Hlub Tau Tus Neeg Dag Part II
Lub ntuj tshiab tawm plaws, me nas me noog ya npoo ntws zoo li lub ntiaj teb no rov tshiab khiv dua ib zaug ntxiv. Xya xyoo twb tau dlau mus lawm kuv nyog ua ib tug neeg tshiab hloov siab hloov ntsws tag. Kuv lub siab lub ntws qub twb tau nraug deb tshoob mus lawm tsuas tshuav lub cev thiab tus ntsuj plig qub thiaj li tseem nrog kuv nyob ua ke. Kuv ntseeg tau tias txoj kev hlub tsuas yog kev teev lub kua muag ua ib qho chaw dai siab xwb yog tus neeg twg hlub thiab txhua txog yus lawm yus yuav tsum tau pauj nws lub txiaj ntsig rov. Lub caij no kuv rov muaj ke luaj ntxhi vim yog muaj lub me paj ncaim toj no tus ntxhia los yug kuv lub neeg thiab txoj sia. Txij thaum lub paj ntsuas nplaim tau tso kuv tseg, kuv niaj hnub niaj hmo quaj tseev tsis muaj tus hlub tus tshua rau txhua txhia qho chaw. Muaj ib hnub ib tug phooj ywg tau caw kuv mus koom nws lub bithday party thiab kuv tau mus nrog nws koom ua kev lom zem. Thaum mus txog ua cas luag tej muaj tug tag lawm tsuas tshuav kuv xwb. Xav zoj "ab! ntsai kuv tau rov mus tsev paub". Ab! Kav liam lam nyob ib nyuag pliag tso mam li mus tus phooj ywg thiab li tsis tu siab rau kuv. Lub sij hawm ntawv kuv txaj muag rau txhua tus tsis pom qab yuav ua li cas. Kuv ci li mus zaum kiag ntawm ib lub rooj uas nyob rau puag tom qab. Ntsia ntsoov mus rau puag peb hauv ntej pom me nkauj me nraug niam yuav luag ntxhwb ntxhi ib leej rau ib leeg, sib tawb sib puag xauv npho hos tsuas yog kuv thiaj nyob ib leeg tum zeej xwb. Ntsia mus ntsia los kuv ob lub kua muag poob yeev ntawv qhov muag vim yog qhov kuv pom ntawv rov tig lub caij thaum ub uas kuv lub me paj ntshuas nplaim wb tau muaj dhau los. Tam sim ntawv cia li hno ib lub suab tuaj tiag "Leej nus ua li cas es koj thiaj li quaj nab yuam". Kuv tig kiag mus ntsia ua ciav yog ib tug hluas nkauj plob hau ntev yees hos plu soob xais sawv ntawm kuv ib sab. Kuv thiaj li teb nws tiam "Ab! Me leej muam, tsis yog kuv quaj os. Tsuas yog tias cov ceiling saum ru tsev po po lawm es nws poob los paug kuv qhov muag xwb". Tus hluas nkauj ntawv thiaj li rov hais tias "leej nus koj tsis txhob dag kuv maj yuam..kuv paub tias koj yeej tau quaj vim yog koj rov nco txog tus qub ntxhiab uas dhau los lawm." Kuv rov teb nws tias " Leej muam, kuv tsis dag koj os. Kuv twb tsis quaj li nev, uas cas es koj thiaj xa li ntawv maj lov". "Leej nus thov tsis txhob dag kuv maj yuam, txhua txhia tus twb tau qhia kuv txog ntawv koj lub neej dhau los lawm nev. Ua cas koj tseem yuav dag kuv ua tus dab tsi maj. Koj puas paub tias thaub kuv pom koj nyob ib leeg lub kua muag los ua rau kuv tu siab nrog koj. Kuv xav cev tes los so kiag koj lub kua muag los kuv twb tsis muaj peev xwm vim yog kuv txaj muag rau koj heev li. Qhia qhov tseeb