TTT-Himnaro Cigneta (al la titolpagxo)

KRISTNASKO

Aŭdu! kantas anĝel-ĥor'

Aranĝita laŭ alia melodio (COOKHAM)

Originalo : Hark! the herald angels sing

Alia Traduko : Kantas anĝelara ĥor'

Verkis (angle) Charles WESLEY, 1738
Esperantigis : William John DOWNES

Fonto : AK 42 (= Ad 205)

  1. Aŭdu! kantas anĝel-ĥor':
    "Nun naskiĝis la Sinjor'!
    Pro kompat' pekulojn Di'
    Repacigas nun kun Si!"
    Homoj tra la tuta tero,
    Resonigu tra l' etero
    L' anĝel-kanton pri la ven'
    De la Beb' en Betlehem'!
        Aŭdu! kantas anĝel-ĥor':
        "Nun naskiĝis la Sinjor'!"

  2. Krist', eterne la Sinjor',
    Adorata en la glor',
    Je la horo de destin'
    Ido de la Virgulin';
    Karne vualita Li
    Estas homiĝinta Di',
    Inter ni kun sava cel'
    Venis Li, Emanuel'.
        Aŭdu! kantas anĝel-ĥor':
        "Nun naskiĝis la Sinjor'!"

  3. Li, ĉiela Princ' de Pac',
    Li, la suno de justec'
    Grace donas al l' anim'
    Lumon, vivon, preter lim'.
    Venis Li de Sia trono,
    Ke ne devu morti homo,
    Sed ke li naskiĝu por
    Vivo en eterna glor'.
        Aŭdu! kantas anĝel-ĥor':
        "Nun naskiĝis la Sinjor'!"

Melodio: MENDELSSOHN
Aranĝis William H. CUMMINGS, 1856
el komponaĵo de Felix MENDELSSOHN, 1840
MIDI TCH


TTT-Himnaro Cigneta
estas filia TTTejo de
Eldonejo Cigneto
Hosted by www.Geocities.ws

1