Twb rov txog lub caij nploog ntoos zeeg lawm los ua cas kuv txoj kev lwj siab tseem tsis tau ploj dhau mus li. Mob lub siab vim yog tias kuv txoj kev hlub tau raug tus neeg uas kuv hlub tshaj plaws muab rhuav tshem lawm. Nws zoo yam li kob nag uas tau poob los mus rau hauv av thiav qhuav mus rov qab los ua tsis tau dejntxiv lawm. Hauv kuv lub neej kuv nyob kho siab khuav vim yog kuv tseem muaj txoj kev hlub thiab tshua txog ib tug neeg uas kuv tau hlub ib vuag dhau los. Txhua niaj txhua xyoo dhau mus zuj zus kuv tsuas ntsia pom me nplooj xyoob nplooj ntoos hlav ntsuab xwb xiab thiab daj zeeg poob mus rau hauv pem teb xwb tsis pom tus kuv hlub li yav tag lawm. Txhua hnub kuv zaum ntawv ntug dej hiav txwv saib seb ua ntej thaum lub hlub yuav poob qho puas yuavg pom tus neeg kuv hlub rov qab los ua kuv tug los hlub kuv dua. Txhua hmo thaum lub hli tawm tuaj ci ntsa paug nrog rau cov me hnub qub laim txwb txias saum nruab ntug kuv zaum ntawm wb thaj chaw dai sia ntsia saib puas yuav rov hnov tus neeg kuv hlub lub me suab luag lub me suab qab zib ib zaug ntxiv.
Kuv nyob nrog lub kua muag vim yog raug tus neeg uas kuv tau hlub dag. Hnub no kuv nco txog thaum ub lub ciaj kuv txoj kev hlub tseem nyob nrog nws. Kuv muab txoj kev hlub tag nrho rau nws tiam sis tus siab uas qhov ntawv ci li rais mus ua ib txoj kev npau suav nyob rau hauv kuv lub neej xwb. Yeej yog vim tias kuv yog ib tug neeg uas tsis muaj hmoo thiab tsis txawj ntau ntawv li luag tej, tus kuv hlub thiaj li tau tso kuv tseg nrog rau lub kua muag. Tseeb tiag kuv muab ntseeg nws dlau lawm xwb tam sim no kuv tus kheej thiaj li nyob zoo li no.
Tsib xyoos twb tau hlau mus lawm los kuv tseem nco tsis muaj hnub nploj hauv nruab siab. Lub caij thaum nws tau hais rau kuv tias kom kuv nyob ua siab ntev tos nws mus kawm ntawv txawv chaw kom tiav rov los tso wb mam li sib sau los ua neej. Tiam sis kuv txoj kev npau suav tau dag kuv nyob tos nws tau kua xwb tsis tau phuas. Thaum kuv hnov dheev tias tus kuv hlub yuav rov los tsev, kuv tus kheej zoo siab heev thiab pw tsis tsaug zog ib hmos tsuas yog xav kom lub hli rais mus ua lub hnub hos txoj kev tsaus ntuj rais mus ua txoj kev kaj ntug es thiaj li yuav ntsib nws sai sai. Hmo ntawv kuv pw xav ntsoov txog nws lub me ntsej muag luag ntxhi ib hmos tsis tuaj ib tug dab ntub li. Tag kis rees thaum hmos dlaus mus lawm lub hnub tshiab pib tawm plaws tuaj, me noog liaj noog luv ya puv ntuj hos kev kaj ntug rov los txog lawm tiag. Kuv sawv tsees saum txaj los, ntxuav kiag qhov muag, ntsis kiag plob hau thiab hnav tsuag tsuag ris txho. Kuv dhia loj mus rau tom tsheb npaj loo mus tiv lub tsheb twb tsis nco qab rau khau tag. Kuv zoo siab heev nyob rau puas hauv nruab siab nrog rau txog kev kaj ntuj. Luag ntxhi rau me xyoob, me ntoo, me roob, me hav uas kuv tau ntsib thiab dhau mus thaum lub tsheb khiav hauv txoj kev.
Thaum lub dav hlau yuj hlias los tsaws nkaus kuv ob lub qhov muag pom ntshiab khiv mus rau puag tom hauv ntev. Zoo siab twj ywm tias zaum no yuav rov pom tus kuv hlub dua mus raws li lub siab xav. Ib nyuag plig ntsis thaum neeg tawm nroo ntws hauv lub dav hlau los kuv lub ntsiam muag pom zim zuag li ib tug neeg nyob ntawm tus kuv hlub ib sab nrog nws ua ke los. Kuv lub siab dhia puj poog thiam sis mas ob lub kua muag poob ntav ntawm ntsiab muag. So kiag kua muaj thiab luag ntshi rau nws tiam sis mas ua ib siab tsis puag nws. Kuv lub siab poob ntav zoo li hluas taws cig los kub kiag lub cev thaum nws taw tes rau lwm tus ntawv kub ib sab ua tsis yog kuv tias "tus nov yog kuv tus boy friend". Zoo li lub hnub lub hli plog ntais mus lawm hos nag xab nag cua npoo ntws xwb. Kuv yuav ua ib siab tso nws mus rau luag tus nws hlub thiab nyob nrog txoj kev tsaus ntuj nti. Mam li cia kuv zam txoj kev rau nws tsuas yog thov kom nws taug txoj kev ntawv mus kom txog hlub kawm xwb ces zoo kuv siab lawm.
