明顯有護腕印，反而左手就唔覺有錶印。
同志豪講電話，又諗起梁sir既「Ok? Ok?」（個音係「熬企熬企」）
我記得，可能只因為記低左。
唔記低，又係一樣唔記得0者。
尋晚食果間叫「多好」，其實又唔係好好。
活著多好，常在我心。
「always on my mind ......」
 |
467.妥 |
|
|
| 五月三十日 星期一 陰 | |
今朝俾Mackins嘈醒，至少佢認為係咁。
好在俾佢嘈醒，食得早餐黎，又差唔多出去。
今朝整早餐，翻熱d粽果陣竟然燒乾水，諗住廿分鐘0岩0岩好，仲要已經中途轉細火，點知係0岩0岩好乾水，「省」鑊「省」到手軟……
諗住約埋志豪打波，點知撞左就職典禮，唯有下次，打壁球喎，一次過約晒，想打搵我。菜蟲又約左Miss Chiu，錦洪又要做「據點兵長」，得返桌震、Mackins同我。
十二點前出去，上志豪屋企拎返袋past paper，順便麻煩佢幫我check下locker有乜剩餘物資。
同佢落大家樂食lunch，哈哈，上次一齊食果陣仲未搬，我都話一定有機會一齊0係大家樂食lunch架啦。
之後返舊居拎信，落返觀塘，影證件相，拎回鄉卡申請表，過數。
差d唔記得密碼。
返屋企又打電話問過電腦維修公司既收費，仲有幾日時間考慮。
兩點半喇，夠鐘出去打網球，完成咁多個tasks之後去玩，開心。
老地方，打左兩個鐘，未有十足狀態，但係應付「發球練習」已經卓卓有餘，不過進度停滯不前，應歸咎於方法錯誤，擊球點太前、太低了。
下次要改善。
休息了一會，又買野飲又食荔枝味雪糕，mackins話桌震揀緊野飲果陣彈左句「個樣好吸引」，之後個女學生轉頭對住佢笑，事後佢話自己講緊支「Hello Kitty」野飲喎。
臨走有微雨，結果遲了十多分鐘才開始補習。
補習，又係「乜都唔識」，「全部唔明」，「好難」，「唔想做」。
聽日繼續。
荷里活，杯七喜唔夠向心力，飛街，墮地。
VT，超悶。
我絕對同意「我『反噴煙』，但堅決維護『專噴煙』的你，有說歪理，講謬論的權利。」
「我想試0下。」
 |
466.寶物 |
|
|
| 五月二十九日 星期日 陰 | |
成個月都唔記得轉「雙月曆」，仲係對住3,4月既「龍馬」，早幾日先識換畫，唔緊要，仲可以對多一個月。
原來月曆都有十二日唔記得「劃」，好一個MIC project﹗
又係早幾日前，諗住搵張證件相出黎申請回鄉卡，搵左好耐都搵唔到，唔知去左邊，反而搵左幾張未見過既相，都幾開心，得閒scan左佢先，但係scanner又虧既，睇黎要諗住其他辦法。
補習遲左半個鐘，其實係我以為補十二點半先0岩，期末考，盡力啦細路。
返屋企搞電腦，搞左成個幾鐘都搞唔掂，真係投降，搵人整唔掂就算喇。
繼續「The King of Iron Fist Tournament 5」，一個人玩乜都係悶悶地。
 |
465.寶劍贈美人 |
|
|
| 五月二十八日 星期六 陰 | |
起身仲係覺得好累，太耐無郁動過既結果。
食左晏返觀塘，之後又去LG，很悶的。
這次又是在我快要走的時候，出現實力不俗的挑戰者，跟以前的自己打法相似，感覺太有壓迫感。
輸左，還是要走。有點血脈沸騰的感覺，想起早上的Devil Jin，哈哈，再留在那裡應該會長出一對角呢。
說起LG，其實今天有點可怕，因為有十多個穿著紅色T恤的人，看來很正經的，聽到他們有朋友被人打，於是立即出去幫忙。
幾分鐘之後又若無其事地回來，繼續打機。
之後左邊一機之隔的King of Figther XX，有兩個細路（肯定比我細），一個在打，一個在看，其中一個輸了，於是換人。
不久那個人竟然將整部機推前一、兩尺，又大叫大嚷，還不只一次，真不明白對面坐的是甚麼人，竟然那麼忍讓。
回家繼續長跑，仲加埋錦洪既'Wong Man Fai'，真係好正，係咁「大風吹」。
填好資料submit，個IE又死，上次「魔塔」玩到一半，幾個鐘既努力化為烏有先慘，今次算啦。
令人牽腸掛肚。
麥堅語錄之一︰「寶劍贈美人」
 |
464.很羨慕 |
|
|
| 五月二十七日 星期五 大雨 | |
原本準備與Mackins、桌震共晉早餐的，但我卻在九點左右，收到Mackins來電才起床，於是自己食過早餐才去瑞和街體育館。
等到志豪出現，就開始了約兩小時的比賽，四人不斷換拍檔，不知打了多少場，只知打得很暢快。
打了一會竟然「起水泡」，桌震跟我交換球拍，之後水泡沒有變大，真好。
原來我用的是Mackins細佬的球拍，幾百蚊架，超輕，果然正野﹗
離開時下著大雨，我和桌震小心翼翼走去等巴士，志豪和Mackins去食lunch。
回到順利村，在「金伯爵」收到阿君的電話，她也在金伯爵，我們相距不足10米，哈，她坐在我前方，隔著一張桌子。
她今早也打羽毛球，但在順利村體育館呢，真巧。
看到阿菜的澳洲旅行照，很羨慕。
阿菜返lab做自己鍾意做既野，很羨慕。
智智去英國三個月，雖然係返工，很羨慕。
Pauline去左上海一年，小斯妹又要去上海，很羨慕。
菜蟲去左美國一年，返到黎又要返工，很羨慕。
Chapce又intern一年，很羨慕。
錦洪、雷傑揚、Mackins又有summer intern，很羨慕。
很羨慕很羨慕很羨慕很羨慕很羨慕很羨慕很羨慕很羨慕很羨慕很羨慕……
飲茶之後返觀中，幫Miss Chiu做好個formula，諗住睇下個識唔識用個軟件轉mp3，睇黎都係等Mackins考晒試啦。
桌震終於見左Miss Yuen，無俾人鬧，唔使做「衰人」。
同桌震上左志豪屋企，今日錦洪考晒試，打左幾舖winning。
返屋企果陣仲大雨，返到屋企先記得放低左疊past paper，過幾日又要上樂華。
不過就算記得都差唔多，因為超大雨，實顧唔掂疊重要既past paper，唔濕就奇。
開始三個Ancient Barbarians長跑既傳說，我係Frenzy Bar，唔知應該叫'Madawc the Guadian'，'Telic the Defender'定係'Korlic the Protecter'呢？
 |
463.萬試萬靈 |
|
|
| 五月二十六日 星期四 雨 | |
訓左七個鐘，本來校左十二點響電話，閂左之後訓到一點醒，又訓到兩點。
同桌震打鐵拳5，最大既阻力竟然出現係「凌曉雨」身上，打到無晒mood。
食完辣野，最後都係受唔住。
麻煩的不是問題，是自己。
:: MIC project -- Little Shooter screen shot ::
 |
 |
 |
 |
 |
 |
 |
 |
 |
462.舊記憶 |
|
|
| 五月二十五日 星期三 雨 | |
三點訓，八點起身，訓左五個鐘。
十點出門口，十點九先返到MIC lab。
present之前睇住阿So玩AOC，很有效率既快攻。
present都唔覺有咩特別，Clifford仲要自己講我地隻老鼠似貓，係囉，我都想知﹗
哈哈，我自己畫果幾罐可樂仲靚﹗
差唔多present完已經見到d人起晒身，準備食lunch，Clifford又無問題問我地，一個hea字，完全無present既壓力。
去左都會食lunch，我覺得肚餓，但又食唔晒d野，呢排都係兩點幾三點先食lunch，今日竟然正常返，係一點。
我諗我要適應返「正常生活」，如果唔係唔頂得幾耐。
lunch之後跟家祈返hall燒碟交俾Clifford，返到去lab等左一陣就同阿So打AOC，阿So同Alex一team，我同細Ter家祈一team。
起初仲有機會阻止佢快攻，可惜後勁不繼，加上Alex俾左阿嘈玩，戰局更混亂，本來剩係阿So打我地，而家變左真係二打三。
我諗練多幾個月先可以單挑，不過真係好正，因為而家乜都唔使理。
今日阿So佢地果組好慘，本來係第二組，九點幾十點present，但係有事未present得，結果變成最後一組。
諗住等埋阿So之後一齊睇星戰3，原來係唔睇既。細Ter未睇晒星戰1+2定係1+2+4+5+6，又無錢，所以決定唔睇。
八點幾同家祈、Alex、George、阿靜、Jessica、敏華食飯，元氣等咁多個位應該有排，結果去左「大皇拉麵小籠包」。
味道ok，但係小籠包未夾就穿左囉。
跟住大家分道揚鑣，George睇左兩次，免費果然係屈既。阿靜同Jessica都係返歸。
我地去到朗豪坊，買得四張飛，因為仲爭阿嘈未黎，之後佢地好醒目咁上樓上再買多張。
等阿嘈到左，買左朱古力爆谷share，上次佢地Ariel未開場就食左一半，我地今次都不遑多讓，食左三分一。
其實對星戰1,2已經無乜印象，都係聽返家祈講先知咩事。
套戲都幾好睇，如果你係Anakin，你又會點做？可能我都會係咁。
之不過我始終認為睇既sequence應該係4,5,6,1,2,3,4,5,6。
睇左4,5,6，應該會超想睇1,2,3，跟住再睇返4,5,6，因為順住劇情睇先好feel。
九點八睇到十二點二。
Alex趕搭火車走先，我都諗住返屋企沖涼先上志豪屋企，最後決定一齊hea多陣。
去左食糖水，四個人吹糖水，又俾冷氣吹到凍，又要食刨冰、西米露。
跟住傾傾下計發現左我地班既好多秘密，仲得人驚過恐怖怪談。
一點半走，竟然落雨，好在唔大。
搭小巴返觀塘，已經兩點。以為會經樂華，但諗諗下應該係去秀茂坪先經，之前又唔見去秀茂坪既小巴，決定行上樂華。
兩點幾去到志豪屋企，搬左咁耐都未返過樂華，感覺幾奇怪。
志豪仲搞緊佢個mastermind，以為佢present左添。
嘩，一開波就輸一笠。睇完上半場大家都相信場波放左入雪櫃，三隻光蛋，搵咩去追？
下半場開始眼訓，但係估唔到利物浦六分鐘入三笠，波係圓既。
感覺好似九九年曼聯補時入兩笠返勝拜仁一樣，果年曼聯係「三冠王」，同阿哥一齊睇到好肉緊，好鬼開心。
之後繼續眼訓，恰一下仲係三比三，恰到加時仲係咁，踢十二碼先精神返少少。
哈，最後真係利物浦贏，AC米蘭輸得好慘。
