Love story
Part IV
第10個月lar! K同H都工務煩身, K終於都感受到思念o既痛苦, 以前 7日 見4、5次變成依家 7日先見得 2次, 係知佢唔會諗第二個, 但又諗返佢講過工作第一, 愛情第二, 點先可以停止胡思亂想呢?? ...
愛上了你, 我才領略思念的滋味, 分離的愁苦和妒忌的煎熬, 還有那無休止的佔有欲
Part III
"You are always from the bottom of my heart" 哩一句話令K傷得好深, K腦裡成日都有一個問題 : 愛一個人好辛苦, 但愛一個唔愛自己o既人就更加辛苦! 咁點解唔去愛一個愛自己o既人!
喜歡一個地方, 人就想留下來, 永遠都不離開. 喜歡一個人也是這樣吧! 如果只能生活一段日子, 不如不要開始...
Part II
K同W o既一齊就好似依家時下年青人o既結合... 大家都由Net-Friends進展成為情侶, 而佢o地之所以相識都係由一封E-mail而起.
W係一個Oversea Student, 一有假期佢就會返o黎香港, 因為佢讀書o既地方真係悶到嘔, 所以佢一返到o黎香港就會成個人都精神晒. 就o係o個個漫長又酷熱o既暑假, 佢o地約o左出o黎見面, 大家見到之後都無咩o野, 到佢o地坐低開始傾偈o個時, W就有所行動. 佢o地o係餐廳坐o左個幾鐘, W就不斷叫K做佢o既女朋友, K問佢點解, 佢就話覺得K好好, 對K好有Feel, K初初對佢就只有好感, 佢從來都無諗過"Love at 1st sight"真係會發生o係佢身上, 無知o既K唔知點好, 聽聽下又心郁郁喎, 所以就咁應承o左W, 開始o左拍拖喇.
佢o地初頭o個一個月感情相當好, 日日出街, 又晚晚傾電話. 一個月後, W要返去讀書, K唯有忍淚Say Goodbye. W返到去都成日打電話返o黎同K傾偈, 大家亦互相承諾會忠於對方, 唔會有第三者o既入侵. 但好多時W都會問K若果有日見到佢o係街度見到自己同個K唔識o既女仔一齊行街會點, K就話當無睇過, 遲o的先會打俾佢問佢o係邊同做緊咩, 一個普通o既男友聽到自己女友咁答就梗係覺得自己女友好大方la, 一定會Mark 住佢, 打死都唔放la, 不過人當自己有o既時候又點會真惜呢. 佢o地兩個最後都係分手, 而其中一個原因, 就係因為第三者.
有一種女人, 一旦愛上一個男人, 那個男人就是她的世界, 她餘生唯一的盼望, 就是跟他相依為命, 過著幸福的生活, 彷彿這一切都是理所當然的
Part I
K 同M o係新學年相識,但可惜相逢恨晚.
M係個外校生, 佢大K兩年, 佢o地第一次真正相識係開o左學o既第二個月. 有日, 佢o地o係同一間餐廳食Lunch, 咁o岩大家坐隔離台, 而且K又識M其中一個同學, 所以佢o地兩個就開始第一次o既打招呼喇. 就o係呢次, K已經被M吸引住喇. 之後, K開始每一日都想見到佢, 想同佢做Friend, 而佢自己仲成日走去偷望人o地添! 真係洩喇! 有次仲俾M見到添呀! 雖然K扮到若無其事咁, 但係被M換o黎一個好尷尬o既笑容. 之後K就同其中一個Friend S諗計, 希望深入o的了解M o既同時又唔會俾佢發現自己o既行動. 佢o地設計o左一系列o既問題俾K同M o係ICQ入面傾, 當中有無聊o既, 亦有到肉o既. o個晚o既ICQ真係好順利, 到最後一個問題喇, K問M:"你咁得閒o既?唔駛同女朋友傾電話咩?" M就答:"我都無女朋友" K當然開心啦, 佢再繼續問:"你咁靚仔會無Gf o既咩??" 無論K點問, M都係o個句, "我無女友呀!"
之後, K同M每晚都玩ICQ, 而且感情仲越o黎越好添! 但到o左呢個時候, K發覺到M同一個女仔H o既關係非常親密, 就o係o個晚, K帶有醋意地問M H係邊個, 今次, M終於講真話喇. 原來H真係M o既 Gf o黎o架...M初時唔認係因為H唔想俾人知道佢o地兩個o既關係. 雖然K好唔開心, 但佢都裝作若無其事, 繼續同M做Friend, 但o係ICQo既呢段時間入面, M都開始鍾意K, 但礙於自己有女友而不能向K講, 傻傻o既K察覺後竟然話無問題, 只要係同M一齊就咩都肯. 就係咁, M同K就o係埋o左一齊, 佢o地呢段關係只有好少人知道. 佢o地每晚都互訴心事, 每晚都講情話, 正當佢o地o既關係有所進展之時, 佢o地就俾人發現o左. 幸好, H仲未知, 但K終於都變得理智, 希望自己能抽身呢段感情, 所以同M講要離開佢...
分手o個晚, 氣氛原本不錯, M仲送o左一支黃玫瑰俾K添, K突然諗起一d好無謂gai o野, 之後就開始自言自語, 佢不斷咁向前走, 無論M點叫佢、拉佢, 佢都唔理... 就係咁, M同K最後都變返做朋友, 雖然係朋友, 但K始終都無忘記過同M一齊o既快樂事, 而o個一支花亦係K收到最心翳gai一朵花...
他本來是我的, 時光錯漏, 就流落在另一個女人的生命裡, 就像傢俬店裡一件給人買下了的傢俬那樣, 他身上已經掛著一個寫著『SOLD』的牌子, 有人早一步要了, 我來得太遲, 即使多麼喜歡, 也不能把他拿走, 只可以站在那裡嘆息
