Ki's Childhood

生病篇

我細細個就好多病痛gar lar...BB仔o個時每個禮拜都梗係會去一次診所gar, 藥當飯食, 食藥都冇所謂, 但有樣o野我唔鍾意gai, 就係打針lar. 可能係細個有病la, 去睇醫生, 醫生斷我氣管炎wor, 要我吸氧氣都不特止ar, 仲要o係我條腰打針添ar! 冇講錯ar, 係腰, Waist ar! 我o地冇問佢點解要打去o個度ar, 就算問, 佢都唔答gai, 諗諗下o個時都幾危險下gar........

另外要數最常要打針gai病都應該係發燒, Fever lar, 我細個好多時都係因為傷風咳已發起燒gai, 睇完醫生返屋企都總會做一件事... 一件你一定唔會估中gai事... 就係〝打雀雀〞, 麻雀lar, 我係o個d食o左藥都唔會目訓得著gai人o黎gai, 無o野做就最好係打麻雀la, 你話係咪?? ^.^

飲食篇

基本上我好揀飲擇食, 而食gai o野都幾怪下添gar — 鍾意食咸蛋白、皮蛋黃; 唔鍾意食一粒粒gai生果, 提子ar、車厘子ar; 食雪糕唔鍾意食雪糕筒ar... 你話食少樣正o野都係咁話la.

我細個食粥o既時候好惡gar, 一食就要食到飽為止, 中間仲唔可以有停頓添! 所以o係餵之前亞媽就會將一碗碗o既粥排放整齊, 好等我可以不斷係咁食, if not, 我又會喊到拆天lu... ^.^

情感篇

每個小朋友都愛喊, 我亦唔例外. 但我喊得都比較過份o左d gar... 出世半年後, 每日總要喊至少一次, 冇原因gar, 喊到連我亞媽都喊埋一份. 佢喊住咁問我亞公亞婆點解會咁,〝古董〞gai佢o地就梗係話同鬼神有關la, 亞公就睇通勝, 亞婆就跟住亞公gai指示去為我拜神, 可惜, 我都總係喊. 我呢個習慣到3歲都改唔到. 每次去親大姨媽屋企, 姨丈都會同我講 "亞琦乖下, 今日唔好喊ar!" 就算佢講o左幾多次, 我臨走都總會喊一次, 好似做show咁... ^.^

日常事務篇

平時我就好似普遍gai細路仔一樣, 睇電視、玩煮飯仔、撩人玩, 可能我gai好奇心比較重 (即係八掛la), 所以我就最鍾意摷呢樣摷o個樣, 屋企入面大大少少gai櫃, 入面有d乜、佢o地點擺我都知道得一清二楚, 最重要gai係, 可以等我〝玩〞完之後(o個時我鍾意玩煮飯仔ga嘛, 但我又兼普通o個d用具唔夠真實喎, 咁咪搵真o個d o黎玩囉), 可以完完本本咁擺回原位, 到時亞媽咪唔知我攪過佢d o野囉.

可惜, 有次好唔小心, 當我學緊李錦聯整蜜瓜milkshake o個時, 隻手輕輕一撥,『pound』一聲, 個攪拌機就咁就打爛o左lar, 當時我好驚, 遍地玻璃碎都唔知點算好, 我呆o左幾分鐘之後就逐塊玻璃放o係報紙上, 包好之後就即刻掉o左出門口. 好一個perfect gai毀屍滅跡, o個晚真係一個人都唔知我做過d乜o黎喎! 不過o係半年後gai一個evening, 亞媽想打米o個時就話唔見o左個mixer, 咁〝坦白〞gai我就當然話俾亞媽聽我一早就打爛o左la. 好彩, 我o個個溫婉嫻淑gai亞媽都只不過鬧o左我兩句o者. 哈! "o"

一到節日我就唔得閒ga lar. 每逢佳節—新年、端午、孟蘭、中秋、重陽仲有冬至等呢d 時間我都要幫亞媽手, 幫乜呢?? 就係燒衣lar, 夏天燒衣係就係熱d, 但我o地講心意ga嘛, 而冬天燒衣就更加好, 因為大大個火爐o係隔離暖好多ga嘛! ^..^