Chapce一定開心死。
六點幾返到屋企，沖埋涼七點先訓。
 |
461.突然遺失 |
|
|
| 五月二十四日 星期二 雨 | |
原來尋晚（廿三號凌晨）玩既記錄無晒，即係我練習打低normal既Jinpachi六、七次，Jin pa chi﹗
點解default唔係auto save架，Namco﹗你玩我﹗
今日MIC六點前總算搞晒，之後又話present前仲改得。
都無晒動力去做lu，如果動力既half-life係一日，
咁我一個月前有1000%，
一日之後得返500%，
二日得250%，
三日後得125%，
︰
︰
︰
三十日後就得返9.313225746 x 10-7%喇……哈哈哈，白痴啊。
唔係自己想做既事，即係永遠都做唔到既事。
運籌帷幄固然係理想，不然擁有扭轉乾坤既實力亦唔錯，再不濟的也應該有神跡般的運氣。
這是甚麼？應該是「主角」，最令人投入的主角，就好像今天的「遊憩」。
又係兩點幾先訓，因為開始慣左，犯賤。
@_@_@_@_@_@_@_@_@_@
可惜他有女朋友 周麗淇
作曲、編曲、監製：方樹樑＠好人有限 填詞：黃偉文
可惜他有愛侶 還可怎麼爭取
投契極 得不到世人的允許
常常望著 別人幸福 令我更唏噓
難道世界上美男 全部被捕
漏網的跑到哪裡 男生稍一可取
全已是 某君的夫婿或愛侶
仍然像我的 未嫁的 又愛得起誰
唯一 符合理想的得七歲
 |
460.我意識 |
|
|
| 五月二十三日 星期一 陽光普照 | |
今日好似無做過乜咩，淨係對住個stage3，白痴的，又畫下圖，又對下位，之後張個background拉大縮細咁，都已經浪費唔少時間。
今日最開心係自己畫公仔，加落個雪櫃度。
如果隻game既enemy好似呢張奈留既表情咁正就好lu。
下晝食左野返黎先開始做program既野，都唔明點解搞唔掂個clipper既，我就黎想死。
乜都係聽晚六點dead。
暑假，唔知會唔會俾我搵到野做呢？
兩年之後又會點呢？
太遠喇，兩日之後係點都唔知……
@_@_@_@_@_@_@_@_@_@
好小孩的日記 范曉萱
詞：邱芷玲 曲：原田末秋
長水痘 出麻疹 我最怕打針
牙齒痛 近視眼 都要看醫生
媽媽說 要聽話 老師說注意健康
如果能 不會生病那有多好
 |
459.惡頂 |
|
|
| 五月二十二日 星期日 陽光普照 | |
最近掛住做project，搞到食無定時，夜訓，加上長期缺乏運動，我覺得自己潺左好多。
又瘦，又易唔舒服，雖然唔係成日病，但係都幾難頂。
爸爸訓得仲少過我，你話佢點頂？
晏晝返poly食飯，諗住食飯之後同細ter、家祈一齊做MIC，點知個lab既電腦compile唔到改左既code，咁唯有去hall做啦。
返到屋企，又有少少唔舒服。
我覺得星期三之後既生活應該改變下，做返運動，休息多d喇，當然要玩啦。
 |
458.如意 |
|
|
| 五月二十一日 星期六 大雨 | |
尋晚黃雨，今朝俾樓上既喇叭嘈醒，又聽到好似幾大雨。
臨起身夢見自己唔知遲左考試定present，遲既原因係sm lau遲黎，佢要搞掂小狼佢地既present先黎。
好在起身已經無乜雨，尋晚好驚今日唔使考試，都係快快趣趣過左佢算。
考試都算順利，兩日前我諗過會唔會有一半唔識做，原來溫左都好有用，及格應該唔難。
成堆人去左都會食，但唔係food court，係仙[足宗]林，吹左陣水，因為野食好耐都未黎。
返到觀塘又探探LG，今日果個人好勁，互有勝負，事實上我今日表現係差過佢既。
俾左盒正版碟小狼，佢又要做project，又係星期三交，就係我今朝發果個夢。
返到屋企終於可以休息下，無無聊聊咁去自己塊畫版畫公仔。
 |
457.等 vs 等 |
|
|
| 五月二十日 星期五 大雨 | |
今日好開心，返左觀中飲茶，不過要認真溫書，因為我唔係廿八號考試，係廿一號考。
/* 日記都係聽日補返啦。*/
/* 話咁快又過左一日 */
拿，其實我等今日都等左成個月，點解呢？
話說一個月前，有條蟲話佢一個月後返黎，仲話想俾意外驚喜大家咁話。
結果有兩個人決定約大家今日返觀中搵miss chiu飲茶。
成件事係一波三折既，菜蟲十八號夜晚先返黎，得十九號同二十號揀，本來好想十九號，因為自己廿一號考試。
點知mackins二十號考第一科，好啦，約miss chiu，原來十九號佢都要出去監考，唯有二十號啦。
其實問問下都好驚穿煲，因為無啦啦早成個月約miss chiu，又唔係咩特別日子，仲要係mackins考試果日，幾驚miss chiu會識穿呢。
之後為左掩飾真相，我仲講左個大話，就係同miss chiu、mackins講我廿八號先考試﹗
對唔住呀﹗
不過最估唔到既係，菜蟲話自己去旅行，因為大家都知佢五月中已經考晒試。
跟住仲搞笑，菜蟲開心得滯，話自己電話interview完，廿三號second in，哈哈，好在佢即時醒水，話又係電話in咋。
但係我就覺得好搞笑囉，次次都電話in，好似好假咁。
終於到左今日喇，大家都唔係個個得閒，好難先有機會聚一聚，我見到你地已經好開心。
好唔容易等到大家都到「金伯爵」，又俾電話miss chiu同菜蟲講，佢仲扮緊0係美國周圍去﹗﹗果陣我已經就快忍唔到笑喇。
拎左一輪點心，我就扮晒想拎「奶皇包」（我見唔到有囉，又講左個好白痴既大話），因為我已經見到菜蟲上左黎，我以為大家可能會睇到佢，但係佢掩面又遠，個個都傾緊計，得我同尋晚先知情既小斯妹發現佢。俾左張點心紙佢，我返埋位都忍唔住笑。
好喇，主角終於出場，佢突然出現0係酒樓，大家都好似無乜返應咁既……
跟住小狼同mackins都黎左，小狼當佢無到，mackins既反應大好多呢。
下晝兩堂0係project room傾計，得到菜蟲借出一盒「Visual Studio .NET 2002 Academic Version」，我亦交左隻mp3碟俾miss chiu，之後去左「幾好」食tea。
返到屋企都要認真溫數啦，之前已經爛左大半，唔想死囉。
唔知下一首「等」又係邊個唱架呢？
等 范曉萱 詞：林潤明 曲：小兵 ﹡等等等等等等等等等等等等等等 Repeat﹡﹡ |
等 陳百強 曲：陳百強 詞：鄭國江 等 寂莫到夜深 夜已靜荒涼 |
|
 |
456.峰迴路轉 |
|
|
| 五月十九日 星期四 大雨 | |
今日做project做左半日，之後開始溫返AMA，再唔溫實瓜柴。
Speaker又無事，可能之前只係條線鬆左。
聽日就係約定既日子，心情興奮。
睇黎好多人都唔得閒，真可惜。
不過好似又有轉機。
 |
455.繼續做 |
|
|
| 五月十八日 星期三 熱 | |
今朝又十點幾先起身，校左八點都係咁。
成日0係屋企做MIC，晏晝成四點幾先食。
肚痛，唔知食錯乜野。
 |
454.做 |
|
|
| 五月十七日 星期二 熱 | |
MIC project好似做極都做唔完咁，今日晏晝兩點幾自己煮麵食，究竟點樣可以煮得好食d？
對Speaker變單聲道，搞唔掂。
祝一路順風。
 |
453.可不可能•還我時遊 |
|
|
| 五月十六日 星期一 熱 | |
嘿，仙劍客棧有問題既客人好似經常唔一樣，玩殘了。
想relax下，點知又係要solve problem，sigh。
突然好想玩「仙劍奇俠傳三」+外傳，雖然好似同李逍遙或者趙靈兒無關。
無意中發現「美少女夢工場四」會出，太好喇，大家就快又可以做爸爸，今次養既女兒好似係魔族同人類既混血兒。
無記錯二代既女係神賜俾勇者，三代係一個想做人類既妖精，最好玩都係二代，因為細個好多時間慢慢玩，玩乜都咁好玩。
嘿，而家呢……
本來哥哥話我知Fiona 0係apm，真係想出去架，但係又未搞掂個project。
我唔係話要做晒成個project，但係至少俾我搞好個entity class先啦。
無奈，最後理智戰勝慾望（一d都唔強烈既慾望）。
今日做左成日都未搞掂，之後又俾「三國群英傳五」個「防拷系統」玩謝，總之就係一場歡喜一場空咯。
睇黎有排做……
書又未溫……
 |
452.披唇 |
|
|
| 五月十五日 星期日 熱 | |
最近好似無左解決問題既耐性，要警惕。
仙劍客棧既問題原來係客人，只要避免招呼某種客人就無事，呵呵，無問題係解決唔到既。
菜蟲0係newsgroup有正0野post出黎，我忍唔住要俾大家睇下。
首先係︰http://www.abcdefghijklmnopqrstuvwxyzabcdefghijklmnopqrstuvwxyzabcdefghijk.com/
我覺得個email address好0岩我，因為我好鍾意發顛，唱黎唱去都係幾句歌詞，沒完沒了咁loop呀loop呀loop呀loop呀loop呀loop呀……咁。
跟住係︰http://myweb.hinet.net/home5/kof3100/onepa.wmv
「俄國紅歌星」喎，我唔識架，覺得佢幾charming，至少唔會令我覺得討厭先囉。
最後係「香港曾變化地名」︰http://www.hk-place.com/view.php?id=113
最估唔到既係大嶼山，以前叫爛頭島，細個串英文字，諗極都唔明點解叫"Lantau Island"，終於知道喇。
之後又無意中見到唔講段CG movie，係關於FF既。
最初其實又係見到菜蟲個post，睇另一段片既，之後睇唔到，咪自己搵囉，最後一次過用flashget d/l晒落黎。
睇完第一個都ok，第二個估唔到係用返FF既音樂同戰鬥系統，我鍾意﹗
見到片尾有字幕，真係好快架，rewind左先知係唔講有份既，勁﹗
記得自己上完三堂3D Studio Max之後整既所謂logo，真係頹到爆晒，爆到渣都無得淨。
唉，乜都無得淨。
唔知幾時先做好MIC project呢？
 |
452.黑色星期五翌日 |