tiag, kuv yeej nyiag nyiam koj los lawm ntev tiam sis mas tsis muaj peev xwb qhia tawm los rau koj txog hnub no uas kuv txwj tsis taus kuv tus kheej lawm xwb" tus hluas nkauj ntawv hais. Kuv rov teb nws dua tias "Leej muam, kuv thov ua koj tsaug ntau uas tseem muaj lub siab loj siab dav los hlub thiab tshua txoj kuv tus no. Koj txoj kev zoo kuv yeej pom tiam sis mas ntsai tsam kuv ua tsis tau raws li koj lub siab xav tseg xwb os. Ib tug neeg twm zeej li kuv no ces yeej tsis muaj txoj hmoo zoo xws li luag. Tseem muaj coob leej ntau tus neeg zoo tshaj kuv lawm kaum npaug thiab tos koj txoj kev hlub uas zoo npaum li lub me paj uas tawg tau tshiab khiv. Thov koj tsis txhob hais lub zoo zoo li koj rau kuv os mav, tus muam". "Koj xav tau yuam kev lawm os, kuv nyiam koj yog los ntawm lub siab lub ntsws nrog rau koj txoj kev hlub xwb tsis yog li koj xav ntawv. Txawm tias ris tsho tshiab tseem yuav muaj ntau npaum twg los yeej zoo tsis caug li cev uas qub tiam sis mas hnav ntev npaum cas los tsuas yog ib xim xwb tsis txawj pauv, tsis txawj ntuag," tus hluas nkauj ntawv rov hais ntxim. Lub sij hawm ntawv cia li hnov kiag suab nkauj nrov nroo ntws tuaj ces tus hluas nkauj ntawv thiaj li tau yaum kom kuv mus nrog nws dance ua ke. Xav zoj, ab! puas mus nev...ntsai yuav tau mus kom nws tsis txhob xav tias yus yog ib tug neeg siab dub. Kuv thiaj li tau mus nrog nws ua las voos ua ke thiab sib tham sib nug txog ntawm ib leeg ib tug txuas ntxiv mus.
Peb lub hlis tom qab txog rau lub 2 hlis ntuj kuv thiaj li rov cog dua txoj kev hlub zaum ob nrog rau lub me paj ncaim toj uas zoo tas los zoo thiab tsis xav ncaim tus ntxiab mus twg li. Kuv cog txoj kev hlub ruaj ntseg nrog rau nws thiab niaj hnub hlawv xyav hlawv ntawv thov ntuj, thov buddha koj tsis txhob muaj hnub uas nws yuav tso kuv tseg li lub neeg uas dhau los lawm. Nyob nyob hnub hmo tsis dhau ntev muaj ib hmos lub phone nrov leev thoob tsev daws. Kuv mus teb kiab ua ciav yog kuv tus qub ntxhiab tus neeg uas tau tso kuv tseg yav nram ntej ub. Nws lub suab tsuag lias hos hais tsis tau ib lo lus zoo rau kuv li tsuas yog tiag quaj tag los quaj thiab xwb. Xav kiag tias ua cas hmo no yog hmo dab tsi es lub ntuj thiaj li yuav tig rov qab ua rau nws rov hu kuv dua nev. Kuv thiaj li tau nug nws zoo zoo na uas cas yog nws txoj kev hlub yuj mus tsis kawg li qhov uas nws tau ua tseg. Qhov tseb tiag yog nws yuav rov tig lub siab lub ntws los hlub kuv dua ib zaug ntxiv. Thaum ntawv kuv thiaj li tau teem rau nws tias cia peb hnub sawm koj kuv mam li tuaj ntsib koj nyob rau nram ntug deb nram wb qhov chaw sib hlub sib tshua mog tus me neeg zoo. So koj lub kua muaj es luag ntxhi nawb mog. Hais li ntaw tag ces wb thiaj li tau khwb phone thiaj tso txoj kev tsaus ntuj dhau mus lawm.
|
