| ENA
Eguna ospatuko dute hilaren 29an,
Bermeon
ENA
Elkartea ETArekin lotuz kaleratu «irainak»
salatu dituzte
Joseba Arruti / Bilbo
ß
Euskal Nortasuna Elkarteak lehen ENA
Eguna ospatuko du hilaren 29an Bermeon
eta, jai giroko egitarauaz gozatzeaz
gain, ENAren aldekoen biltzar nagusia
egingo dute egun horretan. Bestalde,
Elkarteko Urtzi Ihitzak azkenaldian
ETArekin lotu dituzten informazioak
salatu zituen.
BERMEO (Bizkaia) aukeratu dute Euskal
Nortasuna Elkarteko kideek hil honen
29an lehen ENA Eguna egiteko, «udalerri
horretako udala izan zelako ENA
ofizializatu duen lehena». Jai giroko
egitaraua prestatzeaz gain, Elkarteko
kideek atzo prentsaurrekoan adierazi
zutenez, Euskal Nortasun Agiriaren
aldekoen lehen biltzar nagusia egingo
dute kostaldeko herrian.
ENA Egunaren aurkezpena egiteaz gain,
Euskal Nortasuna Elkarteko Urtzi Ihitzak
azkenaldian euren aurka zenbait
hedabidetan agertutako «irainak eta
gezurrak» salatu zituen. Bere esanetan,
«gezurra da gure elkartea ETAren
ingurukoa denik, ekimen guztiz bakezalea,
kulturala eta euskararen
normalizazioaren aldekoa baita».
Bestalde, Elkarteko kideek
elkartasuna adierazi zioten bere burua
ENArekin identifikatu ostean epaitu eta
absolbitu berri duten Ińigo Fernandez
Martikorena gazteari eta baita urriaren
5ean desobedientzia zibila bultzatzeaz
akusatuta atxilotutako bederatzi lagunei
ere.
Cardenalek dio ENA kaleratzen dutenen
kontra jo daitekeela 2000-10-27
Euskal nortasun agiria kaleratzen
dutenak prozesatuak izan daitezkeela
esan du Jesus cardenal Espainiako
Estatuako fiskal nagusiak. «Ardura ez
da karneta jasotzen duenarena edo agiri
egokia delakoan erakusten duenarena,
baizik eta kaleratzen duenarena, ongi
baitaki ez duela legez horretarako
autoritaterik», azaldu du. Hala,
autoritatea ordezkatzearen delitua
lepora dakiekeela esan du.
|