|
|
| 五月十四日 星期六 熱 | |
今日做乜都有阻滯，例如燒左隻The Sims 2之後玩唔到，玩唔到又分兩種情況，第一種係硬碟剩餘空間太少。好啦﹗我就乖乖地燒左四隻碟，留左3.5GB俾佢。
結果第二種情況出現，佢話我四隻碟都唔係隻game玩果隻喎，之前都話load到唔到位，而家連隻game都load唔到。
之後做project，又一邊download「三國群英傳V」，因為老豆好想玩，不過好慢。
開家祈send黎既file，想run個program又hang左幾次，都唔知搞乜鬼。
諗諗下都係燒多幾隻碟，等個harddisk多d位。
之後掃毒，結果又唔知話我可能有d壓縮檔太大，叫我清下喎，早幾日先清過，應該唔關事，但係諗住照試一次，結果「清理磁碟」計算可清理空間又用左最少十幾分鐘，都唔明點解咁慢。
食左飯之後玩左陣「仙劍客棧」，玩左一個月就hang，再試一次都係咁，激死我。
都係專心做「Little Shooter」好d，得返十幾日。
頂﹗同Mackins講講下電話見到隻「小強」，我有意識想打佢既時候佢已經走左入床底。
大約三小時之後，即係一點半左右，小「小強」俾我親手了結生命，lucky﹗我諗我有覺好訓。
 |
451.點解問點解 |
|
|
| 五月十三日 星期五 熱 | |
前兩日喪download mp3，真係喪架，搞到個harddisk無乜位剩，連燒碟都爭d唔夠位。
真係唔知Alcohol淨係燒image，試左幾次先搞掂，代價只係兩隻cdr。
大前日除左睇網球王子，仲見到安達充既新作「幸運四葉草」。
好耐之前電視播四葉草果陣無睇，之後無意中見到雜誌話四葉草同安達充n年前既作品「Touch」好似，例如女主角叫南南，又係講兩兄弟鍾意同一個女仔，大佬開頭唔另，細佬就好掂，最後大佬因為細佬既死而發奮。
睇到呢度已經覺得真係似到十足十，加上果排我又真係睇緊「Touch」，就更加清楚，所以果陣我好討厭梁芷珊。
我諗如果佢個「四葉草」而家先出，我實會以為佢抄埋幸運四葉草添呀，最搞笑既係「四葉草2」講葉家三姊妹，而「幸運四葉草」係「月島四姊妹」，分別係一葉、若葉、青葉、紅葉，而家先出第1話，睇黎有排連載。
估唔到SD果邊要我地今日交個game既資料，更估唔到阿Ann開既word file得一頁白紙，咁我地之前既proposal有冇問題架？
跟住出左去陪connie買野，但其實佢已經一早睇好左。
然好似個閒人咁，但事實又唔咁，因為今日履行左請佢上新屋既諾言。
 |
450.大雄•靜宜•叮噹 |
|
|
| 五月十二日 星期四 陰 | |
今日除左養魚仔，就係一邊對住個shooting game既program構思自己個project。
我發現極速賺錢方便係可以應該到adventure mode既，之不過養魚仔唔再係養魚仔，而係「電」魚仔囉。
咁又唔代表無難度架喎，到左第四個魚缸開始無得直接買魚仔，唔可以賺好多，不過依然可以電魚仔，快d儲夠本買大魚魚囉。
最開心係對final boss，今日試過save到13隻pets呀，之前都係1,2隻咋，yeah﹗
MIC都係未諗晒點做，我諗都係一邊做一邊諗啦。
今日唔使補習，因為小朋友又病左，好多時都見到病，又或者要食藥，希望佢少d病痛啦。
夜晚突然好想睇之前download左既叮噹結局，係animated gif黎既，第1睇到10，最後一張竟然瓜左，轉第三個畫面果陣停左﹗
跟住勁search都搵唔到呢個結局，淨係知道大雄係細過靜宜，「叮噹一族」（藤子•F•不二雄另一部作品的人物）其餘六個好搞笑，同埋三個真正由藤子•F•不二雄諗既結局，原來呢三個最後都係俾作者推翻，而我地經常睇到既都係同人創作既。
我想要大雄同靜宜結婚果個結局呀﹗俾返靜宜我呀﹗
 |
449.鬆0下 |
|
|
| 五月十一日 星期三 微雨 | |
準時到達試場，FJ303，地鐵對我真係好，唔遲唔早﹗
話就話free seating，但係入到去都無位俾我揀，得返最前果排。
兩個半鐘，唔多唔少，夠我答晒識唔同識既題目。
考晒試，成班人走去唱K，真係當正考晒試咁。
去到港晶neway，打算分兩間房，最後變成三間，4、5、6人房。
我果間房有家祈、細Ter、阿鏗老豆、阿榮同埋之後join既大Ter。
嘩，阿鏗阿榮同大Ter都幾唱得架喎。
唱完K諗住返poly搵AMA阿sir，點知都係唔見人，拎唔到quiz卷住。
如果CA真係肥左就樣衰喇，大吉利是。
返觀塘諗左一陣，雖然無帶遮，最後都決定去LG。
一入去就見到個Hass好野，仲唔鬥過咩，點知我個Norman放水放到nor左，0:1。
之後認真玩，1:0。
估唔到佢個Moya真係幾抽得，0:2。
我用Enqvist都靠得住，3:0。
佢個Haas好穩定，0:1，出最強既Rafter，7:0。
最後不分勝負，因為佢part我double，第三個stage就byebye。
十分滿足。
夜晚用涼瓜牛肉飯同一杯香芋珍珠奶茶醫肚，過得去啦。
養魚仔，買左件$50000既item。
 |
448.最可怕的敵人 |
|
|
| 五月十日 星期二 有雨 | |
最可怕的敵人，呵，不就是自己麼？
Nanaca-crash_v106出左喇，唔覺難玩左，仲俾我玩到九千幾m添，係都要話難既就可能係快左，同埋d人既bounding細左掛。
今天發現，而且實行了「Insaniquarium Deluxe」Time Trial既極速賺錢方法，就係爆魚。
暫時最快係十分鐘賺十一萬，話就話有十一萬，實際拎去virtual tank買野既，只係得返5% bonus，都有$5000架。
溫EIE220一陣就無心機，夜晚都係要認認真真咁溫一次。
睇左網球王子，第四球種回擊球好似好馬虎，無以前咁有氣勢。
一個人的雙打，很羨慕。
 |
447.錯誤 |
|
|
| 五月九日 星期一 大雨 | |
朝早起身溫書，下晝一出門口就落大雨，唔到五分鐘就淋濕半個身，有遮都無用。
諗住搭地鐵，因為驚巴士塞車，不過要得兩程路，乾返少少又濕過。見到poly都無塞車，有少少後悔無搭巴士。
今日考comp305，都唔係溫得好熟，因為GE都用左好多時間，其實份卷都幾易，衰在成題Huffman code唔識做，因為未睇過，之後睇返原來超易，一睇就明，唔知點解無溫到。
五點考完，同家祈一齊搵阿Ann同Clifford，講下MIC206同MIC307既野。
差唔多五點半，等埋阿鏗影印note，就搭巴士返屋企，點知過左紅隧一上天橋就塞，之後成半個鐘都未埋到下一個站，返到觀塘已經七點。
唉，乜都估到我咪神仙，算把啦。
今日估乜都錯既，我估你睇緊我日記……。
好混亂好混亂好混亂好混亂……
 |
446.壓力 |
|
|
| 五月八日 星期日 熱 | |
今日母親節，溫左半日書，就去左魚則魚涌食飯。
六點半到左，七點上菜，九點幾先走，因為上菜亂晒籠。
從華姨口中聽到表妹讀書太緊張，有時仲會讀到喊，話讀極都唔入腦，聽落都幾得人驚。
我叫佢唔使咁緊張，希望佢會聽入耳啦。
咁耐以黎讀到喊我淨係試過一次，就係chem會考之前，因為真係乜都唔識，唔知點溫好，都幾無助架。
不過表妹而家先中三就已經讀到喊，真係太誇張喇。佢又唔係考得差，但已經話唔想讀喇喎，可能佢覺得讀書唔知為乜啦，因為我又試過。
係呢？其實為乜呢？我到今日都未有答案。
表弟又話自己好大壓力，個個都話好大壓力，邊個無壓力丫？
 |
445.零藉口 |
|
|
| 五月七日 星期六 熱 | |
昨天的運動不知算不算太劇烈，有時強撐可能很危險的。
哈哈哈，今天除了溫書，還完成了很多很開心的事。
首先是（終於）做好GE essay，之後又看了（看了一半，但包括結局）「天下無賊」，又finish 「black pearl cluster」，開心到不得了。
乜都搞掂，唔可以唔集中溫書喇。
嗯，真係好想睇「在世界中心呼喚愛」。
好小心先玩到，下次應該會好好多。
其實得唔得真係唔知架，當得囉，總之有功課交就得啦。
 |
444.網球 |
|
|
| 五月六日 星期五 （局部地區）大雷雨 | |
下午一時左右去了寶翠公園，坐93A，又平又快，比乘地鐵方便得多，淨計車程只有十五分鐘。
和桌震、Mackins打網球，很久沒做運動，打了兩小時，很開心啊。
原打算加上志豪打羽毛球的，但他今天也是測驗，沒辦法呢。
打網球也相當高興呀，因為今天的表現比以前穩定，至少在第一個小時，加上集中精神的時候是這樣呢。
雖然反手抽擊仍未能好好掌握時間，但正手似乎出奇地得心應手，即使受到體力影響，後勁不繼，今天的經驗是極之值得參考的。
集中精神，看準球路，盡早拉拍，得左﹗
要做齊這丁點兒準備似乎不難，實踐起來卻花很多工夫，今天可能是開竅吧。
天氣熱，運動完都係無乜胃口。
今天除了打網球，最大的收穫莫過於GE essay，問了「chem后」阿蔡、桌震和Mackins關於二手煙的問題，加上chem書很合適的資料，好極。
此外，又試了幫三姨買的GBA Tetris，無問題。哈哈，當然也有打機啦，雖然只是街機模擬器，但雙打遊戲的娛樂性是非常高的。
看見Mackins和桌震積極地溫習，就覺得自己很懶呢，唔要dodge﹗要vigor，要concentration，要Berserk﹗
 |
443.L & Sith |
|
|
| 五月五日 星期四 有雨 | |
整天在做GE，不斷在想題目，想了很多，卻又不斷否決了。
最後還得依靠菜蟲的提議，哈哈，二手煙。
很想一次過看星球大戰一至六，雖然機會不大，但至少也想順序看一、二、四、五、六集。
最近跟星戰拉上關係的產品有可口可樂和M & M's，想想黑武士飲可樂、食M & M's就很有趣。
FF7都有個Sith，不過我唔鐘意。
補習，沒有補數，只是幫他溫了中史和科學，還有閒聊﹗
回家沒有做GE，維持在五百字左右，又玩了MSN的Hexic和桌震send來的「Hexic Deluxe」。
六、七個「flower」也沒用，一不小心又會被自己消除，不如快快變成「black pearl」。
記得以前玩得最好也只完成了一、兩個「black pearl」，將三個拼在一起簡直是不可能的，但想深一層其實是自己太大意罷。
哼，終有一天我會擊破你的。
最後愛上了類似「L」（看過Death note就知道誰是L）的坐姿，可能是想GE想得太悶呢。
 |
442.The case of the Silver Earring |
|
|
| 五月四日 星期三 熱 | |
今日做完大偵探，又繼續做GE。
夜晚還是沒心情，去了popcap玩「鍊金」，終於實行了以前想好的方法，多熬兩三局，但已經是大突破。
如果正事也是這麼簡單就好了。
福爾摩斯
倫敦貝克街221b
 |
441.紅不讓 VS 相公 |
|
|
| 五月三日 星期二 熱 | |
今天做了甚麼呢？就是不斷想GE essay，玩，想GE essay，玩，玩，想，玩，想，想，玩，玩，都係玩……
吃過晚飯又繼續想，可是想不到呢。
好一陣子沒做運動，現在做一會便很累了。
和桌震、Mackins講電話，明天桌震考試呢，all the best﹗等「A」啦你。
聽到他倆在玩「十三張」（撲克），忍不住加入，原打算無聊地玩一下，怎知贏了七千分，現在負五百而已，大收穫，surprise﹗
一開始不久便「相公」（排錯次序，全輸給三家），想不到最後我也有「紅不讓」（全贏三家）的時候。
今天紅隧沒有「大擠塞」，但我也不會坐巴士回校的。
雖然現在與我無關，但九號就考試了，事關重大，怎能冒險呢？
總之，還是那句，「考生都係多得佢唔少喇」。
世界再小，也決不會因這微不足道的齒輪而停下來的。
 |
440.放縱 |
|
|
| 五月二日 星期一 熱 | |
今朝起身就打電話俾三姨，都講左成半個鐘，佢覺得廿一歲已經大個仔，但係我好似無呢種感覺呢。
又或者係，其實做乜野都無安全感。
無幾耐婆婆黎左，同佢去飲茶。嗯，我真係要好好學下呢。
返到屋企，又開始玩另一d舊game，今次係戰棋呢，但仲未係「炎龍騎士團」。
放肆埋今日，就要俾心機喇。星期五仲要交GE essay。
東隧加價六成幾，紅隧將會有幾塞呢？
考生都係多得佢唔少喇，不過我諗返poly既人都唔好得去邊，可能等時我返學都要搭地鐵呢。
|
439.尋俄記 |
|
|
| 五月一日 星期日 天陰 | |
今日補習，唔係幫小朋友補，今次又係佢個妹，兩兄妹d數都係麻麻地，唔同既係個妹比較留心。
同爸爸食晏，諗住去apm，點知超多人，我好耐未試過行商場要等上電梯，好似0係地鐵月台擁去電梯咁。
觀塘真係無商場行好耐，而家咁多人真係好唔慣。地鐵站係咁，apm係咁，仲要一次比一次多人。
見到Fiona同周國賢，真人好睇過上鏡，肯定好睇過短髮學警look先。
最後去左觀廣，睇下有冇GBASP既Tetris，搵唔到。之後去裕民商場，都可以算搵到既，起碼知個價先啦。
返到黎，又玩下先啦。
玩呀玩，竟然玩到要改game先玩到，以前d game真係蠢少少既，搞左一輪先搞掂。
 |
438.遊戲中的人生 |
|
|
| 四月三十日 星期六 天陰 | |
起身就打機，玩舊game，卡耐雞的人生指南，好好玩架。
下晝去左荷里活，同志豪、桌震、Mackins食晏、打機。
好耐都未試過四個人一齊玩Wartran，而家一局3蚊，以前5、6蚊都係咁玩，真係豪。
不過輸左兩次，第三次得返我一個，最後爭兩點hp都係打唔晒。
雷電III好靚，仲秉承一貫既特色，難玩，快死。
睇Mackins玩VT，5個wins，真係過癮，好似坐過山車咁。
返屋企繼續打機，不過今次係其他舊game。
卡耐雞爆左一次，哈哈，期待哥哥既挑戰。
 |
437.諸事不順 |
|
|
| 四月二十九日 星期五 好大風 | |
尋晚兩點前訓，已經算唔錯。
今朝起身就對下份中文計劃書有冇錯字，對左個幾鐘。
十二點幾開始溫書，無乜心機。
返去上堂，乜都聽唔入耳，因為之後測驗。
測驗本來都唔係乜都唔識，仲要係三揀二，其中一題係同功課超似，諗住無死，點知都要死。
真係神推鬼"ong"，做功課都仲記得係由零計起，有0!既存在，但係今日就懶醒由1計起，好白痴。
另外一題又唔識做，做得一半，呢d咪叫做低處未算低囉。
真係好唔開心呀﹗
之後去CF印計劃書，嘩，起碼等半個鐘，又未食lunch，就同家祈去新can買外賣。
新can得返五隻油脾，唔夠六個人分，於是買左四隻，我同家祈博舊can有得賣。
結果係令人失望既，但係都唔夠AMA咁失望。去左seven買三文治，家祈買魚蛋。
兩個外賣仔送外賣返lab，計劃書都印好咯。
跟住上IC，頭半堂做log sheet，之前無乜聽過野，所以唔知點寫。
最後做三十題MC，個個都唔識做，hea住hea住咁，我都撞左十幾題。
放學喇，今個sem最後一堂上完喇，year 1無堂上喇﹗好野﹗~~~掛。
交埋計劃書，去左QT等陳敏華、Pheona同Silvia佢地改埋份計劃書，做到九點半先去食飯。
Manni都好緊張AMA，同是天涯淪落人，唔想D，更加唔想retake﹗
多謝Silvia安慰我，雖然多數唔使retake，但係今日quiz完之後感覺就好似第一次考完A-level之後咁差。
或者係時候要改變，應該一早就要改變，「早知今日，何必當初」這個想法已經不只一次出現了，能汲取教訓和失敗經驗的話，就沒有今天似曾相識的惡果罷。
等車返屋企，好大風，唔知真係咁大風定係我越來越單薄，我覺得風大得可以吹起我，如果可以既話，我希望可以吹上天，去下「雲之國」，無拘無束，好似大雄咁訓下晏覺。又或者去下美國，睇下菜蟲過緊咩生活。再唔係去吹入時空裂縫，好似露露咁見到外星人都唔錯。
電話無電，諗住返學校上IC叉，結果無左件事。
好日都無人搵我，一無電就一齊黎。
 |
436.誰可改變 |
|
|
| 四月二十八日 星期四 天陰 | |
尋晚三點先訓，因為打完日記之後開始做計劃書既菜單，我好俾心機整到靚靚架，不過如果多d時間一定會更靚囉。
時間都花0係食物名同價錢度，諗住畫多d公仔都唔得啦。不過細Ter仲辛苦，做到四點幾。
上晝無堂上，溫中文。
下畫返去test，出投訴信喎，都唔知俾咩標題好，篇議論文又唔夠時間作，總之就死火，呢科唔會好得去邊。
呀~~~我要努力﹗
無乜心機，走左去荷里活廣場打VT，哈，又會有6wins既，仲贏左King添。
之後補習，講到口水都乾，唔知小朋友又吸收到幾多。
聽日AMA quiz喇，又係危危乎。
尋日細Ter send黎既，真係好正﹗
＜住屋村大＞：http://www.ttx.com.cn/bbs/EC_Music_play.asp?id=9302
 |
435.反常 |
|
|
| 四月二十七日 星期三 微雨 | |
上中文仲早過阿sir，好似除左報告之外都未試過。
今日無乜人上堂，男仔得我同Jerry，女仔得阿君、Jenny、Yammie、Pheona同Silvia。
阿sir講下工作報告就話「書信」好重要，因為「直銷書」、「意向書」、「報告書」、「書信」都有書信既格式，真係唔知佢特登提我地溫書信，之後想補鑊定係隨便講下。
早左半個鐘放學，Jenny走左，剩低我地六個人竟然企0係課室外面傾計。
咁早放學都唔知做乜，仲要企0係度傾計，真係搞笑。
跟住諗住過去PQ等SD同學，經過CF Podium睇左一陣「南京大屠殺」既展板，Silvia見到黑白相然後尖叫，我地同佢身邊唔識既人都忍唔住笑，因為佢走開一陣又繼續睇。
Hea到差唔多夠鐘，上去MIC lab見到好少人，SD同學好似都好多presentation，sem尾個個都咁忙。
結果今日除左睇到Henry畫左隻烏蠅之外，真係乜都無做過。
Henry問我地分十組畫野，出到黎個效果會唔會好怪，我都知怪架，鬼叫我地唔好彩咩。
今日阿Ann叫SD同學要合作，一組入便唔好得一兩個人做野，唔係猜輸果個做晒喎，之後家祈、細Ter同我即刻猜，我未諗到出乜出「石頭」，唉，又係個個都出「包」贏我。
臨走之前Raptor女朋友話俾我知佢upload左個雪櫃，就係果個好頹既雪櫃。
「睇過啦，雖然好頹，可以唔要咩」最後我梗係無講出口啦，結果家祈拉走我，佢話講咁多都0徙氣。
lunch之後走去排隊，拎左新金莎「臻點Giotto」，好似幾好食咁。
comp305上完堂SM Lau勁講考試範圍，等我地唔使溫太多野喎。
之後去左家祈度畫個「成場狗狗」（細Ter諗既）既logo，搞到七點，GE都唔上，一來無人上，二來今日講既野應該同essay無關。
今日用陳俊部機玩kutar既打人game，今日勁多new record，但係都改變唔到細Ter第一名，最後玩到133架，點知無幾耐部機hang左，連record都無埋。
 |
434.好刺激 |
|
|
| 四月二十六日 星期二 微雨 | |
上MIC最後一次tutorial，得四個人。
最後一堂EIE lecture，有廿幾人。
派卷，17/40，還不錯的成績，相對這份奇怪的卷而言。
諾宜和阿鏗昨天上comp305 tutor，還替我們拿了test卷，Catherine超勁呀，38/43。我都有30.5分，高過mean少少囉。
食左飯去左拉把溫書，其實我係做中文直銷書，超麻煩，因為好難諗，平時作文乜資料都俾晒，而家要自己諗d吸引既優惠，真係難架。
comp305既continuous assessment睇email知道左，有六成幾，過得去啦，兩次test都溫得唔熟。
中文都要做到六點幾先返屋企，好慢呀，星期四test唔好係咁呀。
返屋企唔想溫晝既時候就做MIC。
 |
433.錯覺 |
|
|
| 四月二十五日 星期一 微雨 | |
今朝校七點九響鬧鐘，結果係八點九先起身。
返到去上AMA tutorial，遲左十幾分鐘，Jenny、阿江同Angela已經聽緊阿sir講解Ch6。
好奇怪Manni竟然無返黎，十點左右我就知道佢遲到喇，私人補習既美夢幻滅喇。
去左Hall搵細Ter，因為家祈仲訓緊，就同佢兩個一齊準備份計劃書既資料。
原來一個籃球場成四千幾平方呎架，真係難以置信﹗
首先係我唔相信一個籃球場有成四千幾平方呎，之後細Ter唔相信自己間屋三層加埋先得半個籃球場咁細，最後我地終於明白肉眼既錯覺好厲害。
之後家祈起身，同埋陳俊四個人去食米線，仲要數格仔，睇下人地間舖有幾大。
其實一間餐廳仔，成千五呎係咪大左少少呢，仲要0係黃埔月租兩萬五？希望阿sir唔好懷疑啦。
返到屋企好hea，打左陣星矢先做野。
又約多幾個人返觀中，十萬個期待﹗
十二點幾先起手做埋last一條數，兩點先訓。
 |
432.重覆 |
|
|
| 四月二十四日 星期日 有風 | |
今朝打星矢，「幻朧魔王拳」mode第一次成功阻止青銅聖鬥士突破十二宮﹗
下晝兩點幾，一邊食麥記一邊聽agent講保險既野，好悶。
返屋企開始認真做野，跟住開新download既舊歌聽，聽到范曉萱既「重覆」，真係覺得呢首係我既主題曲。
係咁重覆做一樣野都唔係第一次，「頭搖又尾擺」、「心裡有個迷」、「無謂令你」都係高危字句，嘿嘿。
做AMA做左成晚，做左四題，仲有兩題係ch5,6，聽得少果然難做好多。
沖完涼十二點幾先開始改個sequence diagram，改左一個都已經好眼訓，三點開始打日記，三點十分準備閂機，仲未刷牙添。
 |
431.標準各異 |
|
|
| 四月二十三日 星期六 熱 | |
今朝被電話嘈醒，其實係自己set既alarm，係醒，唔係起身。
無幾耐又俾電話嘈醒，係屋企電話，唔想嘈醒阿哥，唯有起身聽。
原來係三姨同華姨，三姨玩開GBASP果隻Tetris，最近餅帶壞左，托我幫佢買喎，我除左聽到唔知邊個表弟講「GameBoy Advance SP」之外，其餘係聽唔明既。@_@|||
起左身一陣，又要去補習。
今日小朋友依然係無做我叫佢做既數，之前已經同佢媽媽講要督佢做，希望今次佢會做啦，唯有。
返觀塘，去左APM，俾人話我同阿哥餅印咁，實認得喎，真係搞笑。但係我覺得我地交換身份實有人知囉，呵呵。
原來今日三點半范曉萱0係APM有簽唱會呀，不過我唔會去囉。
返到屋企，姨丈又係忙緊整野，華姨抹廚房，表妹睇電視，我就一邊食野一邊同細表妹玩波子棋，不過佢唔係咁識玩。
之後又睇超人特工隊，都係咁好笑。
同婆婆、爸爸、華姨、表妹搭的士去慈雲閣拜媽咪，姨丈帶細表妹搭巴士，大科乎一早到左，細科乎同姨丈、細表妹一齊到。
夜晚返翠屏打冷，華姨同表妹去搵位，大科乎未黎過新屋，細科乎就去地鐵站接Alice上黎。
Alice都覺得個狗仔紙巾套好得意，姨丈同華姨都話我間房仍然亂and多野。
表妹尋日上PE好似整親條頸，我地個個都叫佢睇醫生，佢就唔係太想睇，希望佢無事啦。
 |
430.We shall talk, right? |
|
|
| 四月二十二日 星期五 熱 | |
上晝又唔使返，今次係三雙四。
返去test EIE220，估唔到份卷問呢d野，大家都係撞下撞下，跟住一齊0係Podium齊會，企係度傾計傾左好耐。
我覺得你地無辜負我，我係唔識做既。
AMA派左份all in one既tutorial solution，真係感激阿sir。不過之前堂堂拎既solution咪變廢紙咯，仲要一份份咁亂。
下星期五又quiz喇，又要交功課，呢個假期一定要溫多d，做功課，唔識就星期一問阿sir。
Manni話星期一肯定會問阿sir問題，好似私人補習咁，仲叫我唔好返，咁就變成單對單喇喎。
係喎，大家都話星期一day-off，因為又唔使上MIC同EIE lab，我諗我無得放假喇。
上堂一講到長頸鹿（Fiona Sit），Catherine就好激氣，因為係「情敵」，細Ter話聽到大肚既長頸鹿（早熟）就諗起「高兒聰」，我地講左勁耐都無事，但係阿sir一聽到「高兒聰」就望過黎，最後搞到敏華俾阿sir睥，要留心上堂。
Manni除左係妮妮，亦係Miss Chan。
IC果陣，由於用Red Hat Linux既關係，無得玩AOC。
結果上左一半堂，大家都好悶，決定都係轉返Window玩。
搞左一輪都係無得五個人一齊玩，早知download落自己部機就可以一齊玩就唔使咁煩啦。
最後得我同細Ter對電腦，玩左一陣又落堂喇。
夜晚食飯，牙肉仲係痛痛地，聽聽下真係好似出智慧齒，但係返屋企又覺得唔係囉。
今日三頭肌好酸，前日幫姨丈托冷氣機，今日先知支力。
GE essay真係五月七號dead喎。
好耐無搵Mackins，一搵佢就有好野益我，就係我舊屋既三張相喇。
 |
 |
 |
《Shall We Talk? Shall We Dance!》係當年我會考煲既碟，而家話咁快又兩個sem，A-Level又開始左喇。
Shall We Talk 陳奕迅
曲：陳輝陽 詞：林夕 編：金培達
明月光 為何又照地堂
寧願在公園躲藏 不想喝湯
任由目光 留在漫畫一角
為何望母親一眼就如罰留堂
孩童只盼望歡樂 大人只知道寄望
為何都不大懂得努力體恤對方
大門外有蟋蟀 迴響卻如同幻覺
Shall we talk Shall we talk
就當重新手拖手去上學堂
陪我講 陪我講出我們最後何以生疏
誰怕講 誰會可悲得過孤獨探戈
難得 可以同座 何以 要忌諱赤裸
如果心聲真有療效 誰怕暴露更多 你別怕我
螢幕發光 無論什麼都看
情人在分手邊緣只敢喝湯
若沉默似金 還談什麼戀愛
寧願在發聲機器面前笑著忙
成人只寄望收穫 情人只聽見承諾
為何都不大懂得努力珍惜對方
螳螂面對蟋蟀 迴響也如同幻覺
Shall we talk Shall we talk
就算牙關開始打震 別說謊
陪我講 陪我講出我們最後何以生疏
誰怕講 誰會可悲得過孤獨探戈
難得 可以同座 何以 要忌諱赤裸
如果心聲真有療效 誰怕暴露更多
陪我講 陪我親身正視眼淚誰跌得多
無法講 除非彼此已失去了能力觸摸
鈴聲 可以寧靜 難過 卻避不過
如果沉默太沉重 別要輕輕帶過
明月光 為何未照地堂
孩兒在公司很忙 不需喝湯
Shall we talk 斜陽白趕一趟
沉默令我聽得見葉兒聲聲降
 |
429.計劃 |
|
|
| 四月二十一日 星期四 熱 | |
上晝無做過野，打左陣星矢。
特登返去上中文，仲聽到半個報告。
後半堂係阿sir講測驗範圍，仲派返上次唔計分果份書信，竟然有77.5分。唔計分先咁高分，真係可憐。
一放學家祈暴走去入錢，拜託敏華幫我還漫畫之後，同細Ter遇到阿靜同Jessica，借左幾份EIE notes俾佢地影印就返屋企。
睇左香港寬頻「bb1000」電視廣告，劉翔好型呀﹗
之後上網睇下1000Mbps幾錢，嘩，成$1,680，安裝費仲要$4,828或者$6,828，嘿，你用埋我果份喇。
我要記低四月前要做既野，聽日測EIE，下星期四測中文，下星期五交中文計劃書、GE essay同AMA assignment。
得閒或者有heart果陣就要做MIC。
暫時係咁先。
溫EIE溫到悶悶地，又做MIC，做好個白痴計時器喇，點解係白痴呢？因為佢好簡單，但係做左好耐。
好過乜都做唔到既，開心開心﹗繼續溫EIE。
 |
428.忍住 |
|
|
| 四月二十日 星期三 暖 | |
哎呀，明知今日作意向書，都係唔記得帶意向書notes返去，結果係今日個個都無帶，無人識作，就算阿sir講一次都係咁話，無範文都係做唔到。
之後走去見SD學生，好多組都畫左草圖，最搞笑係個雪櫃，真係諗住俾張圖我地scan，相信high quality極有限。
上comp305之前去左comp lab印左MIC個shooting game sample，嘩，用晒quota，好在同細Ter一齊。
上完堂去左補習，原來約好五點既，不過五點半先開始，因為個細路要睇醫生，其實今日係補佢細妹，六年級數學，聽日考試，唔知佢又會考成點呢？
趕返去上GE，個Group project出左result，20%有14.5，到我地拎既時候見到得兩組係低分過我地，13、14分。
最高分應該係17.5，總之pass就得啦。
今日成日牙肉痛，可能打邊爐熱氣，食飯唔去喳喳聲。
 |
427.賴床 |
|
|
| 四月十九日 星期二 涼 | |
尋晚試下做個graphical timer出黎，做到兩點都係有error，頂唔順走去訓。
今朝無返MIC，因為遲起身兼塞車，出隧道之後見到YoYo，發覺自己唔係咁識講野。
未開始上堂果陣，Jimmy To又問下我也今朝有冇堂上，做乜唔見晒其他人，之後佢話俾我地知lab有四個人肥，係Alida、Joey、阿Ken同一個叫「簡知知」（因為唔知佢叫緊邊個，大概聽到個名係咁）既人。Alida上四支莊，Joey教圍棋開補習班，阿Ken sem2開始潛，另一個唔知乜水。
Jimmy To話佢地四個下年應該唔使retake，因為下個sem相信都見佢地唔到。
之後去漫soc，搵返張書簽，真係夾左落「小白獅」度，好在呢本漫畫好日都無人借咋。
同三傻（最近好似咁稱呼佢地）去左都會食飯，join埋Benana同陳俊一班男仔一齊食。
下晝走comp305 tutor，SM Lau教recursion，仲要係講返comp201既野，做正經野好過。
呃左細Ter落黎，因為Catherine返Hall，所以其實唔使細Ter幫我pair up。
Catherine話佢睇左兩集「聖鬥士星矢」，十二宮篇黎架，雖然佢男朋友仲未send晒俾佢，但係我考晒試先睇都未遲。
去左家祈房，傾中文計劃書同MIC project。
發覺尋日既error係白痴既。
五點幾搭車返觀塘，落車見到Deep，應該無認錯，不過無意欲走埋去搵佢簽名。
第一次0係新屋自己煮晒成餐飯，嗯，都係咁煮0者，唔會好食左既。
 |
426.永不放棄 |
|
|
| 四月十八日 星期一 涼 | |
今朝返AMA，見到阿sir，仲有一個學生，就係Manni喇。
小班教學，我同Manni都好留心聽，無辦法，考得唔好丫嘛，唔俾多兩錢肉緊都對唔住自己。
跟住我地兩個去到MIC lab，見一個人都無，就去搵Wallace開門俾我地。
我以為今日會無人返黎做野，過左一陣都有十幾廿個人。
諾宜同Manni果組做好隻game咁滯，仲好吸引添。
之後佢地叫我幫手，係錄我把聲，突然覺得好似配音員咁勁，我把聲可以成為佢隻game既一部分都好開心。
雖然無做到MIC，但一邊講解EIE俾阿君聽，其實已經記左唔少野。
嘩，EIE lab真係做要頹左，最後發現雖然個program係有bug，不過最大問題係塊板，用第十七組塊板黎做就無問題。
最後一次lab先搞d咁既野，其實之前真係有諗過放棄。
返到屋企，華姨已經走左，姨丈仲整緊哥哥房部冷氣機。
姨丈由朝做到晚，牆都已經鑽好，冷氣機應該都整左幾個鐘，麻煩佢喇。
＜至叻小人類＞係古巨基作曲填詞架，真係……正﹗
 |
425.好閒 |
|
|
| 四月十七日 星期日 涼 | |
朝早婆婆黎探我地，仲俾左封利是我，佢話我生日無俾喎，其實我都無記，問我都無用架，總之就lucky啦。
補習，有一個鐘係幫細路個細妹補既，之後半個鐘佢想唔補，佢就想。
原來佢中英數都唔及格，差廿分呀，科學都差十分。問佢先知佢讀六科咋，我估係中、英、數、中史、科學、人文掛。
都大鑊啦，點升班呀佢。我問佢咁多科唔及格可以點，佢答死左佢喎，WTH﹗
佢又唔見本數學書2B，唔知真定假，同佢溫返最基本既野。
對住個有死症既病人，再世華陀都變黃綠醫生啦，何況係我。
返翠屏同婆婆、爸爸飲茶。
睇晒小白獅喇，由凱撒、金巴到朗尼，「獅」父無「貓」子。
跟住執衣櫃，哈哈，今次真係執好喇。
裝返個Norton SystemWork 2004，鬼咁多野，早知唔揀佢黎裝。
開始做MIC project喇，要努力。
而家新舊電話號碼都打到返屋企，比預期早呀。
漩渦鳴人（渦卷鳴門）真係有考「中忍選拔試」架，Chapce記錯。
Winamp無得救，用Mackins叫我用既WMP聽（點解我諗唔到既）。
有人已經學識左「瞬間移動」，但唔係「穆先生」，。
漩渦 古巨基
消失很久戀愛感
從你接近再我找尋
你眼裡在說 和我太過合襯
我在苦苦掙扎不敢想得太深
她交給我她這生
無悔過份信任我一人
性格也未近 而愛好也未近
卻在青春某段起點相戀而深
每次看見你親切臉容
便歎息天意這般作弄
在日常共對似輕鬆
我倆在思海深處偷偷抱擁
漩渦般湧到 美麗卻苦惱
放逐於這種感覺兩顆心沒法逃
漩渦般湧到 你共我想到
到最後她將躲進悲哀的國土
漩渦般湧到 快樂卻苦惱
放任於這種摸索兩顆心沒法逃
漩渦般湧到 你共我知道
到最後只可希冀他生中踫到
 |
424.青銅聖鬥士 |
|
|
| 四月十六日 星期六 涼 | |
起身打左陣機，等哥哥起身之後先吸塵。
一點去到觀塘大快活，淨係見到桌震，志豪起左身一陣咋。
同桌震上左去LG，證實OutRun已經唔存在既事。
去百佳入貨，買左好多桌震唔食得既零食。
返去大快活，志豪無幾耐就黎左。
返屋企，同桌震玩左陣星矢之後又打左舖三雙四，修羅真係難玩。
諗住插Multi-tap玩Winning 8 LE，點知部薄機係插唔實個Multi-tap架，無得一齊玩喇。
無幾耐Chapce上到黎，就好積極咁加入戰線。
Mackins忙左半日，仲要拎埋部notebook過黎俾野我。
拆開禮物一睇，係隻狗仔，佢個ass係用黎出紙巾既。哈哈，多謝你地呀。
Chapce問我有冇最新既龍珠，無呀，但係我有星矢，佢知道左勁想睇下點玩。
打左幾舖對打，Chapce話玩晒d character出黎再打，結果成班人輪住打十二宮。
每次打完又會播片頭，好似動畫一集集咁，不過正如桌震所講，呢隻係game黎，睇第二次已經覺得煩。
每當星矢瀕死既時候，就會聽到沙織呼喚︰「Seiya~」，咁我地就好努加咁「桌作切」個手掣，星矢就會企返起身喇。
我地玩咁耐都唔點先唔使死，志豪話應該係有小宇宙就有沙織。最搞笑既係連獅子座「艾奧尼」都會俾教皇「呼喚」，仲要起左身六次咁多添，真係辛苦Chapce喇。
結局又聽到沙織叫星矢，大家既戰鬥本能第一時間令我地諗起又要「桌作切」個手掣，哈哈哈，好白痴呀。
玩到九點幾先打晒十二宮，好似玩左至少兩個鐘，因為有好多CG睇。
爸爸同我地去打邊爐，我飲左一杯啤酒塊面又紅晒。
返屋企繼續玩，因為完成度得15%，應該仲有好多野玩，果然係有其他劇情，仲要係唔跟漫畫既。
例如唔講第二宮，講「迪馬斯古」去第一宮搵「穆先生」，仲打起上黎。
同埋「艾奧尼」無中教皇既「幻朧魔皇拳」，中拳既係「一輝」，唔係星矢打艾奧尼，係艾奧尼打一輝。
原來「雜兵戰」係上一版打得好就有，即係階級有「白銀聖鬥士」，成功過雜兵戰其實只係一開始有Level1既小宇宙。
有得用「穆先生」同「童虎」喇，正﹗
（原來今日係五個人玩，早知就一人用一個character啦。）
我諗下面呢個係最接近我心目中既排名（改自forum）。
1)１８歲童虎 - 可擊敗前教皇薛安，實力深不可測！（他用假死之術，一年心跳只跳十萬次，也就是一年的歲月對他其實只過了一天而已，１８歲好型。）
2)沙加 - 單人決戰未逢敵手，小宇宙最強的人！（要迫撒卡、卡妙、肇拿三位一體使出女神禁止使用的Athena Exclamation殺死。）
3)撒卡 - 攻擊力和防禦力在黃金戰士之中最強！（其實幾矛盾）
4)艾洛斯 - 單憑聖衣已經可以百戰百勝，可怕喔！（差唔多每次星矢都靠人馬座聖衣打敗最後Boss）
5)穆先生 - 平時深藏不露，其實是個高手！（經常用超能力救走人）
6)卡妙 - 始終打不過冰河∼真令人失望！（其實絕對零度應該好勁，就算你俾返energy個人已經死左啦）
7)艾奧尼 - 最具殺傷力的黃金戰士，典型實力派（等離子光速拳、閃電光速拳、閃電等離子光速拳，全部都殺唔死星矢）
8)肇拿 - 可以迫紫龍使出盧山亢龍霸（老師教的又是老師的禁招），保持不敗之身（但係都要死）
9)美羅 - 沒有突出表現，論實力應該比不上卡妙（深紅毒針分十五發，第十五發「心宿二」中者必死，如果真係中到既話）
10)亞魯迪巴 - 力量強大，但小宇宙有點兒弱∼（寶力達蠻牛）
11)迪馬斯古 - 虛有其表，其實力僅在白銀之上！（迪馬斯古根本無須落冥界對付敵人,因為對手中了他的積屍氣冥界波後只是靈魂出竅....迪馬斯古只需對這具無靈魂的軀殼加以破壞便可以了，那次他走落去解決紫龍根本是多餘……愚不可及，死有餘辜……）
12)阿布洛迪 - 她/他排最末大家沒有異議吧^^（根據女聖鬥士要戴面具，佢應該係男人，同阿瞬一樣係美男子）
 |
423.臨淵 |
|
|
| 四月十五日 星期五 涼 | |
上AMA，以為唔派卷，太天真喇，醜婦終須見家翁，唉，早知今日，何必當初。
其實32/99都好差，接受唔到，考試千祈唔好係咁。
我認我係無乜點做過數，對EIE都多過AMA呀，鬼咩，無功課就唔睇，抵死架。
追成績，仲難過追巴士架。
食tea果陣諗起，如果無日本動／漫畫睇，都幾唔掂架喎，唔通真係睇香港或者美國漫畫咩，所以有好多人已經俾日本動漫俘虜左喇。
繼續AOC，家祈High Table，得細Ter同我兩個打兩個Hard既電腦，都搞左兩個半鐘先搞掂。
放學得返敏華同我食，細Ter同fd食Pizza Hut，未試過咁少人食晚飯。
返屋企執房，嘩，攤到成地都係野。
終於執好既感覺實在太好，仲有一成未處理。
 |
422.忙裡偷閒 |
|
|
| 四月十四日 星期四 涼 | |
今朝以為返去見Clifford，其實係見Wallace，希望隻game快d做好啦，我要俾心機。
十二點左右去左食飯，家祈太支力返hall訓，我就同細Ter出佐敦商務搵書。
問左商務無，又走去天地圖書，又無喎，睇黎去拉把偷一本都好似錢架，嘿∼
睇左一陣書，跟住去左新港玩dancemaniaX，玩左幾次就要返去上中文喇。
原來今堂係作文，寫信呀。
家祈無返，佢真係好眼訓喎睇黎，打俾佢都無人聽。
雖然唔計分，但係我有認真作架，只不過真係唔知點寫之嘛。
兩個星期就要test喇，一題係實用文，另一題係記敘文或者議論文喎，跟住果日又要交計劃書。
 |
421.巧合 |
|
|
| 四月十三日 星期三 涼 | |
尋晚其實可以話係十二點幾先開始做comp305，做到四點幾，因為諗唔到點寫好。
尋晚傻架，MSN有十個人一齊chat，雖然大家各有各忙，唔係同時chat，但係見到Jerry講野就已經覺得好好笑。
今日返中文，全男班，唔夠十個人返左。
comp305，今次應該好過上次，雖然都係做錯幾題。
test完真係幾開心架，因為忙左咁耐都可以鬆返下。
跟住食完tea就去左家祈度，睇下隻game點解貼唔到background，睇睇下都恰著左，好鬼眼訓呀∼
上GE，原來真係派卷，細Ter同我都係15+3爆滿分，家祈同敏華因為杯水而無左3分，係12+3分，家祈覺得好唔抵呢。
跟住播片，係其他組拍既片。第一組係阿銀姐果組，係由「高層公寓化電梯」變成virtual view，基本上內容相似度達八成，仲要比我地講解得詳盡呢，今次大煲喇。之後幾組都唔知佢係點變個idea出黎既，係我既問題嗎？
Death Note睇到第4期，拎到死神筆記既人係注定不幸嗎？
夜神月實太強，L的推理能力也和他一樣恐怖，雖然不是完美的分析，但這才像一個人吧。
我也想有一本Death Note呢﹗
 |
420.夕陽無限好 |
|
|
| 四月十二日 星期二 涼 | |
今朝MIC得八個人返，EIE填feedback得十幾個，為左俾多d同學反映意見，我地建議佢落堂之前再黎。
Catherine同家祈既意見都無幫唔到桌震，唉，希望d衰野快d走。
觀塘街市好大，有時買野都唔知點揀好。好耐都無自己煮過飯。
返屋企做左EIE，上完堂聰明左，知道個program爭乜野。
不過comp assignment6仲未做，哎呀，十二點仲未做晒。
＝＝＝＝＝＝＝＝＝＝
夕陽無限好 陳奕迅
作曲︰Eric Kwok
填詞：林夕
多經典的歌后 一剎眼已走
纏綿著青蔥的山丘 轉眼變蟻丘
這個剎那宇宙 拒絕永久
世事無常還是未看夠 還未看透
多好玩的東西 早晚會放低
從前並肩的好兄弟 可會撐到底
愛侶愛到一個地步 便另覓安慰
枉當初苦苦送禮 最艷的花萎 最後化爛泥
夕陽無限好 天色已黃昏
本想去憑愛 去換最燦爛一生
想不到長吻 帶來更永恆傷感
夕陽無限好 卻是近黃昏
高峰的快感 剎那失憾
風花雪月不肯等人 要獻便獻吻
多風光的海島 一秒變廢土
長存在心底的傾慕 可會夠細數
每秒每晚彷似大盜
偷走的青春一天天變老
只可追憶到 想追追不到
夕陽無限好 天色已黃昏
本想去憑愛 去換最燦爛一生
想不到長吻 帶來更永恆傷感
夕陽無限好 卻是近黃昏
高峰的快感 剎那失陷
風花雪月不肯等人 要獻便獻吻
好風景多的是 夕陽平常事
然而每天眼見的 永遠不相似
|
419.一片混亂 |
|
|
| 四月十一日 星期一 熱 | |
今日上MIC，係3D Studio Max最後一堂，快快手搞掂段5秒既動畫，個logo做得幾求其，之後睇返其他人，都畫得好有心機咁，不過總算交左功課。
EIE lab又係唔明，今次仲要係做唔到，借左人地個program之後等Cookie剔名走人。
唉，做左成晚EIE，進度不變。
 |
418.掃墓 |
|
|
| 四月十日 星期日 清明時節 | |
尋晚做MIC做到兩點先訓，今朝五點半起身。
其實又唔怪得邊個，因為爸爸問我睇唔睇「超人特工隊」，我即刻話好架。
不過睇左唔係蝕，因為超好睇，超好笑，好耐無試過睇卡通片笑得咁開心喇。
難怪阿Ann話佢「唔係為CG而CG」，真係好正，好鬼真呀，無論係d景定係d人既動作。
我諗可以挑剔既只有頭髮做得唔夠真囉，因為有一幕d頭髮應該更飄揚，但係以前既CG畫頭髮又無咁細緻喎，其實已經有好大既進步。
講返今日，一早起身係為左返廣州，五點幾六點，天仲未光，觀塘無乜人。
搭皇巴去到落馬州先天光，六點九。
爸爸早兩日先買火車票，所以諗都無諗就買左咁早，返又買左好晏既票。
羅湖七點先開關，所以搭七點三既火車應該趕唔切，於是由落馬州過關。過關唔使收身份證，因為我本回鄉證就快十年，張相係五六年班既相，實俾人叫我拎身份證check既。
火車快過直通巴士好多，由深圳到廣州，個半鐘唔使。0係皇巴同火車訓左一陣，但係仲好支力。
落車之後搭的士會合親戚，落的士，上到六叔朋友車，目的地是「中華永久墓園」。
由於超載三人（總共十四位乘客），所以過收費站前五叔、六叔和六嬸都步行去墓地了。墓園入便已經有好多車，塞左一陣，六叔佢地已經到左。
突然有一個問題，其實而家既中國人係帶住咩心態掃墓架呢，我自己好奇怪，無情情諗到d咁既野。
食左午飯，六叔同姑姐先後問我食唔食「孖皮奶」，梗係好啦。
姑姐帶我同阿坤去「南信」食，阿坤話以前（九幾年，我諗差唔多十年喇）仲係兩蚊，而家賣五蚊，仲要細碗左添，不過少食多滋味嘛。
我同阿穎都係讀理工，不過佢係「華南理工大學」，好似讀「國際金融」，嗚嗚，佢比我呢個二哥哥勤力好多。
行左芳村既新華書城，真係幾大，不過無書0岩心水，電腦書唔夠新，但係幾平，可惜。
晚飯有道菜係陳皮骨，好似椒鹽骨咁乾身既，不過好香，雖然唔知係咪陳皮味。
十點四上火車，趕得切十二點過關。
返到屋企真係好眼訓。
 |
417.旁觀 |
|
|
| 四月九日 星期六 暖 | |
見到光仔，就諗返起早幾日睇過既「通向北斗杯之路」，唉，淨係講到北斗杯之前，好無癮。
好似星矢冥王篇咁，出一半，不過星矢都仲有得等，棋魂連結局都無，係都要睇結局既，就當呢個係啦。
【棋魂結局】
原來A-level已經開始喇，我都淨返一個月就考試喇，乜都唔識。
哎呀，舊電話號碼要4月27日先用得返，而家要打住暫時既號碼先得。
好高尚呀，係「3」字頭架﹗
要搵我可以打我手提，再唔係問我新號碼啦。
 |
416.AOC@IC |
|
|
| 四月八日 星期五 暖 | |
今朝唔使返MIC，EIE同AMA反而會留心少少，始終mid-term差d，係有少少刺激，好在AMA真係仲有quiz同assignment，仲有機會及格。
夜晚上IC，六個人打AOC，我同大Ter阿榮一team，細Ter家祈阿鏗一team，一打就成個鐘。
升左帝王無幾耐就打細Ter，因為我驚佢同家祈一齊打我。
之後佢求救又無人應佢，最後勝利係屬於我地既。
跟住Alan又一齊玩，原本諗住3打2，阿鏗唔記得晒點玩所以入3人隊，但係家祈random team，搞到入左我同Alan果隊。
今次係death match，阿鏗玩左一陣就投降，細Ter用土耳其炮兵負隅頑抗，最後都係逃唔過俾我地三個圍剿命運。
以為打完既時候，估唔到佢已經分兩批村民逃亡，大家玩左幾分鐘「捉迷藏」。
玩AOC，又會諗起以前同堅尼夫玩成日輸，睇過佢玩一次就會知。
415.短髮
四月七日 星期四 暖
今朝剪頭髮，返到poly，不死芬話我成個人精神晒，好夏天喎。
今日中文到我地口頭報告，聽到陳sir話我地「寵物餐廳」既可行性都幾高，希望係真架啦。
414.未訓醒
四月六日 星期三 暖
今日既狀態同心情都可以用「未訓醒」黎形容，總之成就係提唔起勁，連話也不願多講。
好像要大家擔心了。
中文堂聽了兩組的計劃書的口頭報告，大家好像都準備充足呢。
之後去了P core，又是去解決畫圖的問題，雖然阿Ann問晒十組係畫乜野，不過都無適合我地既野，於是阿Ann使出必殺技，將我地要既野分俾幾組畫俾我地。「我會行政干預佢地，要佢地幫你畫既。」聽到呢番話，問題又暫時解決了，同時諗起Miss Chiu時常講的「強權之下有真理」。
家祈check左comp305 assignment3既分數，之後叫我地check埋，細Ter有98，高過家祈一分，呢一分一定係SM Lau俾Kelly既。
我個接龍有130，返屋企先知係max左，如果EIE或者MIC都係咁就好lu。
之後上comp305，SM Lau話成疊tutorail exercise無人拎，過多陣就掉。
放break有人拎落黎，我同細Ter家祈三份一模一樣既，因為SM Lau話可以討論，不過又係家祈少一分，哈哈，佢話俾SM Lau針對喎。
之後既GE，又係講Time Travel，我0係度諗︰如果無black hole，就無蟲洞，咁Time Travel係咪已經無乜可能做到呢？
所以今堂差唔多全部無聽，睇「狐忍」，好好睇呢。
下半堂係quiz，題目照樣係兩份，阿銀姐拎左綠色，咁敏華自然係黃色，我係綠色，家祈係黃色，細Ter又係綠色。
嘩，三題puzzle都算易做，我覺得黃色難做少少，真係多謝銀姐喇。
家祈原本話坐中間坐最入架，點知最後坐左我同細Ter中間，哈哈，整定既。
話時話，要將一杯水(100%)倒剩一半(50%)而唔用其他工具，除左睇對角線（當隻杯係圓柱體），我都諗唔到有咩方法。
敏華話水有表面張力，其實我都諗過，可能咁講好似挑剔少少，但係我間唔中就係咁，連自己都覺得有少少神經質。
不過呢個已經係我諗到既最好方法。
食飯，家祈叫既芙蓉蛋飯漏單，跟住又變左熟蛋飯，哈哈哈，佢又俾老闆針對喇。
413.清明
四月五日 星期二 暖
一早起身去拜媽咪，之後哥哥返工。
0係屋企打機，今日最似放假。
412.兒童節
四月四日 星期一 暖
今天做甚麼事都不太如意，是反饋吧。
comp305聽日無tutorial，於是今朝有一個好充份既理由唔上AMA tutorial，唔使對住d令我唔開心既野。
之後上MIC繼續3D Studio Max，阿俊（我估係呢個「俊」掛）教得太快，勉強跟得上，不過個software死左，乜都無晒，我個心又死左，乜都無晒。
齋聽，唔想再做多次，一來唔夠時間，二來無心機，三來唔係跟住做都唔記得d steps。
食完lunch上EIE lab，原來係有派lab sheet，之後阿So拎左張返黎。
做左兩個幾鐘，得我地同阿靜+Jessica兩組未做好，唔知搞乜鬼。
幸運既係阿鏗教返我點用Keil uVision去compile個C program。
正義為何物？卡通片的英雄都在做正義的事，「ZETMAN」又如何？
即使身懷利刃，擁有超凡入聖的殺人技倆，依然可以堅持「不殺」的信念。
殺死罪犯，審判者又能否改進世界，消滅所有罪惡呢？
好一本「死亡筆記」，跟沙林毒氣甚至大洪水又有何分別？誰是？誰非？
現在總算猜到「狼顧之相」的意思了。
兒童節快樂呀，雖然已經無得朝朝起身睇卡通片。
自己一個人食飯，去了桌震口中的那間「很難吃的美心」，還能入口吧，我覺得快餐都是差不多的。
經典的，也就是永垂不朽的——「Final Fantasy VII Advent Children」。
由九七年至零三年共售出九百萬套，我認為單機版遊戲有這個銷量是很驚人的。
想不到八年之後也有這「重逢」的一天。
一入網站就聽到勾起無限寶貴回憶既背景音樂，熟悉的遊戲，一些現在看起來得兒戲的造型，當年也令我感到興奮不已，現在換上更細緻的CG，不知能否將故事表現得更感人，當年傳說的結局，被傳得像是有其事，雖然最後還是被Square堅決否定，現在又會否加入這個眾望所歸的結局呢？
如果是遊戲更好。
【FF7AC官方網站】
411.距離
四月三日 星期日 暖
養不教，父之過。
教不嚴，師之惰。
呢個星期無補習，唔知下一次補習會唔會有驚喜呢？
塔矢亮追趕佐為，光仔追趕塔矢亮，亦追趕佐為。
彌彥追趕劍心。
大家也有要走的路，另一個遊憩始終唔應該留低，佐為亦一樣。
有Skype同Messenger，就可以俾你地見到我間房，仲有同我傾計喇。
夜晚去左婆婆屋企食飯，表妹就黎測驗，雖然係中三既數，都仲未難到我既，見到佢咁積極學習，已經好樂意教佢。雖然佢話溫左EPA好耐都唔入腦，不過我相信已經好過好多人。
0係地鐵撞到Alice，今晚唔見佢，原來係約左人，0係旺角買左隻「樂天熊仔」公仔呢。
見到佢既原因，係因為佢搭多左一個站，我地係0係筲箕灣往西灣河途中相遇既。
世界上最遙遠的距離 泰戈爾
世界上最遙遠的距離
不是 生與死
而是 我就站在你面前 你卻不知道我愛你
世界上最遙遠的距離
不是 我就站在你面前 你卻不知道我愛你
而是 明明知道彼此相愛 卻不能在一起
世界上最遙遠的距離
不是 明明知道彼此相愛 卻不能在一起
而是 明明無法抵擋這股想念 卻還得故意裝作絲毫沒有把你放在心裏
世界上最遙遠的距離
不是 明明無法抵擋這股想念 卻還得故意裝作絲毫沒有把你放在心裏
而是 用自己冷漠的心 對愛你的人 掘了一條無法跨越的溝渠
410.失敗
四月二日 星期六 暖
想，卻做不到，但，還要繼續努力，用最好的方法，漂亮地完成。
今日測驗好差，大有不及格之虞。
套用阿sir上堂講既話︰「如果未開六合彩，你仲可以話自己有中獎既機會，但係開左之後未對，就只係你自己唔對，唔可以話自己仲有機會中獎。」
其實及格與否，已有定數。看來積極地面對，或是做補救的工作，是最好的。
諗住做EIE份功課，如果comp305仲未出功課題目，就做埋MIC最後一份功課架嘛，點知真係出左喇。
廠出驕陽ＩＩ——虛擬商機〔按此觀看〕
409.愚人節
四月一日 星期五 冷
想快既，就搭215X返學。
今朝上阿Ann堂，講Animation，都幾有趣架，不過後半堂真係幾眼訓囉。
原來頭半個鐘都唔係教書，係交代返SD同學同我地既事，不過當時得家祈一個係「孤兒組」，咁阿Ann就好自然對住家祈係咁講，係咁講，對唔住你添。
阿Ann講完動畫既歷，又講下CG點做。其實聽一d唔係要黎考試既野，當係課外知識都唔錯，所以連AMA都唔溫住。
「史力加」定係「怪獸公司」邊種style好d，阿Ann話第等可能會拗爭飽，又有可能唔使拗，一來兩者各有支持者（講緊觀眾），所以最後邊個賣得就係邊個話事。唉，呢個世界就係咁，動畫除左可以係一種藝術，亦離唔開商品呢個框框︰無錢，就無製作。
原來呢當係最後一堂MIC Lecture。
最後阿Ann提出一個解決方法，由於當時八個「孤兒組」只有我同家祈上堂，所以阿Ann話唔理其他人住，盡量搵一組工作量少既幫我地畫background，係就好喇。
EIE test有35.5分（65滿分），好多人都錯得好唔抵，不過而家錯左，考試就唔可以再錯。
上AMA溫AMA，聽唔明今堂教既野都無辦法。
IC既情況都係一樣，繼續溫AMA。
放學同Perrie一齊食飯，佢今日QM mid-term，都係prob & stat果類野啦，雖然同AMA217有少少唔同，希望聽日順利啦。
408.認真
三月三十一日 星期四 微雨
日記可詳可略，最重要的還是時間。
今日上中文堂，Raptor果組報告果篇文章叫「髻」。
文章最後以「這個世界，究竟有什麼是永久的，又有什麼是值得認真的呢？」作結，「引導討論」其中一條問題也是它。
Benana同佢地講我想答，雖然係假既，之後我竟然會答︰「呢個世界無野係永久既，人生係值得認真。」
不過阿Ben以為我係敷衍既，就話而家係問緊人生有咩係值得認真喎。我就答佢整個人生都係值得認真既。
而Pheona就話，除左玩，其餘既都可以認真。
我就覺得就算係玩都可以認真架，咁先係專敬對手嘛。
講返之前「髻」既內容，作者用母親同姨娘（相信係細媽），兩個人既「髻」既款式同頭髮黎反映二人既心情同心境，於是我就諗起菜蟲，佢成日話自己心境已經係「阿伯」，不過佢個頭型就唔似喇。
個presentation，除左Alida超唔熟之後，其餘都幾好。
四半放學搭地鐵返觀塘，諗住仲早可以去觀廣買speaker插頭，駁長woofer條線。
估唔到會0係地鐵站撞到阿Be~
同佢傾左幾句，佢就陪我去買野，再0係地鐵站分道揚鑣，阿Be就黎考A-Level喇，俾心機呀﹗
睇晒「浪客劍心」，唔知漫soc有冇「劍心華傳」呢？
返到屋企搞好個router同speaker，yeah﹗
食飯返黎開始溫AMA217（Introduction to Probability and Statistics），唔頹得，上個Sem科AMA已經好樣衰，Pheona話連唔識Integration既阿榮都好似考得好過我，噢。
GE個project呀，白痴呀，我d對白勁窒，因為無稿，全部都係事先gen定入個腦，跟住拎返出黎，不過我個腦又轉得唔夠快，所以就變成咁。
[按此下載片段]
雖然日記過四百，但係照慣例都要等有間先轉得，因為我想轉background。
407.一波三折
三月三十日 星期三 微雨
今日諗住約HD SD Lawrence傾個MIC project畫既野，點知上到去先知佢俾阿Ann，即係SD果邊話事果個rearrange去另一組，原因係阿Ann suppose一組有三四個人。
「我對佢地有要求，唔俾佢地交行貨，所以佢地一兩個人serve一組，到時d野你地唔滿意，佢地又唔高分。」
就係咁，我地就成為八組之一既「孤兒仔」。
「我地得四十人唔夠，又有幾個人堅持唔做graphic，做movie，所以唔可以分足俾你地咁多組。」
我肯定Clifford以為SD學生可以一兩個人一組，我地成五十人，仲要兩三個人一組，夠分就有鬼啦﹗
雖然話可以下星期睇下SD學生俾其他組既proposal，有咩合適既graphic可以「隨便」用，都有0岩先得架，我地唔係要雞，係昆蟲呀﹗
暑假做仲痴線，你估Clifford真係齋睇program咩，我問Clifford用咩黎俾分，佢話睇program，隻game既完成度同好唔好玩喎，咁我又問佢一隻graphic差既game會唔會好玩，佢又用返手機game做例子，家祈忍唔住串佢手機game唔係用Direct X寫架。
衰野暫時唔諗住，上完Comp305做GE，去A Core剪片，聽日就要交喇。
之後上GE，講「Time Travel」，有戲睇。
其實我習慣未呢？我覺得未架，雖然唔會搭錯車，但係唔慣搭咁耐囉。雖然d野係執好咁滯，但係屋企既野仲係「立立亂」。仲有……遲d繼續講。
又係一點幾訓。
406.半假日
三月二十九日 星期二 微雨
今朝MIC tutorial得小貓三四隻，嚇左一跳，我都好少咁早到。
落堂前都係得十幾個人。EIE多返少少，有廿幾個。大家都好似放緊假咁。
最搞笑係Alida，俾Jimmy To識穿佢無乜上過堂，又俾佢問有冇上過lab，有冇交功課，有冇黎測驗。
之後又問Alida知唔知咩係Micro-processor，又串佢唔應該知d唔知d，係知就知喎。
估唔到佢會為Alida講返上堂既野，點知講少少就話太難既野佢都係唔明，所以唔講喎。
搞下搞下已經過左半個鐘，Pheona剛剛返黎，佢先開始上堂。
之後Jimmy To又問Alida有冇上過MIC，佢又話無乜，之後Jimmy To話佢死梗，因為Clifford殺人唔眨眼，實肥佢喎。
下晝唔使上comp305，就去左Hall做GE project，拍短片，我做「專家」。
一傾就傾到六點幾，嘩，敏華唔知做乜好頹，都幾得人驚，細Ter、家祈同我都係嫌疑犯。
菜蟲話「寶珮宛」似人名喎，點會呢，係都係「寶珮婉」似d啦。
用到webcam喇，雖然質素比較低。
係喎，我而家住「和樂」同「翠屏」隔離既「寶珮苑」呀，記念冊既地址唔update架喇。點算呢，唯有你地自己幫我改啦。
三箱掛。一點幾訓。
405.消磨意志
三月二十八日 星期一 微雨
雖然今日放假，但去左Hall傾GE套片點拍，無頭緒，聽日爆肚啦唯有。
之後做MIC prototype，家祈話尋晚Clifford俾左個sample game我地。
試玩幾次，簡單得黎都幾好玩。
之後諗住抄個sample既bomb，點知改唔掂，最後求其做個prototype就去食飯。
我可能係今年最後一個同Miss Chiu講「生日快樂」既人。
六箱。
一點幾訓。
404.入伙酒
三月二十七日 星期日 間中有雨
出去食早餐，回家途中，華姨同姨丈，仲有最細既表妹已經到左屋企門口。
又係不斷執野。
表妹無人陪佢玩，呻悶，拎左我細個玩既玩具消磨時間，哈，估唔到我d玩具仲有人玩。
彩雲軒食飯，我點左一個同上次公公生日一樣既餐，哎唷。
十七箱。
兩點幾訓。
403.新居入伙
三月二十六日 星期六 微雨
今朝一起身落雨，好在之後成日都無再落，如果唔係就麻煩喇。
兩點幾搬屋，同華姨、Mackins在地下看著搬運工人一箱又一箱的搬上貨車，好像很輕鬆。
再見，「樂華」﹗
四點左右，三十七個箱、五大袋黑色垃圾袋和數個紅白藍袋，還有家電等，終於順利搬到新屋。
首要工作是拆箱，執好幾箱衣物，雜物，還有電腦，但係用router上唔到網。
兩點幾先訓。
402.不捨
三月二十五日 星期五 涼
放假，有華姨和姨丈幫手，繼續執野封箱。
拆舊家俬，今日有桌震做[手查]lift人。
過左去新居，幫姨丈手將哥哥的新床改低幾吋，很累。
華姨不斷抹廚房，抹衣櫃。
晚飯過後，已經快十二點，繼續執野。
又係三點幾先訓，很累，所以不覺得睡不著，即使今晚是在舊居的最後一夜。
401.靈光一閃
三月二十四日 星期四 暖
放學去Hall傾GE project，諗爆頭都諗唔到modify邊種法寶好。
突然敏華話做「高層公寓化電梯」，講講下又真係可以做到喎。
返屋企努力執野封箱。
三點幾先訓。